isinugo Mo ang Iyong Anak sa mundo upang ipahayag ang Mabuting Balita ng kaligtasan sa lahat -- sa mga makasalanan, dukha, inaapi, maysakit, tinalikuran at pinabayaan. Sa Krus, inialay Niya ang Kanyang buhay para sa amin at Siya ay nabuhay na mag-uli para kami ay tubusin at ipagkasundo sa Iyo. Ang Espiritu Santo ay isinugo Mo sa mga Apostol upang ang gawain ng Iyong Anak ay maipagpatuloy at akayin ang lahat sa kaligtasan. Sa Iyo Ama, salamat dahil mula sa dilim, inakay Mo kami patungo sa liwanag.
Bigyang-lakas nawa kami ng Banal na Espiritu
nang maihatid namin ang Mabuting Balita sa aming mga kapatid sa lahat ng panig ng mundo lalo na sa mga hinirang sa Synod na aming gagawin. Pagkalooban Mo kami ng marubdob na paghahangad na makatulong sa iba na manampalataya rin sa Panginoong Hesus upang makahati sila sa Kanyang buhay at kagalakan. Alalayan nawa kami at ipanalangin ng Pinagpalang Ina, ang Tala ng Ebanghelisasyon sa pagsasabuhay at pagbabahagi sa kapwa ng aming pananampalataya. Ang matibay na pagmamahal at pamimintakasi sa Mahal na Ina ang humubog nawa sa amin na maging tunay na saksi at alagad ni Hesus, laging handang maisugo, at maging masunurin sa anumang kanyang ibigin. Hinihiling namin ito sa pamamagitan ni Hesukristong Anak Mo na nabubuhay at naghahari kaisa Mo at ng Espiritu Santo magpasawalang hanggan. Amen. SYNOD Kami ay nakatayo sa iyong harapan, Banal na Espiritu, Habang kami ay natitipon sa iyong ngalan.
Gabayan mo kami habang kami’y nasa iyong piling,
Manahan ka nawa sa aming mga puso; Turuan mo kami sa aming mga pagkilos At kung paanong makakamit ito.
Kami ay mahina at makasalanan;
Huwag mong hayaang maging sanhi kami ng kaguluhan. Huwag mong hayaang ang aming kamangmangan Ay dalhin kami sa maling landas o di kaya’y Makaapekto sa aming mga pagkilos.
Hayaan mong masumpungan ka namin sa aming pagkakabuklod
Nang sa gayo’y makapaglakbay kami tungo sa buhay na walang hanggan At hindi malihis sa daang matuwid at tama.
Ang lahat ng ito ay aming hinihiling sa iyo,
Ikaw na kumikilos sa lahat ng dako at oras, Sa pakikipag-isa ng Ama at Anak, Magpasawalang hanggan. Amen.