REPLEKSYON NG PAGKATUTO SA ASIGNATURANG “FILIPINO SA PILING
LARANGAN”
Sa huling kuwarter para sa asignaturang "Filipino sa Piling Larangan," nais
kong ibahagi ang aking natutunan sa taong ito. Sa pag-aaral ng asignaturang ito, aking natamo ang malalim at makabuluhang mga karanasan. Naintindihan ko ang kahalagahan ng wika at kultura sa paghubog ng aking pagkakakilanlan bilang isang Pilipino. Natutunan ko rin ang malalim na pag-unawa sa mga teksto, hindi lamang sa literal na kahulugan ng mga salita, kundi pati na rin sa mga kahulugan at mensaheng ipinaparating nito. Dahil dito, nagkaroon ako ng kakayahang mag-analisa, magpasya, at maipahayag ang aking sariling perspektibo at opinyon sa pamamagitan ng pagsulat ng mga sanaysay at repleksyon.
Sa bawat talakayan at diskusyon, naibahagi ko rin ang aking mga saloobin at
opinyon hinggil sa mga akdang aming binasa. Nakapag-ugnay ako ng mga konteksto, tema, at kahalagahan ng mga akda. Natutunan ko rin ang mga estratehiya sa pagsulat ng mga sanaysay. Sa pamamagitan nito, ako ay nakakapagpahayag ng aking mga damdamin, kaisipan, at mga paniniwala.Ang asignaturang Filipino sa piling larangan ay nagbigay sa akin ng kaalaman na hindi lamang pang-akademiko, kundi pati na rin sa pangkalahatang pag-unawa sa ating kultura at pamumuhay bilang mga Pilipino. Ito ay naging daan para sa akin upang maipamalas ang wikang Filipino sa aking pang-araw- araw at pagpapahalaga sa mga akdang pampanitikan ng ating bansa.Bilang isang mag-aaral, patuloy kong pinahahalagahan ang asignaturang ito dahil isa ito sa mga makakatulong sa akin at patuloy na magmamarka sa akin bilang isang bahagi ng aking bansang pinagmulan.