1 RM

Pa tsokhanoyu pana akulu akulu wa bhoma na winango waku imikira nkhani za mwambo
nakukoka alendo,apa mbanthu omwe acokera mabhoma yentse ya cigawo ca CABO
DELGADO.

ON…Bhassa lapa citalo ca bhassa la bhoma, pakati pakutala mpata wa bhassa, ife timba
citissa mitsokhano magole yentse kuti pabhodzi tikumbuke bhassa lomwe limphatidwa ku
citukuku ca cigawo ca CABO DELGADO.

Apa madede yomwe yakdha saisa tulo bhoma la cigawo ngakusaya minsewu.

ON...Tirikulewa minsewu yapansi, dzaulu ,apa tirikudziwa kuti pakali panopa ndeke zikadha
umira , apa ndiyo njira yomwe iripo yakuti wanthu afique panzinda wa PEMBA, apa kuti
tifike pa PAMBARA pa bhoma la NAMUNU , kufika pa gombe la LURIO pa bhoma la
CHIURRI ,tirikulewa tsuwa ya IBO apa njira iripa bhoma la QUISSANGA, apa minsewu ya
pansi ikadha dzongueka.

ON...Tirikucemera wentse omwe ali mithawi ya mwambo nakukoka alendo , khuti pano
anyangane njira yomwe ithandiza ku citukuku ca bhassa la mwambo nakukoka alendo, khuti
tikhale patsogolo cigawo cathu cino pakubvekera kutali.

Ni tsokhano omwe wacitika na fala lakuti , Ku koka alendo ndiye mulatho waku mphatanidza
mbumba na mwambo, nati konze pabhodzi, tsokhano wacisere wacitika panzinda wa
PEMBA, apa wamala nsiku ibhodzi yokha.(X)

2 RM
SOFALA,INHAMBANE,GAZA na MAPUTO ,ndibzo bzigawo bzomwe bzirikumphatidwa bhassa
la MOZ SKILLS ,pakati pakuthumizira tsimba kumanpfunziro,pakukhala nzeru ya unembi bwa
bhoma kumanpfunziro ya umisiri bwa manja , khufuna kubweressa ukhozi bwa umisiri
bwanphanvu,apa lusso lomwe limperekidwa bzacitsapano makamaka bzithunzi thunzi bza
mitedwe na micini ya nzeru , apa wa manpfunziro yapatali pa SAVE ndiwo ampeteka lusso
limweri.

ON...Tirinkutenda likulu la unembi bwa bhoma kumanpfunziro yapatali na ukhozi bwa

umisiri dziko lino ,pakudzessa manpfunziro yakuthumizira tsimba ku ukhozi bwa umisiri na
manpfunziro yapatali, na likulu laku imikira manpfunziro ya umisiri,pakudziwa kutsogolera
bhassa limweri .

ON..Pa wentse alikukwanira madzana macanu,makumasere na anomwe ya wanthu , pa

iwowa madzana mawiri,makumanai ana anpfemva mba cigawo ca SOFALA ndiwo ampidwa
tsamba lakulemerera pa ntundu waciwiri ,makumatatau na asere mbanthu ampidwa
tsamba lakulemerera la ntundu wakutoma .

ON...Malingana na funiro wa lusso lino lomwe liniyendera tsimba za muthu

kumanpfunziro,apa tisiya fala kwa amisiri wa UNISAVE , kuti ayenderere nalo bhassa
lakunpfunzissa pakubweressa udziwi .
Bhoma lirikufuna kuti nyumba zamanpfuzniro yapatali na ukhozi bwa umisiri zikhale mbuto
za udziwi pakubweressa ukhuzi kumanpfunziro.

ON...UNISAVE idha konzeka , pakutawira bhassa lomwe tapidwa, alipo kale amisiri omwe
atsogola nalo bhassa .

ON...Pa bhodzi na bhodzi wa ife , pakukhala anpfunzissi timba khala na madede mazinji , apa
ndirikuona kuti na bhassa limweri lero , khuyamba kwa ukhuzi bwa manpfunziro.

Lusso la imikiri na anpfunzissi wa anpfunziro ya ukhozi bwa umisiri , pakutambira tsamba

lakumerera la ntundu waciwiri, apa lusso lomwe limala miyezi mitathatu .(X)

3 RM
.....AMBIENTE....Pa magole mawiri yomwe cikassi ca mphepo ca RM ,cigawo ca NIASSA
adhayamba kubweressa bhassa laku pikissana kwa ayimbi pa dzina la NGOMA ZIYETU , apa
bhassa lomwe lirinkati mwa NGOMA MOCAMBIQUE, apa nzeru yomwe yakomera akulu
akulu wa bhoma la cigawo ca NIASSA.

ON..Nati citisse kuti mpikissano waku yimba uno , wa NGOMA ZIYETU , pakukhala cithu
canthu ku mwambo, pakubweressa mbiri , kuti tidziwike , nakuti NIASSA ana mbiri yabwino
ku GANDA,CHIWOTA,na nyimbo zinango zabwino zomwe zidha yimbidwa na gulu la NIASSA
STAR ,MASSUKUS , CASSIMBU, ULONGO , na winango.

Elina Massinjele , ntongui wa cigawo ca NIASSA,alewa kuti aniyenderera acithandiza bhassa

la NGOMA ZIYETU , pa cikassi ca mphepo ca RM cigawo ca NIASSA.

ON...Khuti muthumizire bhassa lanthu pakukhala bhoma,kuti citalo canthu ca bhassa gole la
2024 tikhale bhassa la citukuku camphanvu,apa kumala kwa utongui bhuno tirikufuna kudza
lewa kuti mwambo wathandiza ku citukuku.

Ayimbi wa cigawo ca NIASSA, ana bhassa lakuyenderera aci yimba nyimbo

zikhuzi ,pakutukula nyimbo za cigawo.

ON...Tina bzizinji bzakudheka na thangwe la mwambo wakusiyanaisyana, apa citani

mphanvu kuti tidziwike nkati mwa dziko namadziko yakunja kubhodzi,apa ninga wa
MASSUKUS, CASSIMBO, nakuti ndiwo adha dziwika pakukhala na mbiri dziko lino namadziko
yakunja kubhodzi .

ELINA JUDITE MASSANGELA , ntongui wa cigawo ca NIASSA , adha lewa mafala yamweya
pansinda wakufupira ayimbi omwe apikissana pa bhassa la NGOMA ZIYETU ,pa cikassi ca
mphepo ca RM cigawo ca Niassa.........AMBIENTE.....(X)
4 RM
CHIMPAYI COLASTINE na GIO MUDICTION , mbanthu awiri ninga winango omwe adha thawa
khondo madziko yawo ,adha tambiridwa pa mbuto yakufikira wanthu wakuthawa khondo
pa MARRATANE, cigawo ca NAMPULA, adha pereka matsamba acibvumidwa kuti anpfunze
lusso la ukhozi bwa umisiri pa IFPELAC ,cigawo ca NAMPULA .

ON...Ndina lusso lakukonza tsinsi , apa ndikamala kunpfunza pano nifuna kunyangana
bhassa.

ON...Ndikamala nifuna kukonza bzithu, ndekha nikwanissa kubzi nyanganira,apa ndibzo

ndirikufuna.

Ni nzeru ya bhoma na wa ONU , pakuthandiza wathu wakuthawa khondo madziko yawo.

ON...Nakuti talewa kuti omwe antukuka dziko na mbumba ,sikuti mbanthu winango omwe
abwera , apa ndimwe mwekha omwe muntukula dziko,apa ndirikukumbira kuti mukhale na
nzeru ya citukuku.

ON...Pa dzana libhodzi na makumacanu , makumatatu mbanthu omwe adza tama dziko
lanthu pakuthawa khondo madziko yawo,apa alikukhala pano pa MARRATANE, apa
makumatatau mbanthu omwe akha cossa lusso la ukhozi bwa umisiri pa NAMPULA, apa
acoka pano pa MARRATANE.

ON...Tina thandizo likulu la CUNUR na bhoma la dziko lino la MOCAMBIQUE, makamaka

cigawo ca NAMPULA pa IFPELAC na INEP, apa ife tirikukumbira anpfunzi na anpfunzissi, kuti
mukhale na tsimba kumanpfunziro,mukasaya kubva mba bvunzany .

Dzana libhodzi na makumacanu mbanthu omwe anpfunza umisiri bwa manja ninga
maguetsi ya nyumba,kukonza bzakudyeressa nyumba na mimonzo, kumphika,kukonza
ntsissi, kugwata ndebvu, na bzinango.(X)