WUKU UWI

Oooooooo......................Uwie..........................
Oooooooo......................Uwie..........................
Oooooooo......................Uwie..........................

Uwi go Dewa Ema da olo nena, da Na’a gha Teru ne’e Tena
raba wi pera kobho he’a ge Sa’o teda.

Oooooooo......................Uwie..........................
Oooooooo......................Uwie..........................
Oooooooo......................Uwie..........................

Uwi ngeta Dewa Ana da na’a gha oba ne’e Nanga raba wi
polu kedhi pagha banga masa kita ata dia wawo tana.

Oooooooo......................Uwie..........................
Oooooooo......................Uwie..........................
Oooooooo......................Uwie..........................

Uwi ngeta Dewa Ngaru Santo da na’a gha Wijo ne’e Wajo
raba wi pagha sadho masa kita ata ge li’e sa’o. Uwi da tebu
toko ladu ba wai poso. Kabu da role nitu, koba be rako lizu
Lobo wi soi Dewa.
Tebu Uwi Woe Gisi Gedhi Wako, gote koe da moi talo…
Tebu uwi da Woe Seso, gote hui gheso, wo’o latu ne’e da isi
tepo..
Tebu Uwi da Gisi Waso Molo ne’e Woe Lolo, koe negha
dhano da isi molo…
Tebu uwi da woe hede, koe dhele da isi meze…..
Tebu Uwi da Woe Mari gote koe ba tebu wali…..
Uwi da Meze go Lewa laba, Kutu da koe da ana ko’e, hui da
moki, ba bhai moi….
Kabu ba role nitu lobo ba rako lizu, ladu gazi ba wai poso.
Go Pedu Pado masa ge i’e sa’o wi mae kau ja’o
Wi na’a pata feo folo ne’e lengi jawa, wi na’a ngia kedhi
banga
Kita podhu mogo ne’e woe lolo dhapi woe gisi waso molo,
kita bhe ne’e woe hede kita kagho ne’e woe gisi gedhi
wako, ma’e rebho ne’e woe seso wi penga dhepo, ghadhi
ne’e da Woe Mari, may kita papa gani, Kita wi podhu padhi
dia loka uwi woe Gisi Gedhi Wako, dhu sai kita nga mu’a
wado tewe buku reba hiwa da nenga tadho.