HORA SANTA
kan saimong mamomoton na presensya,
LEADER: Sa ngaran kan Ama, asin kan Aki, asin kan
Espiritu Santo
SIMBAG: Amen
LEADER: Mahal na Sacramento na sa langit gikan.
SIMBAG: Omaw asin salamat Simo sagkod paman.
Ama Niamo… Ave Maria… Kamurawayan…
GABOS: Namomotan na paraligtas, Paratubos kan
katawohan, kami minatubod na ika man
nanggad tunay na presente sa Santissimo
Sacramento na nasa atubangan niamo. Boot
niamong idolot ining sarong oras nin
pagsamba asin paghorop-horop sa pagdolot
saimo nin pinakahalangkaw na kaomawan
asin kamurawayan asin an pagtao nin dawa
dikit na pagsolsol kan samong mga kasalan
asin mga kasalan nin bilog na kinaban. Boot
man niamo na ining banal na oras gibohon
sa pagpasalamat Saimo kan mga nakaagi
nang mga hinagad asin balaog. Samuyang
minamawot man na mapasamuya asin sa
mga banal na kalag sa purgatoryo an
kadakol na mga indulhensyang gikan sa
siring na debosyon asin orog na nganing
hinahagad niamo Saimo na pabuloson an
Saimong mga balaog samuya asin sa mga na
nasa harong asin sa ibang nasyon. O Jesus,
mantang kami nagkakatiripon sa atubang
nangangako kami na lingawan an samong
sadiring mga hanap buhay, an samong mga
inaataman asin napupurisawan, na
lingawan an kinaban asin an mga palsong
kagaya-gayahan, asin ikatao an bilog
niamong kaisipan sa Saimo sana, sa pagtao
Saimo nin pinakahalangkaw na paggalang
asin pagsamba, asin sa paghorop-horop kan
saimong mamundong buhay sa samong
mga tabernaculo. Amen.
LEADER: O Jesu-Cristong Kagurangnan, nanuga ka
na kun haen an duwa o tolo nagkakatiripon
sa saimong ngaran yaon ka diyan sa tahaw
ninda. Lilingya nin pagkamoot asin
pagkaherak ining saimong mga aki na
nagkakatirpon sa saimong atubang, sa pag-
omaw sa saimong banal na puso asin na ini
mamidbidan patin kamotan nin gabos.
Madya sa tahaw niamo. O mahamison na
Jesus, panoa an samong mga puso kan
Saimong balaog asin palaada sinda kan
saimong pagkamoot .
LEADER: O Jesus simbaga an samong mga hinahagad
mantang kami nakaluhod sa atubangan mo.
SIMBAG: O puso ni Jesus, dangoga asin tawan samo
an samuyang mga hinahagad. O puso nin
pagkamoot, itinao ko an bulanos kong
pagtiwala Saimo, natatakot ako sa gabos na
bagay huli kan sakong kaluyahan, alagad
minalaom ako kan gabos na bagay na gikan
sa saimong pagkamarahayon .
GABOS: O Jesu-Cristong Kagurangnan, ika nagsabi,
“maghagad asin kamo tatawan, maghanap
asin kamo makakakua, magtoktok asin
mabubuksan iyan para saindo,” togoti,
nakikimaherak kami saimo, na minahagad
kan gracia nin saimong Diosnon na
pagkamoot, tanganing sa bilog niamong
puso, mga tataramon asin mga gibo,
kamotan mi ika, asin dai na mag ontok na
mag omaw saimo, na nabubuhay asin
naghahade sa kapanahonan kan mga
panahon. Amen.
LEADER: O Jesus simbaga an samong mga hinahagad
mantang kami nakaluhod sa atubangan mo.
SIMBAG: O puso ni Jesus, dangoga asin tawan samo
an samuyang mga hinahagad. O puso nin
pagkamoot, itinao ko an bulanos kong
pagtiwala Saimo, natatakot ako sa gabos na
bagay huli kan sakong kaluyahan, alagad
minalaom ako kan gabos na bagay na gikan
sa saimong pagkamarahayon.
Bago an kapahayagan nin kaimbodan sa Dios. Magkakaigwa nin
pagtoninong sa laog nin 10 Minuto na nagpapamibi sa Santissimo
Sacramento, ipamibi an mga personal na kahagadan asin an mga
kamawotan.
KAPAHAYAGAN NIN KAIMBODAN SA DIOS
SIMBAG: * Namomoot ako Saimo, O sakuyang Dios…
* Dios Ama sa langit…
* Dios Aki, paratubos nin kinaban…
* Dios Espiritu Santo…
* Santissima Trinidad, sarong Dios…
* Ika, na daing sagkod na pagkamoot…
* Ika, na naenot na namoot sako…
* Ika, na nagsadol sako na mamoot saimo…
* Sa bilog kong puso…
* Sa bilog kong kalag…
* Sa bilog kong isip…
* Sa bilog kong kusog…
* Orog sa gabos na mga rogaring asin mga
kaogmahan …
* Orog sa gabos na mga kagaya gayahan
asin mga kaogmahan…
* Labi pa sa sakong sadiri…
* Labi pa sa gabos na kadugo ko asin mga
katuod…
* Labi pa sa gabos na tawo asin mga
Angel…
* Orog pa sa gabos na bagay na linalang sa
langit asin sa daga…
* Huli ta ika an pinakahalangkaw sa
pagkamarahayon…
* Huli ta ika daing sagkod na maninigong
kamotan…
* Dawa dai mo pinanuga an langit…
 * Dawa baloon mo ako sa kinakaipuhan asin
pag alaman…
* Sa kayamanan asin sa kadukhaan…
* Sa kagausan asin kadaihan...
* Sa marahay na ginhawa asin kahelangan…
* Sa kaibahan kan pagkamoot saimo kan
mga Anghel sa langit…
* Sa kaibahan kan pagkamoot na an banal na
Virgen namoot saimo…
* Sa kaibahan kan pagkamoot mo sa sadiri
sagkod paman…
ESPIRITUAL NA PAGKOMUNYON
GABOS: Sakuyang Jesus, ako minatubod na ika uya
sa pinakabanal na Sacramento. Namomotan
na orog sa gabos na bagay, asin boot kong
akoon ka sa sakuyang kalag. Huli ta sa
ngonian dai ko ika maako sa Sacramento,
madya, sa Espiritu sa sakuyang puso.
Kinukogos taka na garo uya kana diyan,
asin bulanos na nakikisumaro ako saimo:
hare ako pagtogoti na makasiblag pa saimo.
Amen.
(matindog sa pagbasa kan Evangelio…)
Kun mahihimo pueding gibohon kan Padi an pagtao nin Homilia
Silenciong pagsamba sa Santissimo
(Pagkumpisal nin lambang saro…)
AN BENDISYON
(Luhod)
GABOS: O sakuyang Jesus, burabod nin dai maubos
na balaog, ika na nag bendisyon kan mga
Apostol, bago ka suminakat sa langit,
bendisyoni man ako, asin sa saimong
atubang pakabanala ako. Bendisyoni an
sakong isip, na danay na magiromdoman
ika. Bendisyoni an sakong pakasabot, na
danay na mag-isip ini saimo. Bendisyoni an
sakong boot, na dai nanggad ini maghanap
ni magmawot kan ikakamundo mo.
Bendisyoni an sakong hawak asin gabos na
mga hiro kaini. Bendisyoni an sakong puso
sa gabos na kamatean kaini. Bendisyoni ako
ngonian asin sa panahon na daing
kasagkoran, asin togoti na an saimong
pinakamahamis na bendisyon, para sako
magi man lugod na panuga kan daing
katapusan na kaogmahan. Bendisyoni an
sakong katuga-ngan, an maimbod.
Bendisyoni an sakong mga namomotan,
asin daraha ako asin sinda sa kapahingalon,
sa saimong banal na puso sagkod paman.
Amen.
PAMIBI BAGO MAG-BENDISYON
(Luhod)
LEADER: O Jesus, ika na matao kan saimong
bendisyon samo gabos na uya
 nagkakatiripon, mapakumbabang
hinahagad mi saimo na ikapaabot sa
lambang saro samuya an pambihirang
gracia na samong kinakaipuhan. alagad
orog pa kaini, hinahagad mi an saimong
mga bendisyon makaabot man lugod sa
lugar sa harayo. Mamatean man lugod sa
kalag kan mga nagtitios na dai makadigdi
ngonian sa pag-ako kan biyaya. Mamatean
man lugod kan mga maluya asin tinutokso
an kapangyarihan kaini saen man sinda.
Matanyog man lugod kami na bumalik
saimo. An bendisyon mo makabalyo man
lugod sa kadagatan sa pagparigon asin
pagranga sa mga misyoneros na harayo sa
saindang mga harong asin gabos na
naghihingoha na mamotan an saimong
Banal na puso sa kapakumbabaan nin...
(ngaranan an boot mong pabendisyonan)…asin
makamtan man lugod an kamawotan na sa
saimong pagkamoot iwawaras
Kagurangnan.
SIMBAG: Amen.
GABOS: Jesus, sakuyang Dios, sakuyang Hade,
ngonian babayaan ko na ika, madara ko
man lugod an giromdom kan saimong
nalugad na pagkamoot. Dai na mahahaloy
sagkod na ako dumalaw giraray saimo.
Dangan diyan, iwawalat ko an sakong
dukhang puso sa atubangan kan
tabernaculo. An lambang tinibok kaini
magsabi man lugod saimo na ako
namomoot saimo, asin ta naghahalat ako na
magin libre sa saro pang oras sa kaibahan
mo. Bendisyoni an sakong harong asin mga
gigibohon. Bendisyoni an mga namomotan
ko, sakong mga katood, siring man mga
kaiwal. Amen.
BENDISYON
(Luhod dangan maawit)
TAMTUM ERGO
Tantum ergo sacramentum,
veneremur cernui;
Et antiquum documentum,
novo cedat ritui ; Praestet fides
supplementum Sensuum defectui.
Genitori, Genitoque, Laus et iubilatio;
Salus, honor, virtus qouque,
Sit et benedictio:
Procendenti ab utroque,
Compar sit laudatio. Amen
LEADER: Panem de coele praestitisti eis.
SIMBAG: Omne delectamentum in se habentem.
OREMUS…
Deus, qui nobis sub sacramentum mirabilis,
passionis tuae memoriam reliquisti: tribue,
 quaesumus, ita nos corporis et sanguinis tui
sacra mysteria venerari, ut redemptionis
PANINIMBAGAN
tuae fructum in nobis jugiter sentiamus. Qui (Tindog)
vivis et regnas in saecula saeculorum. Amen

Daing si’say man an nabubuhay para sa sadiri lamang.

Daing si’say man an nagagadan para sa sadiri lamang.
MGA PAG-OMAW
Kita gabos may paninimbagan sa lambang saro
(Luhod)
kita gabos tiniripon nin Dios sa pagkamoot.
 Pag-omawon an Dios…
 Pag-omawon an saiyang Mahal na ngaran
 Pag-omawon si Jesu-Cristo Dios na totoo asin
tawong totoo…
 Pag-omawon an ngaran ni Jesus…
 Pag-omawon an saiyang kabanal-banaling puso…
 Pag-omawon an saiyang kabanal-banaling dugo…
 Pag-omawon si Jesus sa Santissimo Sacramento sa
altar…
 Pag-omawon an Espiritu Santo banal na
pararanga…
 Pag-omawon an banal na Ina nin Dios, Maria
Santissima…
 Pag-omawon an banal asin malinigon na
pangidam saiya…
 Pag-omawon an mamurawayon na pagsakatan
saiya sa langit…
 Pag-omawon si San Jose saiyang mabinion na
esposo…
 Pag-omawon an Dios sa saiyang mga Angeles asin
Santos…