Parashat Vayey’shev ‫ַויֵּשֶׁ ב‬

(At nanatili siya) Gen.37:1-40:23

37At nanatili si Ya’aqov sa Canaan, sa lupain ng paglalakbay ng kanyang

ama, sa lupain ng Canaan.
2 Ito ang kasaysayan ng mga lahi ni Ya’aqov: Nang si Yosef ay labimpitong taon na, nag-
aalaga siya ng kawan kasama ng kanyang mga kapatid sa ama, at siya ay isang bata kasama
ang mga anak nina Bilhah at Zilphah, na mga asawang-lingkod ng kanyang ama.
At nagdala ng masamang balita si Yosef tungkol sa kanila sa kanilang ama.
3 At mas mahal ni Israel si Yosef kaysa sa ibang mga anak niya, sapagkat siya ay anak ng
kanyang katandaan; At Iginawa niya siya ng mahabang damit na may manggas.
4 Nang mapansin ng kanyang mga kapatid na siya ay mas mahal ng kanilang ama, sa
lahat ng mga magkakapatid, at kinamuhian nila siya
at hindi nila nagawang sabihan siya ng payapa.
5 At nanaginip si Yosef ng isang panaginip at isinalaysay niya ito sa kanyang mga
kapatid; at lalong nilang kinapootan siya.
6 at sinabi niya sa kanila, “Paki-usap dinggin ninyo ako
sa panaginip na ito na siyang aking Napanaginipan,
7 sapagkat, narito, tayo ay nagbubuklod ng mga trigong
nasa bukid , at narito, ang aking binigkis ay bumangon at ganoon din ang aking bigkis ay
tumatag sa paligid ng inyong mga binigkis
at sila ay nagpatirapa sa aking binigkis ”
8 At sinabi ng kanyang mga kapatid sa kanya “Maghahari ka nga ba talaga sa amin? O
magkakaroon ka nga ba ng kapangyarihan sa amin?” At nadagdagan ang kanilang galit sa
kanya dahil sa kanyang napanaginipan at dahil sa kanyang sinabi.
9 At Nanaginip muli si Yosef ng iba pang panaginip at isinalaysay niya sa kanyang mga
kapatid ang ganito at sinabing: “At namasdan ko sa aking panaginip na ang araw,
at ang buwan at ang labing-isang mga bituin ay nagpatirapang lahat sa akin.”
10 At Sinabi niya iyon sa kanyang ama, at sa kanyang mga kapatid at sinaway siya ng
kanyang ama at sinabi niya sa kanya,
“Ano itong panaginip na iyong napanaginipan? Pupunta ba ako at ang iyong ina
at ang iyong mga kapatid upang magpatirapa sa lupa sa iyong harapan?
11 at nainggit ang kanyang mga kapatid sa kanya.
Ngunit tinandaan ng kanyang ama ang salita.
12 At ang kanyang mga kapatid ay yumaon
TORAH ‫תוֹרה‬
ָ 1
 upang magpastol ng kawan ng kanilang ama sa Shechem.
13 At Sinabi ni Yis’rael kay Yosef, “Hindi ba’t ang iyong mga kapatid ay nagpapastol sa
Shechem? Gumayak ka at ipapadala kita sa kanila
at sinabi niya sa kanya “Narito po ako”.
14 At Sinabi niya sa kanya, “Gumayak ka ngayon, “Tingnan mo ang kapayapaaan ng
iyong mga kapatid at ang kapayapaan ng mga kawan; at ibalik mo sa akin ang pangyayari at
siya ay pinayaon niya mula sa libis ng Hebron
at nakarating siya sa Shechem.
15 At nasumpungan niya ang isang lalaki at narito, siya’y gumagala sa parang;
at tinanong siya ng lalaki, sinabing; Ano ang hinahanap mo?
16 At sinabi niya, “Hinahanap ko po ang aking mga kapatid,
Paki-usap maari mo po bang sabihin sa akin, Saan sila nagpapastol?
17 At Sinabi ng lalaki, “Umalis sila dito at ang dinig ko'y sa Dotan sila pupunta.”
At pinuntahan, sinundan ni Yosef ang kanyang mga kapatid
at natagpuan niya sila sa Dothan.
18 At nakita nila siya sa malayo. At bago siya lumapit sa kanila
nag-sabwatan sila laban sa kaniya upang patayin siya.
19 At sinabi ng isa sa mga kaptid niya,
“Nariyan na ang Panginoon ng mga panaginip!”
20 At ngayon halikayo at Patayin natin siya at itapon natin siya sa isa sa mga hukay, at
sabihin nating isang masamang hayop ang sumakmal sa kanya
at malalaman natin kung ano ang kahihinatnan sa kanyang mga panaginip.”
21 At Narinig ito ni Re’uven at iniligtas siya mula sa kamay ng kanyang mga kapatid at
sinabi niyang, “Huwag tayong kumitil ng buhay.
22 At Sinabi ni Re’uven sa kanila “Huwag kayong magbubo ng dugo; itapon ninyo siya sa
hukay na ito na nasa ilang. At huwag ninyong pagbubuhatan ng kamay siya; upang mailigtas
siya sa kanilang kamay upang siya ay maibalik niya sa kanyang ama.
23 At nangyari nga na si Yosef ay lumapit sa kanyang mga kapatid ,
at hinubad nila ang mahabang damit ni Yosef ang Mahabang damit na nasa kanya,
24 at kinuha nila siya, at inihulog siya sa hukay
at ang hukay ay walang laman at wala itong tubig.
25 at sila ay umupo upang kumain, at natanaw ng kanilang mga mata at nakita, at
namasdan ang pangkat ng mga Ismaelitang mula sa Gilead.
At kasama ang kanilang mga kamelyo na may kargang mga pabango
at gamot ng pamahid at mira na kanilang dadalhin patungong Egypto.

TORAH ‫תוֹרה‬
ָ 2
 26 At Sinabi ni Ye’hudah sa kanyang mga kapatid,
“Ano ang mapapala kung papatayin natin ang ating kapatid
at maitago natin ang kanyang dugo.
27 Halikayo at ibenta natin sa mga Ishmaelita kaysa saktan natin siya!
Dahil Siya ay kapatid din natin, laman ng ating laman.”
At pinakinggan at sinunod siya ng kanyang mga kapatid
28 Kaya't nang papatawid na ang mga lalaking mangangalakal na Midianita,
kinuha at inahon nila si Yosef mula sa hukay at ipinagbili nila si Yosef
sa mga Ishmaelita sa halagang dalawampung pirasong pilak.
At dinala ng mga Ishmaelita si Yosef patungong Egypto.
29 at Pagbalik ni Re’uven sa hukay, at namasdan niyang wala na si Yosef sa hukay,
at pinunit niya ang kanyang mga damit.
30 at bumalik siya sa kanyang mga kapatid sy sinabing;
“Wala na sa hukay ang bata! Ano ang gagawin ko at saan ako pupunta?”
31 at kinuha nila ang damit ni Yosef, Nagpatay sila ng kambing
at itinubog nila ito sa dugo.
32 Pagkatapos, dinala nila ang damit na may mahabang manggas at inilapit sa kanilang
ama at sinabi nila, “Ito po ang aming nasumpungan,
kilalanin nga po ninyo kung ito nga po ang damit ng inyong anak o hindi.”
33 At Nakilala niya nga ito at sinabi niyang “Ito ay damit ng aking anak!
Pinatay ng mabangis na hayop ang anak ko! Pihong nagkaluray-luray siya.”
34 at Sinira ni Ya’aqov ang suot niyang damit, at nagsuot ng damit-panluksa. Ipinagluksa
niya ang kanyang anak ng mahabang panahon.
35 Sinubukang ng lahat niyang mga anak na lalaki at kanyang mga anak na babae na
pagaanin ang kanyang pagdadalamhati ngunit tumanggi siya
sa pagpapagaan nila ng loob. At Sinabi niya, “Ako ay Mapupunta sa daigdig
ng mga patay na nagdadalamhati dahil sa aking anak.”
Patuloy na nagluksa ang kanyang ama dahil sa kanya.
36 Samantala, pinagbili siya ng mga Madianita sa Egipto kay Potifar,
isang punong kawal ng Faraon, pinuno ng mga berdugo.

38 At dumating ang panahong iyon, na humiwalay si Ye’hudah sa kanyang mga

kapatid at napunta sa isang lalaki na Adullamita at ang pangalan niya ay Khira

TORAH ‫תוֹרה‬
ָ 3
 2 at doon nakita ni Ye’hudah ang isang anak na babae ng isang Cananeo na ang
pangalan niya ay Shu’a’, kinuha niya ito at naging asawa
3 at siya ay naglihi at Nagkaanak ng isang lalaki: at tinawag niya ang kanyang pangalan
na ‘Eyr
4 at nagkaanak muli siya, at nanganak ng isang lalaki;
at tinawag niya ang kanyang pangalan na ‘Onan,
5 at nagkaanak pa muli ng lalaki, at tinawag ang kanyang pangalan na Shela,
at siya ay nasa Kheziv nang ipanganak si Sela.
6 at kumuha si Ye’hudah ng mapapangasawa para kay ‘Eyr, na kanyang panganay
at ang pangalan niya ay Tamar.
7 at si ‘Eyr na panganay na anak ni Ye’hudah ay masama sa paningin ni Yahweh, kaya't
pinatay siya ni Yahweh.
8 Kaya't sinabi ni Ye’hudah kay ‘Onan, “pumaroon ka sa asawa ng iyong kapatid at
isagawa mo sa kanya ang tungkulin ng kapatid na lalake
upang magluwal siya ng binhi sa iyong kapatid.”
9 Ngunit Alam ni ‘Onan na ang binhi ay hindi magiging kanya, at nangyari,
na nang siya ay pumasok sa asawa ng kanyang kapatid. itinatapon niya ito
Sa lupa, ayaw niyang bigyan ng anak ang kanyang kapatid.
10 at ang kanyang ginawa ay masama sa Paningin ni Yahweh kaya't pinatay rin siya.
11 at Sinabi ni Ye’hudah kay Tamar na kanyang manugang babae, “Manatili kang balo
sa bahay ng iyong ama, hanggang si Shelah na aking anak ay lumaki;
sapagkat sinabi niya, baka mamatay din siya, kagaya ng kanyang mga kapatid,
Kaya't yumaon at tumahan si Tamar sa bahay ng kanyang ama.
12 at sa Pagkalipas ng mahabang panahon ay namatay ang anak na babae ni Shu’a’,
asawa ni Ye’hudah. Matapos ang pagluluksa, nagpunta si Ye’hudah
sa tagapag-gupit ng balahibo ng kanyang mga tupa patungo sa Timnah Kasama niya ang
kaibigan na si Khirah na taga-Adullam.
13 Samantala, may nagsabi kay Tamar na pupunta sa Timnah ang kanyang biyenan
upang gupitan ng balahibo ang mga tupa niya.
14 at Pagkarinig nito, at tinanggal niya ang kanyang kasuotan ng pagkabalo,
at tinakpan niya ang sarili niya ng belo at naupo siya sa pintuang-daan ng ‘Eynayim, na
siyang daan patungo sa Timnah. sapagkat kanyang nakita na si Shelah ay lumaki na, ngunit
hindi siya binigay na asawa.
15 at nang nakita siya ninYe’hudah; inakala niyang siya ay isang patutot
sapagkat tinakpan niya ang kanyang mukha.

TORAH ‫תוֹרה‬
ָ 4
 16 at siya ay napatingin sa kanya na nasa daan, at sinabi niya,
“Halika, Isinasamo ko sa iyo makipagtalik ka sa akin,
at Hindi niya alam na siya ay manugang niya, at sinabi niya,
“Ano ang ibibigay mo sa akin kapag nakipag-talik ka na sa akin?”
17 at Sumagot siya, “Ako ay magpapadala ng isang batang kambing na lalaki
na mula sa kawan.” At sinagot niya, “kung ibibigay mo ba sa akin ang isang pangako
hanggang maipadala mo.”
18 At sinabi niya “Anong pangako ang gusto mona siyang aking ibibigay sa iyo?, “at
sinabi niyang Ang iyong singsing na pantatak, ang iyong kadena at ang tungkod mo na siyang
nasa kamay mo” at Ibinigay niya nga sa kanya at sumiping siya sa kanya.
At Nagdalang-tao siya sa kanya.
19 Pagkatapos, siya ay bumangon, pumunta at inalis ang kanyang belo at isinuot muli ang
kanyang damit-ng pagkabalo.
20 Pagkatapos ay ipinadala ni Ye’hudah ang isang batang kambing sa tulong ng kaniyang
kaibigan na taga-Adullam upang dalhin sa babae ang ipinangako niya,
Ngunit hindi niya ito nasumpungan.
21 at Nagtanung-tanong siya sa mga lalaki sa lugar niya,
at sinabing; nasaan na yung patutot na nasa ‘Eynayim na nasa daan?”
At sinagot nila, “Wala ditong patutot.”
22 at siya ay Nagbalik kay Ye’hudah at sinabing na hindi niya siya nahanap
at sinabi din ng mga lalaking nasa lugar na yaon na walang doong patutot.
23 Kaya't sinabi ni Ye’hudah, “Hayaan mo na iyon sa kanya,
baka tayo'y hamakin pa ng mga tao. Narito, pinadala mo sa akin ang batang kambing na
ito ngunit hindi natin siya nahanap”
24 at lumipas nga ng tatlong buwan, at may nakapagsabi kay Ye’hudah, na nagsabing,
“Ang manugang mong si Tamar ay nakiapid” at bukod pa dito, narito, ngayo'y nagdadalang-
tao dahil sa pakiki-apid ”
At sinabi ni Ye’hudah, “Ilabas ninyo siya at sunugin siya!”
25 Habang siya'y kinakaladkad palabas, ipinasabi niya sa kanyang biyenan,
“Ang lalake na nagmamay-ari ng mga ito ang nakabuntis sa akin.”
At sinabi niya, “kilalanin mo, isinasamo ko sa iyo kung kanino ang singsing pantatak, ang
kadena at ang tungkod na ito.”
26 at Nakilala ni Ye’hudah, kaya't sinabi niya, “matuwid siya kay sa sa akin”
dahil tunay ngang hindi ko ibinigay siya kay Shelah na aking anak”
At hindi na niya ito muling sinipingan.

TORAH ‫תוֹרה‬
ָ 5
 27 at Dumating ang panahon oras ng kanyang panganganak
at namasdang kambal ang kanyang isisilang.
28 at nangyari, na nang siya ay manganak, lumabas ang kamay ng isa at ito'y nilagyan ng
pulang sinulid sa kanyang kamay at sinabing “Ito ang unang lumabas”
29 at nangyari, na pagbalik niya ng kanyang kamay, na narito, lumabas ang kanyang
kapatid, at sinabi niyang; “Ano’t nakipagsiksikan kang lumabas?”
Kaya’t pinangalanan siyang, Paretz.
30 at sumunod na lumabas kanyang kapatid na siyang may taling pulang sinulid,
At tinawag ang kanyang pangalan na Zarakh.
39 At si Yosef nga ay Dinala patungo sa Egipto at ipinagbili siya kay Potifar, isang
Egipcio na pinuno sa pamahalaan ng Faraon, kapitan ng mga berdugo na isang
Egipcio. Binili siy sa kamay ng mga Ishmaelita na siyang nagdala sa kanya doon.
2 Ngunit si Yahweh ay nakay Yosef, at siya ay isang taong maunlad,
siya ay nasa bahay ng kanyang panginoon na Egipcio
3 nang nabatid ng kanyang panginoon na si YHVH sumasa kaniya,
At sa lahat ng kanyang ginagawa ay pinapaunlad siya ni Yahweh.
4 at doon nakasumpong si Yosef ng biyaya sa kaniyang paningin,
at siya ay nagsilbi sa kanya at siya’y itinalagang-katiwala sa kanyang bahay at ipinaubaya
sa kanyang kamay ang lahat ng mayroon siya.
5 at nangyari nga mula nung siya’y itinalagang-katiwala sa kanyang bahay,
at sa lahat ng kanyang pag-aari ay pinagpala ni Yahweh ang sambahayan ng Egipcio sa
pamamagitan ni Yosef.
6 at hinayaan niya ang lahat sa pamamahala ni Yosef, hindi niya pinaki-alamanan ang
ibang bagay maliban sa pagkain na siyang kanyang kakainin.
At si Yosef ay magandang lalaki at maganda ang pananaw.
7 at kasunod non pagkatapos ng mga bagay na nangyari iyon,
At pinagnasaan ng asawa ng kanyang panginoong si Yosef.
Sinabi niya, “Sipingan mo ako.”
8 ngunit tumanggi siya at sinabi sa asawa ng kanyang panginoon,
“Masdan, hindi alam ng aking panginoon kung ano ang nasa akin sa bahay at ang lahat
ng mayroon siya ay ipinagkatiwala niya sa aking pamamahala,
9 walang ibang dakila sa bahay na ito kaysa sa akin,
At wala siyang hinadlangan sa akin maliban sa iyo na siyang kanyang asawa.
At paanong magagawa ko ang napakalaking kasamaan na ito
at magkasala ako sa Diyos.”

TORAH ‫תוֹרה‬
ָ 6
 10 at nangyari, na kinakausap niya si Yosef araw araw
at hindi niya ito sinusunod na sumiping, ni lumapit sa kanya.
11 Ngunit nangyari gaya ng isang araw, na siya ay pumasok sa bahay upang gawin ang
kanyang trabaho at walang ni isang lalaking nasa bahay doon,
12 at Walang anu-ano'y hinablot ng babae ang kanyang balabal at sinabi,
“sipingan mo na ako!” Patakbo siyang lumabas
ngunit naiwan ang kanyang balabal sa babae.
13 at nangyari, nang makita niya na naiwan ang kanyang damit sa kanyang kamay at
tumakbong palabas,
14 at tinawag niya ang mga lalaking nasa bahay, at sinabing niya sa kanila,
“Tingnan ninyo pinasok tayo ng lalaking Hebreong ito para pagtawanan tayo.
Pinasok ako para sipingan ako! Ngunit ako ay nakatawag ng malakas na tinig.
15 at nangyaring pagkasigaw ko'y napansin niya na tinaasan ko ang tinig ko at ako’y
sumigaw ako at naiwan niya ang kanyang damit sa aking tabi at
tumakas siya palabas,”
16 at Itinago niya ang kasuotan ni Yosef sa kanyang tabi hanggang dumating ang
kanyang panginoon sa kanyang bahay.
17 at Sinabi niya sa kaniya ayon sa mga salitang ito at sinabing,
“Pinasok ako ng Hebreong lingkod na siyang iyong dinala sa amin,
upang lokohin ako.
18 at nangyari na nang ako'y sumigaw, at tumawag, ay iniwan niya ang kanyang damit sa
aking tabi at tumakas siya palabas.”
19 at nang marinig ng kanyang panginoon ang mga sinabi
ng kanyang asawa, na siyang binigkas sa kanya, sinabi na ang mga bagay na ginawa sa
kanya ng kanyang lingkod, nag-apoy ang kanyang galit.
20 at kinuha si Yosef ng panginoon niya at inilagay siya sa bilangguan ng hari,
At siya napunta bilangguan.
21 Ngunit si Yahweh ay kasama si Yosef. At inaabot sa kanya ang kabutihan
at binigyang lugod siya sa paningin ng bantay ng pinuno ng bilangguan.
22 at ang lahat ng mga bilanggo na nasa bilangguan ay itinalaga ng pinuno ng
bilangguan sa pamamahala ni Yosef.
at ang lahat ng kanilang ginagawa doon, siya ang nagpapasya.
23 Hindi na sinisiyasat ng pinuno ng bilangguan ang lahat ng bagay
sa kanyang pamamahala, sapagkat siyang si Yahweh ay sumasa-kanya,
Si Yahweh ang nagpapaunlad sa mga gawain niya.

TORAH ‫תוֹרה‬
ָ 7
 40 at nangyari, pagkatapos ng pangyayaring iyon,
nagkasala ang punong taga-pangasiwa ng inumin
at ang pinuno ng mga panadero
sa kanilang panginoon na hari ng Egypto.
2 at nagalit ang Faraon sa dalawa niyang mga opisyal,
sa pinuno ng taga-pangasiwa ng mga inumin at sa pinuno ng mga panadero
3 at nilagay sila sa bilangguan, sa lugar ng bahay ng punong berdugo, sa bilangguan,
lugar kung saan kay nakabilanggo si Yosef.
4 at ipinaubaya sila ng punong berdugo kay Yosef at sila ay pinagsilbihan niya.
Habang sila’y nakakulong sa maraming araw,
5 at sila ay nanaginip ng isang panaginip, isang gabi, parang may kahulugan ang kanilang
mga panaginip, ang punong taga-pangasiwa ng mga inumin
at ang pinuno ng mga panadero ng hari ng Egypto
na siyang nakabilanggo sa bilangguan.
6 at pinuntahan sila ni Yosef kinaumagahan, at napuna niya sila
at nakitang mga malulungkot.
7 At tinanong niya ang mga opisyal ng Faraon na siyang kasama niya sa bilangguan,
lugar ng kanyang panginoon, na sinabing,
“Bakit masama ang inyong mga mukha ngayon?”
8 at sinabi nila sa kaniya, nanaginip kami ng panaginip,
ngunit hindi maipaliwanag ang kahulugan ng mga iyon.”
At sinabi sa kanila ni Yosef, “Hindi ba’t Ang Diyos lamang ang nakapagpapaliwanag ng
mga kahulugan?” “Maari ninyo po bang isalaysay sa akin?”
9 at isinalaysay ng tagapangasiwa ng mga inumin ang kanyang panaginip.
At sinabing, “Ang aking napanaginipan ay,
namasdan kong may puno ng ubas harapan ko
10 at sa puno ng ubas ay may tatlong sanga. Ang mga sanga ay sumibol sa kanya,
namulaklak at nahinog ang mga kumpol niya.
11 at ang saro ng Faraon ay nasa aking kamay, kaya't kinuha ko ang mga ubas
at piniga ko sila, at binigay ko ang saro sa kamay ng Faraoh”
12 at sinabi ni Yosef, “Ito ang kahulugan ng iyong panaginip,”
“Ang tatlong sanga, Iyon ang tatlong araw.
13 sa ikatlong araw, kukuhain ng Faraon ang iyong ulo
at Ibabalik ka sa katungkulan mo, at muli mong ibibigay ang saro
ng Faraon sa kamay niya gaya ng unang pamamaraan

TORAH ‫תוֹרה‬
ָ 8
 na siyang ikaw ang nangangasiwa.
14 Kaya’t alalahanin mo ako, kapag nasa mabuti ka na,
paki-usap, gawin mo ang kabutihan at ipaalala
mo ako sa Faraon at palayain mo mula sa lugar na ito.
15 Sapagkat ako’y tunay na kinuha mula sa lupain ng mga Hebreo,
ay narito din, wala akong bagay na nagawa para ilagay ako sa hukay.”
16 At nang napansin ng pinuno ng mga panadero
na maganda ang kahulugan,
Kaya’t sinabi niya din kay Yosef, “sa aking napanaginipan, At narito,
ang tatlong buslo na may puting tinapay na nasa sa aking ulo.
17 at sa ibabaw ng buslo ay mayroong lahat ng pagkaing magagawa para ng Faraon,
Ngunit nilamon ng ibon ang mga ito mula sa buslo nasa aking ulo.
18 at sumagot Sinabi ni Yosef, at sinabing, “Ito ang kanyang kahulugan.
Ang tatlong mga buslo ay ang tatlong araw.
19 at sa ikatlong araw ay kukuhain iyong ulo mula sa iyo
at ibibitin ka sa puno, at ipapakain sa ibon ang iyong laman mula sa iyo.”
20 at nangyari sa ikatlong araw, ang kaarawan ng Faraon, at nagsagawa siya ng isang
inuman(salu-salo) para sa lahat ng kanyang mga lingkod.
At itinaas niya ang ulo ng punong taga-pangasiwa ng mga inumin,
at ang ulo ng pinuno ng mga panadero sa gitna ng kanyang mga lingkod.
21 At ibinalik niya ang punong taga-pangasiwa ng mga inumin,
mula sa pangangasiwa, at ibinigay ang saro sa kamay ng Faraon.
22 ngunit ang pinuno ng mga panadero ay ibinitin gaya ng siyang binigyang kahulugan
sa kanila ni Yosef,
23 Ngunit hindi naalala si Yosef ng taga-pangasiwa ng mga inumin
At nakalimutan siya.
Haftarah Vayey’shev
Amos 2:6-3:8

B’rit Chadashah
Matt.1:1-17, Act.7:9-16

TORAH ‫תוֹרה‬
ָ 9