‫الجامعات الأهلية – ‪FAQ‬‬

‫ايه الفرق بين الجامعات الأهلية والخاصة؟‬

‫‪ -‬الجامعات الأهلية الاربعة هي جامعات حكومية تتبع وزارة التعليم العالي مباشرة‬
‫ولها قوانين ولوائح منظمة موحدة وجميع مصروفاتها تصرف على المؤسسة‬
‫التعليمية وتطويرها‬

‫‪ -‬الجامعات الاهلية المستحدثة هي جامعات تتبع للجامعات الحكومية وتحت قيادة‬

‫نفس الادارة ولكن لا تحمل رانك الجامعة الحكومية التابعة لها او اسمها او‬
‫مميزاتها او اعتمادها ولكل جامعة لائحتاها المنظمة الخاصة بها‪.‬‬

‫‪ -‬الجامعة الخاصة هي جامعات تحت قيادة فرد او عدة أفراد ولكل جامعة لائحتاها‬
‫المنظمة الخاصة بها‬

‫ازاي أقدم على الجامعات الاهلية؟‬

‫‪ -‬الجامعات الاهلية الاربعة‪:‬‬
‫‪ o‬من موقع التقديم‬
‫‪https://admission.egypt-hub.edu.eg o‬‬
‫‪ o‬بتحط بياناتك ورغباتك وتدفع تمن الابليكيشن ‪ 750‬جنيه‬
‫‪ o‬بيتحددلك على السايت ميعاد امتحان القبول بيكون بعد اسبوع تقريبا من‬
‫تاريخ الدفع‬
‫‪ o‬لما تظهر النتيجة بيقولك انت اتقبلت ف اي رغبة و بيديلك فترة انتظار ‪ 3‬أيام‬
‫لتأكيد الرغبة او رفضها‬
‫‪ o‬في حالة التأكيد بتروح الجامعة وتقدم ورقك وتدفع نصف المصاريف وفي‬
‫حالة تغيير رأيك بعد الدفع وحبيت تسحب ورقك بيتم خصم ‪ %10‬من‬
‫المصاريف‬
 ‫‪ -‬الجامعات الاهلية المستحدثة‪:‬‬
‫‪ o‬التقديم بيكون عن طريق نظام التنسيق الحكومي من خلال مرحلة تنسيق‬
‫مستقلة عن تنسيق الجامعات الحكومية وبتاخد بالأعلي فى المجموع‬
‫وممكن تقدم عليها في نفس الوقت مع تقديم الجامعات الأهلية الاربعة‬

‫ديدلاين التقديم في الجامعات الاهلية لحد امتا؟‬

‫‪ -‬الجامعات الاهلية الاربعة‪:‬‬
‫لحد شهر ‪ 9‬وممكن يمدوه بس لا يفضل تقدم متأخر‪.‬‬

‫‪ -‬الجامعات الاهلية المستحدثة‪:‬‬

‫لها مرحلة تقديم مستقلة على موقع التنسيق الحكومي والحد الأدني بتاعها زي‬
‫الجامعات الخاصة‬

‫هل الجامعات الاهلية معتمدة؟‬

‫من شروط الاعتماد ان الكلية تكون خرجت دفعة واحدة على الاقل سواء كانت كلية‬
‫حكومية او خاصة او اهلية فلما تتخرج هتكون الكلية معتمدة ودا مش هيبقي مشكلة‬
‫ليك الا لو ناوي تقدم على امتحانات معادلة زي اليوزميل اثناء فترة الدراسة‪.‬‬

‫الجامعات الاهلية ليها مستشفي جامعي ولا لا؟‬

‫المنصورة الجديدة ليها مستشفي جمبها بس لسا بتتبني‪.‬‬

‫ايه البرامج المتاحة والمصروفات؟‬

‫موجودة على البوت دا‬
‫‪https://t.me/Egyptian_NAT_Universties_bot‬‬
 ‫القبول في الجامعات الاهلية بيكون على اساس ايه؟‬
‫القبول بالأعلي فى المجموع الاعتباري‪:‬‬
‫بياخدو ‪ %70‬من مجموع الثانوية ويجمعوه على الى الطالب جابه في امتحان القبول‬
‫(امتحان القبول بيمثل ‪ %30‬من المجموع الاعتباري)‬
‫وجامعة المنصورة الجديدة بتاخد أعلي من الباقي‬

‫لو جايب الحد الأدني للتقديم كدا هتقبل؟‬

‫مش شرط‪ ,‬لازم تخش امتحان القبول ويحسبو المجموع الاعتباري وفي حد ادني‬
‫للمجموع الاعتباري – لا يتم الإعلان عنه – لكل كلية لو جايب اكبر منه هتتقبل فيها‬

‫اختبار القبول عبارة عن ايه واذاكرله ازاي؟‬

‫الاختبار عليه ‪ %30‬من المجموع الاعتباري الى بيحدد قبول الطالب‬
‫‪ .1‬اختبار معرفي‪:‬‬
‫(أحياء‪/‬رياضة) ‪ -‬كيمياء ‪ -‬فيز ياء‪ ،‬بتذاكر مواضيع منهج تالته ثانوي عام كله وبيمثل ‪%25‬‬
‫‪ .2‬اختبار تفكير نقدي ودا بيمثل ‪%5‬‬

‫امتحان القبول عربي ولا انجليزي؟‬

‫الاختبار المعرفي بتختار اللغة لما تبدأ الامتحان ‪ ,‬التفكير النقدي انجليزي‪.‬‬

‫مفيش نماذج للتدريب؟‬

‫موجود على الجروب دا‬
‫‪https://t.me/Nationl_universities‬‬
‫متاح التحويل من جامعة خاصة لجامعة أهلية؟‬
‫اه‬
 ‫خاص بـ ‪STEM‬‬

‫ينفع حد من دفعة ‪ 2021‬يقدم تاني السنادي؟‬

‫اه‬

‫هل فى حد ادني مختلف لطلبة ستيم؟‬

‫اه‪ ,‬فى تنسيق ‪ 2021‬كان حد أدني لتقديم طب بشري من ستيم ‪%75.59‬‬
‫وهندسة ‪.%68.38‬‬
‫الحد الادني لدفعة ‪ 2022‬لسا هينزل‪.‬‬

‫هل ستيم بيتعمل معادلة لمجموعهم؟‬

‫ايوا بيتعملنا معادلة لكن تبع وزارة التعليم العالي هي الى بتعملها مش ستيم يونت‪.‬‬
‫ودي الى بيتاخد منها ال ‪ %70‬الى بتدخل فى حسبة المجموع الاعتباري‪.‬‬

‫المعادلة بترفع قد ايه؟‬

‫من ‪ %9‬ل ‪ %10‬زيادة عن مجموع ستيم‬

‫ايه أحسن وقت للتقديم لستيم؟‬

‫لو كدا كدا ناوي تقدم أصلا قدم بدري عادي لكن لو لسا عايز تشوف تنسيقك الحكومي‬
‫ايه فاستني وقدم قبل نتيجة التنسيق باسبوع علشان لو قدمت بدري ف الاهلية‬
‫والنتيجة طلعت هيكون قدامك فترة محددة ويلغو ترشيحك لو مودتش ورقك‪.‬‬
 ‫هل في منح لطلبة ستيم؟‬
‫لو حد هيقدم ومش ضامن يدفع مصاريف الجامعة طول فترة الدراسة بلاش يخاطر‬
‫وهوضح تحت ليه‬
‫‪ -‬الجامعات الأهلية الاربعة‪:‬‬
‫منح العام الدراسي ‪2022/2021‬‬
‫كان في منح‪ ،‬ملف المنح كان اتبعت لكل المدارس من ضمنها منح للجامعات الأهلية‬
‫منحة كاملة للطالب الأعلى في المجموع في كل برنامج‪.‬‬
‫مدة المنحة للعام الاول فقط‪.‬‬

‫وفي منح داخلية في الجامعات الأهلية حسب المعدل التراكمي للطالب في سنين‬
‫الدراسة‬
 ‫منح العام الدراسي ‪2023/2022‬‬
‫لم يتم اعتماد ضوابط المنح بعد‬

‫‪ -‬الجامعات الاهلية المستحدثة‪:‬‬

‫كل جامعة لها وضعها الخاص تابعو على صفحاتهم على الفيس بس حتي الان مفيش‬
‫غير جامعة بنها الاهلية الى نزلت خصم ‪ %40‬لطلبة ستيم للعام الاول من الدراسة‬

‫ليه بيقولو مفيش منح في الاهلية ومحدش خدها من الى سجلوا في فورم المنح‬
‫السنة الى فاتت؟‬
‫الطالب سجل فى فورم المنح السنة الى فاتت وللأسف ماجتش برضو‪ ,‬ليه؟ لان لازم‬
‫الطالب مقيد ف الجامعة ‪ -‬وعشان يبقي مقيد لازم يقدم ويدفع نص المصروفات ‪-‬‬
‫وبعد شهرين من الدراسة تقريبا بيبعتوا علي الميل ابليكيشن لو حد مستحق للمنح‬
‫يملاه ويقدمه لشؤون الطلاب بالجامعة‪.‬‬