UNANG ARAW NG MAYO
PAGGUNITA KAY SAN JOSE, MANGGAGAWA
P: Sa ngalan ng Ama ng Anak at ng Espiritu Santo.
B: Amen
P: Sumainyo ang Panginoon.
B: At sumaiyo rin.
P: Mga kapatid, sa araw na ito ng Paggawa, ginugunita
natin si San Jose, esposo ni Birheng Maria, bilang
manggagawa. Sa paggunitang ito, itinutugma ang ating
Inang Simbahan sa diwa ng Aral ni Kristo ang kapakanan
ng mga manggagawa at inihahabilin sila sa pagkalinga ni
San Jose, ang ulirang manggagawa na taga-Nazaret.
Upang maging marapat tayo sa banal na pagdiriwang,
aminin natin at pagsisihan ang ating mga nagawang
kasalanan.
Pari: Inaamin ko sa Makapangyarihang Diyos,
at Bayan: at sa inyo mga kapatid, na lubha akong
nagkasala sa isip, sa salita, at sa gawa at sa aking
pagkukulang. Kaya isinasamo ko sa Mahal na Birheng
Maria, sa lahat ng mga anghel at mga banal at sa inyo
mga kapatid na ako’y ipanalangin sa Panginoong ating
Diyos.
P: Kaawan tayo ng Makapangyarihang Diyos, patawarin
tayo sa ating mga kasalanan, at patnubayan tayo sa
buhay na walang hanggan.
B: Amen.
P: Panginoon, kaawaan Mo kami.
B: Panginoon, kaawaan Mo kami.
P: Kristo, kaawaan Mo kami.
B: Kristo, kaawaan Mo kami.
P: Panginoon, kaawaan Mo kami.
B: Panginoon, kaawaan Mo kami.
P: Manalangin tayo.
P: Ama naming Makapangyarihan, ikaw ang Maygawa sa
tanang umiiral at ang nagtakda sa batas ng paggawa para
sa sangkatauhan. Ipagkaloob mo, pakundangan sa
pagkauliran at pagdalangin ni San Jose, na maganap
namin ang mga gawaing inyong iniatas at makamtan
namin ang gantimpala na iyong ipinangako sa
pamamagitan ni Hesukristo kasama ng Espiritu Santo
magpasawalang hanggan.
B: Amen.
Unang Pagbasa
Ang Salita ng Diyos mula sa aklat ng Genesis
Sinabi ng Diyos: “Ngayon, lalangin natin ang tao.
Ating gagawin siyang kalarawan natin. Siya ang
mamamahala sa mga isda, mga ibon at lahat ng hayop,
maging maamo o mailap, malaki o maliit.” Nilalang nga ng
Diyos ang tao ayon sa kanyang larawan. Lumalang siya
ng isang lalaki at isang babae, at sila’y pinagpala. Wika
niya, “Magpakarami kayo at punuin ng inyong mga supling
ang buong daigdig, at pamahalaan ito. Binibigyan ko kayo
ng kapangyarihan sa mga isda, sa mga ibon, at sa lahat
ng maiilap na hayop, maging malalaki o maliliit. Bibigyan
ko rin kayo ng lahat ng uri ng butil at mga bungangkahoy
na inyong makakain. Ang lahat ng halamang luntian ay
ibibigay ko naman sa maiilap na hayop, malaki man o
maliit, at sa lahat ng mga ibon.” At ito nga ang nangyari.
Pinagmasdan ng Diyos ang lahat niyang ginawa, at lubos
siyang nasiyahan. Dumaan ang gabi, at sumapit ang
umaga – ito ang ika-anim na araw.
 Gayon nilikha ng Diyos ang lupa, ang langit at
lahat ng bagay na naroroon. Sa loob ng anim na araw,
tinapos niyang likhain ang lahat ng ito, at siya’y
nagpahinga sa ikapitong araw. Pinagpala niya ang
ikapitong araw at itinangi, sapagkat sa araw na ito siya
nagpahinga matapos likhain ang lahat.
Ang Salita ng Diyos.
B: Salamat sa Diyos.
Salmong Tugunan:
Poon kami’y pagpalain at iyong pagtagumpayin.
Wala pa ang mga bundok, hindi mo pa nilalalang
hindi mo pa nililikha itong buong daigdigan,
ikaw noon ay Diyos na, pagkat ika’y walang hanggan. (B)
Yaong taong nilikha mo’y bumabalik sa alabok,
sa lupa ay nagbabalik kapag iyong iniutos.
Ang sanlibong mga taon ay para bang isang araw,
sa mata mo, Panginoon, isang kisap-mata lamang;
isang saglit sa magdamag na ito ay dumaraan. (B)
Yamang itong buhay nami’y maikli lang na panahon.
Itanim sa isip namin upang kami ay dumunong.
Hanggang kailan pa ba, Poon, titiisin yaring lagay
nitong iyong mga lingkod, sa gitna ng kahirapan? (B)
Kung umaga’y ipadama yaong wagas mong pag-ibig,
at sa buong buhay nami’y may galak ang aming awit,
ipakita sa lingkod mo ang dakila mong gawain,
at sa sunod naming lahi, ipadama ay gayun din. (B)
Aleluya:
Aleluya! Aleluya!
Manunubos naming mahal,
salamat sa ‘yong patnubay
at paglingap araw-araw.
Aleluya! Aleluya!
Mabuting Balita
P: Sumainyo ang Panginoon
B: At sumaiyo rin
P: Ang Mabuting Balita ng Panginoon ayon kay San
Mateo
B: Papuri sa Iyo, Panginoon.
Noong panahong iyon, umuwi si Hesus sa
kanyang bayan at nagturo sa kanilang sinagoga. Nagtaka
ang mga nakarinig sa kanya. Sabi nila, “Saan kumuha ng
karunungan ang taong ito? Paano siya nakagagawa ng
kababalaghan? Hindi ba ito ang anak ng karpintero? Hindi
ba si Maria ang kanyang ina, at sina Santiago, Jose,
Simon, at Judas ang kanyang mga kapatid na lalaki? At
dito nakatira ang kanyang mga kapatid na babae, hindi
ba? Saan niya natutunan ang lahat ng ito?” At ayaw nilang
kilanlin siya. Kaya’t sinabi ni Hesus sa kanila, “Ang
propeta’y iginagalang kahit saan, liban sa kanyang sariling
bayan at sa kanyang sariling sambahayan.” At dahil sa di
nila pagsampalataya, hindi siya gumawa roon ng
maraming kababalaghan.
Ang Mabuting Balita ng Panginoon.
B: Pinupuri Ka namin, Panginoong Hesukristo.
HOMILYA
PANALANGIN NG BAYAN
P: Manalangin tayo mga kapatid sa ating Panginoon sa
pamamagitan ni San Jose para sa lahat ng ating mga
pangangailangan.
PARAMIHIN MO ANG BUNGA NG AMING MGA
GAWA, PANGINOON.
1. Ang Simbahan nawa’y magpatuloy sa pagpapahayag
ng mga kahalagahan ng katarungan bilang susi sa
ating kapayapaan, manalangin tayo sa Panginoon:
(B)
2. Ang mga pinuno ng pamahalaan at mga ekonomista
nawa’y magsikap para sa makatarungang
pamamahagi ng mga yaman at magtaguyod ng
dangal ng lahat ng tao, manalangin tayo sa
Panginoon: (B)
3. Ang mga negosyante nawa’y gamitin ang kanilang
mga pangkabuhayang interes para sa paglilingkod sa
lahat, manalangin tayo sa Panginoon: (B)
4. Ang mga dukha at mga walang hanapbuhay nawa’y
makatagpo ng marangal na paraan ng ikabubuhay,
manalangin tayo sa Panginoon: (B)
5. Ang mga yumaong naghirap sa paggawa noong sila
ay nabubuhay pa rito sa lupa nawa’y makatanggap
ng kanilang gantimpala sa kabilang buhay,
manalangin tayo sa Panginoon: (B)
P: Ama ng aming Manunubos, sa pagsasama ng aming
mga panalangin at sa pamamagitan ni San Jose, tulungan
mo kaming makita sa aming mga pagkilos ang dangal sa
paggawa. Hinihiling namin ito sa pamamagitan ni Kristo
na aming Panginoon.
B: Amen
P: Manalangin kayo mga kapatid upang ang paghahain
natin ay kalugdan ng Diyos Amang Makapangyarihan.
B: Tanggapin nawa ng Panginoon itong paghahain sa
Iyong kamay, sa kapurihan Niya at karangalan, sa
ating kapakinabangan at sa buong sambayanan
Niyang banal.
P: Ama naming Lumikha, ikaw ang pinagmulan ng tanang
kagandahang-loob. Tunghayan mo ang aming mga alay
na inihahain ngayong si San Jose ay ginugunita namin.
Para mo nang awang pagbigyan ang aming kahilingang
kami nawa’y itaguyod at tulungan ng mga handog na
aming inialay kasama ng Espiritu Santo magpasawalang
hanggan.
B: Amen
PANALANGIN NG PAGPUPURI AT
PAGPAPASALAMAT
P: Sumainyo ang Panginoon
B: At sumaiyo rin
P: Itaas sa Diyos ang inyong puso at diwa
B: Itinaas na namin sa Panginoon
P: Pasalamatan natin ang Panginoong ating Diyos.
B: Marapat na Siya ay ating pasalamatan.
P: Ama naming makapangyarihan, tunay ngang marapat
na ikaw ay aming pasalamatan ngayong ginugunita namin
si San Jose. Niloob mong pakasal kay Mariang Birheng
Mahal si San Joseng maaasahan sa pananagutan upang
may amang lumingap sa angkang kinabibilangan ng iyong
Anak. Sa kapangyarihan ng Espiritung Banal, isinilang ni
Maria ang Anak mong minamahal at para sa kanila si San
Jose’y naghanap-buhay. Kaya kaisa ng mga anghel na
nagsisiawit ng papuri sa iyo ng walang humpay sa
kalangitan, kami'y nagbubunyi sa iyong kadakilaan:
SANTO
B: Santo, Santo, Santo, Panginoong Diyos ng mga
hukbo! Napupuno ang langit at lupa ng kadakilaan
mo! Osana sa kaitaasan! Pinagpala ang naparirito sa
ngalan ng Panginoon! Osana sa kaitaasan!
PAGBUBUNYI
P: Ipagbunyi natin ang Misteryo ng Pananampalataya.
B: Aming ipinahahayag na namatay ang ‘Yong Anak,
nabuhay bilang Mesiyas at magbabalik sa wakas para
mahayag sa lahat.
P: Ama, ginagawa namin...
B: AMEN
P: Sa tagubilin...
B: AMA NAMIN
P: Hinihiling namin...
B: Sapagkat Iyo ang kaharian, at ang kapangyarihan,
at ang kapurihan, magpakailanman! Amen.
P: Panginoong Hesukristo...
B: Amen
P: Ang kapayapaan ng Panginoon ay laging sumainyo
B: At sumaiyo rin
P: Magbigayan kayo ng kapayapaan sa isa’t isa.
 PAGHAHATI-HATI SA TINAPAY
B: Kordero ng Diyos na nag-aalis ng mga kasalanan
ng sanlibutan, maawa ka sa amin.
Kordero ng Diyos na nag-aalis ng mga kasalanan ng
sanlibutan, maawa ka sa amin.
Kordero ng Diyos na nag-aalis ng mga kasalanan ng
sanlibutan, ipagkaloob mo sa amin angkapayapaan.
PANALANGIN PAGKAPAKINABANG
P: Ama naming mapagmahal, kaming iyong pinapagsalo
sa banal na pakikinabang ay tumanggap nawang lubusan
ng bungang walang maliw na kapayapaan sa pagtatahlay
namin ng katibayan ng iyong pag-ibig sa aming kalooban
ayon sa halimbawa ni San Jose sa pamamagitan ni
Hesukristo kasama ng Espiritu Santo magpasawalang
hanggan.
B: Amen

PAANYAYA SA PAKIKINABANG

P: Ito ang Kordero ng Diyos. Ito ang nag-aalis ng mga

kasalanan ng sanlibutan. Mapalad ang mga
inaanyayahan sa Kanyang piging. P: Sumainyo ang Panginoon
B: At sumaiyo rin
B: Panginoon, hindi ako karapat-dapat na magpatuloy
sa Iyo ngunit sa isang salita Mo lamang ay gagaling P: Pagpalain nawa kayo ng Makapangyarihang Diyos,
na ako. Ama at Anak at Espiritu Santo
B: Amen
KOMUNYON
P: Humayo kayong taglay ang kapayapaan upang ang
Panginoon ay mahalin at paglingkuran.
B: Salamat sa Diyos

PANALANGIN KAY SAN JOSE

(mula sa "Patris Corde" ni Papa Francisco)

Aba, Tagapangalaga ng Tagapagligtas, kabiyak ng Mahal na Birheng Maria

Sa iyo ipinagkatiwala ng Diyos ang kaisa-isa niyang Anak;
sa iyo nagtiwala si Maria; sa piling mo, si Kristo ay naging tao.
Maging ama ka rin sa amin, Pinagpalang Jose, at gabayan mo kami sa landas ng buhay.
Ihingi mo kami ng biyaya, awa at tapang, at ipagtanggol kami sa lahat ng masama. Amen.
San Jose, ipanalangin mo kami!