bansag na “Tandang Sora” ay hinahangaan at nagsilbing inspirasyon sa mga katipunero.Kahit siya ay may edad na buong puso pa rin siyang tumulong noong panahon ng himagsikan na pinamunuan ni Andres Bonifacio noong taong 1896.
Isinilang si Melchora Aquino sa Banlat,Caloocan sa
National Capital Region noong Enero 6,1812.Ang kanyang mga magulang ay sina Juan Aquino at Valentina de Aquino. Siya hindi nagkaroon ng pagkakataong makapag-aral subalit siya ay biniyayaan ng mabuting kalooban. Siya ay relihiyoso at magaling makisalamuha sa kapwa. Siya rin ay pinagkalooban ng kagandahan sa panlabas na kaanyuan. Kaya naman siya ay laging tinatanghal bilang Reyna Elena ng kanilang lugar. Halos lahat ng kabinataan ay nabibighani sa kanyang tinataglay na kagandahan.
Si Melchora ay nagkaroon ng napakaraming manliligaw.At isa sa kanyang
masigasig na manliligaw si Fulgencio Ramos na kanyang naging kabiyak. Ang kanilang pagsasama ay naging mabunga. Nakaroon sila ng anim na anak na pinangalanang Juan, Simon, Estefania, Saturnino, Romualdo, at Juana. Si Fulgencio ay isang cabesa de barangay. Ngunit ito’y pumanaw rin noong pitong taong gulang pa lamang ang kanyang bunsong anak. Tinaguyod ni Tandang Sora ang kanyang anim na anak at nakaranas ng kunting hirap sa pagtataguyod sa mga ito.
Nakilala si Melchora bilang Hermana mayor ng iba’t ibang pagtitipon tulad ng
kasal, binyag, at mga pista. Ngunit ang masasabing naging legasiya ni Melchora ay ang kaniyang pagtulong sa mga Katipunero noong panahon ng digmaan kontra sa mga Espnayol. Nasa 84 anyos na si Melchora noong naganap ang digmaan ngunit kahit may edad na ay tumulong pa rin siya sa abot ng kaniyang makakaya. Siya ang naging kanlungan ng mga sugatang mandirigmangPilipino na pinatuloy niya sa kaniyang tahanan. Naging kuta rin ito ng mga Katipunero at naging lihim na lugar ng pagpupulong. Dahil dito ay nabansagan siyang Tandang Sora.
Dahil nalaman ng mga Espanyol ang kaniyang pakikipagtulungan sa mga
naghihimagsik, ipinatapon siya sa Guam. Nakabalik si Melchora sa bansa nang masakop na ng mga Amerikano ang Pilipinas.
Pumanaw si Tandang Sora noong Marso 2, 1919 dahil na rin sa kaniyang
katandaan. Siya ay nakahimlay sa kanyang bakuran sa Balintawak. Inilibing siya sa Musoleo ng mga Beterano ng Rebolusyong Pilipino sa Cementerio del Norte.