Isang buwan bago ang aking licensure examination para sa pagiging keychain ng St.
chain ng St. Jospeh of Cupertino para sa mga estudyante at mga magbo-board
arkitekto, nakipagkita ako sa aking kaklase noong kolehiyo para sa isang kumustahan
at para palakasin ang aking loob dahil kakapasa lang niya sa examination. Sa
pagkakataong iyon nakilala ko si San Jose ng Cupertino sa pamamagitan ng ibinigay
niyang keychain na ginamit niya bilang isa sa mga instrumento ng panalangin sa
panahon ng kanyang pag-aaral at examination.
Nabili raw niya ang keychain sa mismong simbahan kung saan ako rin ay
isang lingkod bilang miyembro ng Lectors and Commentators Ministry, ang Mary
the Queen Parish sa Fairview. Nagsimba raw siya roon ilang linggo bago ang exam
niya, at bago matapos ang Misa ay hinikayat ng pari ang mga nagsisimba, lalo na ang
mga kabataang mag-aaral, na kilalanin si San Jose ng Cupertino sa pamamagitan ng
pagbili ng keychain na iyon.
Pagkauwi ko galing sa pagkikita namin ng kaklase ko, sinubukan kong mas
kilalanin kung sino ba si San Jose sa pamamagitan ng internet. Nalaman kong patron
siya ng mga estudyante, board exam takers at mga hirap mag-aral. Si San Jose raw
kasi ay madalas absent-minded, mabagal makapick-up, at makakalimutin. Parang
ako, kaya naka-relate ako agad noong binabasa ko ‘yung kuwento niya. Ayaw pa nga
siyang tanggapin sa seminaryo. Noong nasa seminary naman na siya, ganun pa rin,
hirap pa rin siyang mag-aral para sa mga exam. Gayunpaman naging pari rin sya
kinalaunan at naging matagumpay sa mga gawain. At sa huli naging santo pa!
Simula noon, isanama ko sa mga hinihingian ko ng panalangin at pag-gabay
si San Jose ng Cupertino. Nananalig akong dahil alam niya ang aking kalagayan sa
hirap ng pag-aaral ay diringgin niya ang aking mga panalangin at siya’y magiging
tagapamagitan ko sa ating Panginoong Hesukristo.
Dumating ang araw ng licensure exam, inilagay ko sa bulsa sa dibdib ng
aking polo ang aking keychain. Dinarasal ko ang panalangin sa likod nito bago ang
exam gayundin kapag ‘di ko na alam ang sagot sa mga tanong. Gayon din ang ginawa
ko sa pangalawang araw ng exam. Minsan tititigan ko lang ito at ang larawan ni San
Jose na may bitbit na mga libro, tila isang paalala na sa kabila ng mabigat na mga
dalahin niya, napagtagumpayan niya ang kanyang tinahak na landas.
Abril ng taong 2017, nagsimba ako sa parokya ng Mary the Queen ng 4:30
ng hapon. Bihira ako magsimba ng ganoong oras kaya nanibago ako dahil ‘di ko
kilala ang pari Bago matapos ang Misa, nagsabi ang pari na siya’y nagbebenta ng
exam para makatulong sa kanilang mga panalangin at sa paghingi ng pag-asa.
Naalala ko bigla ‘yung kaklase kong nagbigay ng keychain sa akin mga apat na
buwan na ang nakakalipas noon. “Ah! Siya yung paring tinutukoy ng kaklase ko!”
Kaya matapos ang Misa, pinuntahan ko ang pari sa sacristy.
Nakilala ko si Fr. Joshua Vasquez, mula sa parokya ng St. Maximilian Kolbe
sa Greenfields 1 Novaliches. Sabi ko, “Fr. Maraming salamat dito. Napakalaking
tulong po sa pagre-review ko sa board exam. Dala-dala ko rin ‘to mismo sa exam,
at dinadasal ko yung dasal sa likod ‘pag ‘di ko na alam ang sagot.”
Tinanong ako ni Fr. Joshua, “And you passed?”
“Yes Father, at nag-top 9 din po ako.”
Doon ko nalamang naging saksi rin si Fr. Joshua sa pagtatagumpay ng iba
pang mga mag-aaral sa pamamagitan ng mga panalangin ni San Jose ng Cupertino.
Napakagandang paalala sa atin na mabuti at maawain ang Panginoong Diyos.
Gayundin na napakapalad nating kabahagi tayo ng Kristiyanong Sambayanang
binubuo ‘di lamang ng Simbahan dito sa lupa, kundi pati ng kapulungan ng mga
anghel, mga banal, mga santo, at mga mahal natin sa buhay na maluwalhati nang
bumubuo ng Simbahan sa langit na maaasahan natin bilang mga tagapamagitan natin
sa Diyos Ama at sa ating Panginoong Hesukristo.
Ngayong paparating na muli ang Architect Licensure Examination, ako
naman ang magbabahagi sa iba ng keychains at kasaysayan ni San Jose ng Cupertino-
isang santong patunay ng kadakilaan at kaluwalhatian ng ating Diyos.
San Jose ng Cupertino, maraming salamat po.
Ipanalangin mo po kami.
-Arch. Marvin Zandro R. Reabad
Ranked 9th, January 2017Architect Licensure Examination
Nagpapatotoo sa bisa ng panalangin ni
San Jose ng Cupertino