munting hiling para sa inyo na nawa’y makita ninyo ang liwanag sa mundong ito, sa inyong sarili, at sa inyong kapwa. Nais kong kayong lahat ay umunlad sa anumang pagsisikap na inyong pipiliin. Punuin ang inyong puso ng tuwa at ngiti sa tuwina. Kayong lahat ay natatangi, espesyal at kamangha-manghang bata. Pinahahalagahan ko kayong lahat. Sa mga magulang, salamat sa inyong walang sawang pagsuporta. Sa paglalaan ng oras upang makibahagi sa mga gawaing pampaaralan at sa patuloy na pagtuwang sa akin upang maibigay ang de-kalidad na edukasyon para sa ating mga anak. Salamat sa pagbibigay ng iyong makakaya upang gabayan ang ating mga anak sa kanilang paglalakbay bilang indibidwal. Darating ang panahon na sila ay mamumuhay ng mag-isa, ngunit bago mangyari ang panahon iyon; tayong mga magulang ay dapat na nagpabaon ng magagandang aral na kanilang gagamitin sa hinaharap. Sa ngalan ng lahat ng mga guro at kawani ng paaralan, isang mainit na pagbati ang aking ipinaaabot sa inyong lahat!