RITO SA PAG-BENDISYON

KAN IMAHEN KAN MAHAL NA PUSO NI JESUS

ASIN MALINIGON NA PUSO NI MARIA
ASIN KAN KAPILYA KAN SANTISSIMO SACRAMENTO

PAGBENDISYON KAN IMAHEN KAN MAHAL NA PUSO NI JESUS ASIN

MALINIGON NA PUSO NI MARIA ASIN KAN KAPILYA KAN SANTISSIMO
SACRAMENTO

(Pakatapos pamibion an pamibi paka-jomunyon, an Arzobispo mapahayag kan mga minasunod.)

Arzobispo: Mga tugang, sa pagbendisyon

Kan Imahen nin Mahal na Puso ni Jesus
asin Malinigon na Puso ni Maria
asin Kapilya kan Santissimo Sacramento,
ipamibi niato sa Kagurangnan
na kita gabos makanood na mamoot
asin mag-omaw sa Dios,
an burabod nin pagkamoot asin pagkaherak.
Logod sa paagi kan pagdevocion
sa Mahal na Puso ni Jesus
asin Malinigon na Puso ni Maria,
asin man sa danay na pagpamibi
sa atubangan kan Santissimo Sacramento,
makamtan niato
an saiyang panugang kaogmahan sa langit.

Mamibi kita...

Inoomaw mi Ika, Kagurangnan,

Ama na orog-kabanal.
Ipinadara Mo sa kinaban an Saimong Bugtong na Aki
tanganing pakabanalon mo an katawohan
asin tiponon sa saimong Banal na Harong
an gabos na yaon sa lindong
kan kasalan asin kagadanan.

Ipinadara Mo Siya tanganing pagsararoon kami

asin tiponon bilang sarong banwaan.
 Danay logod kaming pakapagsamba
sa Saimong banal na pinageerokanan
ain mag-ogma sa Saimong atubang.

Sa tabang asin pagkamoot

Nin Mahal na Puso ni Jesus
Asin Malinigon na Puso ni Maria,
Magin logod kaming maimbod sa pagtabang
Asin pagkamoot sa samong kapwa,
Mahigos asin daing takot na idolot
an samong buhay sa saimong mga kamot.

Ini hinahagad mi huli ki Cristo

na samong Kagurangnan.

Gabos: Amen.

(An Arzobispo mawirik kan benditong tubig sa Imahen kan Mahal na Puso ni Jesus asin Malinigon na
Puso ni Maria asin sa bilog na kapilya kan Santissimo Sacramento, bebendisyonan man an bulletin board.
Pakatapos kan pagwirik kan agua bendita an Arzobispo mabalik sa santuaryo para sa huring bendisyon.)