Professional Documents
Culture Documents
სომხეთი
სომხეთი
პოსტსაბჭოთა ქვეყნების
შედარებითი პოლიტიკა
სალექციო კურსი
თემა 4
თანამედროვე სომხეთის
პოლიტიკური სისტემა
თბილისი
2021
შინაარსი
2
გარე ზეგავლენა პოლიტიკური ინსტიტუტების
ფორმირებასა და ფუნქციონირებაზე .................................27
კონფლიქტები და დაპირისპირებები ................................28
ეკლესია და სახელმწიფო. რელიგიის როლი
პოლიტიკაში ...........................................................................30
სომხეთის პარტიული სისტემა ............................................30
სომხეთის პოლიტიკური პარტიები ...................................32
სომხეთ-საქართველოს ურთიერთობები ...........................33
3
სომხეთს ტერიტორიის სიდიდის მიხედვით უკავია 136-ე ადგილი
მსოფლიოში და 138-ე ადგილი მოსახლეობის ოდენობით.
1. არაგაწოტნი (სომხ.
Արագածոտնի մարզ) — ქ.
აშტარაკი.
2. არარატი (სომხ. Արարատի
մարզ) — ქ. არტაშატი.
3. არმავირი (სომხ. Արմավիրի
մարզ) — ქ. არმავირი.
4. გეღარქუნიქი (სომხ.
Գեղարքունիքի մարզ) — ქ.
გავარი.
5. კოტაიქი (სომხ. Կոտայքի մարզ)
— ქ. რაზდანი.
6. ლორე (სომხ. Լոռու մարզ) — ქ.
ვანაძორი.
7. შირაკი (სომხ. Շիրակի մարզ) —
ქ. გიუმრი.
8. სიუნიქი (სომხ. Սյունիքի մարզ)
— ქ. კაპანი.
9. ტავუში (სომხ. Տավուշի մարզ)
— ქ. იჯევანი.
10. ვაიოცძორი (სომხ. Վայոց Ձորի
մարզ) — ქ. ეღეგნაძორი.
11. ერევანი (სომხ. Երևան) — ქ.
ერევანი
4
სახელმწიფო წყობა: უნიტარული სახელმწიფო; იყო
საპრეზიდენტო რესპუბლიკა, რომელიც 2015 წლის 6 დეკემბრის
რეფერენდუმის საფუძველზე საპარლამენტო რესპუბლიკად გარდაიქმნა
სომხეთის სახელმწიფოს სიმბოლიკა განისაზღვრება კონსტი-
ტუციის მე-13 მუხლით.
სომხეთის დროშა: სომხეთის რესპუბლიკის დროშა
სამფეროვანია: ჰორიზონტალური
თანაბარი ზომის წითელი, ლურჯი
და ნარინჯისფერი ზოლებით.
სომხეთის გერბი: ფარის ცენტრში გამოსახულია არა-
რატის მთა ნოეს კიდობანით და
ისტორიული სომხეთის ოთხი
სამეფოს გერბებით. ფარი უკავიათ
არწივს და ლომს, ხოლო ფარის
ქვეშ გამოსახულია ხმალი, ტოტი,
ძნა, ჯაჭვი და ბაფთა.
დევიზი „ერთი ერი - ერთი
კულტურა“
ჰიმნი: Մեր Հայրենիք (ჩვენი ჰიმნი დამტკიცებულია სომ-
სამშობლო) ხეთის რესპუბლიკის უმაღლესი
საბჭოს მიერ 1991 წლის 1 ივნისს.
მუსიკის ავტორიაბარსეგ კანაჩიანი,
ხოლო ტექსტი ეკუთვნის მიქაელ
ნალბანდიანი. ჰიმნის საფუძვლად
აღებულია სომხეთის პირველი
რესპუბლიკის (1918-1920) ჰიმნი.
5
მოკლე ისტორიული ნარკვევი
6
დადებული ხელშეკრულებით დასავლეთ სომხეთი გადავიდა ოსმალე-
თის ხელში, ხოლო აღმოსავლეთი სომხეთი - ირანს დაუქვემდებარდა.
1578 წელს ოსმალებმა დაარღვიეს ზავი, შეიჭრნენ ამიერკავკასიაში და
დიდი ნაწილი დაიპყრეს. 1590 წლის ხელშეკრულებით სომხეთი ოსმა-
ლეთს დაემორჩილა. 1639 წელს ოსმალეთსა და ირანს შორის დადებული
სამშვიდობო ხელშეკრულებით კი დასავლეთ სომხეთი კვლავ ოსმალეთს
დარჩა, ხოლო აღმოსავლეთი - ირანს გადაეცა.
1826-1828 წლების რუსეთ-ირანის ომის შედეგად დღევანდელი
სომხეთის ტერიტორია, სადაც ძირითადად სპარსეთის
დაქვემდებარებაში მყოფი ერევნის სახანო იყო, შევიდა რუსეთის იმპერი-
ის შემადგენლობაში.
7
დამარცხებულ ოსმალეთთან) უნდა შესულიყო სომხეთის სახელმწიფოს
შემადგენლობაში.
სომხეთის რესპუბლიკის ტერიტორიული პრეტენზიები საქართვე-
ლოს მიმართ გააქტიურდა პირველი მსოფლიო ომში გერმანიის დამარ-
ცხების შემდეგ, რომელიც საქართველოს მოკავშირე იყო. 1918 წლის
ნოემბერ-დეკემბერში ამას სამხედრო კონფლიქტი მოჰყვა საქართველოს
დემოკრატიულ რესპუბლიკასთან. ომი სომხეთის დამარცხებით დამთავ-
რდა. ინგლისელებმა სადავო ტერიტორიის ნაწილში - ლორეს მხარეში
ე.წ. „ნეიტრალური ზონა“ შექმნეს.
სომხეთის რესპუბლიკას მთელი თავისი არსებობის მანძილზე
სამხედრო კონფლიქტი ჰქონდა აზერბაიჯანთან.
სევრის ზავის მიხედვით (1920 წლის აგვისტო), რომელიც ანტანტამ
თურქეთთან გააფორმა, სომხეთის რესპუბლიკის ტერიტორია 160 ათასი
კვადრატული კილომეტრი უნდა ყოფილიყო. თურქეთის დიდმა
ეროვნულმა კრებამ, რომელსაც ათათურქი ხელმძღვანელობდა, უარი
თქვა სევრის ხელშეკრულების რატიფიცირებაზე. სომხეთის მთავრობამ
არ დაუცადა სევრის ზავის ძალაში შესვლას და 1920 წლის 20 სექტემბერს
დაიწყო იმ ტერიტორიების დაკავება, რაც სევრის ზავით მას უნდა
გადასცემოდა. ამას მოჰყვა თურქეთთან ომი და სომხეთი სასტიკად
დამარცხდა.
1920 წ. 29 ნოემბერს სომხეთის ტერიტორიაზე შევიდა მე-11
წითელი არმია. საბჭოთა პერიოდში ეს დღე ითვლებოდა სომხეთის
საბჭოთა რესპუბლიკის გამოცხადების დღედ. 2 დეკემბერს დაშნაკთა
მთავრობამ მიიღო რსფსრ ულტიმატუმი და სომხეთი გამოაცხადა
დამოუკიდებელ საბჭოთა რესპუბლიკად რსფსრ პროტექტორატით.
1921 წლის 13 ოქტომბერს საბჭოთა რუსეთის მონაწილეობით
გაფორმდა ყარსის ხელშეკრულება, რომლითაც განისაზღვრა სომხეთ-
თურქეთის დღევანდელი საზღვარი.
10
ისტორიული ფაქტის ერთმნიშვნელოვანი შეფასება ყოველთვის
რთულია, მაგრამ პოსტსაბჭოთა სომხეთისათვის 1999 წლის 27 ოქტომ-
ბრის ტერორისტული აქტი შემობრუნების წერტილად იქცა. საკანონ-
მდებლო ორგანოში მოწყობილმა ხოცვა-ჟლეტამ შეაჩერა ახლად წარმოჩე-
ნილი დემოკრატიული ინსტიტუტების განვითარება და პოლიტიკური
პროცესების წარმმართველად აქცია პრეზიდენტი რობერტ ქოჩარიანი,
რომელმაც თავის ხელში დიდ ძალაუფლებას მოუყარა თავი. მალევე და-
იხურა სომხეთის წამყვანი დამოუკიდებელი ტელეარხი. პოლიტიკური
პარტიები დასუსტდნენ მათი არარელევანტურობის გამო. ზოგს მიაჩნია,
რომ 1999 წლის 27 ოქტომბერი სომხეთში ავტორიტარული მმართველო-
ბის დასაწყისად იქცა. სომხეთის პარლამენტში განხორციელებულმა ტე-
რორისტულმა აქტმა დიდი ხნით შეაფერხა მთიანი ყარაბახის პრობლე-
მის მოგვარებაც. ნიშანდობლივია, რომ ვიდრე მოკლავდნენ, სომხეთის
პრემიერ-მინისტრი ვაზგენ სარქისიანი შეხვდა შეერთებული შტატების
სახელმწიფო მდივნის წარმომადგენელს სტროუბ ტალბოტს, რომელთა-
ნაც კონფლიქტის დარეგულირების საგზაო რუკაზე ჰქონდა საუბარი.
http://www.radiotavisupleba.ge/content/article/1862676.html
11
ხარჯზე პრეზიდენტის სასარგებლოდ ხელისუფლების გადანაწილებას
ეხებოდა. კონსტიტუციას აკრიტიკებდნენ საერთაშორისო ორგანიზაცი-
ებიც, კერძოდ ევროპის საბჭო.
შედეგად 2005 წლის 27 ნოემბრის რეფერენდუმზე მიიღეს კონსტი-
ტუციის შესწორებები. ცვლილებები შეეხო კონსტიტუციის თითქმის ყვე-
ლა თავს და თავდაპირველი ტექსტი მნიშვნელოვნად შეიცვალა. კონსტი-
ტუციის ტექსტი 2005 წლის შესწორებებით ოფიციალურ წყაროებში იწ-
ოდებოდა "მეორე კონსტიტუციად" ან 2005 წლის კონსტიტუციად. კონ-
სტიტუციაში ცვლილებების შეტანა გამომდინარეობდა ევროსაბჭოს წინა-
შე სომხეთის მიერ აღებული ვალდებულებებიდან. მისი პროექტი მოამ-
ზადა სახელისუფლო პარტიების კოალიციამ. ცენტრალური საარჩევნო
კომისიის მონაცემებით, რეფერენდუმში მონაწილეობა მიიღო ამომრჩე-
ველთა 64%-მა, ხოლო ცვლილებებს ხმა მისცა მონაწილეთა 93,3%-მა.
2015 წლის 6 დეკემბერს სომხეთში ჩატარდა საკონსტიტუციო
რეფერენდუმი, რომლის შედეგადაც მნიშვნელოვნად შეიცვალა ქვეყნის
პოლიტიკური სისტემა - სომხეთი ნახევრად საპრეზიდენტო მმართვე-
ლობიდან საპარლამენტო რესპუბლიკად გარდაიქმნა. ხელისუფლების
კონცენტრირება მოხდა პრემიერ-მინისტრის ხელში, საერთაშორისო
არენაზეც სომხეთს უკვე პრემიერ-მინისტრი წარმოადგენდა.
რეფერენდუმი სახელისუფლებო, რესპუბლიკური პარტიის მიერ
იყო ინიცირებული. პრეზიდენტმა სერჟ სარგსიანმა განაცხადა, რომ ეს
ცვლილებები უფრო ეფექტურს გახდიდა „თანამშრომლობას ხელისუფ-
ლების სხვადასხვა შტოს შორის“, ხელს შეუწყობდა ეკონომიკურ განვი-
თარებას და ადამიანის უფლებების დაცვას. სომხეთის ეროვნული
კონგრესი და სხვა ოპოზიციური ჯგუფები რეფორმების წინააღმდეგ
გამოვიდნენ და აცხადებდნენ, რომ ეს ინიციატივა წარმოადგენდა
სარქისიანის მცდელობას ხელისუფლებაში დარჩენილიყო მას შემდეგ,
რაც 2018 წლის თებერვალში ამოიწურებოდა მისი ბოლო, მეორე
საპრეზიდენტო ვადა.
6 დეკემბრის რეფერენდუმის შემდეგ სომხეთი ახალი საკონსტი-
ტუციო რეალობის წინაშე აღმოჩნდა.ოპოზიციისა და სომხეთის მთელი
რიგი არასამთავრობო ორგანიზაციების მონაცემებით, რეფერენდუმი
ჩატარდა სერიოზული დარღვევებით, მათ შორის, იყო განმეორებით ხმის
მიცემა, ბიულეტენების ჩაყრა, მოქრთამვა, ზეწოლა ნდობით აღჭურვილ
პირებსა და ჟურნალისტებზე.1
13
2018 წლის 2 მარტის საპრეზიდენტო არჩევნები
საკონსტიტუციო რეფორმის საფუძველზე 2018 წლის 2 მარტს
სომხეთში ჩატარდა საპრეზიდენტო არჩევნები. პირველად სომხეთის
ისტორიაში პრეზიდენტი ხალხმა კი არ აირჩია, არამედ ეროვნულმა
კრებამ.
კონსტიტუციის ახალი რედაქციის თანახმად, პრეზიდენტად
არჩევის უფლება აქვს 40 წელს მიღწეულ მხოლოდ სომხეთის მოქალაქეს,
რომელმაც იცის სომხური ენა და უკანასკნელი 6 წლის განმავლობაში
მუდმივად ცხოვრობს სომხეთში.
2018 წლის საპრეზიდენტო არჩევნების დროს ერთადერთი კან-
დიდატი იყო არმენ სარქისიანი.2 ეს იყო მმართველი რესპუბლიკური
პარტიის კანდიდატი და პირველივე ტურში აირჩიეს. მას ხმა მისცა 90
დეპუტატმა (ასარჩევად საკმარისი იყო 79 ხმა), წინააღმდეგი იყო 10,
ერთი ბიულეტენი გაბათილდა. მას მხარი დაუჭირა პარლამენტში შე-
სული 4 პარტიიდან სამმა: რესპუბლიკური პარტია, დაშნაკცუტუნი,
ბლოკი „ცარუკიანი“. წინააღმდეგი იყო ფრაქცია „ელკი“. ამ ფრაქციის
აზრით, ალტერნატივის არარსებობა დაუშვებელი იყო დემოკრატიის
თვალსაზრისით.
არმენ სარქისიანი სომხეთის პირველი პრეზიდენტია, რომელიც
სომხეთის დღევანდელ ტერიტორიაზე დაიბადა. ლევონ ტერ-პეტრო-
სიანი სირიაში იყო დაბადებული, რობერტ კოჩარიანი და სერჟ სარგსიანი
კი მთიან ყარაბაღში.
15
2019 წ. 9 დეკემბერს ვადამდელი საპარლამენტო არჩევნები
გაიმართა. არჩევნებში მონაწილეობა მიიღო 11 პარტიამ და ბლოკმა.
საარჩევნო უბნებზე გამოცხადდა ამომრჩეველთა 48,63%. დამაჯერებელი
გამარჯვება პაშინიანის ბლოკმა „ჩემი ნაბიჯი“ მოიპოვა. 132 წევრიან
პარლამენტში ადგილები შემდეგნაირად განაწილდა:
პარტია ხმები % ადგილები +/-
ალიანსი „ჩემი ნაბიჯი“ 884.456 70,43 88 ახალი
აყვავებული სომხეთი 103.824 8,27 26 -5
ნათელი სომხეთი 80.024 6,37 18 +15
რესპუბლიკური პარტია 59.059 4,70 0 -58
დაშნაკცუთუნი 48.811 3,89 0 -7
16
ლისწინებს საკონსტიტუციო სასამართლოს 9 წევრიდან 7-ის განთავი-
სუფლებას, მათ შორის თოვმასიანისაც, რადგანაც ისინი „წინა კორუფ-
ციულ რეჟიმს“ უკავშირდებიან.
რეფერენდუმის მომხრე იყო ფაშინიანის ბლოკი „ჩემი ნაბიჯი“,
ფაშინინანი მიიჩნევს, რომ ცვლილებები უზრუნველყოფს სასამართლო
ხელისუფლების დამოუკიდებლობას, ოპოზიცია კი შიშობს, რომ
ფაშინიანის გუნდი საკონსტიტუციო სასამართლოში თავის მომხრეებს
დანიშნავს.
რეფერენდუმი 5 აპრილს უნდა ჩატარებულიყო, მაგრამ კორონავი-
რუსის ეპიდემიის გამო 16 მარტს სომხეთში საგანგებო მდგომარეობა გა-
მოცხადდა 14 აპრილამდე, ასეთ პირობებში კი რეფერენდუმის ჩატარება
არ შეიძლებოდა. კონსტიტუციით რეფერენდუმი უნდა ჩატარდეს
საგანგებო მდგომარეობის დამთავრებიდან არა უადრეს 50 და არა
უგვიანეს 65 დღისა.
თუმცა 2020 წლის 6 მარტს სომხეთის ეროვნულმა კრებამ მიიღო
შესწორებები რეფერენდუმის შესახებ კანონში (82 ხმით 17-ის წინა-
აღმდეგ). პარლამენტს შეეძლება გააუქმოს უკვე დანიშნული რეფერენ-
დუმი, რომელიც სამხედრო ან საგანგებო მდგომარეობის გამო გადაიდო.
ეს ცვლილება შეიძლება გამოყენებული იქნას 5 აპრილს დანიშნული
რეფერენდუმის მიმართაც.3
17
ფასის 7-ჯერ გაზრდა, სიცოცხლის ხანგრძლივობის გაზრდა 90 წლამდე.
პრემიერ მინისტრი წამოაყენა ამოცანა აღნიშნულ პერიოდში ჰყავდეს
ყველაზე ბრძოლისუნარიანი არმია, სომხეთის სადაზვერვო სამსახური
შევიდეს მსოფლიო საუკეთესოთა ათეულში, სულ მცირე სამი სომხუ-
რი უნივერსიტეტი მოხვდეს მსოფლიოს 200 საუკეთესო უნივერსი-
ტეტთა სიაში.
სტრატეგია ითვალისწინებს, რომ სომხეთი გახდება მაღალტექნო-
ლოგიური ინდუსტრიული ქვეყანა. დაგეგმილია მინიმუმ 5 ტექნოლო-
გიური კომპანიის არსებობა, რომელთა ღირებულება 10 მილიარდზე მე-
ტია, მინიმუმ 10,000 მუშა სტარტაფი. გარდა ამისა, პრემიერ მინისტრს
სურს გაორმაგდეს ტყის მასების ფართობი რესპუბლიკაში,
ტურისტების ყოველწლიური ნაკადი გაიზარდოს 15 მილიონამდე.
ასევე ბევრია გასაკეთებელი საერთაშორისო პლატფორმებზე: 2050
წლამდე სომხეთმა უნდა მოიგოს 25 ოლიმპიური ოქროს მედალი,
მიიღოს ინდივიდუალური მსოფლიო ჭადრაკის ჩემპიონის ტიტული,
ხოლო ფეხბურთის გუნდმა უნდა მოიტანოს მედალი მსოფლიოს ან
ევროპის ჩემპიონატებიდან. პრემიერ მინისტრის თქმით, აღნიშნული
დებულებები უნდა იყოს სომხეთის მთავრობის ძირითადი
მიმართულება მომავალი 30 წლის განმავლობაში.4
4 როგორი სომხეთი უნდა გვქონდეს 2050 წელს? ფაშინიანმა წარმოადგინა გარდაქმნის სტრატეგია- 22.09.2020,- https://ge.armradio.am/2020/09/22/%E1%83%A0%E1%83%9D%E1%83%92%E1%83%9D%E1%83%A0%E1%83%98-
%E1%83%A1%E1%83%9D%E1%83%9B%E1%83%AE%E1%83%94%E1%83%97%E1%83%98-%E1%83%A3%E1%83%9C%E1%83%93%E1%83%90-%E1%83%92%E1%83%95%E1%83%A5%E1%83%9D/?doing_wp_cron=1616247944.5182249546051025390625
5 Пашинян анонсировал референдум по смене формы правления в Армении-1 марта, 2021-https://www.vedomosti.ru/politics/news/2021/03/01/859721-pashinyan-anonsiroval-referendum-po-smene-formi-pravleniya-v-armenii
18
მთიანი ყარაბაღის მეორე ომში დამარცხება და პოლიტიკური
კრიზისი სომხეთში
მთიან ყარაბაღში 44-დღიანი წარუმატებელი ომის შემდეგ, 2020
წლის 10 ნოემბერს ნიკოლ ფაშინიანმა განაცხადა, რომ მოუხდა ხელი
მოეწერა „დაუჯერებლად მტკივნეულ“ ტექსტზე. დაიწყო საპროტესტო
და ფაშინიანის მხარდამჭერთა აქციები. ნიკოლ ფაშინიანის წინააღმდეგ
ოპოზიცია გაერთიანდა „სამშობლოს ხსნის მოძრაობაში“. მისი პრემიერ-
მინისტრობის კანდიდატია სამგზის პარლამენტარი, ექსპრემიერი ვაზგენ
მანუკიანი.
ვითარება კიდევ უფრო გამწვავდა 2021 წლის თებერვლის ბოლო-
დან. 2021 წლის 24 თებერვალს ნიკოლ ფაშინიანმა რუსული წარმოების
„ისკანდერ“-ის სარაკეტო სისტემებს გამოუსადეგარი უწოდა, რადგანაც
„გამართულად არ მუშაობს და ბოლომდე არ ფეთქდება“. პრემიერის ეს
განცხადება სასაცილოდ აიგდო გენერალური შტაბის ხელმძრვანელის
პირველმა მოადგილემ ტირან ხაჩატურიანმა. ფაშინიანმა მისი გადაყენე-
ბის შუამდგომლობით მიმართა პრეზიდენტ სარქისიანს და ამ უკანას-
კნელმაც გადაყენების გადაწყვეტილებას ხელი მოაწერა.
25 თებერვალს ფაშინიანი რუსეთის პრეზიდენტს პუტინს ესაუბრა,
რუს შემდეგაც „ისკანდერთან“ დაკავშირებით პოზიცია შეცვალა, - ასე
„არასწორად მოწოდებული ინფორმაციის“ გამო ვთქვიო.
თუმცა ამას ვითარების განმუხტვა არ მოჰყოლია. 25 თებერვალს
გავრცელდა გენერალური შტაბის მეთაურის ონიკ გასპარიანის (გასპარი-
ანი ომის დროს სომხეთის ჯარს ხელმძღვანელობდა) და 40-მდე სამხედ-
რო მაღალჩინოსნის განცხადება. ისინი ფაშინიანის გადადგომას ითხოვ-
დნენ. ამ განცხადების თანახმად, „პრემიერ-მინისტრი და მთავრობა ვერ
იღებენ ადეკვატურ გადაწყვეტილებას ამ მეტად კრიზისულ და საბედის-
წერო ვითარებაში“, „მოქმედი მთავრობის არაეფექტური მმართველობის
და საგარეო პოლიტიკაში მძიმე შეცდომების გამო ქვეყანა კოლაფსის
პირას მიიყვანა“.
ფაშინიანმა ამ განცხადებას სამხედრო გადატრიალების მცდელობა
უწოდა და გასპარიანი თანამდებობიდან გაათავისუფლა. თუმცა
ამჯერად პრეზიდენტმა სარქისიანმა გასპარიანის გადაყენებას ხელი არ
მოაწერა. 28 თებერვალს ფაშინიანმა კვლავ მიმართა პრეზიდენტს
გასპარიანის გადაყენების მოთხოვნით, ამჯერად პრეზიდენტის
პოზიციის მოუხედავად, გასპარიანი 4 მარტიდან გადაყენებულად უნდა
ჩათვლილიყო, მაგრამ ამით კრიზისი არ განმუხტულა.
19
სომხეთში კრიზისს საერთაშორისო გამოხმაურება მოჰყვა. პუტინმა
ყველა მხარეს თავშეკავებისაკენ მოუწოდა, საჭიროა „წესრიგისა და სიმ-
შვიდის შენარჩუნება და სიტუაციის მოგვარება კანონის ფარგლებში“.
ევროკავშირის განცხადებით სომხეთის შეიარაღებულმა ძალებმა ნეიტ-
რალიტეტი უნდა შეინარჩუნონ. თურქეთის საგარეო საქმეთა მინისტრმა
მევლუთ ჩავუშოღლუმ მკაცრად დაგმო გადატრიალების მცდელობა
სომხეთში (თუმცა თურქეთის მხრიდან გაკეთებული განცხადება უფრო
ფაშინიანის დისკრედიტირებას იწვევდა, ვიდრე მხარდაჭერას). მკაცრი
იყო აზერბაიჯანის პრეზიდენტის ილჰამ ალიევის განცხადება. მისი
თქმით, „სომხეთის არმია დასრულებულია“ და „რევანშისტური ძალები“
პასუხად „მუშტს მიიღებენ“. თანაც სომხეთს „ფაშისტური სახელმწიფო“
უწოდა: „სომხური არმია დასრულდა, არ არსებობს და არც უნდა იარ-
სებოს. ასეთ ფაშისტურ სახელმწიფოში არმია არ უნდა არსებობდეს“.
18 მარტს ოპოზიციური პარტიის „აყვავებული სომხეთის“ ლიდერ-
თან ედმონ მარუკიანთან შეხვედრის შემდეგ ფაშინიანმა ფეისბუკის
გზით გამოაცხადა ახალი საპარლამენტო არჩევნების თარიღი - 20 ივნისი.
რიგგარეშე არჩევნები განიხილება კრიზისის განმუხტვის საშუალებად.
კრიზისის დროს დემონსტრანტების ნაწილი თავს დაესხა ფონდ
ღია საზოგადოებას და რადიო თავისუფლებას. ყოფილმა პრეზიდენტმა
რობერტ ქოჩარიანმა 4 მარტს განაცხადა, რომ საჭიროა ბრძოლა სოროსის
იდეების წინააღმდეგ, რადგანაც „მსგავსი იდეებისა და ღირებულებების
მქონე სტრუქტურები სომხეთას თვითგანადგურებისკენ მიაქანებენ“.
პრეზიდენტი
2018 წლიდან კონსტიტუციის ახალი რედაქციით, პრეზიდენტი
აირჩევა 7 წლით და მხოლოდ ერთი ვადით (კონსტიტუციის ძველი
რედაქციით, პრეზიდენტს ირჩევდნენ 5 წლით და არაუმეტეს ზედიზედ
ორი ვადით). პარლამენტის სპიკერი და მთავრობის მეთაური კი
შეიძლება არჩეული იქნან ზედიზედ ორზე მეტი ვადით.6
21
ლევონ ტერ-პეტროსიანი
1991 წ. 16 ოქტომბრიდან –1998 წ. 3 თებერვლამდე
დაიბადა სირიის ქალაქ ალეპოში. მამამისი აკოფ ტერ-
პეტროსიანი სირიისა და ლიბანის კომუნისტური პარტი-
ების ერთ-ერთი დამაარსებელია. 1946 წელს ოჯახი გადა-
სახლდა სომხეთის სსრ-ში. 1963 წელს შევიდა და 1968
წელს დაამთავრა ერევნის სახელმწიფო უნივერსიტეტის
ფილოლოგიის ფაკულტეტი. 1989 წელს აირჩიეს სომხე-
თის უმაღლესი საბჭოს დეპუტატად, ხოლო 1990 წელს
უმაღლესი საბჭოს თავმჯდომარედ.
1991 წლის 16 ოქტომბერს აირჩიეს დამოუკიდებელი
სომხეთის პირველ პრეზიდენტად. მას მხარი დაუჭირა
ამომრჩეველთა 83,4 %-მა. 1996 წელს მეორე ვადით აირ-
ჩიეს პრეზიდენტად და მიიღო ხმების 51,75 %. პრეზი-
დენტის თანამდებობიდან გადადგა 1998 წლის თებერ-
ვალში. გადაგდომის მიზეზი იყო განხეთქილება სომხე-
თის მთავრობაში. მაშინდელმა პრემიერ-მინისტრმა რო-
ბერტ ქოჩარიანმა, თავდაცვის მინისტრმა ვაზგენ სარქი-
სიანმა და შინაგან საქმეთა და ეროვნული უსაფრთხოებ-
ის მინისტრმა სერჟ სარქისიანმა მხარი არ დაუჭირეს მის
გეგმას მთიანი ყარაბაღის კონფლიქტის დარეგულირე-
ბის შესახებ, რომელიც ითვალისწინებდა კონფლიქტის
ზონის დემილიტარიზაციას და აზერბაიჯანელების დაბ-
რუნებას მთელ რიგ დასახლებულ პუნქტებში.
გადადგომის შემდეგ მუშაობდა მატენადარანში. მონა-
წილეობდა 2008 წლის საპრეზიდენტო არჩევნებში და გა-
ვიდა მეორე ადგილზე ხმების 21,50 %-ით. 2012 წლის სა-
პარლამენტო არჩევნებში მისმა პარტიამ მიიღო 7 მანდა-
ტი, თუმცა მან უარი განაცხადა დეპუტატობაზე
რობერტ ქოჩარიანი
1998 წ. 9 აპრილიდან - 2008 წ. 9 აპრილამდე
(სომხ. Ռոբերտ Քոչարյան; დ. 31 აგვისტო, 1954,
სტეფანაკერტი, სომხეთი) — სომხეთის პრეზიდენტი
1998-2008 წლებში. მოძრაობა არწახის ერთ-ერთი ყოფი-
ლი ლიდერი, თავდაცვის სახელმწიფო კომიტეტის თავმ-
ჯდომარე, აგრეთვე მთიანი ყარაბაღის პირველი პრეზი-
22
დენტი.
სერჟ სარგისიანი
2008 წ. 9 აპრილიდან –2018 წ. 9 აპრილამდე
(სომხ. Սերժ Սարգսյան, დ. 30 ივნისი, 1954 სტეფანა-
კერტი, მთიანი ყარაბაღის ავტონომიური რესპუბლიკა,
აზერბაიჯანის სსრ, სსრკ) — სომხეთის პრეზიდენტი, ყო-
ფილი პრემიერ-მინისტრი. მისი ოფიციალური დანიშვნა
2007 წლის 4 აპრილს მოხდა; მანამდე ის პრემიერ-მინის-
ტრის მოვალეობის შემრულებლის თანამდებობაზე 2007
წლის 26 მარტიდან მუშაობდა. პრემიერ-მინისტრად და-
ნიშვნამდე, სარქისიანი სომხეთის თავდაცვის მინისტრი
და ეროვნული უშიშროების საბჭოს თავმჯდომარე იყო.
მან გაიმარჯვა 2008 წლის თებერვლის საპრეზიდენტო
არჩევნებში სომხეთის რესპუბლიკური პარტიის მხარდა-
ჭერით, რომლის ხელმძღვანელი თვითონაა.
არმენ სარქისიანი
2018 წ. 9 აპრილიდან დღემდე – (2025 წ. 9 აპრილამდე)
(სომხ. Արմեն Վարդանի Սարգսյան, დ. 23 ივნისი, 1953
ერევანი). პრეზიდენტად აირჩიეს 1918 წლის 2 მარტს,
უფლებამოსილებას შეუდგება 2018 წ. 9 აპრილიდან.
1970-1976 წლებში სწავლობდა ერევნის უნივერსი-
ტეტის ფიზიკის ფაკულტეტზე, დაცული აქვს დისერ-
ტაცია. 1992-1993 და 1998-2000 წლებში იყო სომხეთის
ელჩი დიდ ბრიტანეთში, 1993-1994 წლებში იყო ელჩი
ევროკავშირში, 1995-1996 წლებში - ელჩი ბელგიაშიმ
ვატიკანსა და ლუქსემბურგში, 1996-1997 წლებში იყო
სომხეთის პრემიერ-მინისტრი.
2018 წლის საპრეზიდენტო არჩევნების დროს 10-მდე
ჟურნალისტურმა ორგანიზაციამ გაავრცელა განცხადება,
რომ არმენ სარქისიანი კანონის დარღვევით გახდა
პრეზიდენტი: ის იყო დიდი ბრიტანეთის მოქალაქეც და
2011-2014 წლების დოკუმენტებში დიდი ბრიტანეთის
მოქალაქეობას, ხოლო საცხოვრებელ ადგილად ასევე
დიდ ბრიტანეთს მიუთითებდა. სარქისიანმა უარყო ეს
ბრალდებები და განაცხადა, რომ 2011 წ. 2 დეკემბრიდან
23
ის მხოლოდ სომხეთის მოქალაქეა.
ისტორიიდან
1918 წლის 28 მაისს სომხეთის დემოკრატიული რესპუბლიკის
დამოუკიდებლობა გამოხადდა. ჩამოყალიბდა ქვეყნის უმაღლესი
ხელისუფლება - სომხეთის საბჭო.
1990 წელს ჩამოყალიბდა სომხეთის უზენაესი საბჭო (260
დეპუტატი). ახალ პარლამენტში წარმოდგენილი იყო ორი პოლიტიკური
ძალა სომხეთის საერთოეროვნული მოძრაობა და სომხეთიას
კომუნისტური პარტია.
24
1990 წლის 4 აგვისტოს ეროვნული კრების ხელმძღვანელი ლევონ
ტერ-პეტროსიანი გახდა.
1991 წლის 21 სექტემბერს სომხეთი დამოუკიდებელ რესპუბლიკად
გამოცხადდა.
1991 წლის 16 ოქტომბერს ლევონ ტერ-პეტროსიანი პრეზიდენტად
აირჩიეს, ეროვნული კრების ხელმძღვანელი კი ბაბკენ არარქციანი
გახდა.
1995 წლის 5 ივლისის საპარლამენტო არჩევნებში ეროვნულ
კრებაში აირჩიეს 190 დეპუტატი, საიდანაც 150 იყო მაჟორიტარული,
ხოლო 40 პროპორციული სიით არჩეული.
1999 წლის 30 მაისის არჩევნებში დეპუტატთა რაოდენობა 131-მდე
შემცირდა. აქედან 75 მაჟორიტარი იყო, ხოლო 56 პროპორციული სიით
არჩეული.
2003 წლის 25 მაისის არჩევნებში 56 მაჟორიტარი და 75
პროპორციული სიით არჩეული დეპუტატია.
2007 წლის 12 მაისის არჩევნებში 41 მაჟორიტარი და 90
პროპორციული სიით არჩეული დეპუტატია.
2012 წლის 6 მაისის არჩევნებში მონაწილეობდა 8 პარტია და ერთი
საარჩევნო ბლოკი. არჩევნებზე გამოცხადდა ამომრჩეველთა საერთო
რაოდენობის 62,33 %.
სომხეთის პარლამენტი
საარჩევნო სისტემა
საბჭოთა პერიოდში, ასევე 1991-1995 წლებში სომხეთში არსებობდა
მაჟორიტარული საარჩევნო სისტემა ხმათა აბსოლუტური უმრავლესო-
ბით 259 ერთმანდატიანი ოლქის საფუძველზე. 1995 წლის 6 აპრილის სა-
არჩევნო კანონის საფუძველზე შემოღებული იქნა ერთტურიანი მაჟორი-
25
ტარული საარჩევნო სისტემა ხმების შეფარდებითი უმრავლესობით. 1999
წლიდან შეიქმნა შერეული საარჩევნო სისტემა, რომლის მიხედვითაც
ქვეყანა გაყოფილია 75 ერთმანდატიან ოლქად (ე.ი. 75 ადგილის მიმართ
მოქმედებს ხმათა უბრალო უმრავლესობის პრინციპი) და ერთი საერთო-
ეროვნული ოლქი (ხმის მიცემა ხდება პარტიების ან ბლოკების სიებისათ-
ვის, რომელთათვისაც შემოღებულია 5%-იანი ბარიერი); პროპორციული
სისტემით აირჩევა 56 პარლამენტარი).
2000 წლის დეკემბერში პარლამენტა მიიღო ნორმა, რომელიც 56-
დან 94-მდე ზრდიდა პროპორციული სისტემით ასარჩევ დეპუტატთა რა-
ოდენობას. მაგრამ ამ გადაწყვეტილების მკაცრმა კრიტიკამ ევროპის საბ-
ჭოსა და ოპოზიციის მხრიდან განაპირობა ის, რომ 2002 წლის ივლისში
პარლამენტმა გადაწყვიტა ძველ ნორმას დაბრუნებოდა. 2003 წლის მაის-
ში პარტიული სიებით კვლავ 56 პარლამენტარი აირჩიეს.
დეპუტატად შეიძლება არჩეული იქნას 25 წელს მიღწეული სომხე-
თის მოქალაქე. გარდა ამისა, კანდიდატი აუცილებელია ბოლო 5 წლის
განმავლობაში ცხოვრობდეს სომხეთში. არ შეიძლება არჩეული იქნან სამ-
თავრობო მოხელეები, სასამართლო ხელისუფლების წარმომადგენლები,
სამხედრო მოსამსახურეები, პროკურატურის, სპეცსამსახურების და სა-
მართალდამცავი სტრუქტურების მუშაკები.
2015 წლის საკონსტიტუციო რეფორმით, სომხეთი მთლიანად
პროპორციულ არჩევნებზე გადავიდა, ხოლო საკანონმდებლო ორგანოში
დეპუტატთა რაოდენობა 101-მდე შემცირდა. თუმცა ეს არის პარლამენ-
ტის მინიმალური რაოდენობა. პარლამენტის არჩევნებზე დაწესდა 5%-
იანი ბარიერი პარტიებისათვის და 7%-იანი ბარიერი ბლოკებისთვის.
საპარლამენტო არჩევნებმა უნდა უზრუნველყოს სტაბილური
უმრავლესობა. თუკი ვერცერთი პარტია ვერ შეძლებს არჩევნების შედე-
გად მთავრობის ჩამოყალიბებას, ანუ ვერ მოიპოვებს უმრავლესობის
მხარდაჭერას, მაშინ ჩატარდება მეორე ტური ორი პარტიის მონაწილე-
ობით, რომელთაც ყველაზე მეტი ხმა მოიპოვეს. ეროვნულ კრებაში საარ-
ჩევნო კოდექსით უნდა გამოიყოს ადგილები ეროვნულ უმცირესობათა
წარმომადგენლებისთვის. საერთოეროვნულ პროპორციულ სიებში
თითოეული სქესი არანაკლებ 25%-ით უნდა იყოს წარმოდგენილი.
მთავრობა
2015 წლის საკონსტიტუციო რეფორმით გაიზარდა მთავრობის
უფლებამოსილება. ხელისუფლების აღმასრულებელი ორგანო მთავრო-
ბაა, რომელიც შეიმუშავებს და გაატარებს შიდა და საგარეო პოლიტიკას.
26
სომხეთის შეიარაღებული ძალები ასევე მთავრობის დაქვემდებარებაში
გადავიდა, ქვეყნის მთავარსარდალი ომის დროს კი პრემიერ-მინისტრი
იქნება.
რეფორმის შედეგად პრეზიდენტს, რომელიც მანამდე პოლიტიკაში
დომინანტია, ჩამოერთვა ბევრი უფლებამოსილება და ფაქტობრივი ხე-
ლისუფლება გადავიდა პრემიერ-მინისტრის ხელში, რომელსაც ნიშნავს
მმართველი პარტია, ვისაც ჰყავს უმრავლესობა პარლამენტში. მნიშვნე-
ლოვან უფლებამოსილებას იღებს პარლამენტის თავმჯდომარეც.
პრეზიდენტი საპარლამენტო ფრაქციებთან კონსულტაციით, პრე-
მიერ-მინისტრად ნიშნავს პირს, რომელსაც დეპუტატთა უმრავლესობა
ენდობა. შემდეგ პრემიერ-მინისტრის წარდგინებით ნიშნავს და ათავი-
სუფლებს მინისტრებს. 2019 წ. მაისში მიღებული კანონით მთავრობა
შედგება პრემიერ-მინისტრის, ორი ვიცე-პრემიერის და 12 მინისტრისა-
გან. ამ კანონის თანახმად სომხეთში არსებობს შემდეგი სამინისტროები:
1. შრომისა და სოციალური საკითხების, 2. ჯანმრთელობის დაცვის, 3.
იუსტიციის, 4. თავდაცვის, 5. საგანგებო სიტუაციების, 6. შინაგან საქმეთა,
7. განათლების, მეცნიერების, კულტურისა და სპორტის, 8. გარემოს
დაცვის, 9. ტერიტორიული მართვის და ინფრასტრუქტურის, 10. მრეწვე-
ლობისა და მაღალი ტექნოლოგიების, 11. ეკონომიკის, 12. ფინანსთა.
27
ბამოსილების სფეროში) ხაზგასმული იყო დემოკრატიული ფასეულობ-
ებისადმი ერთგულება.
თანამედროვე სომხეთის პოლიტიკური ინსტიტუტების ფორმირე-
ბასა და ფუნქციონირებაში მნიშვნელოვან როლს ასრულებს ახლო აღმო-
სავლეთის, რუსეთის და დასავლეთის ქვეყნებში მყოფი სომხური დიას-
პორაც. მათი გავლენა ასუსტებდა შესაძლო სანქციებს სომხეთის მიმართ
ყარაბაღის გარშემო მიმდინარე ომის დროს. 1992 წელს სომხური ლობის-
ტების მოქმედების შედეგად აშშ-ის კონგრესმა მიიღო დადგენილება,
რომლითაც ჰუმანიტარული დახმარების გარდა, ყველა სხვა სახის დახმა-
რების გაწევა აზერბაიჯანისათვის იკრძალებოდა მანამდე, სანამ ის რეალ-
ურ ნაბიჯებს არ გადადგავდა სომხეთის ბლოკადის შეწყვეტისაკენ. 1993
წელს აშშ-მ სომხეთს გამოუყო 195 მლნ დოლარი დახმარების სახით (ამ
მხრივ სომხეთი რუსეთის შემდეგ მეორე ადგილზე იყო პოსტსაბჭოთა
ქვეყნებს შორის). აზერბაიჯანმა იმავე პერიოდში მიიღო 30 მლნ დოლა-
რი. სომხური დიასპორის აქტიურობის გამო პროსომხური პოზიცია 1990-
იან წლებში ეკავა საფრანგეთსაც. ამ ქვეყნის ოფიციალურმა პირებმა გა-
ნაცხადეს, რომ თურქეთმა ბოდიში უნდა მოიხადოს 1915 წლის გენოცი-
დის გამო.
კონფლიქტები და დაპირისპირებები
სომხეთის პოსტსაბჭოთა პერიოდისთვის დამახასიათებელია კონ-
ფლიქტი ხელისუფლებასა და ოპოზიციას შორის. ოპოზიცია უკმაყოფი-
ლოა პოლიტიკური ინსტიტუტების დემოკრატიზაციის არასაკმარისი
ტემპით, მმართველობის ავტორიტარული სტილით (ეს განსაკუთრებით
ითქმის რ.ქოჩარიანის პრეზიდენტობის პერიოდზე), ხელისუფლების მი-
ერ კანონმდებლობის დარღვევით. პოლიტიკური ბრძოლა არ გამოდის
მიღებული წესების ფარგლებს გარეთ: ოპოზიციის გამოსვლები ატარებს
მშვიდობიან ხასიათს. 2004 და 2008 წლები, უცხოელი დამკვირვებლების
აზრით, გამოირჩეოდა ოპოზიციის მიმართ „გაუმართლებელი სისასტი-
კით".
სომხეთის სოციალურ-პოლიტიკურ სფეროს ახასიათებს მნიშვნე-
ლოვანი კონფლიქტური პოტენციალი. პრივატიზაციას, ლიბერალიზაცი-
ას, თავისუფალი ბაზრის შექმნას უმტკივნეულოდ არ ჩაუვლია მოსახლე-
ობის დიდი ნაწილისთვის. ნარჩუნდება დისბალანსი ეკონომიკის დარ-
გებს შორის. დიდია უმუშევრობისა და სიღარიბის მაჩვენებელი.
ჯინის კოეფიციენტმა სომხეთისთვის 2003 წელს შეადგინა 33,8 – ეს
მოწმობს დისპროპორციაზე მოსახლეობის სხვადასხვა ჯგუფების შემო-
28
სავლებსა და მოხმარებას შორის. ეს მაჩვენებელი საშუალოდ შეიძლება
შეფასდეს.
სომხეთში არ არის ოფიციალური იდეოლოგია.
ყველაზე გამოხატული იდეოლოგიური დაპირისპირებაა რადიკა-
ლურ ნაციონალიზმსა და ეროვნული განვითარების ზომიერ დოქტრი-
ნებს შორის; მემარჯვენეებსა და მემარცხენეებს შორის.
რადიკალურ ნაციონალიზმსა და ზომიერ დოქტრინებს შორის და-
პირისპირება აქტუალური რჩება ყარაბაღის კონფლიქტის მოუგვარებლო-
ბის გამო. ეს დაპირისპირება გამოიხატება სომხეთის სახელმწიფოს გან-
ვითარების ორი სტრატეგიის კონკურენციაში.
სახელმწიფოს განვითარების რადიკალურ-ნაციონალისტური
სტრატეგია წარმოდგენილია, მაგალითად, პარტია "დაშნაკცუთუნის"
პროგრამაში (სომხების თავმოყრა ერთ სახელმწიფოში), ასევე კონსერვა-
ტიული პარტიების პროგრამებში. მისი რეალიზება ნიშნავს მეზობლებ-
თან მუდმივი ომის მდგომარეობას. მას უპირისპირდება დემოკრატიული
სახელმწიფოს მშენებლობის სტრატეგია: ყარაბაღის კონფლიქტის მოგვა-
რება ამ კონტექსტში უნდა იყოს განხილული.
სომხეთის ხელისუფლება იყენებს ორივე სტრატეგიის მომხრეთა
იდეოლოგიურ პლატფორმებს, რაც საშუალებას იძლევა შესუსტდეს და-
პირისპირება ზომიერ და რადიკალ ნაციონალისტებს შორის.
მემარცხენეობა-მემარჯვენეობას შორის იდეოლოგიური დაპირის-
პირება ჯერ კიდევ 1990-იანი წლების დასაწყისში გამოვლინდა რეფორმე-
ბისადმი განსხვავებული მიდგომით: ზომიერმა მემარჯვენე პარტიებმა
დაიკავეს ლიბერალური პოზიციები, ზომიერმა მემარცხენეებმა კი სოცი-
ალ-დემოკრატიული. მემარცხენე ძალები შედარებით სუსტი არიან.
ლიბერალური პრინციპები უდევს საფუძვლად სომხეთის დემოკ-
რატიული ლიბერალური პარტიის პროგრამას, ის მჭიდროდაა დაკავში-
რებული სომხური დიასპორის იმ ნაწილთან, რომელიც ორიენტირებუ-
ლი არაა "დაშნაკცუთუნზე". მათთვის მიზანია თავისუფლება, ხოლო სო-
ციალურ-ეკონომიკური სისტემური მოდერნიზება – საშუალება. პარტია
მხარს უჭერს სახელმწიფოს როლის გაძლიერებას სოციალურ-ეკონომიკ-
ური და პოლიტიკური პროცესების დარეგულირებაში, ადმინისტრაციუ-
ლი მეთოდებით რეფორმების ისეთი უარყოფითი შედეგების დაძლევას,
როგორიცაა სიღარიბე, დანაშაული, კორუფცია.
პოსტსაბჭოთა პერიოდში ლიბერალურ მიმართულებას ყველაზე
მეტად განასახიერებდა გ. ბაგრანიანის მთავრობა, რომლის საქმიანობის
დროსაც დაიწყო სომხეთში არაპოპულარული პრივატიზებისა და ფასე-
29
ბის ლიბერალიზაციის პროგრამები. მაგრამ ეკონომიკური რეფორმების
სოციალური ფასი ძალიან მაღალი იყო.
დღეისათვის დასუსტებული დემოკრატიული ლიბერალური პარ-
ტიის გარდა, ლიბერალური პოზიციებიდან გამოდის რესპუბლიკური
პარტიის რეფორმისტული ნაწილი, რომელიც ეკონომიკური კონკურენ-
ციის და კერძო ინიციატივის სტიმულირების ლოზუნგებით გამოდის.
სომხეთ-საქართველოს ურთიერთობები
2020 წ. 3-4 მარტს სომხეთის პრემიერ-მინისტრი ნიკოლ პაშინიანი
ოფიციალური ვიზიტით საქართველოს ეწვია. პაშინიანის თქმით, ორ
ქვეყანას შორის ურთიერთობაში უამრავი გამოუყენებელი პოტენციალია
და ეკონომიკური ურთიერთობები უფრო მაღალ დონეზე უნდა
განავითარონ.
33
ვიზიტის დროს მიღწეულია შეთანხმება, რომ მომავალში
სომხეთის და საქართველოს მოქალაქეები საზღვრის გადაკვეთას ID
ბარათებით შეძლებენ და საერთაშორისო პასპორტები აღარ
დასჭირდებათ.
პაშინიანი პრობლემას ვერ ხედავს ორი ქვეყნის განსხვავებულ
საგარეო პრიორიტეტებში. ”ჩვენ მივესალმებით საქართველოს ევროატ-
ლანტიკურ სივრცეში მისწრაფებას. ჩვენს ქვეყნებს განსხავებული
ხედვები აქვთ უსაფრთხოების სისტემებზე, თუმცა, არც სომხეთი იქნება
საქართველოს უსაფრთხოებისთვის საფრთხე და არც პირიქით, –
საქართველო – სომხეთის უსაფრთხოებისთვის”.
ფაშინიანი კონფლიქტების საკითხსაც შეეხო და განაცხადა, რომ
რეგიონში ყველა კონფლიქტი განსხვავებულია თავისი არსით,
ისტორიით, სიღრმით და შესაბამისად, თითოეული მათგანის მოგვარება
ერთი ფორმულით შეუძლებელია.
სომხეთის პრემიერმინისტრმა ნიკოლ ფაშინიანმა საქართველოში
მცხოვრები ეთნიკურად სომეხი მოქალაქეების შესახებ დასმულ
კითხვაზე პასუხად განაცხადა, რომ „საქართველოში მცხოვრებმა
სომხებმა უნდა იამაყონ, რომ საქართველოს მოქალაქეები არიან“.
მას კითვა დაუსვეს იმის თაობაზე, რომ „აქვს თუ არა სომხეთის
ხელისუფლებას რამე პროგრამა სომხების სომხეთში დაბრუნების
საკითხზე“ თუ ის ელოდება „სომხების თვითდინებით დაბრუნებას
სამშობლოში, როგორც ეს გასული საუკუნის 40-იან წლებში მოხდა“.
საპასუხოდ ფაშინიანმა თქვა, რომ ამ კითხვის დასმა კითხვებს
უჩენს და განაცხადა, რომ საქართველოში მცხოვრები ეთნიკურად სომეხი
მოქალაქეები სამშობლოში ცხოვრობენ. „ამით მე მინდა ვთქვა, რომ დიახ,
თბილისში მცხოვრებმა სომხებმა და მთლიანად საქართველოში
მცხოვრებმა სომხებმა უნდა იამაყონ, რომ საქართველოს მოქალაქეები
არიან“, — თქვა სომხეთის პრემიერ-მინისტრმა. მის ამ პასუხს დარბაზში
აპლოდისმენტები მოჰყვა. „ეს ძალიან მნიშვნელოვანი ამბავია. ჩვენ
(სომხებმა), როგორც ხალხმა, მიზანმიმართულად უნდა ვიმოქმედოთ
იმისთვის, რომ საქართველო იყოს ძლიერი, განვითარებული,
სტაბილური და ძლევამოსილი და საქართველომაც მიზანმიმართულად
უნდა იმოქმედოს, რომ სომხეთი იყოს ძლიერი, განვითარებული და
სტაბილური სახელმწიფო“, — განაცხადა პაშინიანმა.7
34
35