Parashat Miq’qeytz ‫ִמקֵּץ‬

(Pagkaraan ng) Gen.41:1-44:17

41 At nangyari, pagkaraan ng dalawang taon, na nanaginip si Faraon
At namasdang siya ay nakatayo sa pampang ng Ilog (Nilo).
2 at namasdan mula sa ilog(Nilo) ay umahon ang pitong bakang
mga magaganda ang hitsura, at malulusog ang mga laman at kinain nila ang damo.
3 at namasdan (ko) din, ang pitong bakang masasama ang mga hitsura,
at mapapayat ang mga laman, at sila’y umahon malapit sa tabi ng mga baka
sa gilid ng Ilog(Nilo).
4 at kinain ng mga bakang masasama ang mga hitsura,
at mapapayat ang mga laman ng pitong mga bakang mga magaganda
ang hitsura at malulusog ang mga laman, at nagising ang Faraon.
5 muli siyang natulog at nanaginip sa pangalawang pagkakataon.
at namasdan ang pitong uhay ng trigo na nasa isang sanga na matataba
at magaganda.
6 at namasdan din na sumunod sa kanila ang pitong uhay ng trigo na mga mapapayat
at mga tuyo ang mga pagsibol dahil sa hampas ng hanging silangan,
7 at nilunok ng mga uhay ang pitong uhay na matataba
at nagising ang Faraon at nalamang ito’y panaginip
8 at nangyari, pagsapit ng umaga, ay nabagabag ang kanyang isip,
kaya't isinugo niya at ipinatawag niya ang lahat ng mga salamangkero ng Egypto,
at ang lahat ng mga matatalinong tao.
at Isinalaysay ni Faraon sa kanila ang panaginip niya,
Subalit walang makapagpaliwanag sa kanila ng kahulugan para kay Faraon.
9 at sinabi ng pinuno ng taga-pangasiwa ng mga inumin kay Faraon,
sinabing; “Ang kasalanan ko (po) ay aking naalala ngayon,
10 noong nagalit si Faraon sa kanyang mga lingkod, ako ay kaniyang ipinadala sa
Bilangguan, sa lugar ng punong berdugo, ako at ang pinuno ng mga panadero.
11 at kami (po’y) nanaginip noong isang gabi ng isang panaginip,
ako at siya, at ipinaliwanag ang kahulugan
ayon sa aking panaginip ng aming napanaginipan.
12 at doon ay kasama namin ang binatang Hebreo
na lingkod ng kapitan ng mga berdugo,

TORAH ‫תוֹרה‬
ָ 1
At aming sinalaysay sa kanya at kanyang ipinaliwana sa amin ang aming napanaginipan,
Bawat kahulugan ng panaginip na aking napanaginipan.
13 at nangyari, kung paano niya ipinaliwanag sa amin, ganoon nga ang nangyari,
Ibinalik niya ako sa aking kinalalagyan(katungkulan), ngunit siya ay binitay.”
14 kaya’t isinugo ni Faraon at ipinatawag si Yosef. Dali-daling nilabas siya mula sa hukay,
at siya'y nag-ahit, at pinalitan ng damit at lumapit kay Faraon.
15 at sinabi ng Faraon kay Yosef, “Ako'y nanaginip ng panaginip,
ngunit walang makapagpaliwanag niyon,
at narinig ko ang sinabi tungkol sayo
na (kapag) narinig mo ang panaginip ay maipapaliwanag mo ito.”
16 kaya’t sumagot si Yosef kay Faraon, sinabing,
“Wala po sa akin!,” “Ang DIYOS po ang siyang kasagutan sa kapayapaan ng Faraon.”
17 at nagsalita ang Faraon kay Yosef, sa aking panaginip ay aking namasdan
na ako’y nakatayo sa pampang ng Ilog (Nilo).
18 at narito, mula sa ilog(Nilo) ay may
umahon, ang pitong bakang mga malulusog ang laman,
at magaganda ang mga hitsura, at kinain nila ang damo.
19 at narito din,
kasunod nilang umahon ang pitong pang mga bakang
mahihina at lubhang masasama ang mga hitsura. Mga mapapayat ang mga katawan.
Hindi pa ako nakakakita sa buong lupain ng Egypto ng ganoong kasasama.
20 at kinain ng mga mapapayat at masasamang mga baka
ang pitong malulusog na bakang nauna.
21 nang lapitan nila at kalagitnaan ang mga ito,
ay hindi (man lang) malaman kung lumapit at nakain ba nila ang mga ito,
dahil ang mga hitsura nila’y masasama (parin)
Kagaya parin ng dati. At ako’y nagising.
22 at muli, nakita ko sa aking panaginip, at narito,
Ang pitong pitong uhay ng trigo na ang sanga ay matataba sa pag-usbong,
at magaganda.
23 at narito rin, ang pitong uhay na mga tuyo,
payat na hinampas ng hanging silangan nang sumibol.
24 at nilunok ng mga payat na uhay ang pitong uhay na matataba.
At sinabi ko na ito sa mga salamangkero,
Ngunit walang makapagpaliwanag sa akin.”

TORAH ‫תוֹרה‬
ָ 2
 25 at sinabi ni Yosef sa Faraon, “Ang panaginip ng Faraon ay siyang iisa,
kung anong gagawin ng DIYOS ay Kanyang isasalaysay kay Faraon.
26 Ang pitong matatabang baka po, sila ang mga pitong taon;
at ang pitong uhay na matataba ang butil ay ang pitong taon din,
Iisang panaginip lamang siya.
27 at ang pitong bakang mapapayat at masasama
na umahon kasunod nila, sila din ay ang pitong taon.
At ang pitong uhay na payat dahil sa hampas ng hanging silangan na sumibol
na walang saysay, sila ay ang pitong taon ng taggutom.
28 iyan (po) ang salitang aking sinabi kay Faraon, kung anong gagawin ng DIYOS
ay nais niyang ipakita sa Faraon.
29 Narito, ang darating na pitong taong kasaganaan sa buong lupain ng Egypto.
30 at susunod ang pitong taon ng taggutom pagkatapos nila
at malilimutan na ang buong pitong taon (Kasaganahan) sa lupain ng Egypto.
at mangyayari ang taggutom sa lupain.
31 at hindi man lang mapapansin ang kasaganaan sa lupain
bago sundan ng taggutom na ito. dahil sa bigat(hirap) nito.
32 Kaya dalawang beses inulit ang tungkol sa dalawang Panaginip ng Faraon,
Sapagkat ang bagay (na ito) ay isasagawa ng DIYOS,
at agarang gagawin ng DIYOS.
33 at ngayon, “Tumingin(pumili) po kayo Faraon ng taong nakakaunawa
at marunong, na magtatalaga sa lupain Egypto.
34 Magsagawa kayo Faraon at maglikom ng mga mamamahala sa lupain
At ang ikalimang bahaging aanihin sa lupain ng Egypto
sa loob ng pitong taon ng kasaganahan.

35 ay iipunin po nila ang lahat ng pagkain sa darating nitong

mga taon ng kabutihan(kasaganahan), at itatambak po nila ang mga pagkaing butil
sa ilalim ng kapangyarihan ng Faraon upang may pagkain sa bayan,
at babantayan nila ang mga ito.

36 At ang magiging pagkain na itatalaga para sa mga naninirahan

para sa pitong taon ng taggutom na siyang tiyak na mangyayari sa lupain ng Egypto,
upang hindi mamamatay sa gutom ang mga naninirahan sa buong bansa sa gutom.”

TORAH ‫תוֹרה‬
ָ 3
 37 at ang salitang iyon ay mabuti sa paningin ng Faraon
at sa paningin ng lahat ng mga lingkod niya.
38 at sinabi ni Faraon sa mga lingkod niya,
“Masusumpungan ba natin ang isang tulad nito,
na siyang Ang Espiritu ng Diyos ay nasa kanya?”
39 Kaya't sinabi ng Faraon kay Yosef,
“Ang Diyos ang nagbigay kaalaman sa iyo,
at ang lahat ng mga ito’y walang karunungan at Talino ng tulad sa iyo.”
40 Ikaw ang magiging pinuno sa aking bahay,
at ayon sa bibig(utos) mo ay susundin ka ng aking bayan.
liban sa aking trono, Ako’y mataas kaysa sayo.
41 At sinabi ni Faraon kay Yosef, “Tingnan mo,
inilalagay kitang Pinuno sa buong lupain ng Egypto!”
42 at Inalis ni Faraon ang singsing na pantatak mula sa kanyang kamay
at ibinigay ito sa kamay ni Yosef at binihisan siya ng damit na lino
at nilagyan ng gintong kuwintas sa leeg.
43 At pinasakay siya sa kanyang pangalawang karo, at nahayag sila sa harapan nila
“Lumuhod kayo”, at binigay sa kanya ang pamamahala sa buong lupain ng Egypto.
44 at sinabi ng Faraon kay Yosef, “Ako ang Faraon at kung wala kang pahintulot,
walang sinuman ang maaring mag-angat ng kanyang kamay(gawain)
at kumilos sa buong lupain ng Egypto.
45 Kaya’t tinawag ni Faraon ang pangalan ni Yosef na Zaf ’nath Pa’ney-akh.
at ibinigay sa kanya si As’nath, anak na babae ni Poti-fera’,
ang saserdote ng ‘On, bilang asawa. at pumunta si Yosef sa lupain ng Egypto.
46 at si Yosef ay Tatlumpung taon noong tumayo siya sa harap ng Faraon,
hari ng Egypto, at umalis si Yosef sa mula sa harapan ni Faraon
ay kanyang ang buong lupain ng Egypto.
47 at nangyari sa lupain ang Pitong masaganang taon.
48 at Inipon niya ang lahat ng pagkain ng pitong taon na nasa lupain ng Egypto,
at ibinigay ang pagkain sa mga bayan,
ang pagkain sa bukid na nasa palibot ng bayan ay kanyang inilagay sa palibot.
49 at itinambak ni Yosef ang naipon niyang pagkaing butil,
na parang buhangin sa dagat. lubhang napakarami,
hanggang sa itinigil na ang pagbilang dahil wala ng makabilang.
50 at si Yosef ay nagkaanak ng dalawang anak na lalaki bago dumating

TORAH ‫תוֹרה‬
ָ 4
 ang taon ng taggutom, nagkaroon ng anak sa kanya si As’nath,
anak na babae ni Poti-fera’, saserdote ng ‘On.
51 at tinawag ni Yosef ang pangalan ng panganay na Me’nashe,
sapagkat “Kinalimutan ng DIYOS ang aking paghihirap,
ang buong bahay ng aking ama.
52 at ang pangalan naman ng pangalawa ay kanyang tinawag na “Efrayim”
sapagkat, “Pinarami ako ng DIYOS sa lupain ng aking pagdurusa
ang ipinangalan sa pangalawa, sapagkat ang sabi niya, “Pinagkalooban ako ng Diyos ng
mga anak sa lupain ng aking paghihirap.”
53 at natapos na ang pitong taon ng kasaganaan
na nangyari sa lupain ng Egypto.
54 At nag-umpisa ng dumating ang pitong taon ng taggutom, tulad ng sinabi ni Yosef.
At nagkaroon nga taggutom sa lahat ng mga lupain,
ngunit sa buong lupain ng Egipto’y mayroong pagkain.
55 at nang magutom ang lahat ng naninirahan sa Egypto,
Ang bayan ay umiyak(duming) kay Faraon para sa pagkain
at sinabi ni Faraon sa lahat ng mga Egipcio,
“Pumunta kayo kay Yosef, anuman ang sasabihin niya sa inyo ay gawin ninyo.”
56 at ang taggutom ay lumaganap na nasa buong lupain,
at binuksan ni Yosef ang lahat (ng mga kamalig), upang ipagbili sa mga taga-Egypto.
at tumindi ang taggutom sa lupain ng Egypto.
57 at ang lahat ng mga tao sa buong lupain ay pumaroon patungong Egypto
upang bumili kay Yosef dahil matindi na ang taggutom sa buong lupain.
42 At nang matanto ni Ya’aqov na mayroong pagkain sa Egypto,
sinabi ni Ya’aqov sa kanyang mga anak na lalaki, “Bakit Kayo nagtitinginan?
2 kaya’t sinabi niya, “Narito, narinig ko na mayroong pagkain sa Egypto,
“Pumunta kayo at bumili kayo doon para sa atin
upang tayo’y mabuhay. At hindi mamatay.”
3 Kaya’t pumunta nga ang sampung mga kapatid ni Yosef
upang bumili ng pagkain mula sa Egypto.
4 Ngunit si Bin’yamin na kapatid ni Yosef ay hindi na pinadala ni Ya’aqov
sa kanyang mga kapatid dahil sinabi niyang
baka may masamang mangyari sa kanila
5 at pumunta ang mga Anak ng lalaki ni Yis’rael upang bumili,
Sila ay nagsipunta dahil ang taggutom ay nasa lupain na ng Canaan.

TORAH ‫תוֹרה‬
ָ 5
6 at si Yosef, Siya ang namamahala sa pagbebenta sa lahat ng mga tao sa lupaing iyon,
at paglapit ng mga kapatid ni Yosef,
At ang kanilang mga mukha ay yumukod sa kanyang harapan.
7 ,Nakita at napansin ni Yosef ang kanyang mga kapatid.
At nagpakilala siya sa kanila at nagsalita sa kanila ng malupit, at sinabi sa kanila,
“Saan kayo nanggaling?” At sinabi nilang,
“Mula sa Lupain ng Canaan po upang bumili ng pagkain,” .
8 napansin nga ni Yosef ang kanyang mga kapatid
ngunit hindi nila napansin siya(Joseph).
9 At naalala ni Yosef ang kanyang mga panaginip na siyang kanyang napanaginipan,
tungkol sa kanila, kaya't sinabi niya sa kanila, “Kayo'y mga espiya!,
naparito kayo upang makita ang kahihiyan(kahinaan) ng lupain?”
10 ngunit sinabi nila sa kaniya, “Hindi po panginoon! Ang inyo pong mga lingkod
ay naparito upang bumili lamang ng pagkain.
11 kaming lahat ay anak ng iisang tao, at kami'y mga tapat na tao.
“Ang inyong mga lingkod ay hindi po mga espiya.”
12 ngunit sinabi niya sa kanila, “Hindi (ako naniniwala),”
“sapagkat naparito kayo upang alamin ang kahihiyan(kahinaan) ng aming lupain!”
13 at sinagot nilang, “kami po na inyong mga lingkod
ay labindalawang magkakapatid; Anak ng iisang lalaki sa lupain ng Canaan.
Ngunit ang bunso ay kasama ng aming ama ngayon, at ang isa naman po ay wala na.
14 at Sinabi ni Yosef sa kanila, “Ako ang siyang nagsabi sa inyo,
na nagsasabing, “Mga espiya kayo!”
15 sa pamamagitan nito ay masususbukan kayo, Sa buhay(ngalan) ng Faraon,
hindi kayo makakaalis dito hanggang hindi ninyo dinadala ang bunso ninyong kapatid.
16 Isugo ninyo ang isa mula sa inyo at kuhain ang inyong kapatid;
at kayo’y ikukulong upang masubok kung totoo nga ba ang inyong sinasabi,
Ngunit kung hindi, Sa Buhay(ngalan) ng Faraon, na mga espiya nga kayo!”
17 at sila’y pinagsama-sama niya sa bilangguan ng tatlong araw.
18 pagkatapos ng ikatlong araw sinabi ni Yosef, “Gawin ninyo ito,
at kayo’y mabubuhay, Sapagkat may takot ako sa DIYOS.
19 Kung tapat nga kayong magkakapatid,
ang isa na lamang sa inyo ang ikukulong, Sa lugar ng bilangguan.
“Humayo kayo at dalhin na ninyo ang pagkaing para sa gutom ng inyong pamilya.
20 at ang inyong kapatid na bunso ay inyong dalhin sa akin.

TORAH ‫תוֹרה‬
ָ 6
 Upang mapatunayan ninyong totoo ang mga sinasabi ninyo
At hindi kayo mamatay. At ginawa nga nila ito
21 at Pagkatapos, sinabi ng mga magkakapatid sa isa't isa,
“Talaga ngang nagkasala tayo(ngayon) sa ginawa natin sa ating kapatid.
na siyang nakikita natin ang paghihirap ng kanyang buhay.”
Nang nagmakaawa siya sa atin ngunit hindi natin siya pinakinggan
“Kaya’t tunay na dumadating sa atin ang paghihirap na ito.”
22 at sumagot si Re’uven sa kanila at sinabing;
“Hindi ba’t sinabi ko na sa inyo iyan?
Sabi ko na Huwag kayong magkakasala sa bata, ngunit hindi kayo nakinig;
kaya ang kanyang dugo(kamatayan) ay lantarang pinagbabayaran natin.”
23 ,at hindi nila alam na naririnig(nauunawaan) sila ni Yosef
sapagkat may tagasalin ng wika sa pagitan nila.
24 at iniwan muna niya sila at umiyak siya.
Muli siyang bumalik sa kanila at nagsalita sa kanilang, “Kuhain mula sa kanila si Shim’on
at nasaksihan ng kanilang mga mata ang pagkulong sa kanya.
25 ,pagkatapos ay inutos ni Yosef na punuin ang sisidlan ng kanilang mga trigo,
at ibalik ang kanilang mga pilak, bawat isa sa kanilang sisidlan,
at binigyan sila ng mga panustos(pagkain) para sa paglalakbay.
at ginawa nga ito sa kanila.
26 at Ikinarga nila ang mga pagkaing butil sa kanilang asno at doon sila’y umalis.
27 at nang buksan ng isa sa kanila ang kanyang sisidlan,
upang bigyang makakain ang kanyang asno sa lugar ng panunuluyan,
ay nakita niya ang pilak niya, at namasdan niyang nasa bibig(loob) ng lalagyan niya,
28 At sinabi niya sa kaniyang mga kapatid,
“Ibinalik ang pilak(salapi) ko! at Narito, ito ay nasa aking lalagyan!”.
At nanikip ang kanilang dibdib(nabahala ng matindi sila) ,
at nanginig sa takot ang bawat isa sa kanyang kapatid, na sinabing,
“Ano itong ginawa ng Diyos sa atin?”
29 at pagdating nila kay Ya’aqov na kanilang ama sa lupain ng Ce’na’an,
At isinalaysay nila sa kanya ang lahat ng mga nangyari sa kanila na sinabing;
30 “Ang Taong nagsalita sa amin na panginoon ng lupain ay Malupit,
At pinagbintangan kami na mga espiya ng lupain!
31 kaya’t sinabi namin sa kanyang, “Mga tapat na tao kami, hindi kami mga espiya”.
32 labingdalawa kaming magkakapatid na lalaki, mga anak ng aming ama.

TORAH ‫תוֹרה‬
ָ 7
 Ang Isa ay wala na, at ang bunso naman ay
kasama ng aming ama ngayon sa lupain ng Ce’na’an
33 at sinabi sa amin ng lalaki, Ang panginoon ng lupain,
“Sa ganito ko malalaman kung tapat nga kayong magkakapatid,
Iwan ninyo sa akin ang isa, at kumuha na kayo (ng pagkain)
para sa gutom ng pamilya ninyo, pagkatapos ay umalis na kayo
34 At dalhin ninyo sa akin ang kapatid ninyong bunso, at nang aking malaman
kung talagang nga bang hindi kayo mga espiya at (kung) matatapat na tao (nga ba) kayo,
Saka ko ibibigay ang inyong kapatid sa inyo,
at sa lupain ay maaring mangalakal kayo.”
35 at Pagkatapos nilang tanggalin ang laman ng kanilang lalagyan,
at nang masumpungan ng bawat isa, pati ng kanilang ama
ang pilak nila (ibinayad), sa kani-kanilang lalagyan,
silang lahat ay natakot.
36 at sinabi sa kanila ng kanilang amang si Ya’aqov,
“Namamatayan tayo, Si Yosef ay wala na, si Shim’on ay wala na rin
at ngayo'y si Bin’yamin naman ang inyong kukuhain.
Ang lahat ng ito’y dahil sa akin..
37 At sinabi ni Re’uven sa kanyang ama, na sinabing;
“Ang aking dalawang anak ay inyo pong patayin kapag hindi ko po naibalik siya sa inyo,
Ipaubaya nyo po siya sa aking kamay(pangangalaga)
at akin pong ibabalik siya sa inyo.”
38 Ngunit siya’y sumagot, “Hindi bababa(sasama) ang aking anak na kasama ninyo,
Sapagkat ang kanyang kapatid ay patay na at siya na lamang ang natitira;
at (baka may) mangyaring kapahamakan sa kaniya,
sa daan na siyang inyong pupuntuhan doon,
Mauuwi nyo lang akong matandang nagdadalamhati patungong Sheol.”
43 At tumindi ang taggutom sa lupain.
2 At nangyari nang maubos na ang pagkaing kanilang binili mula sa Egypto,
sinabi niya sa kanila(mga anak),
“Bumili kayo kahit kaunting makakain.”
3 Ngunit sinabi kanya ni Ye’hudah, na ganito,
“Mahigpit po ang bilin sa amin ng lalaki (gobernador) nandoon
Na sinabing; hindi ninyo ako makikita maliban na lamang
kasama ninyo ang inyong kapatid(na bunso).

TORAH ‫תוֹרה‬
ָ 8
 4 Kung isasama po ninyong maipadala ang aming kapatid sa amin,
at bababa kami upang makabili para sa inyong pagkain.
5 Ngunit kung hindi po siya maipapadala, hindi po kami bababa sapagkat sinabi sa amin
ng lalaki, Hindi ninyo ako makikita (kung) wala ang inyong kapatid.”
6 At sinabi ni Yis’rael, “Bakit ninyo ako pinahihirapan sa pagsabing sa lalaking
mayroon pa kayong kapatid.”
7 Kaya’t sinabi nila, “Patuloy na Inusisa po kami ng lalaki, pati ang pamilya natin.
sinabi niya din, Buhay pa ba ang inyong ama,
Meron pa ba kayong kapatid?.
Kaya’y isinalaysay namin sa kanya, alinsunod sa pananalita ng mga salitang ito.
Malalaman ba namin na sasabihin niyang, “Dalhin ninyo ang inyong kapatid.”
8 At sinabi (din) ni Ye’hudah kay sa kanyang amang si Yis’rael,
Ipadala niyo po sa akin ang bata,
Kami po’y tatayo at kami’y pupunta upang tayo’y mabuhay
at hindi mamamatay, maging tayo, at ikaw, maging ang maliliit(na bata).
9 Aking pong titiyakin sa kanya(ang kaligtasan niya), mula sa aking kamay(pangangalaga),
ay inyo pong singilin(ang aking buhay para sa kanya),
Kung hindi ko po siya maibalik sa inyo(nang buhay),
at ibigay(isisi) po ninyo ang kasalanan sa akin magpakailanman.
10 Kung hindi po ninyo kami pinaghintay nang matagal,
marahil ay nakadalawang balik na kami ngayon.”
11 Sinabi sa kanila ng kanilang amang si Yis’rael, “Kung iyon ang mabuti, sige,
gawin niyo iyan. Magdala kayo ng mainam na bunga ng lupain sa inyong lalagyan,
at dalhin ninyo ito sa lalaki bilang handog; Kaunting balsamo, kaunting pulot-pukyutan,
pampalasa, mira, pistatso at mga pili.
12 Doblehin ninyo ang dala ninyong pilak sa inyong kamay(Hawak),
sapagkat ang pilak na naisauli mula sa inyong mga lalagyan ay dapat ninyong maibalik
sa inyong kamay, Maaaring pagkakamali lamang siya.
13 At ang inyong kapatid ay inyong ng isama at tumayo na kayo’t bumalik sa lalaki.
14 at Loobin nawa ng Makapangyarihang DIYOS na kayo’y kahabagan
sa harap ng taong iyon at maipadala niya sa inyo ang isa pa ninyong kapatid
at si Bin’yamin, at ako, Kung ako ay mamatayan, mamatayan ako
15 At dinala nga mga lalaki Ang mga handog na ito
at sa kanilang kamay ay dinoble ang pilak na dadalhin, pati si Bin’yamin.
At sila’y tumindig at pumunta sa Egypto at humarap kay Yosef.

TORAH ‫תוֹרה‬
ָ 9
 16 at nang makita sila ni Yosef na kasama si Bin’yamin,
Sinabi niya sa namamahala ng kanyang tahanan, “Dalhin mo ang mga lalaki sa bahay,
,Magkatay ka at Maghanda dahil ang mga lalaki ay kakain na kasalo ako sa tanghali.”
17 at ginawa nga ito ng lalaki ayon sa utos ni Yosef
at isinama ng lalaki ang mga lalaki(kapatid ni Yosef) sa bahay ni Yosef.
18 at natakot ang mga lalaki dahil dinala sila sa bahay ni Yosef. At sinabi nila,
“Marahil, patungkol ito sa pilak na ibinalik sa ating mga lalagyan
nang una tayong pumarito. Upang makakita siya ng pagkakataon laban sa atin
at ibaba tayo, para dakpin tayo pati ang ating mga asno upang gawing mga alipin
19 Kaya't nilapitan nila ang lalaki na siyang namamahala ng tahanan ni Yosef
a Sinabi nila, “Ginoo ko, tunay ngang galing na po kami ritong noong una kaming
bumili ng pagkaing makakain.
21 at Nang kami'y nakadating sa lugar ng panuluyan
at aming binuksan ang aming mga lalagyan
at nakita ang pilak ng bawat isa na nasa bibig(loob) ng lalagyan niya,
ang aming pilak na buo kaya’t dinala po namin at ibinabalik po namin sa iyo.
22 at may pilak po kaming dala na iaabot upang bumili ng pagkain.
Hindi po namin alam kung sino ang naglagay ng aming pilak sa mga sako lalagyan.”
23 At sinabi niya, “Kapayapaan ay sumainyo!,” “Huwag kayong matakot.
Ang inyong DIYOS at DIYOS ng inyong ama ang nagbigay sa inyo
ng kayamanan sa inyong mga lalagyan. Nasa akin ang inyong mga pilak.”
Pagkatapos ay inilabas niya sa kanila si Shim’on.
24 at dinala ng lalaki ang mga lalaki sa bahay ni Yosef,
pagkatapos ay binigyan ng tubig, at hinugasan nila ang kanilang mga paa,
at binigyang ng pakain ang kanilang mga asno.
25 At kanilang inihanda nila ang handog hanggang sa dumating si Yosef sa tanghali
dahil narinig nila na sila’y kakain ng tinapay(pagkain) doon
26 at nang dumating si Yosef sa bahay ay kanilang inilapit sa kanya ang handog
na siyang nasa kanilang mga kamay mula sa bahay, at sila’y lumuhod sa kanya sa lupa.
27 at tinanong sila sa kanilang Kapayapaan(kalagayan) at sinabing;
“Payapa ba ang inyong ama?, Ang matandang lalaking sinasabi ninyo?”
Buhay pa ba siya?”
28 at sinabi nilang, “Ang inyong lingkod na aming ama ay buhay pa po.
at iniyuko nila ang kanilang tuhod at yumukod sa kanya
29 pagkatapos ay natanaw ng kanyang mata at nakita niya si Bin’yamin,

TORAH ‫תוֹרה‬
ָ 10
 Kapatid niya sa kanyang ina, At sinabing;
“Ito ba ang bunso ninyong kapatid na siyang sinasabi ninyo sa akin?”
Sinabi nya ding Kahabagan ka ng DIYOS, anak ko!”
30 at nagmadali si Yosef dahil sa sobrang awa niya sa kanyang kapatid,
at naghanap(ng lugar) upang umiyak. At nakapunta siya sa silid at doon siya umiyak.
31 pagkatapos ay hinugasan ang kanyang mukha, lumabas at nagpigil,
At sinabi niya; “Ilagay ang tinapay(Pagkain).”
32 kaya’t sila’y inilagay nila sa kanya ng sarilihan
at ang mga egipcio ay hindi kumakain ng kasama sila
dahil hindi kaya ng mga taga-egipcio na makisalo sa pagkain sa mga Hebreo
sapagkat ito’y ksuklam-suklam sa mga egipcio
33 at sila’y naupo sa harapan niya, Ang panganay, ayon sa pagkakaayos ng pagsilang nila
at ang bunso ayon sa pagkabata, at ang mga lalaki ay namangha sa isa’t isa.
34 at dinadala niya ang kanilang mga bahagi sa harapan nila, ngunit mas marami ang
bahagi ni Bin’yamin, na may higit na limang beses na bahagi ang dami, at sila’y uminom
at nalasing na kasama siya.
44 At inutos niya sa namamahala ng kanyang tahanan na sinabing;
“Punuin mo ang lalagyan ng mga lalaki ng pagkain hanggang kaya nilang buhatin.
ilagay mo ang pilak ng bawat isa sa bibig(loob) ng kanyang lalagyan.
2 pati ang aking kopa, Ang kopang pilak ay iyong ilagay sa bibig(loob) ng lalagyan ng
bunso, at ang kanyang pilak na pinambili ng pagkain. At ginawa niya (ito) ayon sa salita na
siyang iniutos ni Yosef.
3 Madaling araw(kinabukasan), ang mga lalaki ay pinaalis na,
sila at ang kanilang mga asno.
4 at paglabas nila sa bayan (na) hindi kalayuan, nagsabi si Yosef sa namamahala ng
kanyang tahanan, “Bumangon ka, sundan mo ang mga lalaki
at kapag naabutan mo sila, ay sabihin mo sa kanilang;
“Bakit sinuklian ninyo ng masama ang kabutihan.”(ipinakita ko sayo)
5 Hindi ba ito ang inuman ng aking panginoon? at ginagamit din niya iyon
sa panghuhula. Napakasama ang ginawa ninyo!’”
6 at inabutan niya sila, at sinabi niya sa kanila ang mga salitang ito.
7 ngunit kanilang sinabi sa kanya;
“Ano pong ibig ninyong sabihin Ginoong mga salitang iyon?”
Malayo sa inyong lingkod na gumawa kami ng ganoong bagay.”

TORAH ‫תוֹרה‬
ָ 11
 8 Nakita nyo, na ang pilak na siyang aming natagpuan sa bibig(loob) ng aming mga
lalagyan ay aming ibinalik sa inyo mula sa lupain ng Ce’naan,
At Bakit po kami magnanakaw ng pilak mula sa tahanan ng inyong panginoon?
9 Ginoo, kung makita po ninyo ito sa sinuman sa inyong mga lingkod,
Dapat mamatay (siya) at kami naman ay inyong magiging alipin ng aming panginoon.”
10 at sinabi niya, ”Ngayon din ay mangyari ito ayon sa inyong mga salita.”
Kung kanino ito makita, ay siyang magiging aking alipin at kayo’y mga inosente.”
11 at dali-dali nilang ibinaba sa lapag ang bawat lalagyan nila
at binuksan ng bawat isa ang kani-kaniyang lalagyan
12 at hinanap niya simula sa panganay hanggang sa nagtapos sa pinakabunso,
at kanyang natagpuan ang kopa sa lalagyan ni Bin’yamin
13 kaya’t kanilang pinunit ang kanilang mga damit
at ikinargang muli sa kanyang asno, at sila’y bumalik sa bayan
14 at pumunta si Ye’hudah at kaniyang mga kapatid patungo sa bahay pa si Yosef.
at siya’y nandoon pa, at sila'y yumukod sa lupa sa kanyang harapan.
15 at sinabi ni Yosef sa kanila, “Ano itong gawain na ginawa ninyo?
Hindi ba ninyo alam na ang isang lalaking katulad ko ay
tunay na nagsasagawa ng panghuhula?
16 kaya’t sinabi ni Ye’hudah, “Ano po ang aming masasabi sa aming panginoon?”
Ano po ang aming maikakatuwiran? At paano po namin lilinisin ang aming mga sarili?
Ang DIYOS na po ang nagbunyag ng kasamaang ng inyong mga lingkod,
Narito po kami, mga alipin ng aking panginoon. Gayundin kami,
at gayundin sa kung kaninuman nakita ang kopang kinuha niya.”
17 at sinabi ni Yosef, “Malayo kong gawin iyon. Kung sino ang siyang nakitaan ng kopa
sa kanyang kamay, siya ang gagawin kong alipin;
at kayo’y makakapunta na ng payapa sa inyong ama.”

Haftarah Miq’qeytz
1 Kings 3:15-4:1

B’rit Chadashah
Act.7:9-16, Rom.10:1-13

TORAH ‫תוֹרה‬
ָ 12