RITO SA PAGBONYAG

Awit sa Pagpoon:

Dios Kaglalang asin Pastor Maogmang mag-awit sa Kagurangnan

Kamo gabos na uya sa kinaban Maogmang mag-awit sa Kagurangnan
Madya sa atubangan Niya Mag-awit na Maogma. (2x)

PAGPOON:

PADI: Sa ngaran kan Ama asin kan Aki asin kan Espiritu Santo.
GABOS: Amen

PADI: Ano an hinahagad nindo para sa saindong aki?

GABOS: Pagbonyag po.

PADI: Namomotan kong mga magurang: sa paghagad na bonyagan

an saindong aki: minaako kamo kan katongdan na patoodon
sinda sa pagtubod, sa pagkuyog kan mga togon nin Dios, sa
pagkamoot sa Dios asin sa kapwa tawo sosog sa itinokdo sato
ni Cristo. Nasasabotan nindo ini?

Magurang: Opo, nasasabotan niamo.

PADI: Asin kamo man mga ninong asin mga ninang: ano kamo
andam sa pagtabang sa magurang kaining aki, tanganing
makaotob sinda kan saindang katongdan?

Matubong: Opo, andam kami.

PADI: Namomotan kong mga aki: an bawaan na Cristiano naoogma

sa pag-ako saindo. Sa ngaran ninda, kinukrusan ko kamo kan
Krus ni Cristo, satong Paratubos. Siring man, kukrusan kamo
kan saindong mga magurang asin kan mga matubong saindo.

(An padi makrus sa angog kan mga aki na mayo nin sinasabi. Siring man an mga magurang asin mga
padrino asin madrina.)

AWIT SA PAGROKYAW:
LITURGIA NIN TATARAMON

Babasahon na ginono sa ebanghelyo na sinurat ni San Mateo

Si Jesus nagdolok sa onseng mga disipulo asin sinabihan sinda.”an gabos

na kapangyarihan sa langit asin daga itinao sakuya. Kaya, lakaw kamo
asin tokdoan nindo an gabos na mga banwaan. Bonyagan nindo sinda sa
ngaran kan Ama asin kan Aki patin nin espiritu santo. Tokdoan nindo na
kuyogon an gabos na ipinagboot ko saindo. Asin dapat nindong maaraman
na ako danay na yaon saindo sa gabos na aldaw sagkod sa katapusan nin
kinaban.

Marhay na bareta kan kagurangnan.

HOMILIA

PAMIBI NIN BANWAAN

PADI: Mga tugang: ipimibi niato ki jesucristo ining mga aki na

ngonian maako kan grasya nin bonyag. Siring man, ipamibi
niato an saindang mga magurang, an mga matubong asin an
gabos na binonyagan.

GABOS: Jesus na kagurangnan, hinanyoga kami.

LIDER: Huli kan misteryo nin saimong pagkagadan asin pagkabuhay-

liwat, papagkanigoa na ining mga aki magkamit kan bagong
asin makaayon sa saimong banal na simbahan.

LIDER: Huli kan pagbonyag asin pagkumpil, papagkanigoa na sainda

magin mga marhay na disipulo asin saksi nin saimong
ebanghelyo.

LIDER: Huli sa kabanalan nin saindang buhay, papagkanigoa na

madara sinda sa kaogmahan nin saimong langitnon na
kahadean.
LIDER: Papagkanigoa na an mga magurang asin mga padrino asin
madrina makatao nin marhay na padara nin pagtubod para sa
mga aking ini.

LIDER: Papagkanigoa na an saindang mga pamilya magdanay sa

lipotok na pagkamoot saimo.

LIDER: Papagkanigoa na mabago sa samuya gabos an grasya nin

bonyag.

LITANIYA

PADI: Santa Maria, Ina nin Dios.

GABOS: Ipamibi mo kami.

PADI: San Jose.

GABOS: Ipamibi mo kami.

PADI: San Juan Bautista.

GABOS: Ipamibi mo kami.

PADI: San Pedro asin San Pablo.

GABOS: Ipamibi mo kami.

PADI: San Lorenzo Ruiz

GABOS: Ipamibi mo kami.

PADI: San Vicente Ferrer

GABOS: Ipamibi mo kami.

PADI: Gabos na Santos asin Santas nin Dios.

GABOS: Ipamibi nindo kami.

PAMIBI NIN EXORCISMO

PADI: O Dios na makakamhan, asin daing kayapusan,
ipinadara mo an saimong aki sa kinaban,
tanganing pahaleon samuya an espiritu nin karatan,
an tawo ngawon sa kadikloman,
asin darahon sa saimong maliwanagon na kahadean.
Nakikimaherak kami saimo,
na ining mga aki malinogan kan kasalan na na orihinal,
magin templo nin dios na buhay asin sa sainda mag-erok
an espiritu santo, huli ki cristo na saimong kagurangnan.

GABOS: Amen

PADI: Parigonon kamo kan kapangyarihan ni cristo,

satong paratubos, na nabubuhay asin naghahade
sa panahon na daing kasagkoran.

GABOS: Amen

( an padi madoon kan saiyang toong kamot sa payo kan mga aki)

PAGPAHAYAG KAN PAGTUBOD ASIN PAGSIKWAL SA KARATAN

PADI: Namomotan kong mga magurang asin mga padrino asin

madrina: huli kan sakramento nin pagbonyag,an mga
akin a dinara nindo digdi maako kan bagong buhay na
gikan sa pagkamoot nin dios: bagong buhay sa bagsik
kan tubig asin kan espiritu santo katongdan nindo an
pag-ataman sainda sa pagtubod., tangani na an diosnon
na buhay na yaon sainda dai madigtaan nin kasalan
kundi kumusog lugod aroaldaw kaya dara kan saindong
pagtubod, dapat na andam kamo na mag-ako kan
katongdan na ini. Giromdoma nindo an mga panuga na
ginibo kan kamo binonyagan isikwal nindo an kasalan
asin ipagrokyaw nindo an pagtubod ki jesucristo na iyo
man sana an pagtubaod kan simbahan. Sa pagtubod na
iyan, binonyagan ining saindang mga aki.
PADI: Isinikwal nindo si satanas?
GABOS: Opo, isinisikwal niamo.

PADI: Isinisikwal nindo an saiyang mga maraot na gibo?

GABOS: Opo, isinisikwal niamo.

PADI: Isinisikwal nindo an saiyang mga padaya?

GABOS: Opo, isinisikwal niamo.

PADI: Minatubod kamo sa Dios Amang makakamhan, Kaggibo kan

langit asin daga?

GABOS: Opo, Minatubod kami.

PADI: Si Jesucristo bogtong na Aki nin Dios asin Kagurangnan niato.

Ipinangaki siya ni Virgen Maria. Ipinako siya sa krus,
nagadan asin ilinobong, nabuhay-liwat asin ngonian
nagtutukaw sa too nin Ama. Minatubod kamo kaini?

GABOS: Opo, Minatubod kami.

PADI: An Espiritu Santo ikatolong persona kan saro sanang Dios. An

satuyang simbahan saro, banal, catolico asin apostolico, na
nagpapahayag nin pagtubod sa paropakinabang nin mga
Santos, sa kapatawaran nin mga kasalan, sa pagkabuhay-liwat
nin mga gadan asin sa buhay na daing kasagkoran.
Minatubod kamo kaini?

GABOS: Opo, Minatubod kami.

PADI: Iyo ini an satuyang pagtubod! Iyo ini an pagtubod nin

simbahan! Pagtubod na ikina-oogma niatong ipagrokyaw huli
ki Cristo na satong Kagurangnan.

GABOS: Amen.

PAGBONYAG

PADI: Boot nindo na si N ____, bonyagan sa pagtubod kan

Simbahan, pagtubod na ngonian ipinagrorokyaw niato gabos?
Magurang/Matubong: Opo, boot niamo.

PADI: N ____, Binobonyagan taka sa ngaran kan Ama, asin kan Aki
patin kan Espiritu Santo.

Awit: Pag-omawon an Kagurangnan

Oomawon ko an Kagurangnan
sa gabos na panahon
naoogma an sakong puso sa gabos na aldaw

PAGLAHID KAN CRISMA

PADI: Mga aki, ilinigtas kamo kan Dios na Makakamhan, Ama ni

Jesucristong Kagurangnan, asin tinawan kamo nin bagong buhay sa
tubig asin Espiritu Santo. Ngonain linalahidan niya kamo kan
Crisma nin kaligtasan tanganingika-ayon kamo sa saiyang banwaan,
magdanay kamo na mga kabtang ni Cristo bilang Padi, Profeta asin
Hade, asin makamtan nindo an buhay na daing kasagkoran.

GABOS: Amen.

PAGBOGTAK KAN GUBING NA PUTI

PADI: Namomotan kong mga aki: kamo mga bagong Cristiano na.
Ipinakisumaro na kamo ki Cristo. Ining gubing na puti iyo an tanda
kan saindong pagka-Cristiano. Sa atubang kan hulit asin padara nin
saindong mga magurang, padrino, madrina asin katood, hare nindo
pagdigtai an saindong pagka-Cristiano sagkod na makaabot kamo
sa buhay na daing kasagkoran.

GABOS: Amen.

PAGTAO KAN KANDILA

PADI: Akoa nindo an ilaw ni Cristo! Mga magurang asin padrino,

madrina: an ilaw na ini pangatamanon nindo, tanganing an
saindong aki maglakaw siring sa mga akin in liwanag na iyo si
 Cristo. Magdanay logod sinda sa pagtubod, tanganing magkapalad
na magsabat sa Kagurangnan, sa pagbalik niya kaiba an gabos na
santos sa langit.

PAGTAPOS KAN SEREMONYA

PADI: Kamong mga binonyagan ki Cristo, si Cristo an pag-arogon nindo!

Alleluya! Alleluya!

Mga tugang: huli sa bagong buhay na itinao sainda sa Sakramento

nin pagbonyag, an mga aking ini inaapod asin nagin mga akin in
Dios. Dai mahahaloy, maako sinda kan mga balaog nin Espiritu
Santo sa Sakramento nin Pagkumpil, asin madolok sinda sa altar sa
pag-komonyon. Sa kaibahan nin bilog na Simbahan, an Dios
aapodon ninda na Ama. Ngonian sa ngaran ninda bilang mga akin
in Dios, mamibi kita sa mga tataramon na itinokdo sato nin satong
Kagurangnan.

AMA NIAMO

Ama niamo, na yaon sa langit: pabanalon an ngaran mo;

magdatong an kahadean mo; mangyari an boot mo sa daga nin siring sa langit.
an samong kakanon sa aroaldaw itao mo samuya ngonian, asin patawadon mo kami sa
samong mga kasalan, siring na pinapatawad niamo an mga nagkakasala samuya; asin
hare kami pagdaraha sa sugot; kundi agawa
kami sa maraot

PADI: Huli ki Jesucristo, Aki ni Birhen Maria, itinao nin Dios na

makakamhan sa mga ina na na Cristiano an maogmang paglaom na
an saindang mga aki magkamit kan buhay na daing kasagkoran.
Bendisyonan logod nin Kagurangnan ining mga ina na
nagpapasalamat huli kan mga balaog na inako ninda, asin kaiba an
saindang mga aki, mgdanay logod sinda sa pagpapasalamat sa Dios,
huli ki Cristo na satong Kagurangnan.

GABOS: Amen

PADI: Kagurangnan, Dios na Makakamhan, parawaras nin buhay sa

langit asin dagam bendisyoni an mga ama kaining mga aki,
tanganing sa kaibahan nin saindang agom sinda maging mga
enot na saksi sa pagtubod, sa tataramon asin sa gibo, sa
 atubang nin saindang mga aki, huli ki Cristo na samong
Kagurangnan

GABOS: Amen

PADI: Kagurangnan, Dios na makakamhan, kagtao kan bagong buhay

sa tubig asin Espiritu Santo, bendisyoni kami gabos na uya
digdi: tanganing danay asin minsan saen, kami magin buhay
na mga kabtang nin saimong banwaan, asin warasan samo an
saimong katoninongan, huli ki Cristo, samong Kagurangnan.

GABOS: Amen

PADI: Bendicionán man lugód kamó kan Díos na makákamhan: kan

Amâ, asin kan Ákì, asin kan Espíritu Sánto.
 
Awit nin Pagtapos:
Kamo an ilaw nin Kinaban

Refrain:

Kamo an ilaw nin kinaban

Magliliwanag sa katawohan
Mahihiling ninda an karahayan
Pag-oomawon ninda an Dios na Kagurangnan.

Paladan an mga dukha, Ta’an kahadean nin Dios sa sainda

Bendisyoni Kami, Kagurangnan
Giboha man kaming mga dukha.

Paladan an mga nagugutom

Nin huli ta sinda pakabasogan
Bendisyoni man kami, Kagurangnan
Kami gabos na nagugutom.