SEREMONYA SA PAGTATALAGA NG KAWAN

PORMASYON: Bukas na hanay na ang pag-itan ay isang braso ang haba.

MGA TAUHAN: Buong kawan
MGA KAGAMITAN: bandilang may kulay pula, dilaw, bughaw at luntian, kandilang
may kulay pula, dilaw, lunti, at bughaw

SEREMONYA:
Pagmartsa ng mga KAB SCOUTS at mga kasapi ng lupon, upang Gawain ang pormasyon sa
pangunguna ng Color Group Leader at mga Asst. Kawan Leader ng mga KAB SCOUT, ang kanyang
katulong ay nasa likuran ng ibang katulong na lider upang tingnan ang papasukan ng mga KAB
SCOUTS.
Punungguro: (Hawak ang bandilang may apat na kulay)

Mga magulang, panauhin at mga KAB SCOUTS, isang malaking kaligayahan para sa akin na
pangunahan ang seremonyang ito na siyang magsisimula ng kahanga-hangang karanasan sa
Scouting na magbibigay sa ating lahat ng maraming katuwaan, kasayahan at kapakinabangansa isa’t
isa. (Itutusok sa mataas na bahagi ng punong saging ang hawak na bandila.)

KAWAN LEADER: Ang punong saging na ito ang kumakatawan sa ispiritu ng Scouting na sagisag
ng paglago ng mga batang Scout sa buong mundo. Ang luntiang kulay nito ang kumakatawan sa
kalusugan ng kilusang Scouting. (Gagawin ang senyas ng KAB SCOUT at sabay-sabay nating
bibigkasin ang “Pangako at Batas ng KAB SCOUT”). Pagkatapos ang bigkas, itanong “Paano
kaya natin maisasagawa ito?”

KAWAN LEADER: Ang susunod po ay ang pagbigkas ng simulain ng kilusan ayon sa kulay na
sumasagisag:

Unang KAB SCOUT: (Dilaw na bandila) Ang bandilang ito’y kumakatawan sa mga simulain ng KAB
Scouting. Mabubuhay tayo sa mga simulain at mga layunin na ating inihanda na siya nating
hantungan (Itutusok ang watawat sa puno ng saging).

Ikalawang KAB SCOUT: (Luntiang bandila) Ang bandilang ito’y kumakatawan sa mga kasanayan
na ating natutuhan at ang paglahok sa ting isinasagawa ng buong puso upang tayo’y maging handa
sa pagtulong sa iba. (Itutusok ang bandila sa puno ng saging).

Ikatlong KAB SCOUT: (Pulang bandila) Ang bandilang ito’y kumakatawan sa paglilingkod na ating
gagawin ng buong puso para sa iba. Magtutulungan tayo upang maging magkaibigan, magalang at
maaalalahanin at ng tayo’y makagawa sa araw-araw. (Itutusok ang bandila sa puno ng saging).

KAWAN COMMITTEE CHAIRMAN: (Bughaw na bandila) Iyan ang tunay na kahulugan ng ating
gagawing pamumuhay sa ating Kawan.

KAWAN LEADER: Ipinakikiusap ko po sa ating mga magulang, Ninong at Ninang na sila ay tumayo
sa may likuran ng kanilang anak oaanakin, sagisag na sa ano mang adhikain ay nasa likuran kayo ng
mga batang ito. (Ilalagay ang alampay o neckerchief sa leeg ng mga bata).

KAWAN LEADER: (Mga magulang, ninong o ninang, itaas po ninyo ang inyong kanang kamay
sa ayos ng panunumpa at sumabay kayo sa akin.

“Ako’y nangangakong
Gagawin ang makakaya
Upang akayin ang mga batang ito
Sa maliwanag at tamang landas ng buhay.
Upang lumaki sila na mabubuting mamamayan
Ng ating bansang Pilipinas, kaya tulungan mo po kami
Mahal na Panginoon.”

Awit: “Dito ay Masaya”