PILIPINO, PARA KANINO?

( Reaksyong Papel) Hindi masamang maghangad ng kaunlaran ngunit dapat

nasa tamang paraan, dapat ay napagplanuhan at hindi mawawala ang ating tunay na
pagkakakilanlanbilang isang Pilipino. Malinaw na naipaliwanag sa midyum na ito ang mga pagkukulang
sa kurikulum sapagkat nababawasan nito ang kapasidad ng mga mag-aaral na mas lalong paigtingin ang
pagkatuto at pag-aaral sa sarili nating wika dahil pinapatay nito ang intelekwalisasyon ng Wikang
Filipino. Ayon kay Ramon Guillermo, ang ating wika ay sumisimbolo sa atin bilang isang Pilipino, ngunit
hindi lamang maging simbolo ito,bagkus ay kailangang gamitin dahil ito ang kumakatawan sa mga sarili
natin. Sa usaping pagkakaroon ng karagdagang-taon sa mababang paaralan o K-12 masasabing hindi
lubos na napaghandaan ng mga estado ang mga negatibong dulot nito. Tulad na lamang ng kakulangan
ng mga guro na magtuturo sa Senior High School, kakulangan sa silid-aralan at ang pagbabago ng
kurikulum na ituturo sa mga mag-aaral. Masyadong naituon ng administrasyong Aquino ang
pangangailangan sa ekonomiya kaya’t hindi nagkaroon ng mahusay na pagbibigay ng bagong memo.
Bilang isang mag-aaral sa mataas na paaralan, kailangan paring ituro sa kolehiyo ang Filipino upang mas
lalong mahubog pa ng henerasyon namin ngayonang sarili nating wikanasa tingin ko aymaipapasa pa
namin sa susunod na henerasyon. Ang aking tindig sa mga usaping ito ay hati, sapagkat mayroon din
tayong kapakinabangan sa karagdagang dalawang taon sa mababang paaralan o K-12, ngunit kailangan
parin ng mga mag-aaral sa mataas na paaralan ang mga Filipinong asignatura, upang mas lalong
malinang ng mahusay ang sarili nating wika at higit sa lahat hindi natin lubos na makalimutan ang
Filipino nabukod tanging atin at kumakatawan sa ating mga sarili bilang isang Pilipino.

SULONG WIKANG FILIPINO! Bienvenido Lumbera( Reaksyong Papel) Batay sa pagsusuri ni Bienvenido
Lumbera, ang ating wika ay isang palatandaan ng identidad ng isang bayan. Ito rin ang naguugnay sa
bawat isa sa atin, maging sa pamilya at sa ating pinanggalingan. Ayon din sa kanya ang CHED Memo ay
isang produkto ng kolonyal na edukasyon dahil na rin sa pagkasakop sa atin ng dalawang bansa sapagkat
naitanim sa ating mga kamalayan na kung ano ang ibinibigay ng mga may kapangyarihan ay iyon lamang
ang ating magiging batayan. Tayo ay nagiging depende sa pamantayan ng kanluran kung kaya’t
sinasawalang-bahala natin ang ating sariling wika upang mapantayan natin ang estado nila. Na
nagdudulot ng mga negatibong kahihinatnan ng kapwa natin Pilipino. Isa na dito ang maraming guro na
hindi na makapagtuturo ng Filipinong asignatura dahil sa pagbabawas ng yunit ng Filipino sa mataas na
paaralan. Kung kaya kinakailangan nating buhayin, paigtingin at lubusang linangin ang sarili natin wika.
Ayon parin kay Bienvenido Lumbera, tayo daw ay nag-aangkop sa sistema ng kanluran kaya’t palaging
kinumpuni natin ang ating sariling sistema. Ito ay nagbibigay pahiwatig na hindi tayo nakukuntento sa
sariling atin at nagdudulot ng magulong sitwasyon. Ang Ched Memo ay kailangan pag-aralan muli at
pagplanuhan para sa mahusay na kalalabasan.