Professional Documents
Culture Documents
Steps To Christ Tumbuka
Steps To Christ Tumbuka
MARONJE............................................................................................................ 3
KUTEMWA KWA CIUTA PA MUNTU .......................................................................... 5
MUNTU WAKWANANGA WAKUKAVUKA KRISTU ..................................... 11
KUNG’ANAMUKA MU MTIMA ....................................................................... 16
KUZOMERA ....................................................................................................... 28
KUJIPEREKA ...................................................................................................... 32
CIPULIKANO NA KUPOKEREREKA ............................................................... 37
CIPIMO CAKUBIRA MSAMBIRI WA YESU .................................................... 43
KUKURA KUYANA NA KRISTU ...................................................................... 50
MILIMO YA UMOYO........................................................................................ 58
KUMUMANYA CIUTA ......................................................................................64
UWEME WA KUROMBA ................................................................................. 70
UMO TINGACITIRA NAYO NKAYIKO ...........................................................80
KUKONDWA MU FUMU ................................................................................. 87
MARONJE
Mu makutu ghanandi mukupulikikwa kucema kwa ucizi, Zani kwa Ine” —
Kucema kwa lusungu kwa Mponoski mweneuyo mtima wake wakutemwa
ukunwekera wose awo bakupuruka na kutayana nayo Ciuta; ndipo mu
mitima ya banandi awo bakulampa-lampa kusanga covwiro ca Yesu Kristu,
mukuwuka khumbo lakuwerera ku nyumba ya Ba Dada. Ba nteura aba
kabiri kabiri bakuwerezgaso fumbo la Tomasi, ili likuti: “Tingamanya tdi
ntowa? ” MGK 4.1
Nyumba ya Ba Dada yikuwoneka ngati yiri patali, ndipo ntowa yake
yikuwoneka nga njinonono na yambura kumanyikwa. Kasi Makwerero
ghakulongozgera kukaya ndi nga? MGK 4.2
Zina la buku ili likuphara mlimo wake. Likurongora kwa Yesu kuti ndiyo
pera wangamanya kukwaniska ivyo umoyo ukukhumba na kurongozgera
marwayo gha awo bakukayika na kudonda-donda ku “Ntoiva ya Mtende. ”
Likurongozga muntu yose uyo wakukhumba urunji na nkaro yakufikapo,
lwayo limoza limoza, mu ntowa ya ci-Kristu, kuya kafika ku uzali wa
vitumbiko ivyo vikusangika mu kujipereka kwa Iyo na cipulikano cambura
kusunkunika mu ucizi wakuponoska na nkongono zakusunga za Mbwezi wa
bakxuananga. MGK 4.3
Kulongozga uku kukusangika mu buku ili kuli kutolera cimwemwe na
cigomezgo ku ma umoyo ghanandi agho ghakusuzgika, ndipo kwawovwira
barondezgi ba Yesu banandi kwenda mwakudina na kukondwa mu
marwayo gha Mrongozgi wawo wa kucanya. MGK 4.4
Tikugomezga kuti buku ili litiyeghere utenga wenewuwu kwa banji
banandi-nandi abo bakukavuka covwiro ici. MGK 4.5
“Ntowa yiwoneke
Makwerero ghakurutira kucanya.” MGK 4.6
Kukacitika nteura kwa Yakobe, penepapo wakafinyirizgika na wofi kuti
kwananga kwake kwamupatula kwa Ciuta, iyo wakaba mu tulo twake,
ndipo “wakalota, ndipo ehe! Makwerero ghakima pasi pa caru, ndipo
kusongo kwake kukafika kucanya. ” Nteura ulalo wakugumanya kucanya na
caru ca pasi ukavumbukwa kwa iye, ndipo mazgu ghakusangwiska na
ghakupa cigomezgo ghakayowoyeka kwa mayinga yura kufuma kwa Uyo
wakimilira pa songo la makwerero. Mboniwoni ya kucanya iyi
yiwerezgekeso ku banandi apo bakuberenga makani agha gha ntowa ya
Umoyo. MGK 4.7
BASINDIKIZGI.
KUTEMWA KWA CIUTA PA MUNTU
Para Satana wakwiza kwa iwe na kukuphalira kuti uli mheni comene,
labiska kwa Mponoski wako, ndipo yowoya vya lusungu lwake. Ico
cingakovwira iwe ndi kulabiska ku ungweru wake. MGK 28.1
Zomera zakwananga zako, kweni muphalira murwani uyo kuti— “Kristu
wakiza mu caru, kwiza kaponoska bakwananga”. (1 Timote 1: 15), na kuti iwe
ungamanya kuponoskeka na kutemwa kwake kwambura kumara. Yesu
wakafumba Simone vya ba mateu babiri. Yumoza wakateura ndalama
zicoko waka ku Fumu yabo, munyake wakateura zinandi, kweni iyo
wakabagowokera babiri wuwo, ndipo Kristu wakamfumba Simone, “Ndi nju
wa iwo wamutemwenge kwakuruska? ” Simone wakazgora, “ndi uyo
ivakamugowokera comene”. (Luka 7: 43). Ise tili kwananga comene, kweni
Kristu wakafwa mwakuti tigowokereke. Sembe yake njakufikapo kuti
yiwoneke pa maso gha Ba Dada mu malo ghithu. Bene abo wali
kubagowokera vinandi ndiwo bati mtemwe kwakuruska, ndipo bati bimirire
pafupi pa cizumbe cake kumuwonga cifukwa ca kutemva kwake kukuru na
sembe yake ya muyirayira. Tikupanikizga nkanira nkanira kutemwa kwa
Ciuta. Para ise tikuwona utali wa unyolo uwo ukaponyeka pasi cifukwa ca
ise, para ise tikupulikiska na sembe ya muyirayira iyo Kristu wakaperekera
ise, mtima ukusongonoka na kusweka na kujiyuyura. MGK 28.2
KUZOMERA
UYO wakubisa zakwananga zake kuti tiwabe na mwabi cara,kweni uyo
wakuzizomera na kuzireka tiwapokere lusungu”. (Zintarika 28: 13). Kabiro
kakupokererapo lusungu lwa Ciuta nka pafupi, nka urunji ndipo nka
kwenerera. Yehova nta wakutifumba ise kucita cintu cikuru mwakuti
tipokere cigowokero ca zakwananga. Nta wakukhumba kuti tende ma
ulendo ghatali ghakuvuska, nesi kucita vintu vinyake vyakubinyiska, nesi
kupereka ma umoyo ghithu kwa Ciuta wa kucanya, nesi kumupepeka
cifukwa ca zakwananga zithu; kweni— “Uyo wakuzomera na kureka
zakwananga zake wati wapokere lusungu” MGK 29.1
Mpostoli wakuti, “Nteura vumbuliranani zakwananga zinu, ndipo
romberanani, mwakuti mucizgike. ” Vumbulani zakwananga zinu kwa Ciuta,
uyo wangamanya kugowokera, na mapuvyo ghinu kwa yumoza na mnyake.
Usange wamunangira munyako, ruta ukazomere kwa mweneyuyo ndipo ndi
mlimo wake kukugowokera iwe. Penepapo ukafumbe cigowokero ca Ciuta,
cifukwa munyako uyo wangumunangira ndi katundu wa Ciuta, ndipo
pakumupweteka iyo wanangira Mlengi na Mwomboli wake. Mlandu
wenewuwo ukutorekera pa Mwimiriri wa unenesko, Msofi Mukuru,
mweneuyo, “Wakayezgeka mu vyose kwakulingana na ise, kweni wambura
kwananga, ” na uyo, “Wakulenga lusungu cifukwa ca mauteci-teci ghithu”.
(Ba Hebere 4: 15). Ndipo ngwankongono kusuka kwananga kose. Bene awo
bandapereke ma umoyo ghawo kwa Ciuta na kuzomerezga zakwananga
zawo, bacali bandadyake pa kwelero la kwamba lakupokerereka. Usange ise
tindang’anamuke nteura, ndipo tindazomere zakwananga zithu na mtima
wakusweka na wakujiyuyura, na kuzinyanyala zakwananga zithu, ipo tilije
kucikhumba cigowokero na mtima wose, ndipo usange tilije kucikhumba,
tilijeso kusanga mtende wa Ciuta. Cifukwa ico tikutondekera kusutuka ku
nkongono ya kwananga kwa kale ncakuti tikukana kujiyuyura mu mitima
yithu na kuphemana na kacitiro ka mazgu gha unenesko. Mazgu
ghakunjiriki- zga pa makani agha ghali kuyowoyeka makora. Kuzomera
zakwananga nanga mpa wumba wa bantu panji mu ubendi, kubenge
kwakufuma mu mtima mukati na kwandulika makora. Wakwananga waleke
kucicizgika. Waleke kuyowoya kwambura kupwelera, nesi kucita
kucicizgika na awo bakumanya cara uheni wakwananga. Kuzomera uko
kukufumira pasi pa mtima kukusanga ntowa ya kuya kwa Ciuta wa lusungu
lwambura kugota. “Yehova wali pajupi na awo mbakupyoka mu mtima, ndipo
wakuponoska awo mba mzimu wakupera. ” (Masalmo 34: 18). MGK 29.2
Kuzomera kwa unenesko mazuba ghose nkwa kabiro kakumanyikwa
makora kakuzunura zakwananga izo zacitika. Nanga zibe zakuyakazomera
kwa Ciuta pera; panji zakuyakazomera pa maso pa bantu banji beneawo
zakwananga zithu zikubasuzga, panji za kumanyikwa kwa wose, ndipo
zikwenera kuzomerera pa maso pa bantu wose. Kweni kuzomera kose
kukwenera kuba kwa unenesko kwa kuzunula zakwananga zenezizo
wacita. MGK 30.1
Mu mazuba gha Samuel, ba Israeli bakapatukana na Ciuta.
Bakasuzgikanga cifukwa ca kwananga kwawo, cifukwa bakataya cipulikano
cawo mwa Ciuta, bakataya cimanyikwiro ca nkongono zake, na vinjeru
vyake vyakuwusira mtundu wene wuwo; ndipo bakataya cipulikano mu
vinjeru vyake vyakuvikirira na kurongora mlimo wake. Bakapatukako kwa
muwusi wa caru cose, ndipo bakakhumba kuwusika nga ndi mitundu iyo
yikabazingirizga. Pambere bandasange cimango bakazomera pa kweru na
kunena, “Pakuti tasazgako ku uheni withu wose kwananga uku, kujirombera
themba”. (1 Samuel 12: 19), bakazomera kwananga kwenekuko bakacita
kuwura kuwonga kwawo kukasuzga ma umoyo ghawo na kubapatula kwa
Ciuta wawo. MGK 30.2
Kuzomera nta kungapokerereka na Ciuta kwambura kuti nkung anamuka
na kunozgaso. Kweni umoyo usintike; cintu cose ciheni mu maso gha Ciuta
cilekeke. Mlimo uwo ukwenera kucitika ku lwande lithu ukwandulika
makora: “Sambani, mujitoweske, fumyaniko uheni wa milimo yinu pamaso
pane: rekani kucita uheni, sambirani kucita uweme; penjani weruzgi
wakunyoroka, wovwirani bakusuzgika, bavikirirani baranda na vyokoro”.
(Yesaya 1. 16-17). “Usange muheni wakuwezga cikholi, kuwe- zga ico
wakapoka na kwiba, na kwenda mu vilayizgo vya umoyo, kwambura kucita
ubendezi, wati waghume nadi, wafwenge cara”. (Ezekiel 33: 15. ) MGK 30.3
Pakuyowoya na kung’anamuka, Paulos wakuti, “Cifukwa ehena, cenecici,
cakuti mukalengekera citima, cakuyana na khumbo la Ciuta, cikacitikira
mwa imwe pampu uli, kujidapizga uli, kuceruka uli, kopa uli, kunweka uli,
mwampu uli, nduzga uli! Mu tuntu tose mukajirongora kuti midi batuba mu
mrandu wura”. (2 Ba Korinte 7: 11). MGK 31.1
Para kwananga kwakoma visimikizgo vyakakhaliro kaweme, muntu
wakucita viheni nta wakuwona ukuru wa viheni ivyo wacita; ndipo
kwambura kuti walamba ku nkongono ya kususka ya Mzimu Mutuba wati
wakhalilire mu cisi cakuwura kumanya uheni wake. Kuzomera kwake kuti
nkwakuneneska cara. Para wasangika wacita kwananga, wakupenja
pakugwentera ndipo nyengo yose iyo wakucenyeka, wakuyowoya kuti nga
kubengevye cakuti, eh! mphanyi nkacita ici cara! MGK 31.2
Adamu na Heva bakati barya vipasi vyakukanizgika vira, bakalenga soni
na kofiwa. Pakwamba bakaghanaghananga kusanga pakudapilira kwananga
kwabo, na kuti bapone kuceruzgo ca kofya ca nyifwa. Apo Yehova
wakabafumba na kwananga kwabo, Adamu wakazgora, na kuvulira
kwananga lwande lumoza kwa Ciuta, lwande lunyakhe kwa muwoli
wake: “Mwanakazi mweneuyu mukandipa kuti wakharenge nane, ndiye
wakandipa vya kuni, ndarya”. (Mwanakazi wakavulira kwananga uku pa
njoka wakati, “Njoka yikandipusika ine, nkarya”. (Genesis 3: 12, 13). Uko
ndiko kuti, — Mukayilengeraci njoka? Mukayizomerezgeraci kunjira mu
Edeni? Agha ndigho mafumbo agho wakafumbanga pakuyezga kusanga
pakugwentera kwananga kwake, nteura bakatinkha Ciuta cifukwa ca
kutondeka kwawo. Umoyo wakujizgora murunji ukatika na wiske wa-utesi,
ndipo uli kubulika mu bana wose ba Adamu. Kuzomera kwa mtundu uwu
nta kukufumira mwa Mzimu wa Ciuta, ndipo nta kukupokerereka kwa
Ciuta, Kung’ anamuka kweneco kuti kumurongozgere muntu kuthwika
kwananga kwake-na-kwake, na kuzomera kwambura upusikizgi. Nga ndi
wa msonko yura, wakakhumba cara nanga nkwinuskira maso ghake
kucanya, wakacemerezga, “Ciuta, mundilengere lusungu ine
ndawakwananga. ” Ndipo awo bakuwona na kuzomera kwananga kwawo
bati barunjiskike, cifukwa Yesu wati wababeyerere na ndopa zake kovwira
umoyo wakung’anamuka. MGK 31.3
Viyerezgero vya kung’anamuka kweneco na kujicepeska mu Mazgu gha
Ciuta vikurongora mzimu wakuzomera kwambura kugwentagwenta
kwananga, nesi kujirunjiska. MGK 32.1
Paulos nta wakakhumba kujibisa; wakwandura kwananga kwake nga ndi
umo kulili, kwambura kuyezga kuwucepeska wakuti, “Ndipo batuba
banandi? ikabajariranga ine mu nyumba ya vikondo, nkati ndapokera
mazaza ku Basofi-Barara; ndipo para bakakomekanga iwo nkazomerezga.
Ndipo pakubalanga kanandi mu ma-Sunagoge ghose, nkabacicizganga kuti
batuke; ndipo pakufuntira comene nkabazikizganga kuya kafika na kuvikaya
viyeni wuwo”. (Milimo 26: 10, 11). Nta wakukayika pakuyowoya kuti, “Yesu
Kristu wakiza mu caru kwiza kaponoska bakwananga; wa beneabo cibinda
ndine”. (1 Timote 1: 15). MGK 32.2
Mtima wakusweka na wakujiyuyura, wakuthereskeka na kunganamuka
kweneco, uti umanyiske kutemwa kwa Ciuta na mtengo wake wa mphinjika;
ndipo nga ndi umo Mwana wakuzomerezgera kwa Ba Dada, bakutemwa,
nteuraso wakung’anamuka kweneco wati wize nawo uheni wake wose
panthazi pa Ciuta. Ndipo kuli kulembeka, “Usange tikuzomera zakivananga
zithu, lye ngwakugomezgeka na murunji kutigowokera zakwananga zithu, na
kutitozga ku ubendezi wose”. (1 Yohane 1: 9). MGK 32.3
KUJIPEREKA
PHANGANO la Ciuta nda kuti, —“Muti mundipenjenge na kundisanga,
para mukundipenja na mtima winu wose”. (Yeremiya 29: 13). MGK 33.1
Mtima wose ukwenera kuperekeka kwa Ciuta, mzire kusinta kutondeke
kucitika mkati mwithu kwenekuko kungatiwezgera mu kabiro kake.
Mukawiro kithu tili kupambana nayo Ciuta. Mzimu Mutuba ukwandura
kakhaliro kithu na kuti— “Mukaba bakufwa mu majuvyo na zakwananga
zinu”. “Mutu wose warwara, mtima wose waropwa; mulije umsuma”. (Ise
takoreka umikoli na Satana, “mwenemumo tikakoreka na iye, mu khumbo
lake”. Ba Efeso 2: 1, Yesaya 1: 5, 6; 2 Timote 2: 26.). Ciuta wakukhumba
kuticizga na kutisuka. Kweni pakuti ivi vikukhumba kusinthika nkanira,
kunozgaso nkaro yose ya muntu, tikwenera kujipereka bamusuma kwa
Iyo. MGK 33.2
Nkondo yakurwa na khumbo lithu, ndi nkondo yikuru yakuruska vyose.
Kujipereka, kupereka vyose ku khumbo la Ciuta, pakukhumbikwa nkondo;
kweni umoyo ulambenge kwa Ciuta pambere undanozgeke kuba
utuba. MGK 33.3
Ufumu wa Ciuta, kuti uli nga ndi umo Satana wangaulongolera cara,
wakukhazikika pa kutonda kwa ucibulumutira, na kuwusa kwambura
kwenerera. Ukubeyerera ba vinjeru na ba kuwa njubi, “Zaninge pera,
tiranguruke na kupana fundo. ” (Yesaya 1: 18), ndiko kucema kwa Mlengi ku
bantu awo wakabalenga. Ciuta ntawakucicizga khumbo la vilengiwa vyake.
Iye nta wangapokera cisopo ico nta cikufuma mu mtima wakukhumba na
kuzomera. Kulamba kwakucita kucicizga kukukanizga kukura kweneco kwa
mtima na nkharo; kuti kumuzgore muntu kuba nga ndi makina, agho
ghakwendeskeka na murongozgi. Ili kuti ndilo khumbo la Mlengi cara. Iyo
wakukhumba kuti muntu, mweneuyo ncilengiwa ca mu ufumu wake
wankongono zose, wakwenera kukula comene kwakuyana na umo
wangamanya kucitira. Iyo wakutibikira pa maso pithu msinkhu wa
thumbiko uwo waku- khumba ise kuti tifikepo na ucizi wake. Iye
wakuticema kuti tijipereke kwa Iye, mwakuti wacite khumbo lake mwa ise.
Kwakhalira ise kuti tisankhe usange tikukhumba kusutulika mu wuzga wa
kwananga, na kwizakasangana wanangwa wa ucindami wa bana ba
Ciuta. MGK 33.4
Pakujipereka kwa Ciuta, tikwenera kuwuskako vyose ivyo vingatipatula
kwa Iyo. Lekani Mponoski wakuti, “Nteura pera uyo yose wa kwa imwe
wakureka kutaya vyose ivyo wali navyo, kuti ivakumanya kuba musambiri
wane cara”. (Luka 14: 33). MGK 34.1
Mu Getsemane Yesu wakayegha citima na zakwananga za caru ca pasi.
Cose ico cikuguza mtima kuwufumyako kwa Ciuta cikwenera kulekeka. MGK
34.2
Ciuta nta wakukhumba kuti ise tileke ico cikuticitira uweme para tili naco.
Mu vintu vyose ivyo Iyo wakucita wakurata pa kubacitira uweme bana bake.
Ciuta wakukhumba kuti bose awo bandasankhe Kristu mphanyi bamanya
kuti Iyo wali na vintu vinandi viweme vyakubapa kwakuruska ivyo
bakujipenjera bekha. Muntu wakucita uheni na ngozi yikuru comene ku
umoyo wake para wakucita vintu na kughanaghana kwakupambana na
khumbo la Ciuta. Cimwemwe ceneco nta cingasangika mu ntowa iyo yili
kukanizgika na Mweneuyo wakumanya ivyo nviweme kwa ise, mweneuyo
wakunozgera vinjeru viweme ku vilengiwa vyake. Ntowa ya kuswa marango
ndi ntowa ya vitima na pharaniko. MGK 35.4
Kughanaghana kuti Ciuta wakukondwa para bana bake bakusuzgika
nkwananga. Kucanya kose kukukondwa na cimwemwe ca bantu. Ba Dada
bithu bakucanya nta bakujara ntowa za cimwemwe kwa cilengiwa cake cili
cose. Marango ghakucanya ghakutiphalira ise kuti tileke viheni vyene ivyo
vikutitolera suzgo na masoka, vyenevivyo vikatijalira muryango wakucanya
na wa cimwemwe. Mponoski wa caru wakupokerera bantu mumo balili, na
maukavu ghawo ghose, maubendezi ghawo na mauteci-teci ghawo, ndipo
kuti wati wabasuke ku zakwanaunga zawo na kubapa ciponosko mu ndopa
zake pera cara, kweniso wati wafiske vyose ivyo yikukhumba mitima ya awo
bazomera kuvwara golowoli lake, na kuyegha katundu wake. Khumbo lake
ndakuti wapereke cimango na cipumulo kwa wose awo bakwiza kwa Iyo
kupenja cingwa ca Umoyo. Iyo wakukhumba kuti ise ticitenge milimo
yeneiyo yingamanya kurongozga marundi ghithu ku vitumbiko vya kucanya
vyene-ivyo bantu bambula kupulikira nta bangavipokera. Cimwemwe ca
unenesko ca-umoyo nkukhara na Yesu mu mitima yithu, mweneuyo ndi
cigomezgo ca ucindarni. MGK 36.1
Banandi bakufumba, “Kasi ndingajipereka uli kwa Ciuta? ” Iwe
ukukhumba kujipereka kwa Iye, kweni uli wakutomboroka mu nkongono
zako, uli muzga wa nkayiko, na wakuwusika na nkharo ya umoyo wako wa
kwananga. Kulimbalimba kwako na mapangano ghako vili ngati ndi vingwe
vya mcenga. Nta ungamanya kuwusa maghanoghano ghako, makhumbiro
ghako, kutemwa kwako. Pakumanya kuti ukuswa maphangano ghake,
ndipo vikholi vyako ivyo ukutondeka kufiska vikutomboloska cigomezgo ca
kubikapo mtima kwako, ndipo kukughanaghaniska kuti Ciuta nta
wangakupokerera; kweni uleke kuwa nkhumbi. Ico ukwenera kumanyiska
ndi unenesko wa khumbo. Yeneyiyi ndiyo nkongono yakuwusa nkhalo ya
muntu, nkongono ya kusankha. Kali kose kakukhora pa kacitiro kaweme ka
khumbo. Nkongono yakusankha, Ciuta wakayipereka ku bantu, kuti
batebetenge nayo. Iwe nta ungamanya kusinta mtima wako, iwe wekha nta
ungamanya kupereka kutemwa kwako kwa Ciuta; kweni ungamanya
kusankha kumtebetera Iyo. Ungamanya kumupa khumbo lako; penepapo
wati wacite mlimo mwa iwe kukhumba na kucita wuwo kwakuyana na
kukondwa kwake. Nteura nkalo yako yose yitube, yakuwusika na Mzimu wa
Kristu; kutemwa kose kuti kube mwa Iye, maghanoghano ghake khati ghabe
ghakuyana na Iye. MGK 36.2
Kudoka kucita uweme na kutowa mtima nviweme, kweni usange ukugota
papo, nta viti vyandure kanthu. Banandi tibatayike uko bakugomezga kuti
bati bazgoke ba Kristu. Nta bakufikapo pa kupereka khumbo lawo kwa
Ciuta. Nta bakusambira nkanira sono kuti babe ba Kristu. MGK 37.1
Usange ungacita nalo makora khumbo lako, umoyo wako ungamanya
kusinthika nadi. Pakupereka khumbo lako kwa Kristu, ukujibatika ku
nkongono yakuruska ma ukuru ghose na maufumu. Uti upokere nkongono
yakufumira kucanya yakukhomeska, nteura, pakujipereka zuba na zuba kwa
Ciuta, uti umanye kukhala mu umoyo upya, umoyo wa cipulikano. MGK 37.2
CIPULIKANO NA KUPOKEREREKA
APO njubi yako yawusika na Mzimu Mutuba, wawona uheni
wakwananga, nkongono yake, kususkika, kwake, masoka ghake; ndipo
pakuwulabiska ukukunyanyisa ukumanya kuti kwananga kukukupatulanya
kwa Ciuta, kuti uli muzga wa mauheni. Para ukulimbalimba kuti ujithaske
wekha, penepapo uti uwone kuti ulije nkongono yakujithaska iwe wekha.
Maghanoghano ghako ngakufipirwa, mtima wako ngwa nthontho. Iwe
ukusanga kuti mtima wako ngwakuzura na kujitemwa iwe wa mwene na
viheni. Ukukhumba kugowokereka, kusukika, na kusutuka. Ukukhumba
kuphemana na Ciuta, na kukozgana nayo, — Nteura tiuciteci mivakuti
uvipokere ivi? MGK 38.1
Ukukavuka mtende, — cigowokero ca Ciuta, na kutemwa mu umoyo
wako. Nta ungamanya kuvigula na ndarama nesi kuvisanga na vinjeru
vyako, nta ungagomezga kuvisanga na kuyezgayezga kwako. Kweni Ciuta
wakukupa kwawanangwa, “kwambura ndrama, panji mtengo“ (Yesaya 55: 1).
Vyose ivi tivibenge vyako usange ukujura mawoko ghako na kuvipokerera.
Yehova walcuti, “Nanga zakwananga zinu zikuba ngati nziswesi, tizibenge
zituba nga ndi nyathutwe; nanga zibe zicesamu ce-e, tizibenge ngati weya wa
mberere”. (Yesaya 1: 18). “Tindimupeni mtima upya, na Mzima upya ndibike
mkati mwinu”. (Ezekieli 36: 26). MGK 38.2
Ulikuzomera zakwananga zako, na kuzifumyako mu mtima wako. Uli
kupanikizga mu mtima kujipereka kwa Ciuta. Sono ipo rutanga kwa Iye, na
kumuromba kuti wasuke viheni vyako, na kukupa mtima upya. Penepapo
pulikana kuti wati wakucitire ivi pakuti wali kupangana ceneici ndico
cisambizgo ico Yesu wakasambizga apo wakaba pano pasi, kuti cawanangwa
ici Ciuta wali kupangana, ise tipulikanenge kuti tapokerera, ndipo citi cibe
cithu. Yesu wakacizga banthu ku matenda ghawo penepapo iwo
bakazigomezganga nkongono zake; Iye wakawovwiranga mu vintu ivyo
bakaviwonanga na maso, nteura bakapulikananga nayo mu vintu ivyo nta
vikuwoneka na maso, — wakabarongozgera kukn- pulikana kuti wali na
nkongono ya kugowokera zakwananga. (Ivi wakayowoya makora ghene apo
wakacizganga muntu wavinjenje — “Kweni mwakuti mumanye kuti Mwana
wa Muntu wali na mazaza pa caru kugowokera zakwananga (penepapo
wakamunenera wavinjenje), Wuka, nyamula mpasa yako, urutenge ku
nyumba yako”. (Mateyu 9: 6). Nteuraso Yohane mpharazgi wakuti, apo
wakuyowoya na minthondwe ya Yesu, “Kweni ivi vilikulembeka mivakuti
mupulikane kuti Yesu ndi Kristu, Mwana wa Ciuta, ndipo so mwakuti
pakupulikana mubenge na umoyo mu zina lake. ” (Yohane 20: 31). MGK 38.3
Mu makani ghapafupi gha mu Baibulo agho ghakwandura na umo Yesu
wakacizgiranga balwari, tingamanya kusambiramo kupulikana nayo na
pakugowokera kwananga kwithu. Tiyeni tilabiske pa makani gha mlwari
yura wa pa Betesda. Iye wakaba wambura nkongono kujovwira; mu vyaka
makhumi ghatatu pacanya vinkondi na vitatu, nta wakatebetera mlimo
vibaro vyake. Kweni Yesu wakamunenera, — “Wuka, tandura mphasa yako,
endanga”. (Nga wakhumbenge mphanyi mulwari yura wakazgora,
— “Fumu, usange mungandicizga ndipulikire mazgu ghinu. ” Kweni cara, iyo
wakapulikana na mazgu, gha Kristu, wakapulikana kuti wacizgika, ndipo
wakayezga lubiro, wakakhumba kwenda ndipo wakenda nadi. Iye wakacita
ico mazgu gha Kristu ghakayowoya, ndipo Ciuta wakapereka nkongono,
ndipo wakacizgika. MGK 39.1
Nteuraso iwe uli wakwananga nta ungalipirira zakwananga zako za
mumanyuma, nesi kusintha mtima wako, na kujitubiska wekha. Kweni
Ciuta walikupangana kucita vyose ivi mwa Kristu. Ukupulikana na
phangano ili. Ukuzomera zakwananga zako, na kuzipereka kwa Ciuta.
Ukukhumba kumutebetera. Usange ukupulikana na phangano ilo,
— pulikana kuti wagowokereka na kusukika, — Ciuta wati wakucitire ici;
wacizgika, nga ndi umo Kristu wakaperekera nkongono, za kwendera kwa
mulwari yura apo iyo wakapulikana kuti wacizgika. Kuti kube nteura usange
ukupulikana. MGK 39.2
Uleke kulindirira kuti udange wapulika muthupi kuti wacizqika, kweni
yowoya kuti, “Nkupulikana; kuli nteura, kuti nci- fukwa nkupulika mu thupi
mwane kuti cacitika cara, kweni cifukwa Ciuta wali kupangana”. MGK 39.3
Yesu wakati, “Vyose ivyo mukuviromba na kuvipempha, puI ', tkanani kuti
mwavipokera, ndipo muti mube navyo”. (Marko 11: 24). Pali kapokerero kake
ka phangano ili — kuti tirombe kwakuyana na khumbo la Ciuta. Kweni
Ciuta wakukhumba kutisuka ise ku zakwananga zithu, kutizgora bana bake,
na kutovwira kukhala umoyo utuba. MGK 40.1
Nteura ise tirombenge vitumbiko vyene vivi, na kupulikana kuti
tavipokerera, na kuwonga Ciuta kuti tavipokerera. Ndi mwabi withu kuya
kwa Yesu kukasukika na kwimilira pa nthazi pa marango wambura soni nesi
citima. “Nteura kulive sono kususkika kwa bene awo bali mwa Kristu Yesu,
beneawo kuti bakwenda kwakuyana na thupi cara kweni kwakuyana na
Mzimu”. (Ba Roma 8: 1). MGK 40.2
Nteura kuti muli bamwabene cara; mukagulika na mtengo. “Uku
mukumanya kuti mukawomboleka na vintu vya wanangiko cara... kweni na
ndopa zakuzirwa, nga nza Mwana-Mberere wambura kalema na wambura
kabanga. ” (1 Petros 1: 18, 19). Na mlimo upusu uwu wakupulikana na Ciuta,
Mzimu Mutuba, walenga umoyo upya mu mtima wako. Uli nga ndi kabonda
kababiwa mu mbumba ya Ciuta, ndipo wakukutemwa nga ndi umo
wakutemwera Mwana wake. MGK 40.3
Pakuti wajipereka kwa Yesu, uleke kuwerera mu manyuma,
ungajiwuskangako kwa Iye, kweni zuba na zuba utenge, “Ndili wa Kristu;
ndajipereka kwa Iye; ” na kumuromba Iyo kuti wakupe Mzimu wake, na
kukusunga mu ucizi wake. Pakuti ukuzgoka mwana wake para ukujipereka
kwa Ciuta, na kupulikana nayo, ipo upe kukhala mwa Iye. Mponoski
wakuti, “Nteura umo mukapokerera Kristu Yesu Fumu, ndimo mwenderenge
mwa Iyo” (Ba Kolose 2: 6). MGK 40.4
Banji bakuwoneka ngandi para bakukhumba kuyezgeka danga na
kujirongora kwa Ciuta kuti banozgeka, pambere bandarombe citumbiko
cake. Kweni bakwenera kuromba citumbiko na sono wuwo. Bakwenera
kupokera ucizi wake, Mzimu wa Kristu, kuwovwira mu uteci-teci wawo,
usange bangaleka bati batondeke kukanizga viheni. Yesu wakutemwa kuti
ise tizenge kwa Iye mumo tilili, bakwananga, bakukavuka covwiro,
bakutondeka kucita kantu mwa ise tekha. Tize na mautomboroko ghithu
ghose, ucindere withu, kwananga kwithu, na kuwa pa marundi ghake na
kung’anamuka. Ndi ucindami wake kutifukatira mu mawoko ghake
ghakutemwa, na kukaka mabamba ghithu, na kutisuka ku viheni vyose. MGK
40.5
Mazgu gha Ciuta, nga ndi umo yiliri nkhalo yake, ghakurongora vya
mucindindi vyeneivyo nta vingamanyikwa pakweru ku bantu. Umo
kwananga kukanjirira mu caru, kuwa kwa Yesu mu thupi, kubabikaso,
cizguka ca bakufwa, na visambizgo vinandi vya mu Baibulo, ndi vya
mucindindi vikuru vyeneivyo muntu kuti wangavipataula cara, nesi
kuvimanyiska. Kweni palije cifukwa cakuti tikayikire na mazgu gha Ciuta
cifukwa cakuti tikutondeka kumanyiska vya mucindindi vya ukuru wake.
Mu caru cithu ici tazingirizgika na vya mucindindi vyeneivyo kuti
tingavipima cara. Kabiro ka umoyo nanga kangaba kacoko uli ‘we,
nkakusuzga comene mwakuti nanga mba vinjeru comene nabo balije
nkongono zakwandulira. Kose kose kuli vya minthondwe vyeneivyo ise kuti
tingavimanya cara. Kasi tizizwenge pakusanga kuti mu vya mzimu namo
vilimo vyamucindindi vyeneivyo kuti tingavipima cara? Comene comene
suzgo liri pa kuwura nkongono na kucepa kwa vinjeru vya bantu. Ciuta wali
kutipa mu Malembo ukaboni wakufikapo pa kunena nkhalo yake ya u-
Ciuta, ndipo ise tileke kukayika ico ghakuyowoya Mazgu ghake cifukwa
cakuti tikutondeka kupulikiska vya mu cindindi vyose vya ukuru wake. MGK
82.1