BAITANG

8
REGIONAL ACHIEVEMENT TEST
EDUKASYON SA PAGPAPAKATAO 8

Panuto: Basahin at unawain ang bawat tanong. Piliin ang letra ng tamang
sagot at isulat ito sa sagutang papel.

1. Ang ating lipunan ay binubuo ng iba’t ibang institusyon o sektor. Alin sa

sumusunod na institusyon sa lipunan ang itinuturing na pinakamaliit at
pangunahing yunit ng lipunan?
A. Paaralan
B. Pamilya
C. Pasyalan
D. Pamahalaan

2. Ito ang pinakamataas na ekspresyon ng panlipunang kalikasan ng tao at

ito rin ang pinakamatibay na pundasyon ng anumang lipunan.
A. Pagmamalasakit
B. Pakikipagkapwa
C. Pakikisalamuha
D. Pakikipagkaibigan

3. Alin sa sumusunod ang una at pinakapangunahing pamantayan sa

paghubog ng isang maayos na pamilya?
A. Pagkakaroon ng mga anak.
B. Pagpapaunlad ng mga patakaran sa pamilya.
C. Pagtatanggol ng pamilya sa kanilang karapatan.
D. Pagkakaroon ng mga magulang na pinagsama ng kasal.

4. Ito ay anumang senyas o simbolo na ginagamit ng tao upang ipahayag

ang kanyang iniisip at pinahahalagahan.
A. Pag-awit
B. Panliligaw
C. Pagsayaw
D. Komunikasyon

5. Ito ay komunikasyon na hindi tumitingin sa kapwa bilang tao kundi

isang daan upang makamit ang kaniyang nais.
A. Diyalogo
B. Monologo
C. Conditioning
D. Entitlement mentality

Regional Achievement Test –Edukasyon sa Pagpapakatao 8

6. Ito ay pakikipag-usap na nagsisimula sa sining ng pakikinig. Ang
dalawang tao na dumudulog dito ay may lubos na pagbubukas ng sarili
at tiwala sa sa isa’t-isa.
A. Pakiki-usap
B. Pagpapatawad
C. Pakikipag-diyalogo
D. Pagtatapat ng pag-ibig

7. Sinasabi na ang pamilya ay isang natural na institusyon. Alin sa

sumusunod na pahayag ang dahilan?
A. Ang bawat pamilya ay kasapi ng iba’t ibang institusyon ng lipunan.
B. Ang mga institusyon sa lipunan ay naitatag dahil sa pagdami ng
pamilya.
C. Nahuhubog sa pamilya ang mabuting pakikipag-ugnayan
at pagpapahalaga sa kapwa.
D. Nabuo ang pamilya dahil sa pagmamahalan ng dalawang taong
nagpasiyang magpakasal at magsama ng habambuhay.

8. Ano ang tamang pagpapakita ng pagpapasalamat?

A. Pagsasabi ng pasasalamat na napipilitan.
B. pagsasabi ng pasasalamat ngunit salat sa gawa.
C. Pagkilala sa ginawang kabutihan ng kapwa at magpasalamat.
D. Paggawa ng kabutihan sa kapwa ngunit maghintay ng kapalit.

9. Alin sa sumusunod na pahayag ang nagpapakita ng kahalagahan ng

pamumuno?
A. Matutugunan ang pangangailangan ng bawat kasapi ng pangkat
B. Nagkakaroon ng direksiyon ang pangkat tungo sa pagkamit ng
layunin
C. Makatatanggap ng parangal dahil sa pagkakaroon ng magandang
proyekto.
D. Nagkakaroon ng kinatawan upang makilala ang pangkat na
kinabibilangan.

10. Ano ang hinuhubog sa mga kabataan sa pagpili ng damit na maisusuot

at pagkuha ng kurso ayon sa kanilang nais?
A. Pagkilos
B. Pag-aayuno
C. Pagpapasya
D. Pagsasakripisyo

11. Alin sa sumusunod na pahayag ang nagpapaliwanag na ang pamilya

ang una at patuloy na pundasyon ng edukasyon para sa panlipunang
buhay (social life)?

Regional Achievement Test –Edukasyon sa Pagpapakatao 8

 B. Ang mga magulang ang pinagmulan ng ating buhay.
A. Ang pamilya ang may tungkulin na pag-aralin ang mga anak.
C. Ang pamilya ang unang kapwa na madalas na nakakahalubilo sa
loob ng tahanan.
D. Ang mga magulang ang unang naging guro, gumagabay at
nagtuturo ng pakikitungo sa kapwa.

12. Kailan masasabing nagkakaroon ng impluwensya ang kapwa sa aspekto

ng pagkatao ng isang indibidwal?
A. Kapag nakapagbibigay ng inspirasyon sa iba.
B. Kapag nakatutulong sa pangangailangan ng isang tao.
C. Kapag may pagbabagong nagaganap sa kanyang mga kilos o ugali.
D. Kapag nakakuha ng mga ideya na gagamitin sa pansariling
Kapakanan.

13. Ano ang ipinahihiwatig ng pahayag na, “Ang pagsunod ay pagkilos sa

pagitan ng katwiran at ng kakayahang magpasakop.”?
A. May pagkakataon na kailangan sumunod at magpasakop at
mayroon ding hindi.
B. Kailangan sumunod at magpasakop dahil ito ang makatwiran at
nararapat.
C. Ang marapat na pagsunod ay naipakikita sa pamamagitan ng
pagpapasakop.
D. Ipakita sa pamamagitan ng pagsusuko ng sarili ang marapat na
pagsunod sa mga ipinag-uutos.

14. Sa tuwing tayo ay nakararanas ng krisis o matinding problema sa buhay

dala ng negatibong emosyon. Ano ang pinakamahalagang gawin mo?
A. Paninigarilyo
B. Uminom ng alak
C. Mamasyal sa mall
D. Manalangin sa Diyos

15. Ano ang kabutihang naidudulot ng pagtitimpi (temperance)?

A. Makaiwas sa pananakit sa sarili at sa kapwa.
B. Napatunayan ang kabutihan ng sarili sa iba.
C. Nahaharap ang matinding pagsubok sa buhay.
D. Makaiwas sa pag-iisip ng solusyon sa suliranin.

16. Alin sa sumusunod na sitwasiyon ang nagpapakita ng pagiging tunay na

kaibigan?
A. Nagagalit si Arnie tuwing naaaliw si Val kasama ang iba niyang
kaibigan.

Regional Achievement Test –Edukasyon sa Pagpapakatao 8

 B. Palaging sinasamahan ni Mar si Dar dahil alam niyang
matutulungan siya nito sa kanyang mga proyekto.
C. Hinikayat ni Ren ang kaibigang si Lou na magsinungaling sa
kaniyang magulang para makasama ito sa kanilang lakad.
D. Tuwing hapon ay tinutulungan ni Mon si Nav sa pagtitinda ng
balot upang maibili ng gamot ang nanay nitong may sakit.

17. Alin sa mga sitwasyon ang tanda ng isang taong may pasasalamat?
A. Nag-aaral nang mabuti si Ban upang marating niya ang kaniyang
mga pangarap kahit nahihirapan sa buhay.
B. Laging nagpapasalamat si Kite sa mga taong tumutulong sa kaniya
ngunit hindi bukal sa kanyang kalooban.
C. Si Nam ay maraming pagpapalang natatanggap sa buhay ngunit
hindi siya marunong lumingon sa kanyang pinanggalingan.
D. Si Zer ay kuntento sa kanyang buhay kahit simple lamang ngunit
hindi niya pinahahalagahan ang natatanggap niya mula sa iba.

18. Ano ang sekswalidad ng tao?

A. Pagkakaroon ng maraming nobyo o nobya.
B. Nakikita sa dami ng nabuntis ng isang lalaki.
C. Pagkakaroon ng maraming kalaban at pagiging matapang.
D. May kaugnayan sa pagiging ganap na lalaki o babae ng isang tao.

19. Ano ang kadalasang napapagkamalan ng mga kabataan na tunay na

pagmamahal?
A. Crush
B. True love
C. Puppy love
D. Friendship love

20. Ito ay pagsisinungaling na madalas na ginagawa ng isang tao para sa

isang taong mahalaga sa kanyang buhay. Ito ay pagsisinungaling upang
iligtas ang isang tao na mapagalitan o kaya ay mapahamak. Anong uri ng
pagsisinungaling ito?
A. Selfish Lying
B. Prosocial Lying
C. Anti – social Lying
D. Self-enhancement Lying
21. Ito ang tawag sa pagkilala at pagtugon sa kabutihang ginawa ng kapwa
sa iyo lalo na sa oras ng pangangailangan.
A. Pagtanaw ng utang – na – loob.
B. Pagpapadama ng pagmamahal.
C. Pagtulong sa mga gawaing bahay.
D. Pagbabayad sa ginawang kabutihan.

Regional Achievement Test –Edukasyon sa Pagpapakatao 8

22. Ito ay isang sinasadya at madalas na malisyosong pagtatangka ng isang
tao o pangkat na saktan ang katawan at isipan ng isa o mahigit pang
biktima sa paaralan.
A. Pagtitiis
B. Pakikisama
C. Pambubulas
D. Pakikipag-away

23. Ano ang kailangang gawin ng pamilya upang umunlad ang buhay?
A. Magtatrabaho sa lahat ng oras.
B. Magsikap na makamit ang mga pangarap.
C. Makipag-ugnayan sa gobyerno at humingi ng tulong.
D. Makipag – ugnayan sa ibang pamilya at ibang sektor ng lipunan.

24. Sino-sino sa mga kasapi ng pamilya ang epektibong tagapaglinang ng

bukas na komunikasyon?
A. Ina at ama
B. Ina at anak
C. Ama at anak
D. Mga anak o anak lang

25. Alin sa mga sitwasyon ang nagpapakita ng kawalan ng pasasalamat?

A. Mag-anak na nag video chatting.
B. sabay-sabay na kumain ang buong pamilya.
C. paglalaan ng isang araw na pamamasyal sa parke.
D. may kanya-kanyang ginagawa ang mag-anak sa social media.

26. Ang anumang kilos ang lumalabag sa misyon at bisyon ng edukasyon sa

paggalang sa kapwa mag-aaral o anumang kilos na humahadlang sa
layunin ng paaralan o maging ligtas sa pagdarahas ng tao, pag-aari, droga
armas o kaguluhan ay maituturing na ______________________.
A. pagmamalupit
B. katigasan ng ulo
C. pakikipagkaibigan
D. karahasan sa paaralan.

27. Magiging ganap na matapat lamang ang kilos ng tao kung ____________.
A. ginagamit ito sa panlilinlang ng ibang tao
B. tunay na isasabuhay ang kanyang sinasabi
C. itama ang unang ginagawang kasinungalingan
D. ginagawa ito upang iwasto ang kasinungalingan

Regional Achievement Test –Edukasyon sa Pagpapakatao 8

28. Alin sa mga sumusunod ang nagpapatunay na nagpapaunlad ng sarili
ang pagmamahalan?
A. Nagbigay ng kalungkutan.
B. Pagpapasya para sa kanya.
C. Paggiit sa iyong kagustuhan.
D. Sa pamamagitan ng pagmamahal at pagtutulungan.

29. Alin sa mga sumusunod ang higit na nagpapakita ng paggalang sa

kapwa?
A. Pagsunod sa mga alituntunin.
B. Pagbabahagi ng talento sa kapwa.
C. Paglalaan ng panahon sa pamilya at kaibigan.
D. Pakikibahagi sa mga kaganapan sa komunidad.

30. Alin sa mga sumusunod ang nagpapakita ng pagiging bukas-palad?

A. Gumawa ng programang pangkalikasan.
B. Pagpapahayag ni Irman ng kanyang sariling saloobin.
C. Pamilyang namimigay ng tulong sa panahon ng sakuna.
D. Kausapin ang mga pagtotroso hinggil sa kanilang ginawa.

31. Paano maiiwasan ang karahasan sa paaralan?

A. Hindi paglabas sa bahay.
B. Pagsumbong sa kaklase.
C. Pag-iwas sa mga nambubulas.
D. Pagkakaroon ng sistema sa loob at labas ng paaralan.

32. Sa paanong paraan magagawang posible ang pagsasakatuparan ng

misyon ng pamilya?
A. Paghingi ng tulong sa ibang magulang na may malalim na
karanasan.
B. Pagsasagawa nito ng may pagmamahal at malalim na
pananampalataya.
C. Pagtiyak ng pagsasagawa ng mga ito nang kolektibo at may bahagi
lahat nang kasapi ng pamilya.
D. Pagtiyak na malinaw sa mga anak ang hirap sa pagharap ng
hamon at pagtulong ng mga ito upang ito ay maisakatuparan.

33. Narinig ni Kim ang masasakit na salita mula sa kanyang mga kaibigan,
sa halip na magalit ay kinausap niya ng mahinahon at naging maayos ang
kanilang relasyon. Bakit ganito ang naging reaksyon ni Kim?
A. Dahil sa matinding galit na naramdaman.
B. Dahil takot siya sa kanyang mga kaibigan.
C. Dahil nagpadala ito sa idinidikta ng emosyon.
D. Dahil napamahalaan niya nang maayos ang kanyang emosyon.

Regional Achievement Test –Edukasyon sa Pagpapakatao 8

34. Bakit mahalagang matukoy mo ang mga taong itinuturing mong
kaibigan?
A. Dahil makikilala mo kung sino sa kanila ang tunay at totoo
B. Dahil magiging mapipili mo ang gusto mong maging kaibigan.
C. Dahil mapagninilayan mo ang kabuluhan ng ugnayan mo sa
kanila.
D. Dahil malalaman mo kung sino sa kanila ang mas magiging
kapaki-pakinabang para sa iyo.

35. Sa panahon ng kabataan likas na umuusbong ang pakikipagkaibigan sa

katapat na kasarian kagaya sa kaparehong kasarian. Paano maiingatang
hindi mabuwag ang magandang layunin sa pagkakaibigan sa katapat na
kasarian?
A. Paglilinaw sa limitasyon ng ugnayan na maingat nilang binuo
B. Paggalang sa katangian at kahinaang taglay ng kanilang
sekswalidad
C. Pagsuporta sa mga mithiing nais makamit mula sa
pakikipagkaibigan
D. Pagkontrol sa posibleng atraksyon na makamit mula sa
Pakikipagkaibigan

36. Paano mo mas higit na maipapakita ang paggalang sa mga taong may
awtoridad?
A. Suportahan ang kanilang mga proyekto at programa.
B. Ipaglaban ang iyong karapatan lalo na kapag ikaw ay nasa
katuwiran.
C. Ipahayag ang iyong pananaw upang maiwasto ang kanilang mga
pagkakamali.
D. Unawain na hindi lahat ng pagpapasiya at mga bagay na dapat
sundin ay magiging kaaya-aya para sa iyo.

37. Bakit dapat iwasan ng mga kabataan ang sumasali sa mga fraternity o
gang?
A. upang may kasama sa pagtambay at makamit ang ninanais
B. upang sumikat at magkaroon ng bagong kaibigan o kakampi
C. upang makakopya at makakuha ng malaking marka sa pagsusulit
D. upang maiwasan ang mga gulong dulot nito at mapabuti ang
pag- aaral

38. Sinasabi na ang mabuting pakikipagkapwa ay nagmumula sa pamilya.

Alin sa sumusunod na pahayag ang higit na nagpapatunay nito?

Regional Achievement Test –Edukasyon sa Pagpapakatao 8

 A. Ang pamilya ang unang nag-alaga at nagbigay ng iyong
pangangailangan
B. Sa pamilya unang natutunan ang kagandahang-asal at maayos
na pakikitungo sa kapwa
C. Kung paano makitungo ang magulang sa kanyang anak, gayundin
ang magiging pakikitungo nito sa iba.
D. Kapag wala ang magulang, ang paaralan ang siyang pangalawang
tahanan na gumagabay sa mga bata.

39. Paano kailangang gampanan ng isang pamilya ang kanilang tungkulin

bilang bahagi ng lipunan?
A. Bigyan ng kasiyahan ang bawat kasapi ng lipunan.
B. Makiisa sa mga rally na isinasagawa laban sa gobyerno.
C. Magbigay ng sampung porsyento mula sa kanyang kinikita.
D. Panatilihin at paunlarin ang lipunang kanyang ginagalawan.

40. Ang bawat pamilya ay ginagabayan ng batas ng malayang pagbibigay

(law of free giving). Alin sa sumusunod na sitwasyon ang naglalarawan sa
nasabing batas?
A. Isang ama na naghahanap buhay upang maibigay ang
pangangailangan ng kanyang pamilya.
B. Naging masipag ang anak sa paglilinis ng bahay dahil nais niyang
mabigyan ng karagdagang baon sa eskwela.
C. Pinag-aaral ng mga magulang ang kanilang anak upang sa
pagdating ng panahon sila naman ang maghahanapbuhay sa pamilya.
D. Nais ng magulang na may mag-aaruga sa kanila sa kanilang
pagtanda kung kaya’t inaaruga nila nang mabuti ang kanilang mga
anak.

41. Paano higit na naipapakita ng tunay na pagiging mapanagutan ng

magulang?
A. Pagharap sa anumang hamon sa lahat ng pagkakataon na
ginagabayan ng prinsipyong moral.
B. Pagkakaroon ng pananagutan sa Diyos, sa kanilang konsensya at
sa lahat ng mga taong ibinigay sa kanila ng Diyos upang paglingkuran
at alagaan.
C. Pag-agapay sa mga anak sa lahat ng pagkakataon lalo na sa
panahon ng mga hamon upang ang mga ito ay matagumpay na
malampasan.
D. Malayang pagganap sa kanilang mga tungkulin kakambal ang
pagtanggap sa anumang kahihinatnan ng kanilang mga pagganap at
hindi pagganap sa mga ito.

Regional Achievement Test –Edukasyon sa Pagpapakatao 8

42. Bakit mahalaga ang pagsasabi mo ng totoo?
A. Mabibigyan ka ng gantimpala sa pagsasabi mo ng totoo.
B. Ang pagsasabi ng totoo ang magsisilbing proteksyon para sa iyo at
sa iyong pamilya.
C. Ang pagsasabi ng totoo ang magbibigay sa iyo ng pakiramdam ng
seguridad at kapayapaan ng kalooban.
D. Hindi mo na kinakailangang lumikha pa ng maraming
kasinungalingan para lamang mapanindigan ang iyong nilikhang
kwento.

43. Ang kaibigan kong si Paul ay nakatulong sa akin upang ako ay

matutong magtipid. Kung ikaw ay may kaibigan na nakatulong sa
pagbabago ng iyong sarili, paano mo siya pahahalagahan?
A. Magiging mabuti at tapat akong kaibigan sa kanya.
B. Pakikisamahan ko siya kapag may oras at panahon lang ako.
C. Iiwasan kong saktan ang kanyang damdamin bilang kaibigan.
D. Bibigyan ko siya ng mga materyal na bagay para mapasaya ko siya.

44. Paano magiging makabuluhan ang pakikipagkapwa ng pamilya?

A. Sa pamamagitan ng pakikiisa sa mga rally.
B. Sa pamamagitan ng pagkitil ng karapatan.
C. Sa pamamagitan ng kani-kaniyang pagsisikap.
D. Sa pamamagitan ng pagmamahal at pagtutulungan.

45. Paano maipapakita ang pakikiramay sa kapwa?

A. Pamamasyal sa lugar na kinagigiliwan niya.
B. Pagpapasaya sa taong nakararanas ng kalungkutan.
C. Pag-alok ng mga bagay na nakapagpapasaya sa kanya.
D. Pag-unawa at pagdama sa pighati, kalungkutan, kasawian o
suliranin ng kapwa.
46. Paano natin makakamit ang pagtitiwala ng kapwa sa atin?
A. Hinihingi natin ito sa ating kapwa.
B. Ibibigay ito sa atin ng kusa nang ating kapwa.
C. Sa ilang pagkakataon ng pagkasira ng tiwala ng kapwa sa atin.
D. Inaani mula sa patuloy na pagpapakita ng magandang halimbawa
ng katapatan sa kapwa.

Regional Achievement Test –Edukasyon sa Pagpapakatao 8

47. Maraming balita tungkol sa mga taong may awtoridad ang kinakitaan
mo ng mga gawaing taliwas sa dapat nilang gampanan. Maraming
kabataang tulad mo ang nagkaroon ng pag-aalinlangan kung sila ay
magpapakita ng paggalang at pagsunod. Ano ang pinakamabuting
maipapayo mo sa kanila?
A. Unawain at patawarin ang mga taong may awtoridad na nakagawa
ng pagkakamali, lalo na kung hindi naman ikaw ang naapektuhan.
B. Alamin ang mga batas na nararapat sundin at mga karapatang
dapat ipaglaban. Gawin kung ano ang inaasahan sa iyo ng iyong
kapwa.
C. Mahirap kumilos nang may pag-aalinlangan. Sumangguni sa ibang
may awtoridad na nabubuhay ng mabuti at kumilos ayon sa iyong
kilos-loob.
D. Ipag-bigay alam agad sa kinauukulan ang nasasaksihang paglabag
sa batas. Hindi makatarungan na ang nagpapatupad sa batas ay
siyang lumalabag dito.

48. “ Ang mabuting pakikitungo sa pamilya ay daan sa mabuting

pakikipagkapwa ng tao.” Ano ang ibubunga nito sa isang tao kung ito
ang kaniyang isasabuhay?
A. Madaling matanggap ng kapwa ang isang tao na maayos ang
pamilyang kinabibilangan.
B. Makatutulong ito sa kanyang suliranin sa buhay upang
masolusyunan ang problema.
C. Higit na naging popular ang isang tao kung maayos ang kanyang
pakikipagkapwa ng tao.
D. Ang maayos na samahan sa pamilya ay nagtuturo sa tao na
maging mabuti sa pakikipagkapwa.

49. Kinausap ka ng kasintahan mo at sinabing nag-aalinlangan siya sa

pag-ibig mo. Masyado ka raw mailap sa kaniya. Sa pag-aalala mong iwan ka
niya, tinanong mo siya kung ano ang kailangan upang mapatunayan mong
talagang mahal mo siya. Tinitigan ka niya at tinanong, “Kung talagang
mahal mo ako, handa ka bang ibigay ang sarili mo sa akin kahit hindi pa
tayo mag-asawa?” Bilang isang mapanagutang lalaki o babae, ano ang
nararapat mong gawin mo sa sitwasyong ito?
A. Makipaghiwalay sa kasintahan, at sabihing hindi ka pa handa sa
nais niya.
B. Isusumbong siya sa mga magulang niya upang hindi siya
mapariwara.
C. Magtatanong o kukunsulta sa guidance counselor o sa guro dahil
ikaw ay nalilito.
D. Kakausapin siya at ipa-unawa sa kanya na kapwa pa kayo hindi
handa para sa ganitong uri ng ugnayan.

Regional Achievement Test –Edukasyon sa Pagpapakatao 8

50. “Dapat pag-ibayuhin ng bawat pamilya ang pangangalaga at
pagbabantay sa mga karapatan at tungkulin nito dahil maraming banta sa
integridad ng pamilya sa makabagong panahon.” Ano ang nais ipahayag ng
kaisipang ito?
A. Ang pamilyang Pilipino sa ngayon ay hindi mapagbantay sa mga
karapatan at tungkulin nito.
B. Ang mga pagbabago sa daigdig ngayon ang unti-unting sumisira sa
pamilya; hindi kailangang sumabay sa mga pagbabagong ito ang
pamilya.
C. Ang pamilya mismo ang nararapat na gumawa nito dahil
napapabayaan na ng pamahalaan ang pangangalaga sa mga
karapatan nito.
D. Kung ang kabutihan ng pamilya ay pinangangalagaan,
itinataguyod at binibigyang proteksyon sa lipunan, ang bawat isa ay
magkakaroon ng pagkakataong lumaki at maging ganap na tao sa
pinakamabuting kapaligiran.

Regional Achievement Test –Edukasyon sa Pagpapakatao 8