TABLE OF CONTENTS

CONTENTS PAGE
NO.
TABLE OF CONTENTS 1
NOBENA KAY SAN JOSE (MARTES) 2
NOBENA SA ILOY SANG SA GIHAPON NGA 6
PANABANG (MIERKULES)
NOBENA KAY SAN PEDRO BAUTISTA (HUEBES) 15
NOBENA SA LABING SANTOS NGA
KASING KASING NI HESUS (BIYERNES)
HOLY HOUR (EXPOSITION AND BENEDICTION) 23
ANTIPONA SA MAHAL NGA ILOY
- PANAHON SANG TUIG 27
- ADVIENTO 28
- PASKWA SANG PAGKATAWO 29
- PEBRERO 2 TUBTOB SA SEMANA SANTA 30
- PASKWA SANG PAGKABANHAW 31

1
 NOBENA PARA KAY SAN JOSE (MARTES)

PANGAMUYO KAY SAN JOSE

Lider: Yari ang tampad kag mainamdamon nga tulugyanan.

Sabat: Sa iya gintugyan sang Ginoo ang pagdumala sang iya
panimalay.
Lider: Ang Ginoo nagpakita sang Iya gugma sa iya
kag ginlikupan siya sang Iya nga himaya.
Sabat: Iya siya ginpanaptan sang langitnon nga panapton.

Mangamuyo kita.
O Amay, Imo gintugyan ang amon Manluluwas sa pagtatap ni
Señor San Jose. Paagi sa iya mga pangamuyo, kabay nga ang Imo
Simbahan magapadayon sa pag-alagad sa Iya nga Ginoo, si
Jesukristo, nga nagakabuhi kag nagahari upod sa Imo sa kaisahan
sang Espiritu Santo, Dios sa tanan nga mga tuig sang mga
katuigan. Amen.

MEMORARE KAY SAN JOSE:

Dumdumon mo, O labing Putli nga Esposo sang Birhen Maria, nga
wala pa gid mahibaloan nga ang bisan sin-o man nga nagpalapit sa
imo pagtabang, nagpangayo sang imo pagbulig ukon sang imo
paghanungdan nga wala mo gid gintalikdan. Tungod sini nga
pagsalig, nagadangop ako sa imo, akon espirituhanon nga amay,
kag nagapakiluoy sa imo panabang. O ikaw nga Amay diri sa duta
2
sa amon Manunubos, dili pagtalikdi ang akon mga ginapangayo,
apang sa imo nga kaayo, pamatii kag sabta ako. Amen.
LITANIYA NI SAN JOSE
Ginoo, maluoy ka. Ginoo, maluoy ka.
Kristo, maluoy ka. Kristo, maluoy ka.
Ginoo, maluoy ka. Ginoo, maluoy ka.
Kristo, pamatii. Kristo, pamatii.
O Dios nga Amay sang kalangitan, maluoy ka sa amon.
O Dios nga Anak, Manunubos sang kalibutan, maluoy ka sa amon.
O Dios nga Espiritu Santo, maluoy ka sa amon.
O Santisima Trinidad, nga Isa lamang ka Dios, maluoy ka sa amon.
Santa Maria, ig-ampo mo kami.
Señor Jose, ig-ampo mo kami.
Dungganon nga Kaliwat ni David, ig-ampo mo kami.
Kapawa sang mga Patriarka, ig-ampo mo kami.
Esposo sang Iloy sang Dios, ig-ampo mo kami.
Putli nga Manugbantay sang Mahal nga Birhen, ig-ampo mo kami.
Ginkilala nga Amay sa duta sang Anak sang Dios, ig-ampo mo
kami.
Maukod nga Tagdampig ni Kristo, ig-ampo mo kami.
Pangulo sang Sagrada Familia, ig-ampo mo kami.
Jose nga Labing Matarong, ig-ampo mo kami.
3
 Jose nga Labing Putli, ig-ampo mo kami.
Jose nga Labing Mainamdamon, ig-ampo mo kami.
Jose nga Labing Maisog, ig-ampo mo kami.
Jose nga Labing Matinumanon, ig-ampo mo kami.
Jose nga Labing Tampad, ig-ampo mo kami.
Salaming sang Pagpasensya, ig-ampo mo kami.
Nagahigugma sang Pagkakubos, ig-ampo mo kami.
Modelo sang mga Manugpangabudlay, ig-ampo mo kami.
Himaya sang Pangabuhi sa Balay, ig-ampo mo kami.
Manugbantay sang mga Ulay, ig-ampo mo kami.
Haligi sang mga Panimalay, ig-ampo mo kami.
Manuglugpay sang mga Nalisdan, ig-ampo mo kami.
Paglaum sang mga Nagamasakit, ig-ampo mo kami.
Patron sang mga Tagumatayon, ig-ampo mo kami.
Ginakahadlukan sang mga Panulay, ig-ampo mo kami.
Tagdampig sang Santa Iglesia, ig-ampo mo kami.
Kordero sang Dios nga nagawala ka
sang mga sala sang kalibutan, luwasa kami, O Ginoo.
Kordero sang Dios nga nagawala ka
sang mga sala sang kalibutan, pamatii kami, O Ginoo.
Kordero sang Dios nga nagawala ka

4
 sang mga sala sang kalibutan, maluoy ka sa amon.
L: Ginhimo Niya siya nga manugdumala sang iya panimalay,
S: Kag prinsipe sang tanan niya nga mga pagkabutang.

Mangamuyo kita.
O Dios, sa Imo mahigugmaon nga pagtatap, Imo ginpili si Señor
San Jose, nga mangin esposo sang Imo Labing Balaan nga Iloy,
ihatag sa amon ang amon ginapangayo kay siya ang amon
mananabang dira sa langit nga amon siya ginapadunggan diri sa
kalibutan bilang amon tagdampig: Ikaw, nga nagakabuhi kag
nagahari sa tanan nga mga tuig sang mga katuigan. Amen.

HIMNO KAY SAN JOSE

San Jose tanod ni Maria’t ni Hesus
Kami rin ay tulungan mo
Hiningaan mo’t hiwagang dulot ng Dios
Mag-inang binigay sa yo
At tahimik mo na binantayan
Si Hesus at si Maria

San Jose tulungan mo kami

Maging tapat sa kanila
San Jose!
5
 PERPETUAL NOBENA SA ATON ILOY SANG SA GIHAPON
NGA PANABANG (MIERKULES)

PANGULO: Palihog magtindog ang tanan para sa pambukas nga

Ambahanon sang aton nobena.

O Birhen Maria
O Birhen Maria
Ig-ampo mo kami
Sa mga panulay
Tabangan mo kami
Ave, Ave, Ave Maria
Ave, Ave, Ave Maria

Bituon sa dagat,
Sanagan mo kami
Sa oras sang ikamatay,
Buligan mo kami
Ave, Ave, Ave Maria
Ave, Ave, Ave Maria

6
PANGULO: Sa ngalan sang Amay kag sang Anak kag sang
Espiritu Santo. Amen
Mga utod nagatililipon kita diri sa atubangan sang
larawan sang aton iloy sang sa gihapon nga
panabang, sa pagdayaw kag pagpasalamat sa Dios
nga aton Amay para sa mgagrasya nga ginhbatag sa
aton paagis sa iya pagpanabang. Pangayuon naton
liwat sa iya nga ig-ampo kita.
Palihog Magluhod ang tanan
TANAN: O Iloy sang sa gihapon nga panabang* yari kami sa
atubangan sang imo larawan nga balaan * nga may
daku nga pagsalig, * agud imo kami bugayan paagi sa
pagsunod sang imo kabuhi, * Ikaw amon
ginadumdom sadtong tion* nga puno sang pagtuo
kag pagsalig, * imo ginsabat ang panawag sang Dios,
* nga mangin iloy sang Iya Anak, * Buligi kami, * nga
imo mga anak, * sa pagbaton sing malipayon sang
amon kahimtangan sa pangabuhi, * Sang imo nahibal-
an* nga nagakinahanglan ang imo pakaisa nga si
Santa Isabel* sang imo pag-alagad, imo sia ginduaw*
sa pagbulig sa iya* Subong sa imo, * buligi man kami
sa pagkabalaka sa amon isigkatawo. *
O Iloy amon ikaw ginadumdum samtang didto ka sa
tiilan sang krus: * ang imo kasingkasing nagkasakit *
sa pagtan-aw* sang imo Anak nga nag-antus. Apang
daku ang imo kalipay* sang Sia nabanhaw gikan sa

7
 minatay* kag madinalag-on sa mga gahum sang
kalautan
O Iloy sang mga kasakit * buligi kami sa pagkilala
nga maga-abot gid sa amon* ang mga kalisod kag
kapaslawan sa pangabuhi. * Palig-una man kami sa
tion sang pagsulay sa amon. * Upod sa imo kag sa
imo Anak, * ma-aguman unta namon* ang kalipay
kag kaisog* sa pagpangatubang sa tanan nga mga
panghangkat sa kabuhi. Amen.

LITANIYA SANG PAG-AMPO

PANGULO: Iloy namon sang sa Gihapon nga panabang, ang imo
mga anak nagapanawag sa imo.
TANAN: O Iloy buligi kami sa gihapon.
- Agud mangin huwaran namon ikaw sa gihapon.
- Agud imo kami hatagan sang kabakod sa amon mga
kabudlayan.
- Agud amon makita ang kahulugan sang kalipay kag kasakit sa
amon pangabuhi.
- Agud ang amon pagsalig sa Dios makabulig unta sa amon
isigkatawo.
KINA-UGALINGON
- Kon yara kami sa mabudlay nga kahimtangan sa pagpamat-od.
- Kon ginatawag kami sa pagsakripisyo tungod sa iban.
- Kon yara kami sa kahuluy-an sa atubangan sang iban.
- Kon nagakasakit kami kag ginasulay sa pagtimalos.
8
PANIMALAY
- Sa tion nga may balatian sa amon panimalay.
- Sa amon palaligban natungod sa kaiwaton sang pangabuhian.
- Sa indi paghangpanany sa amon mga pinalangga.
- Sa pagbulig sang mga lamharon agud magsalig sila sa ila
kaugalingon kag magtuman sang ila katungdanan.
- Agud madamo ang magsabat sa panawag sang Dios sa
pagkapari kag relihilyoso nga kabuhi.
- Sa pagpili sang amon kalingawan kag sa pagpangalipay.
PAGBUTHO
- Agud ang mga ginikanan magtuon nga mag-ayo ang ila
pagtatap sa mga kabataan.
- Agud ang mga bumulutho magpahayag sang ila pag-amoma
sa mga nagapangabudlay para sa ila pagtuon.
- Agud indi kami magdangup sa paggamit sang mga druga kag
makapada-ut nga ilimnon sa paglikaw sang tulumanon sa
pangabuhi.
KATILINGBAN
- Agud magmatarong kami sa gihapon sa amon paghimakas sa
pagpangita sang amon kabuhi-an.
- Agud indi kami magkahakog kag magmahisa sa amon
pagpangita sang gahum kag manggad.
- Agud ang mga mamumugon mahatagan sing matarung nga
suhol sa ila nagakaigo nga pagpangabudlay.
- Agud indi gid kami maghimulos sa iban paagi sa usura ukon
saka-an nga pagdaya.

9
 - Agud indi gid kami magsupak sa katarungan paagi sa
subornohay kag palapaway.
- Agud amon gihapon talupangdon ang katahum sining amon
pungsod kag ang kayo sang amon kasimanwa.
- Agud amon himu-on ang tanan suno sa amon masarangan sa
pagpaluntad sang katarungan, kalinong kag kauswagan sang
tanan.

(Sa tion sang pagpiniliay/eleksyon)

- Agud indi kami magdumdum sang amon lamang kaugalingon
nga kaayohan sa panahon sang piniliay ukon sa pag-alagad sa
banwa.
HINGAPUSAN
- Agud indi kami magpabugal sang paghunahuna nga may
mahimo kami bisan wala ang Dios ukon relihiyon.
- Kon nagamasakit kami kag malapit na ang kamatayon.
- Kon ang amon mga pinalangga ginatawag na sa puloy-an sang
amon langitnon nga Amay.
- Kon kami naga-ampo para sa nagkalamatay, agud ila ma-
ambit sing lubos ang malipayon nga pagkabanhaw ni Kristo.

Karon magpangamuyo kita sa aton pinasahi nga mga

pangabay.. (mahipos sing makadali)
PANGULO: Palihog kita tanan:
TANAN: O bulahan nga Maria, * imo gid ginabuligan sa
gihapon ang Nagakinahanglan, * imo ginalipay ang
mga nagakasubo, * imo Ginalipay ang nagakasubo, *
10
 imo ginapabakud ang nadulaan sang Paglaum, * kag
imo sila ginatuytuyan sa maayo kag Krisytohanon
Nga pangabuhi. * Updi man kami karon samtang
nagapangayo Kami sa pagtuytuy sang amon Amay.

PANGULO: Mangamuyo kita:

TANAN: O Ginoong Dios namon, * imo ginbuot nga

magtililipon kami karon nga adlaw* sa pagpadunggog
kay Maria nga amon Iloy * nga handa sa gihapon
magbulig sa amon. Kabay pa nga kami nga naga-ampo
sa iya iloynon nga pagtabang * maka-agum sing daku
nga dulot sang kaluwasan. * Ginapangayo namon in
isa Imo paagi kay Kristo nga amon Ginoo. * Amen.

ILOY NAMON NGA BILIDHON

Iloy namon nga bilidhon

Kaluoyan mo kami
Tudlui kami sang dalan
Sang amon kaluwasan

Sa amon pagpanglakaton
Kaluoyan mo kami
O Maria, O Maria
Kaluoyan mo kami.

11
 PANGAMUYO SA PAGPASALAMAT

PANGULO: Magpasalamat kita karon sa aton Iloy sang sa

gihapon nga panabang Para sa mga bugay nga aton
nabaton paagi sa iya pag-ampo.

TANAN: O Iloy sang sa gihapon nga panabang * nagaupod

kami sa imo * sa
pagpasalamat sa Dios * para sa tanan nga kaayohan *
nga ginhatag *kag ginhimo nia sa amon, * ilabi nagid
sa Iya paghatag * kay Jesus nga imo Anak, * bilang
amon manluluwas.

O Dios nga tagtuga namon * nagapasalamat kami sa

Imo * bangud sang kabuhi * kag sang imo mga dulot
nga tanan: * ang amonigbalati * kag kagamhanan *
ang amon ihibalo kag ikasangkol. *nagapasalamat
man kami sa imo bangud sang Imo pagtuga sa
amonsuno sa imo kaugalingon nga dagway kag
larawan. * kag bangud man sang Imo paghatag sa
amon sining duta * nga amon gamiton kag pagtin-
aron, * amon tahuron kag pakamahalon * walay
sapayan sang amon kalulangan * imo ginapahayag sa
gihapon * ang imo gugma para sa amon * paagi sa
pagdugang sang kabuhi * sang imo Espiritu sa amon *
dira sa altar sang Santos nga Misa. *

12
O mahigugmaon nga Amay * nagapasalamat pa gid
kami * nga Imo Ginhatag si Maria * ang iloy sang imo
Anak * nga mangin Iloy Namon * sang sa gihapon
nga panabang * nagapasalamat kami sa tanan * nga
kaayohan nga amon ginbaton paagi sa iya pag-ampo
* para sa amon.

Nagapangalaba kami * nga yadtong nanligad nga

kaayohan * magbulig unta sa amon sa paglaum * sang
imo mahigugmaon nga kaluoy * kag sa pagpangayo
sang bulig * sang amon Iloy sang sa gihapon nga
panabang.

Amen.

KATAPUSAN NGA HIMNO

ILOY SANG DIOS

Iloy sang Dios, Iloy sang Dios

Nanong Pangayo ko
Dili manggad sin inga Duta
Kasadya nga madula
O, Iloy sang Dios, Iloy sang Dios
Ini ang luyag ko
Nga si Jesus, Anak kag Himaya
Sa langit maangkon ko

13
 Iloy sang Dios, Iloy sang Dios
Sa imo tanan si Jesus
Sa Nazaret kag sa Belen
Kag didto sa Jerusalem
O, Iloy sang Dios, Iloy sang Dios
Ig-ampo moa ko
Kay dili Sia magsikway sa imo
Sang tanan nga luyag mo.

Iloy sang Dios, Iloy sang Dios

Sigurong malumos
Kun dili moa ko tabangon
Sa sining kadagatan
O, Iloy sang Dios, Iloy sang Dios
Ini ang luyag ko
Sang pagkatapos sining panakayon
Si Jesus dalha sa akon.

14
 NOBENA KAY SAN PEDRO BAUTISTA
(HUEBES)

TANAN: Sa ngalan sang Amay kag sang Anak kag sang

Espiritu Santo. Amen.
(Magluhod ang tanan)

PANGAMAN NGA PAG-AMPO

O Dios namon kag tanan namon, Ikaw lamang ang labing daku,
labing putli kag labing maayo. Kami, nga Imong labing kubos nga
tinuga, nagakilala sang Imo walay katapusan nga
pagkamakagagahum kag nagasimba sa Imo nga amo ang labing
mataas kag Agalon kag Ginoo. Ginahigugma namon Ikaw sing
labaw sa tanan. Nagahinulsol kami kay nakasala kami sa Imo.
Maayo lang nga mamatay kami sang sa makasala liwat.
Nagahinulsol kami kag sa bulig sang Imo grasya kami nagasaad
nga magatuman sang Imo mga kasugu-an kag magahalas sang
amon kabuhi sa pag-alagad sa Imo. Ang Imo nga
pagkamatinguhaon amo ang amon kasanag. Ang Imo mga sugo
amo ang amon dalan. Ang Imo kabubut-on amo man ang amon
kabubut-on. Nagasaad kami sa pag-alagad sa Imo sa Espiritu kag
kamatuoran kag ikaw ang nagtuga, nag atipan kag nagtubos sa
amon. Pabaskuga kami sa amon paghinulsol nga maayo. Tabangi
kami sang Imo grasya. Dili itugot nga mahulog kami liwat sa sala.
Hatagi kami sang Imo grasya tungod sa mahimayaon nga mga
pag-ampo sang Imo ulipon nga martir, San Pedro Bautista nga sa
iya kadungganan amon karon ginahalad ini nga nobena. Amen.

15
 PAG-AMPO KAY SAN PEDRO BAUTISTA SA TANAN NGA
KINAHANGLAN.

O Mahigugmaon nga San Pedro Bautista, buhi nga larawan ni

Jesukristo nga ginlansang sa Krus, nagapalapit kami sa imo
larawan sa pagpangamuyo sa imo makagagahum nga pagtabang.
Bangud sang imo pagkamatay sa krus, nagapangauo kami nga imo
kami tabangan batok sa tanan nga mga panulay kag imo kami
tudluan sang dalan padulong sa Dios nga Amay. Tamda kami,
hinigugma nga Santos namon. Ang mga kaaway nagapalibot sa
amon, ang mga panulay nagahingyo sang kalibutanon nga
kadayawan kag ang lawasnon nga pagsulay naga-agda sa amon
pagbato sa amon Ginoo. Tabangi kami, O makagagahum nga
Santos namon, nga amon matigayon ang amon mga paghimud-os
batok sa mga kaaway. Pabakura ang amon pagtuo, pabuhia ang
amon paglaum kag padabdaba ang amon kasingkasing sa
paghigugma sa Dios agud nga kami makaalagad sa Dios sing
labing maayo sa amon mainungunon nga pagpanilag sa Iya mga
kasuguan. Ipahanumdom sa amon, O mapainubuson nga Santos
namon ang amon mga pagsinalayo nga ginakinahanglan.
Bendisyuni ang amon kabudlay kag ang amon inadlaw nga
kinahanglanon agud nga maka-alagad kami sa Dios sa paghidaet
kag kalipay. Amen.

16
 PAGPANGINHALAD KAY SAN PEDRO BAUTISTA

O balaan nga San Pedro Bautista, tungod sang dili maisip nga
grasya sang pagtuluohan nga imo ginpadala sa amon kag sa
madamo nga mga kaayuhan nga imo ginbugay sa amon, ginahalad
namon ang paghiusa sang amon kabuhi sa pag-ilog sang imo mga
birtudes. Kami nian may paglaum nga mangin mainungunon nga
mga anak sang Dios. Ginatug-an namon ini agud nga tungod sang
imo pagahimaya-on ang Dios sang madamo nga kalag. Amen.

PANGAMUYO KAY SAN PEDRO BAUTISTA

LIDER: San Pedro Bautista, isganan nga dumalampig sang
Pagtuloohan Katoliko.
- Ig ampo mo kami. ‘
LIDER: San Pedro Bautista, mainit nga manuglaygay sang amon
banwa.
- Ig ampo mo kami.
LIDER: San Pedro Bautista, mahimayaon nga martir ni Kristo.
- Ig ampo mo kami.
LIDER: San Pedro Bautista, huwaran sang tanan nga mga
birtudes.
- Ig ampo mo kami.
LIDER: San Pedro Bautista, langitnon nga umalapin sang banwa.
- Ig ampo mo kami.
LIDER: Ig-amo mo kami San Pedro Bautista.
- Agud mangin takus kami panghatagan sang mga
pinanakda nin Jesukristo nga amon Ginoo.
LIDER: Mag-ampo kita.

17
TANAN: O Ginoong Jesukristo, nga sa pag-ilog sang Imo masakit
nga kamatayon sa Krus, nagpakasantos ang isa sa Imo
nahauna nga Martires, si San Pedro Bautista kag ang iya
mga kaupdanan. Itugot nga sa amon pag-ampo ang amon
tagipusuon magadabdab sang ila mga pagsulundan. Ikaw
nga nagakabuhi kag nagahari upod sa Dios nga Amay kag
sang Espiritu Santo sa tanan nga mga tuig kag sa mga
katuigan. Amen.

TANAN: Sangalan sang Amay kag sang Anak kag sang Espiritu
Santo. Amen.

HIMNO KAY SAN PEDRO BAUTISTA

MUSIKA NI: SALVADOR CABARLES.

GLORIA! GLORIA! KAY SAN PEDRO BAUTISTA

DUNGGANON NGA APOSTOL NAMON
SANTO PATRON
SA KASTILLA NAGIKAN SIA
PROTOMARTIR NI KRISTO SA HAPON

MANGAAPIN SANG MAMUMUGON

SANG YARI SIA DIRI
SA PILIPINAS SANG UNANG TION
SA HAPON ISA KA GIYERA GINTAPNA
PAAGI SA ATON SANTO PATRON

18
 PERPETUAL NOVENA SA LABING SANTOS NGA
KASINGKASING NI HESUS (BIERNES)

PAMBUKAS NGA AMBAHANON

CORAZON NGA MAHANGOP NI HESUS
PAMATII ANG ANAK MONG KUBOS
KUN YARA SA MABASKOG NGA UNOS
TABANGI SIA SING TAKUS

SA IMO HESUS KAMI NAGADANGUP

DILI ITUGOT KAMI MAG-ANTUS
O PAMATII ANG PANAWAG
ANAK MO YARI, DI MO IGBULAG

LIDER: Sa ngalan sang Amay kag sang Anak kag sang Espiritu
Santo.
Ginoong Hesus ikaw nagsiling: “Pangayo kag ikaw hatagan,
panuktok kag ikaw pagabuksan” Tamda kami nga nagaluhod sa
Imo tiilan, napuno sang buhi nga pagtuo kag pagsalig sa mga
panaad sang imo Labing Santos nga Kasingkasing. Yari kami karon
nagapangamuyo sining kaayuhan (sa hipos mag-ampo kag
magpangamuyo sang imo petition)

19
Diin kami magdangup kundi sa Imo, nga may tagipusuon nga
tuburan sang tanan nga mga grasya kag merito? Diin kami mangita
kundi sa bahandi nga puno sing tanan nga mangad sang kaalwan
kag kaluoy? Diin kami manuktok kundi sa ganhaan nga gin-agyan
sang Dios agud mahatag niya ang iya kaugalingon sa amon kag
amon man dalangpan. Labing Santos nga kasingkasing ni Jesus, sa
imo naga-agum kami sang pagtigayon kon yara kami sa kapipit-an,
pag tabang kon kami ginhingabot, kabakud kun kami nabugatan
sang mga pagtilaw, kag kasanag kon kami nagapangduhaduha kag
kon yara sa kadulum.

Pinalanga nga Jesus, nagatuo kami sing malig-on nga Imo ihatag sa
amon ang amon gina-ampo, Imo lamang ini but-on kag ang amon
pangamuyo matuman. Indi kami takus sang imo mga
pahanungdan, apang indi ini rason nga kami madulaan sang
paglaum. Ikaw ang Dios sang kaluoy kag indi ka gid matugdili sa
mahinulsulon nga tagipusuon. Tamda kami kag dira sa amon nga
kasakit kag kaluya ihatag ang katumanan sang amon mga pag-
ampo kag mga handum.

Labing Santos nga kasingkasing ni Jesus, matuman sa Imo ang buot

nahanungod sa amon mga pangabay. Sa gihapon kami ang
magasimba, maghigugma, magdayaw kag mag-alagad sa Imo.
Batuna Ginoong Jesus ang amon buluhaton sa pagtuman sang imo
binubuot kag sang mga kasuguan sang imo Labing Santos nga
Kasingkasing nga ginahandum nga matuman unta sa gihapon dira
sa amon, paagi sa amon kag sa tanan mo nga mga tinuga.
20
Labing Santos nga kasingkasing ni Jesus, nakahibalo kami nga indi
mo sarang matalikdan ang mga kalisod kag kahuol sa pangabuhi.
Gani, tamda kami, kag ibugay ang grasya sa amon ginapangayo sa
Imo paagi sa Labing putli nga kasingkasing ni Maria, Imo nga Iloy.
Gintugyan Mo kamo sa iya bilang mga anak, kag ang iya mga
pangamuo Imo ginatuman sa gihapon. Amen.

MGA HIMNO SA SAGRADO CORAZON:

KASINGKASING NGA SAGRADO

KASING-KASING NGA SAGRADO

NI JESUS NGA DIOS KO
KALOOYAN, KALOOYAN MO KAMI
KALOOYAN MO KAMI

O SACRED HEART O LOVE DIVINE

O SACRED HEART, O LOVE DIVINE

DO KEEP US NEAR TO THEE
AND MAKE OUR LOVE SO LIKE TO THINE
THAT WE MAY HOLY BE
21
 REFRAIN: HEART OF JESUS HEAR
O HEART OF LOVE DIVINE
LISTEN TO OUR PRAYER
MAKE US ALWAYS THINE

O TEMPLE PURE, O HOUSE OF GOLD

OUR HEAVEN HERE BELOW
WHAT SWEET DELIGHT, WHAT WEALTH UNTOLD
FROM THEE DO EVER FLOW (REFRAIN)

UNGRATEFUL HEARTS, FORGETFUL HEARTS

THE HEARTS OF ALL HAVE BEEN
TO WOUND THY SIDE WITH CRUEL DARTS
WHICH THEY HAVE MADE BY SIN (REFRAIN)

22
 RITE OF EXPOSITION AND BENEDICTION
(HOLY HOUR|THURSDAY BEFORE 1ST FRIDAY OF THE MONTH)

ENTRANCE
COME HOLY SPIRIT
Come Holy Spirit I need you
Come Holy Spirit, I pray
Come with your strength and your power
Come in your own special way.
Sa pag-abot sang Pari sa altar ang mga altar servers kag mga tumuluo magaluhod
samtang gina-amba ang O Salutaris Hostia.

O SALUTARIS HOSTIA
O Salutaris Hostia
Quae caeli pandis ostium.
Bella premunt hostilia;
Da robur, fer auxilium.
.
Uni trinoque Domino
Sit sempiterna gloria:
Qui vitam sine termino,
Nobis donet in patria.

23
 Amen.
Pagkatapos sini, ang pari magabasa sang Ebanghelyo kag magahatgag sang iya pag
repleksyon. Pagkatapos sini, amo ang tion sang pagpakalinong kag pagpangamuyo
sa atubangan sang Santissimo Sakramento. Sarang man ini sa pagbaton sang
Sakramento sang Pagpakig-uli (Confession)

TANTUM ERGO
Tantum ergo Sacramentum
Veneremur cernui:
Et antiquum documentum
Novo cedat ritui:
Praestet fides supplementum
Sensuum defectui.

Genitori, Genitoque
Laus et iubilatio,
Salus, honor, virtus quoque
Sit et benedictio:
Procedenti ab utroque
Compar sit laudatio.
Amen.

Pari. Panem de caelo praestitisti eis.

Tanan. Omne delectamentum in se habentem.
Oremus: Deus, qui nobis sub sacramento mirabili, passionis tuae
memoriam reliquisti: tribue, quaesumus, ita nos corporis et
sanguinis tui sacra mysteria venerari, ut redemptionis tuae fructum
24
in nobis iugiter sentiamus. Qui vivis et regnas in saecula
saeculorum. R. Amen.
DIVINE PRAISES
Blessed be God.
Blessed be His Holy Name.
Blessed be Jesus Christ, true God and true Man.
Blessed be the Name of Jesus.
Blessed be His Most Sacred Heart.
Blessed be His Most Precious Blood.
Blessed be Jesus in the Most Holy Sacrament of the Altar.
Blessed be the Holy Spirit, the Paraclete.
Blessed be the great Mother of God, Mary most Holy.
Blessed be her Holy and Immaculate Conception.
Blessed be her Glorious Assumption.
Blessed be the name of Mary, Virgin and Mother.
Blessed be St. Joseph, her most chaste spouse.
Blessed be God in His Angels and in His Saints.
Amen.

REPOSITION
O Santos Sakramento
Jesus nga sa altar
25
 Dayawon saulugon
Ikaw higugmaon, ikaw higugmaon
HIMNO KAY MARIA
Salve, Regina, Mater misericordiæ,
vita, dulcedo, et spes nostra, salve.
Ad te clamamus exsules filii Hevæ,
Ad te suspiramus, gementes et flentes
in hac lacrimarum valle.
Eia, ergo, advocata nostra, illos tuos
misericordes oculos ad nos converte;
Et Iesum, benedictum fructum ventris tui,
nobis post hoc exsilium ostende.
O clemens, O pia, O dulcis Virgo Maria.

RECESSIONAL: O SACRED HEART O LOVE DIVINE

26
 MARIAN ANTIPHONS ON SATURDAY
PANAHON SANG TUIG (ORDINARY TIME)

Salve, Regina, Mater misericordiæ,

vita, dulcedo, et spes nostra, salve.
Ad te clamamus exsules filii Hevæ,
Ad te suspiramus, gementes et flentes
in hac lacrimarum valle.
Eia, ergo, advocata nostra, illos tuos
misericordes oculos ad nos converte;
Et Iesum, benedictum fructum ventris tui,
nobis post hoc exsilium ostende.
O clemens, O pia, O dulcis Virgo Maria.

PARI: Ig-amo mo kami O Iloy nga Santa sang Dios.

TANAN: Agud mangin takus kami sa mga pinanakda ni
Jesukristo nga amon Ginoo.

PARI: Mangamuyo Kita,

O Dios nga amon Amay, hatagi kami nga Imo mga alagad sang
himpit nga ikaayo sang lawas kag kalag; paagi sa pag-ampo ni
Santa Maria Birhen, luwasa kami sa mga kasubo sining duta nga
luhaan kag ipaagom sa amon ang kalipay nga dayon. Paagi kay
Kristo nga amon Ginoo. Amen.

PARI: Kabay ang Diosnon + nga bulig magpabilin unta sa aton.

TANAN: Amen
27
PANAHON SANG ADVIENTO

Alma Redemptóris Mater, quæ pérvia cæli

Porta manes, et stella maris, succúrre cadénti,
Súrgere qui curat pópulo: tu quæ genuísti,
Natúra miránte, tuum sanctum Genitórem
Virgo prius ac postérius, Gabriélis ab ore
Sumens illud Ave, peccatórum miserere

PARI: Ang Anghel sang Ginoo nagtunda kay Maria

TANAN: Kag nanamkon sia sa gahum sang Espiritu Santo .

PARI: Mangamuyo kita,

Ipaambit, O Ginoo, ang Imo grasya sa amon mga kasingkasing

agod nga sa tapus na kami makakilala, dira sa pagtunda sang
anghel, sang pagkahimo nga tawo sang Imo Anak nga si Kristo,
bangud sang Iya kasakit kag kamatayon, mangin takus kami nga
dalhon sa pagkabanhaw nga mahimayaon, tungod sa amo man
nga Kristo nga amon Ginoo. Amen.. Amen.

PARI: Kabay ang Diosnon + nga bulig magpabilin unta sa aton.

TANAN: Amen

28
PANAHON SANG PAGKATAWO

Alma Redemptóris Mater, quæ pérvia cæli

Porta manes, et stella maris, succúrre cadénti,
Súrgere qui curat pópulo: tu quæ genuísti,
Natúra miránte, tuum sanctum Genitórem
Virgo prius ac postérius, Gabriélis ab ore
Sumens illud Ave, peccatórum miserere

PARI:Pagkatapos sang pagkatawo, nangin ulay ka sa gihapon O

Birhen Maria
TANAN: Ig-ampo mo kami, O Iloy sang Dios

PARI: Mangamuyo kita,

O Dios nga makagagahum

paagi sa pagkaulay nga pagka-iloy ni Santa Maria
Imo ginpatigayon ang kaluwasan nga wala sing katapusan
Sa tanan nga katawohan; Ipabatyag sa amon ang pagtabang
sinining gamhanan nga Birhen nga nag bun-ag para sa amon
Sang gingikanan sang kabuhi, si Jesukristo,
Imo anak kag amon Ginoo.
- Amen.
PARI: Kabay ang Diosnon + nga bulig magpabilin unta sa aton.
TANAN: Amen.

29
PEBRERO 2 TUBTOB SA SEMANA SANTA:

Ave, Regina caelorum,

Ave, Domina Angelorum:
Salve, radix, salve, porta
Ex qua mundo lux est orta:

Gaude, Virgo gloriosa,

Super omnes speciosa,
Vale, o valde decora,
Et pro nobis Christum exora.

PARI: Tuguti kami nga magdayaw sa imo, O Birhen Maria.

TANAN: Batok sa mga kaaway, hatagi kami sing kusog.

PARI: Mangamuyo kita,

Ihatag sa amon O maluluy-on nga Dios

Ang pagpangapit batok sa amon mga kaluya, nga kami nga
nagadumdom sang bulahan nga Iloy sang Dios, paagi sa iya
pagpangamuyo, makabangon unta kami gikan sa amon
pagpakasala. Paagi kay Kristo nga amon Ginoo.
- Amen.
PARI: Kabay ang Diosnon + nga bulig magpabilin unta sa aton.
TANAN: Amen.

30
PASKWA SANG PAGKABANHAW`:

Regina caeli, laetare, alleluia;

Quia quem meruisti portare, alleluia,
Resurrexit, sicut dixit, alleluia:
Ora pro nobis Deum, alleluia.

PARI: Magkalipay kag Magkasadya ka O Birhen Maria, Aleluya.

TANAN: Kay nabanhaw sang matuod ang Ginoo, Aleluya.

PARI: Mangamuyo kita,

O Dios, Imo gindala ang kalipay sa kalibutan paagi sa

pagkabanhaw sang Imo anak nga amon Ginoong Jesukristo.
Paagi sa pag-ampo sang Iya iloy, ang Mahal ng Birhen Maria
ipadangat sa amon ang kalipay sang walay katapusan.
Paagi kay Kristo nga amon Ginoo
- Amen.

PARI: Kabay ang Diosnon + nga bulig magpabilin unta sa aton.

TANAN: Amen.

31