MGA PANGADIEON ASIN DOKTRINA NA DAPAT TOOMON NIN MGA IKAKASAL

PANGURUS
Sa pagtandaan + nin Santa Krus, Kagurangnan + niamong Dios,agawon mo kami + sa samong mga
kaiwal; sa ngaran nin Ama,asin nin Aki, + patin nin Espiritu Santo. Amen

AMA NIAMO
Ama niamo na yaon Ka sa Langit,pabanalon an Ngaran mo,magdatong an kahadean mo,Mangyari
an boot mo digdi sa daga nin siring sa langit.An samong kakanon sa aroaldaw itao mo samuya ngonian
Asin patawadon mo kami kan samong mga kasalan,siring na pinapatawad niamo an mga nagkakasala
samuya,asin hare kami pagdaraha sa sugot kundi agawa kami sa maraot. Amen.

AVE MARIA
Ave Maria, pano nin gracia, an Kagurangnan kaiba mo.Paladan ka sa mga kababaehan,asin paladan
si Jesus,an bunga kan saimong sinapupunan.
Santa Maria,Ina kan Dios, ipamibi mo kaming mga makasalan,ngonian sagkod sa paghingagdan
niamo. Amen.

PAG-OMAWON
Pag-omawon an Ama, asin Aki, asin an Espiritu Santo.Siring kan pag-omaw sa kaenot –enote pang
gayo,sagkod pa naman ngonian,magkagurang man .Amen.

CREDO APOSTOLICO
Nagtutubod ako sa Dios Amang makakahan, kaglalang kan langit asin daga, asin ki Jesu-
Cristo,Aking bogtong niya, Kagurangnan ta, ipinangidam huli kan Espiritu Santo, namundag ki Virgen
Maria, pinasakitan kan panahon ni Poncio Pilato, ipinako sa cruz, nagadan asin inilubong, huminilig sa
mga gadan, kan ikatolong aldaw nabuhay liwat hale sa mga gadan, suminakat sa kalangitan, nagtutukaw
sa too kan Dios Amang makakamhan, hale duman mabalik sa paghukom sa mga buhay asin mga gadan.
Nagtutubod ako sa Espiritu Santo, sa banal na Simbahan na catolico, sa paropakinabang nin mga santos,
sa pagpatawad nin mga kasalan, sa pagkabuhay-liwat nin laman , sa buhay na daing kasagkoran. Amen.

MGA TUGON NIN DIOS

1. Dai ka nin ibang Dios na sasambahon kundi Ako sana.
2. Dai mo pagsabihon an ngaran nin Dios nin basing lamang.
3. Giromdomon mo an paglehe sa mga aldaw na Domingo asin Fiesta.
4. Galangan mo ang saimong ama asin ina.
5. Dai ka maggadan sa magkasi mo tawo.
6. Dai ka magdorog sa bako mong agom.
7. Dai ka maghabon.
8. Dai ka magsaksi nin putik sa magkasi mo tawo.
9.Dai ka magmawot nin marigsok sa agom nin magkasi mo tawo.
10.Dai ka magmawot pagsadiri kan rogaring nin iba.

MGA TUGON NIN SIMBAHAN

1.An paghinanyog nin misa asin dai paggibo nin magabat sa mga aldaw na Domingo asin fiestang
ipinaglelehe: Mga fiesta : Dec. 8-Immaculate Concepcion Dec.25-Christmas Day
Jan. 7-Solemnidad ni Maria, Ina nin Dios
2.An pag-ayuno asin dai pagkakan nin karne (abstinencia) sa panahon na itinalaan nin Santa Iglesia.
3.An pagkumpisal asin pagkumonion minsan makasaro lamang sa taon.
4.An pagsorog kan mga kaipuhan nin Santa Iglesia asin kan saiyang mga padi siring sa kinaogalean.
5. An pagpakasal sa Simbahan sosog sa kabotan nin Santa Iglesia

PITONG SAKRAMENTO
1. PAGBONYAG 6. PAGPADI O ORDEN NA MAHAL
2. PAGKUMPIL 7. PAGKASAL
3. PAGKUMPISAL O PENITENCIA
4. EUKARISTIA O PAGKOMUNION
5. PAG-OLEO