Sa loob ng buong semestre ay marami akong nakalap na impormasyon na makatutulong
upang mas lumawak pa ang aking pananaw sa mundong aking kinagagalawan. Ang kahalagan ng GEFIL para sa akin ay natutulungan nitong mapabuti ang aking wika sa mga tuntunin ng komunikasyon, pakikinig, pagsasalita, at pagsulat. Ang Filipino ay parte ng ating buhay simula pa lamang at sa aking opinyon ay mabuti na ating nababalikan ang mga ganitong bagay upang tayo ay paalalahanan. Idagdag pa rito, ang kahalagan nito ay buoin ang ating pagkatao upang magamit natin ang ating kritikal na pag-iisip sa pag-gawa ng mga desisyon sa buhay hindi lang para sa ating pang-sarili, ito rin ay para sa ating bayan. Ang aking natutunan sa buong semester, una ang komunikasyon ay mula sa salitang Latin na communis (komon) na ang kahulugan ay pagkakatulad at may dalawang uri ito, berbal at di-berbal. May anim proseso rin ito katualad ng nagpadala ng menhase, mensahe, tsanel ng mensahe, tagatanggap ng mensahe, tugon, at potensyal na sagabal. Pangalawa, ang mga uri ng pakikinig, katulad ng sleeper, tiger, bewildered, frowner, relaxed, busy bee, at two-earned listerner. Idagdag pa rito ang mga sabagal sa pakikinig. Pangatlo, ang pagsasalita ay pag- babahagi ng mensahe sa pamamagitan ng berbal na paraan na ginagamitan ng wastong wika at tunog. Pangapat, ang pagbasa ay may dalawang paraan katulad ng tahimik at malakas. Idagdag pa rito, ang tatlong salik at iba’t-ibang uri ng pag-basa. Ang huli ay pag-sulat ay isang pisikal at mental na aktibidad na ginagawa sa iba’t-ibang layunin katulad ng pagsulat ng liham na pormal o di-pormal. Aking gagamitin ang aking mga natutunan sa aking pang araw-araw na buhay upang mapaunlad ang kaalaman at kasanayan sa mabisang pakikipagtalastasan, magagamit ang wika bilang kasangkapan sa mabisang komunikasyon, at malilinang ang kasanayan sa pakikinig, pagsasalita, pagbabasa at pagsusulat. Ang mga impormasyon na nakalap ko ay mabisa ko itong magagamit hanggang sa aking pag tanda dahil kailanman ay hindi ito mananakaw ng kung sino man. Ang mga asignaturang Filipino sa kolehiyo ay higit pa sa wika at panitikan, nakakahubog ito ng ating pananaw dahil ang wika ang nag-uugnay sa ating lipunan.