ACARA PARPUNGUAN BODARI

PARNINGOTAN ARI HATUTUBU

NI TUHAN JESUS

 Ev: Mika 5:1- 4  Ulaon Apostel 13:21-25

TOPIK :
NUNGA TUBU RAJA NI HADAMEON

Sabtu, 24 Desember 2022

HURIA KRISTEN BATAK PROTESTAN

 DISTRIK XVIII JABARTENGDIY
I. PERSIAPAN NATAL
II. PROSESI :
Parhalado mamasuhi ruangan, laos marende ma Songleader mangendehon: BE. No. 853
“Haleluya (12x)”
III. IBADAH (U=Uluan ; R= Ruas ; SL= Songleader ; S=Sude)
01. JOU-JOU TU PARSOMBAON - VOTUM - INTROITUS - TANGIANG :
U: Sadarion tapatupa do Parningotan Hatutubu ni Tuhanta Jesus Kristus. Marpungu do
sude angka na porsea manghamauliatehon balga ni asi ni roha ni Debata na manongos
AnakNa na sasada i gabe haluaon ni sandok manisia.
R: I ma hasisinghop bagabaga ni Debata na hujalo hami, ai nunga hubege jala hutanda
hami sandiri, Ibana do tutu Sipalua portibi on.
U: Antong tapahibul ma rohanta manjanghon Ibana tubu di rohanta nang di parsaoran di
hurianta borgin on. Taparade ma rohanta marsomba tu Debata!
SL: (Mangendehon) BE. HKBP No. 56 : 1 “SAI RO MA HAMUNA” BL. 139
♫♪♫
Sai ro ma hamuna angka na porsea, Sai ro ma hamuna tu Betlehem
Ida dakdanak, Sipalua hita…
S: (Mangendehon Refrein): (Jongjong)
♫♪♫
Tasomba ma Ibana, tasomba ma Ibana, tasomba ma Ibana, Rajanta!
U: Tapungka do partangianganta on, MARHITEHITE GOAR NI DEBATA AMA.
Ibana do na manompa langit dohot tano, daging dohot tondinta; Ibana do silehon tua
dohot pasupasu di hita saluhutna, tasomba ba Ibana, Rajanta!
S: (Mangendehon Refrein):
♫♪♫
Tasomba ma Ibana, tasomba ma Ibana, tasomba ma Ibana, Rajanta!
U: DOHOT GOAR NI TUHAN JESUS KRISTUS.
Ibana do Debata na tuat sian banua ginjang mardaging jolma gabe Sipalua jala Sitobus
hita. Parningotan di hatutubuNa do na itahalashon di tingki on. Tasomba ma ibana
Rajanta!
S: (Mangendehon Refrein):
♫♪♫
Tasomba ma Ibana, tasomba ma Ibana, tasomba ma Ibana, Rajanta!
U: DOHOT GOAR NI TONDI PORBADIA.
Ibana do manjou hita sian ragam parasing-asingan ni adat, budaya, tradisi, suku nang
parbangsoon tu bagasan hasadaon parsaoran ni halak na Porsea. Tasomba ma Ibana
Rajanta!
S: (Mangendehon Refrein):
♫♪♫
Tasomba ma Ibana, tasomba ma Ibana, tasomba ma Ibana, Rajanta!
U: Nunga patar hangoluan i, jala nunga huida hami jala nunga huhatindanghon hami dohot
hubaritahon hami tu hamu hangoluan na saleleng ni lelengna, na di lambung ni Ama i
Parpunguan Bodari 1
 hian jala naung patar di hami. Haleluya! Martangiang ma hita : Ale Debata, Ama na di
banua ginjang! Pujipujian, hasangapon dohot hamauliateon husombahon hami tu Ho,
marningot silehonlehonMi na balga i tu hami jolma na di pardangolan on, i ma AnakMu,
Jesus Kristus, na sinuruMi sian banua ginjang ala ni hami. Gabe na dangol do Ibana
jala na pogos, pola tubu Ibana di bara ni Betlehem, asa mamora hami. Sai rajai jala
togu-togu hami marhitehite TondiM, asa lam huida hami godang ni holong ni rohaM na
pinapatar ni AnakMi. Amen. (Hundul)
02. MARENDE BE. NO. 605 : 1 - 2 “LAS MA ROHAM”
♫♪♫
Las ma roham Tuhanta ro, gumomgom sasude
ungkap roham, Jangkon rajam marende ma sude,
Marende ma sude, marende, marende ma sude.
♫♪♫
Tano nang laut, harangan i nang awang-awang i,
Hauma i, nang sunge i, olophon Raja i,
Olophon Raja i, olophon, olophon Raja i.
03. LITURGI: ASINIROHA NI DEBATA MARHITEHITE PANOMPAONNA DI PORTIBION.
(U=Uluan, R= Ruas, A=Ama, I=Ina, N/R=Naposo/Remaja, D=Dakdanak)
U: Halongangan do saluhut pambahenan ni Debata. Tung na so tardodo jolma i do
huaso dohot hapistaranNa. Tarida do i sian saluhut na tinompaNa, sian naso adong
hian gabe adong. Mansai uli jala denggan situtu, soada na hurang, tung singhop do
sasude.
A : Marhitehite hata ni Jahowa do manjadi angka langit, jala marhitehite hosa ni
pamanganNa sude angka paranganNa. Ai manghuling Ibana, gabe manjadi do,
mandokhon do Ibana, jadi jongjong ma.
I : Ai marhite sian Ibana do ditompa saluhutna, na di banua ginjang dohot na di tano on,
na tarida dohot na so tarida i, angka habangsa, angka harajaon, angka gomgoman,
angka parhuasoon; saluhutna i do ditompa marhitehite Ibana, jala marhapatean tu
Ibana. Jala di jolo ni saluhutna do Ibana, jala saluhutna i do hot di bagasan Ibana.
N/R : Ale Jahowa, Sigomgom hami. Mansai sangap do goarMu di liat portibi on, dipatimbul
Ho do hamuliaonMu ro di atas ni angka langit. Gari sian pamangan ni angka dakdanak
dohot angka posoposo dijadihon Ho do paranganMu, ala ni angka na mangalo Ho, asa
paonjaphon musu dohot sitahi sudolsudol.
D : Molo hutailihon langitMi, angka jadijadian ni jarijariM, bulan dohot bintang, angka na
pinauliM.
R : Mangendehon BE. No. 569 “O DEBATA TUNG LONGANG DO ROHANGKU”
♫♪♫
O Debata tung longang do rohangku, molo hubereng na tinompaMi,
Saluhut bintang, hilap dohot ronggur, manghatindanghon hasangaponMi,
Marende au Tuhan mamuji Ho, O, Debata, sangap do Ho.
Marende au Tuhan mamuji Ho, O, Debata, sangap do Ho.
A : Tung aha ma nian jolma i, umbahen pola ditaringoti rohaM ibana ? Jala anak ni jolma i,
umbahen pola diebati Ho ? Humurang apala otik do ibana sian Debata dibahen Ho,
alai ditalitalihon Ho muse hamuliaon dohot hatongamon tu ibana.
Parpunguan Bodari 2
 I : Dipabangkit Ho do ibana gumomgom angka jadijadian ni tanganMu, sude do tahe
dipatunduk Ho tu ibana.
N/R : Angka birubiru dohot lombu sudena ro di binatang angka na di harangan.Pidong angka
na di toru ni langit dohot angka dengke di laut, ro di sude na manginsir di laut.
D : Ale Jahowa, Sigomgom hami, mansai sangap do goarMu di liat portibi on.
U : Didok di Johanes 1 : 1 dohot 14a: “Di mulana i nunga adong Hata i, jala saor tu
Debata do Hata i, jala Debata do Hata i. Gabe daging ma Hata i jala maringan di
tongatonga ni hita on, i ma Tuhan Jesus Kristus, na tapestahon di borngin on. Amen
04. KOOR :
05. MARENDE BE. NO. 61 : 2 - 3 “NA TAU LAS NI ROHA” BL.2
♫♪♫
Tung godang do dosa pangunjunan pe,
Mangarsahi hita paima mate be, mangarsahi hita paima mate be.
♫♪♫
Na so tarhatahon hamagoan i,
Aut so tubu Jesus Sipalua i, aut so tubu Jesus Sipalua i.
06. LITURGI II : DENGGAN BASA NI DEBATA MANESA DOSA NI JOLMA NA MANGIDO
HASESAAN NI DOSA NA:
(U=Uluan, R=Ruas, A=Ama, I=Ina, N/R=Naposo/Remaja, D=Dakdanak)
U : Dimulana i uli dohot denggan situtu do portibion dohot sude pangisina, alai
nuaeng nunga dihuphupi timus, ndang adong be godang soara ni pidong na
marhabong alani ni jolma na jotjot manegai angka suansuanan laho pasauthon
lomo ni rohana. Hadameon i pe nunga maol be didapot jolma i nuaeng, alani
porang dohot huaso, arta. Godang ni hasusaan alani lalo, aek na sumar.
Partangison alani hapogoson, hageduhon dohot pangarupaon nang
panggosagosaon di dongan, nang nasa ulaon dosa tahe, sudena i alani jolma
ndang be manghahalongi Debata dohot donganna manisia.
R : Marende BE.: 421 ”MARSOMBA AU DIJOLOMON” (BL. 281)
♫♪♫
Marsomba au dijoloMon, ponjot, targogot rohangkon, Dibaen godang ni
dosangkon, sai jangkon dohot au. Sai jangkon ma au on,
na ramun diringkon, Tung pos do rohangki di Ho, dijangkon Ho au on.
U : Ingot ma hata ni Debata na tarsurat di 3 Musa 25:35: Tung sura lam marpogos
donganmu, lam surut tahe parbohalon di lambungmu, ingkon tolonganmu do
ibana, nang halak dagang nang halak paisolat ibana, asa mangolu ibana di
lambungmu.
A : Ale Debata sai pargogoi ma hami mangulahon na hombar tu HataMi.
U : Ndang jadi papeolonmu uhum, ndang jadi ho marnidanida bohi, jala ndang jadi
jaloonmu silua, ai sisip do papitung mata ni halak na pistar jala pabalikbalik
parhataan ni halak na tigor.
I : Ale Debata sai pargogoi ma hami mangulahon na hombar tu HataMi.

Parpunguan Bodari 3
 U : Jadi didok Jesus ma: Sihaholonganmu do Tuhan Debatam sian nasa ateatem,
sian nasa hosam dohot sian nasa roham! Jala sihaholonganmu do donganmi
doshon dirim!
N/R : Ale Debata sai pargogoi ma hami mangulahon na hombar tu HataMi.
U : Sai pahot ma asi ni rohaM di hami marhitehite panindangion dohot hagogoon ni
Tondi Parbadia asa tarapul situtu rohanami manjou Ho, asa pantun, tigor jala
daulat hami marpangalaho, bahen hasangapon di GoarMu na badia i.
D : Ale Debata sai pargogoi ma hami mangulahon na hombar tu HataMi.
U : Sisangunjur do dalan ni Debata, pita do hata ni Jahowa, Ibana do lombulombu ni
sude angka na marhaposan tu Ibana. Amen
R : Marende BE. No. 48 : 6 ”RIA MA HITA SASUDE” BL. 16 (Jongjong)
♫♪♫
Antong hamuna sasude, pardosa na tungki
Sai ungkap rohamuna be, manjangkon Jesus i, manjangkon Jesus i.
U : Tabege ma Hata bagabaga taringot tu hasesaan ni dosa.
Ise be mangaluhon angka na pinillit ni Debata? Debata do na mamintori. Ise do
na mandabu uhum hamagoan? Kristus Jesus do naung mate; alai ndada holan i,
naung mulak mangolu do, jala di siamun ni Debata do Ibana mangondihon hita.
Hasangapon ma di Debata na di ginjang!
R : Amen! (Hundul)

07. KOOR:
08. EPISTEL:
U : Hata ni Debata di Parningotan Ari Hatutubu ni Tuhan Jesus i ma na tarsurat di Ulaon
Apostel 13:21-25: songon on ma na tarsurat disi, marsingkat sorin ma hita manjahasa:
Dung i dipangido nasida ma raja, jadi dilehon Debata ma tu nasida si Saulus, anak ni si
Kis, marga Benjamin, leleng ni opatpulu taon.
R : Jadi dung dipaijur i, dipabangkit ma di nasida si Daud bahen rajanasida, na
hinatindangkonna i di na nidokna: "Nunga jumpang Ahu si Daud, anak ni si Isai,
halomoanki, sipasaut nasa na pinangido ni rohangku!"
U : Sian pinompar ni i ma diparo Debata di halak Israel Jesus, i ma Sipalua na
pinarbagabagana i.
R : Patujolo ni harorona dibaritahon si Johannes tu sandok bangso Israel pandidion
mandokkon paubahon roha.
U : Mareak ujung ni langkana didok si Johannes i: Ndada ahu na niarop ni rohamuna; di
pudingku do Ibana ro. Na hurang tama do ahu mananggali sipatuna.
I do sahatna, Martua do angka na tumangihon Hata ni Debata, jala na umpeopsa.
U+ R: Amen.
09. MARENDE BE. NO. 53: 1+3 “DIBETLEHEM DO TUBU” BL. 51
♫♪♫
Di Betlehem do tubu di hita Anak i, I do sian na burju
Hupillit Rajangki, i do, i do, hupillit Rajangki
♫♪♫
Sai naeng haholonganku Ho, ale Tuhanki
Parpunguan Bodari 4
 Nang marsak las rohangku. Ingkon lam ganda i.
Olo, olo ingkon lam ganda i

10. LITURGI III: BARITA HARORO NI SIPALUA.

(U=Uluan, R= Ruas, A=Ama, I=Ina, N/R=Naposo/Remaja, D=Dakdanak)
U: Bangso na mardalani di bagasan haholomon marnida sada panondang na bolon.
Binsar do sada panondang di angka na mangingani tano linggoman ni hamatean.
A: Dibahen i apala Tuhan i sandiri ma mangalehon sada tanda di hamu: Ida ma,
gabegabean ma sada namarbaju, jala tumubuhon sada anak, jala bahenonna ma
goarna: Immanuel.
I : Alai dung dapot gok ni tingkina, disuru Debata ma Anakna, tubu sian boruboru,
ginomgoman ni patik i;
N/R: Ianggo hatutubu ni Jesus Kristus songon on do: Uju oroan ni si Josep i dope inana, si
Maria i, gabegabean do ibana sian Tondi Parbadia, andorang so masipadonohan
dope nasida.
D: Dung i ro ma uju i parenta sian Kesar Augustus, ingkon suratan nasa jolma di
gomgomanna.
U: Pamilangon parjolo ma i, uju digomgomi si Kirenius tano Siria. Jadi borhat ma sasude,
asa disurati, ganup tu bona ni pinasana.
A: Borhat ma nang si Josep, na sian Galilea, sian Nasaret, nangkok tu luat Judea, tu
huta ni si Daud, na margoar Betlehem, ala sian pomparan jala marga ni si Daud
ibana, pasurathon dirina rap dohot si Maria, oroanna i, naung gabegabean.
I: Jadi di na disini nasida, gok ma ari ni hangoluanna. Ditubuhon ma anak buhabajuna,
diborhos ma, dipeakkon ma tu bagasan panggagatan, ala so adong inganan na asing
di parmianannasida.
N/R : Jadi adong ma marborngin di ladang na disini angka parmahan, mangingani
pinahannasida.
D: Jadi didapothon sada surusuruan ma nasida, jala marsinondang ma sangap ni Tuhan
i humaliang nasida, gabe mabiar situtu ma.
U: Alai didok surusuruan i ma tu nasida: Unang mabiar hamu; Ai barita halalas ni roha
godang do huboan tu hamuna, parsaulian ni sandok bangso i. Ai naung tubu do di
hamu saborngin on, di huta ni si Daud, Sipalua i, i ma Kristus, Tuhan i!
R: Mangendehon BE. No. 607 “NUNGA TUBU KRISTUS I”
♫♪♫
Nunga tubu Kristus i, Haleluya, di huta Betlehem i, Haleluya.
Gabe daging Hata i, Haleluya, di mula ni natal i, Haleluya.

11. KOOR:
12. PAGALAKHON LILIN:
U : Tapatupa do pagalakhon Lilin songon simbol ni Panondang. Tapagalak ma lilin
Natal manggombarhon hatutuat ni Panondang i, i ma Tuhan Jesus Kristus tu portibi
on. Panondang i do na manondangi parsaoranta di huria on dibagasan holong ni roha.
Parpunguan Bodari 5
 Diiringi musik BE. 616 “ULI NAI DI BORNGIN NA BADIA”,
(Roma tu jolo pagalak lilin)
1. Parjamita :
2. Mewakili Parhalado :
3. Mewakili Lansia :
4. Mewakili Ama :
5. Mewakili Ina :
6. Mewakili RemajaNaposo :
7. Mewakiki Sekolah Minggu :
Sude Marende BE. No: 54:1-3 “SONANG NI BORNGIN NA I” (BL.64) (Jongjong)
♫♪♫
Sonang ni bornginna i, uju ro Jesus i. Sonang modom do halak sude;
Holan dua na dungo dope, mangingani AnakNa Jesus, Tuhanta i.
♫♪♫
Denggan ni bornginna i, uju ro Jesus i.
Tu parmahan di Betlehem i, dipaboa na di surgo .i
Nunga ro sipangolu, Jesus, Tuhanta i.
♫♪♫
Godang ni tua disi di na ro Jesus i.
Tung malua pardosa muse, sian hamagoanna sude,
ala ro sipangolu, Jesus Tuhanta i. (Hundul)
13. Sunggul-sunggul:
14. K O O R : RemajaNaposo
15. Tangiang:
16. MARENDE BE. NO. 615 :1...“TARBEGE SURUAN MARENDE” (Papungu pelean)
♫♪♫
Tarbege surusuruan marende mansai uli, angka dolok dohot rura, gok do saringar na i.
Reff: Sangap ma sangap ma di Tuhan, sangap ma sangap ma di Tuhan
♫♪♫
Las roham ale parmahan, nunga tubu Kristus i
Rap marende ma hamuna, pasangaphon Raja i.
Reff: Sangap ma sangap ma di Tuhan, sangap ma sangap ma di Tuhan
-------------------------Musik-------------------------
♫♪♫
Borhat ma hamu marnida, tu huta Betlehem i, somba Kristus Sipalua, naimbaru tubu i.
Reff: Sangap ma sangap ma di Tuhan, sangap ma sangap ma di Tuhan
♫♪♫
I da ma di panggagatan, Sipalua na ro i, Sigomgomi parluhutan, langit dohot tano i.
Reff: Sangap ma sangap ma di Tuhan, sangap ma sangap ma di Tuhan
17. JAMITA : MIKA 5: 1 - 4
18. MARENDE BE. NO. 52:1...“HATUAN DO” BL.55 (Papungu pelean)
♫♪♫
Hatuaon do las ni roha do hatutubu ni Jesus i.
:,: Mago do jolma, ro ma Tuhanta, las be las be ma rohanta i :,:
♫♪♫
Hatuaon do las ni roha do hatutubu ni Jesus i.
:,: Domu do hita tu Debatanta, las be las be ma rohanta i :,:
-------------------------Musik-------------------------

Parpunguan Bodari 6
 ♫♪♫
Hatuaon do las ni roha do hatutubu ni Jesus i.
:,: Las ma rohanta mida Tuhanta, las be las be marohanta i :,:

19. MANGHANGOLUHON NGOLU NA IMBARU : (Jongjong)

U : Nunga tajalo godang angka na denggan sian Debata.
R : Ingkon do taparhatopot saluhutna nasa na adong na sian Debata.
U : Nunga sahat tu hita di borngin on barita las ni roha, i ma barita hatutubu ni Tuhan
Jesus Kristus tu portibi on.
R : Ai nunga hubege jala hutanda hami sandiri, Ibana do tutu Sipalua portibi on.
U : Sian nasa rohanta nunga tapasahat angka ende nauli dohot tangiangta
R : Ale Tuhan sai jalo ma angka ende dohot tangiangnami.
U : Sian las ni roha nunga tapapungu peleanta tanda ni las ni rohanta ala panopotion ni
Debata ditongatonga ni hurianta on.
R : Marende BE. No. 53 : 4 “DI BETLEHEM DO TUBU” BL.51
♫♪♫
Burju naeng lehononhu, di Ho rohangkinon. Asi rohaM, Tuhanhu,
urupi au tongtong. Olo, olo, urupi au tongtong.
18. TANGIANG PELEAN + TANGIANG ALE AMANAMI + PASUPASU

PRAESES DOHOT PANGULA NA GOK

SE-HKBP DISTRIK XVIII JABARTENGDIY
PASAHATON :
“ SELAMAT NATAL ”
Tu Sude Ruas ni Huria HKBP :
Bandung Riau Martadinata, Jawa Tengah, Bandung Timur,
Cimahi Jalan Lurah, Purwakarta, Yogyakarta, Bandung Barat,
Pekalongan, Cilacap, Cirebon, Cimahi Jalan Sisingamangaraja,
Brebes, Karawang, Tasikmalaya, Bandung Tengah, Semarang,
Subang, Solo, Cikampek, Betesda Baleendah.

Parpunguan Bodari 7