Republic of the Philippines

Department of Education
Region VII, Central Visayas
DIVISION OF CEBU PROVINCE
SELF-LEARNING HOME TASK (SLHT)
Filipino 4
3rd Quarter Week 5

Pangalan: __________________ Pangkat: ___Petsa______________

Paaralan__________________________Distrito:_______________
I. MELC COMPETENCY
CODE
nakapagbibigay ng angkop na pamagat sa F4PN-IIIg-17
napakinggang teksto
II. LAYUNIN
Pagkatapos ng pag-aaral, ang bata ay inaasahang:
A. nakatutukoy sa paksang diwa o paksang pangungusap sa tekstong
napakinggan;
B. nakabubuo ng angkop na pamagat sa tekstong napakinggan; at
C. nakapapahalaga sa maiging pakikinig sa pamamagitan ng pagsunod
ng mga hakbang
III. PAKSANG ARALIN
Pagbibigay ng Angkop na Pamagat sa Napakinggang Teksto
IV. SANGGUNIAN
 Lydia P. Lalunio & Francisca G.Ril, Hiyas sa Wika at Pagbasa 4
 Marita S.Santos & Nilda S.S. Garcia , Sining sa Pagbasa ,
Batayang Aklat 4
 Sancho C.Calatrava,et.al., Yaman ng Lahi 4 Wika at Pagbasa sa
Filipino
 teacherabiworksheets.blogspot.com
 brainly.ph/question/585471
V.PAMAMARAAN

A. PAGBASA AT PAGTATALAKAY
Panuto: Para sa Home Tutor: Basahin ng may katamtamang lakas
ang talata.
Para sa mag-aaral: Makinig ng maigi para masagot nang
wasto ang mga sumusunod na katanungan. Isulat ang iyong sagot sa
isang malinis na papel.

Isang araw naglalaro sina Gerry at Roy ng may narinig silang

dumadagundong sa himpapawid. “ Balang araw magiging piloto ako “,
sabi ni Roy. “Gusto mo bang maranasan kung paano magpalipad ng
eroplano ?”, tanong ni Gerry kay Roy. “Siyempre naman”, sagot agad ni
Roy. “Sige, kumuha ka ng isang papel para maranasan mong
magpalipad ng eroplano”, sabi ni Gerry kay Roy. Nagmamadaling
kumuha ng papel si Roy at lumapit siya kay Gerry. “Roy pakinggan
mong mabuti ang mga sasabihin ko at sundin mo ha”, sabi ni Gerry.
“ Game”, masiglang tugon ni Roy kay Gerry. “ Una ay kailangan mong
itupi sa gitna ang papel,”lengthwise”. Ikalawa ay tanggalin sa
pagkakatupi , ang bakas ng pagkakatupi na ito ay magsilbing gabay
upang malaman mo ang gitna ng papel. Ikatlo, itupi ang dalawang
kanto ng papel upang magtagpo sila sa gitna. Ikaapat, itupi ang papel
“crosswise” upang magtagpo ang dulo nito at ilalim. Ikalima, ituping
muli ang papel sa paraan ng pagkakatupi nito sa simula. Ngayon ay
mayroon ka nang dalawang bahagi ng papel, tiklupin ng patagilid ang
isang bahagi hanggang sa magkaroon ka ng isang pakpak ng eroplano.
Uulitin ang huling hakbang sa kabilang bahagi ng papel upang
makumpleto ang pakpak ng iyong eroplano. O, ano Roy ,nasunod mo
ba ang sinabi ko?”, tanong ni Gerry kay Roy. “Aba, siyempre, sinunod
ko kaya lahat ng iyong sinabi”, sagot naman ni Roy. “ Halika na Gerry,
subukan nating paliparin ang eroplanong ito”, masiglang sabi ni Roy.
1.Sino-sino ang mga tauhan sa kuwento?
2.Ano ang pangarap ni Roy?
3.Ano-ang mga hakbang sa paggawa ng eroplanong papel?
4.Ano ang ipanahihiwatig na ideya sa kuwentong iyong napakinggan?
5.Ano kaya ang pinakamainam na pamagat sa kuwentong iyong
napakinggan?
 Tandaan!!!

Mga Gabay sa Pagbibigay ng Angkop na Pamagat sa

Napakinggang Teksto:
 Para makapagbibigay ng angkop na pamagat sa isang
teksto na napakinggan, dapat tukuyin muna natin kung
ano ang paksang-diwa ng isang teksto.
 Madalas ang paksang diwa o paksang pangungusap ay
matatagpuan sa unang bahagi ng teksto o kuwento.
 Minsan naman ito ay nasa gitna at huling bahagi ng teksto
o kuwento. Ang mga ito ay nagbibigay ng ideya sa pagpili
ng pamagat.
 Ginagamit ang malaking titik sa mahalagang salita sa
pamagat ng talata o kuwento. Ang unang salita ay
sinimulan din sa malaking titik.
B.MGA PAGSASANAY

PAGSASANAY 1

Panuto:Pakinggan mong mabuti ang bawat tekstong babasahin.

Ibigay ang pinakamainam na paksang diwa at pamagat para sa
sumusunod na teksto. Isulat ang iyong sagot sa patlang.

Halimbawa:
1.Napakasaya ng pistang-bayan sa aming lalawigan. Tatlong
araw bago pa man dumating ang araw ng kapistahan ay
pinaghahandaan na pagdiriwang na ito. May mga tugtugan, awitan ,
sayawan , at iba’t ibang palaro. May parade pa na pinangungunahan ng
banda. Kasama sa parade ang magagandang dalaga na nakasakay sa
karwahe.

Sa ikatlong araw ay may misang-bayan. Ang mga tao ay sabay-

sabay na nagdarasal sa aming Mahal na Patron. Ang bawat tahanan ay
may mga handang iba’t ibang kakanin.
 Bawat isa ay may ngiti sa labi sa araw na ito.

Paksang-Diwa:Napakasaya ng pistang –bayan sa aming lalawigan

Pamagat:Ang Pista sa Aming Bayan

Ang “Napakasaya ng pistang-bayan sa aming lalawigan ang

paksang-diwa dahil ito ay sinusuportahan ng iba pang detalye kung ano
ang naganap sa kanilang pistang-bayan. Ang angkop na pamagat
naman ay “Ang Pista sa Aming Bayan” sapagkat ang buong talata ay
naglalarawan sa mga kaganapan ng kanilang pistang-bayan.

2.Mahilig si Ernesto sa pagbabasa. Iba-ibang aklat ang kanyang

binabasa. Pati mga aklat tungkol sa pagtatanim at pagluluto ay
binibigyan din niya ng oras para mabasa. Minsan ay nakita pa nga siya
ni Aling Ude na nagbabasa tungkol sa paggawa ng iba’t ibang laruan
gayong takipsilim na.
“Naku! Ang batang ito,” ang sabi ng kanyang Lola .

Paksang –Diwa:_______________________
Pamagat:_____________________________

3. Naanyayahan kaming magpiknik sa isang resort sa Tabogon.

Maghapon kaming naligo sa maluwag na swimming pool.Hindi namin
namalayan ang paglipas ng oras.Maging ang pagkain ng tanghalian ay
aming nakaligtaan. Lubos kaming nawili sa paglangoy sa maligamgam
na tubig ng pool. Halos lahat ay ayaw nang umahon. Waring hindi na
nila gustong lisanin ang pook na iyon.

Paksang-Diwa:______________________
Pamagat:___________________________
 PAGSASANAY 2 (Pagpapahalaga)

Panuto: Para sa Home Tutor: Basahin ng may katamtamang

lakas ng boses ang mga sumusunod na hakbang.
Para sa Mag-aaral: Makining ng mabuti sa iyong “
home tutor” at sundin ang mga hakbang . Pagkatapos mong
sundin ang mga hakbang , sagutin ang mga sumusunod na
katanungan.

*Una , ihanda ang materyalis na gagamitin tulad ng sticks,plastic

bag , at kahit anong plastic bag wag lang butas, gunting, sinulid o
pantali.

*Pangalawa, gupitin ang plastic ng pa “quadrilateral” na hugis.

*Pangatlo, ang stick itali ng patayo sa itaas at ibaba

“quadrilateral” na hugis ng plastic at yung isa pa na stick, itali din ito ng
pahalang sa magkabilang dulo ng plastic gamit ang sinulid. Ngayon ang
disenyo ng stick ay parang krus na. Sa gitna ng krus itali ito ng maayos
para maiwasan na masira ito.

*Pang-apat, sa patayo na stick, lagyan ng dalawang butas sa

itaas at baba ng plastic at ito ang magsisilbi na talian ng sinulid para sa
iyong saranggola. Para mahawakan mo ang iyong saranggola habang
ito ay pinapalipad.

*Panglima, gumupit ng mga disenyo ng buntot ng iyong

saranggola at ikabit ito sa iyong saranggola.

1. Ano ang iyong naramdaman habang nakikinig ka sa mga

hakbang na sinabi ng iyong home tutor?
Sagot:___________________________________

2. Nasunod mo ba ang lahat ng mga hakbang sa paggawa ng

saranggola?
Sagot:__________________________________
 3. Bakit kailangan nating makinig ng mabuti ?
Sagot:___________________________________

4. Ano ang angkop na pamagat sa mga hakbang na iyong

napakinggan?
Sagot:___________________________________

VI. PAGTATAYA

A. Panuto: Ipabasa sa iyong home tutor ang bawat talata at

pakinggang mabuti. Tukuyin ang pangunahing paksa o ideya at
magbigay ng angkop na pamagat sa bawat talata. Bilugan ang
titik na may tamang sagot sa papel.

Talata 1:
Sa bahaging timog ng Pilipinas matatagpuan ang Lalawigan ng
Lanao. Sa Lanao makikita ang pangalawang pinakamalaki at
pinakamalalim na lawa, ang Lawa ng Lanao at ang itinuturing ng
Mindanao na Lungsod ng Islam, ang Marawi. Ang Marawi ay kilala sa
pinakamagandang telang malong.

A. Ang Lalawigan ng Lanao

B. Ang Isla ng Mindanao
C. Ang Islam

Talata 2:
Ang malong ay tradisyunal na kasuotan ng mga Maranao. Ito ay
telang hinahabi nang dalawang metro ang haba at isang metro ang
lapad. Ito ay isinusuot ng mga kalalakihan at mga kababaihan bilang
bahagi ng makulay na kultura at buhay nila.

A. Ang Malong
B. Tradisyunal na Kasuotan ng mga Maranao
C.Kultura ng mga Maranao
Talata 3:
Maraming gamit ang malong. Ginagamit ito bilang duyan ng
sanggol. Pinaglalagyan din ito ng bigas at kamote. Ang malong ay
ginagamit din bilang kumot, sapin sa kama, at nilalagay rin ito sa
kamao ng mga lalaki bilang boxing gloves. Isinusuot din ito ng taga-
Maguindanao at mga karatig na lalawigan sa Cotabato at ilang maliliit
na pangkat tulad ng Tausug, Samal, Yakan at ilang tribo sa Palawan.

A. Boxing Gloves na Malong

B. Ang Gamit ng Malong
C. Iba’t ibang Gamit ng Malong

Talata 4:
Sa kasalukuyan marami na ang bumibili ng malong. Mabibili na ito
sa mga souvenir shops. Hindi naman ito isinusuot ng karamihan
ngunit dinadala nila ito sa paglalakbay. Ginagamit itong pantalukbong
kapag malamig ang panahon o malamig ang sasakyan. Ang iba naman
ay ginagamit itong placemat tuwing may picnic at pandekorasyon sa
bahay at mga tanggapan.

A. Ibang Gamit ng Malong sa Kasalukuyan

B. Malong para sa Piknik
C. Gamit ng Malong sa Paglalakbay

Talata 5:

Ang malong ay minsan ginagamit na “ costume “ sa mga palabas.

May iba’t ibang disenyo ang malong na ginagamit bilang “costume”.
Kadalasan , batik-batik ang disenyo ng malong. Minsan naman ito ay
imaheng abstrak . Minsan din ito ay may disenyong bulaklak.Kaya kahit
ano pa ang disenyo ng malong, ito ay magandang tingnan kapag
ginagamit na “costume”.

A. Disenyo ng Malong
B. Ang Malong
C. Ang Malong bilang “costume”

B. Panuto: Magbigay ng angkop na pamagat sa mga sumusunod

na tugma. Piliin sa loob ng kahon at isulat ang iyong sagot sa bilog
na nasa kanan.

1.Bulaklak sa hardin
Kay gandang pagmasdan
Sumasayaw-sayaw sabay sa hangin
Tila nakakapawi sa lungkot ng damdam
 2.Ang hardin na ating inalagaan
Mga bulaklak ay lumago
Tulad ng ating pagkakaibigan
Lumago dahil sa ating pagmamahalan

3.Paru-paro sa hardin
Nakakaaliw pagmasdan
May pula, dilaw, at asul
Na lalong nagbibigay buhay
Sa ating munting paraiso

Paru-paro sa Hardin Hardin Bulaklak

D. Panuto:Para sa Home Tutor: Balikang muli ang mga hakbang sa

paggawa ng eroplanong papel. Basahin ito ng may katamtamang
lakas ng boses.
Para sa Mag-aaral:Makinig ng mabuti at lagyan ng tsek (/) kung
ang sumusunod na pahayag ay isa sa mga hakbang sa paggawa
ng eroplanong papel.

____Ihanda ang materyalis tulad ng sticks at plastic bag

____Itupi sa gitna ang papel ,lengthwise
____Gupitin ang plastic ng quadrilateral na hugis
____Itupi ang papel crosswise upang magtagpo ang dulo nito at
ilalim
Inihanda ni: Sinuri ni:

JOVELYN A.MONLEON ROLANDO D.NOVABOS

Manunulat Tagasuri

Winasto ni:
ALMA M. CASAS,Ph.D.
Tagawasto
Pagsasanay 2
1.Iba’t ibang sagot
2.Iba’t ibang sagot
3.Mga posibleng sagot: upang makasunod sa mga hakbang at panuto,
upang matukoy ang paksang-diwa, upang makapagbigay ng angkop na
pamagat sa mga tekstong napakinggan
4.Mga Hakbang sa Paggawa ng Saranggola
Pagsasanay 1
1. Paksang-Diwa:Napakasaya ng pistang –bayan sa aming lalawigan.
Pamagat:Ang Pista sa Aming Lalawigan
2. Paksang-Diwa:Mahilig si Ernesto sa pagbabasa.
Pamagat: Ang Hilig ni Ernesto
3.Paksang-Diwa:Naanyayahan kaming magpiknik sa resort
Pamagat: Piknik sa Resort
Pagtatalakay
1.Gerry at Roy
2.Maging isang piloto
3. Una ay kailangan mong itupi sa gitna ang papel,”lengthwise”.
Ikalawa ay tanggalin sa pagkakatupi , ang bakas ng pagkakatupi na
ito ay magsilbing gabay upang malaman mo ang gitna ng papel.
Ikatlo, itupi ang dalawang kanto ng papel upang magtagpo sila sa
gitna. Ikaapat, itupi ang papel “crosswise” upang magtagpo ang dulo
nito at ilalim. Ikalima, ituping muli ang papel sa paraan ng
pagkakatupi nito sa simula. Ngayon ay mayroon ka nang dalawang
bahagi ng papel, tiklupin ng patagilid ang isang bahagi hanggang sa
magkaroon ka ng isang pakpak ng eroplano. Uulitin ang huling
hakbang sa kabilang bahagi ng papel upang makumpleto ang pakpak
ng iyong eroplano
4.Mga Hakbang sa Paggawa ng Eroplanong Papel
5. Mga Hakbang sa Paggawa ng Eroplanong Papel
Susi sa Pagwawasto
Pagtataya
A.1.A 2.B 3.C 4.B 5.C
B.1.Bulaklak 2. Hardin 3.Paru-paro sa Hardin
C.
____Ihanda ang materyalis tulad ng sticks at plastic bag
___/_Itupi sa gitna ang papel ,lengthwise
____Gupitin ang plastic ng quadrilateral na hugis
____/Itupi ang papel crosswise upang magtagpo ang dulo nito at ilalim