RITO SA PAG-BENDISYON

KAN KAPILYA ASIN IMAHEN NI NUESTRA SEÑORA DE KATIPANAN

Gigibohon bago an Santa misa

FR. JUN: Mga tugang, sa pagbendisyon kaining Kapilya

asin an Imahen ni Nuestra Señora de Katipanan

ipamibi niato sa Kagurangnan na kita gabos makanood na

mamoot asin mag-omaw sa Dios,
an burabod nin pagkamoot asin pagkaherak.
Logod sa paagi kan pagdevocion niato sa Mahal na Ina
asin man sa danay na pagpamibi,
makamtan logod niato
an saiyang panugang kaogmahan sa langit.

FR. JUN: Mamibi kita...

Inoomaw mi Ika, Kagurangnan,

Ama na orog-kabanal. Ipinadara Mo sa kinaban
an Saimong Bugtong na Aki
tanganing pakabanalon mo an katawohan
asin tiponon sa saimong Banal na Harong
an gabos na yaon sa lindong
kan kasalan asin kagadanan.

Ipinadara Mo Siya tanganing pagsararoon kami

asin tiponon bilang sarong banwaan.
Danay logod kaming makapagsamba
sa saimong banal na pinag-eerokanan
asin mag-ogma sa Saimong atubang.

 Sa tabang asin pagkamoot

ni Vergin Maria Nuestra Señora de Katipanan,
Magin logod kaming maimbod sa pagtabang
Asin pagkamoot sa samong kapwa,
Mahigos asin daing takot na idolot
an samong buhay sa saimong mga kamot.

Ini hinahagad mi huli ki Cristo

na samong Kagurangnan. Amen.

(An Padi mawirik kan benditong tubig sa luwas asin laog kan kapilya dangan sa Imahen
Pakatapos kan pagwirik kan agua bendita poponan na an Santa Misa.