ARALING PANLIPUNAN 9
Hindi katanggap-tanggap angpananahimik at
WEEK 2 GAMPANIN NG MAMAMAYAN SA PAG-
UNLAD NG BANSA
Ang isang bansa ay makikitaan ng pag-unlad sa pamamagitan ng
mataas na antas ng pamumuhay ng mga mamamayan na nakatira
dito. Makakamit ng mga mamamayan ang ganitong katayuan kung
sila ay sama samang kikilos para sa pambansang kaunlaran. Bawat
isa sa atin ay may gampanin o tungkulin sa pamamagitan ng
pansariling pagsisikap o sama samang pagtutulungan. Bilang isang
responsableng mamamayan, maaring gawin ang sumusunod:
Mapanagutan, maabilidad, makabansa, at maalam.
MAPANAGUTAN
A. Tamang Pagbabayad ng buwis
Bilang isang mamamayang Pilipino tungkulin natin na magbayad ng
tamang buwis mula sa ating kinikita o sa mga produkto at serbisyo
na ating binibili. Mula rito nakalilikom ang pamahalaan ng salapi na
magagamit sa kanyang mga programang pang-ekonomiya at
serbisyong panlipunan. Ilan sa mga gastusin ng pamahalaan na
kinukuha sa buwis na nalilikom ay ang sumusunod: pagpapatayo ng
mga tulay at lansangan, libreng edukasyong, murang programang
pangkalusugan at marami pang iba na nakakatulong sa pag-unlad ng
mga mamamayan.
B. Makialam
Dapat na ipaglaban ang tama at labanan ang mali na nagaganap sa
lipunan.Bilang isang responsableng mamamayan, tungkulin natin na
alamin kung may nangyayaring katiwalian at anomalya sa lahat ng
aspeto ng lipunan atpamamahala. Mahalagang itaguyod ng mga
mamamayan ang kultura ng pagiging tapat sa pribado at publikong
pamumuhay.
pagsasawalang-kibo at pananahimik ng mga mamamayan sa mga
maling nagaganap sa loob ng bahay, sa komunidad, sa paaralan,
pamahalaan at sa trabaho.
MAABILIDAD
A. Bumuo o sumali sa kooperatiba
Ang pagiging kasapi ng kooperatiba ay isang paraan upang
magkaroon ng pagkakataon ang bawat isa na maging kasapi ng
yaman ng bansa. Ang kooperatiba ay ang pagsasama-sama ng
puhunan ng mga kasapi upang magtayo ng negosyo na
makikinabang at tatangkilik ay ang mga kasapi rin. Ang kanilang kita
ay sa pamamagitan ng pagkakaroon ng dibidendo o hati sa kita batay
sa bahagi sa kooperatiba. Ang nagpapatakbo ng kooperatiba ay mga
kasapi ring naniniwala sa sama-samang pag-unlad.
B. Pagnenegosyo
Hindi dapat manatiling mangagawa lamang ang Pilipino sa kanyang
sariling bayan. Upang umunlad ang sarili, dapat nating sikapin na
maging negosyante upang tunay na kontrolado nating mga Pilipino
ang kabuhayan ng ating bansa at hindi ng mga dayuhan.
MAKABANSA
A. Pakikilahok sa pamamahala ng bansa
Ang aktibong pakikilahok sa pamamahala ng barangay, gobyernong
lokal, at pambansang pamahalaan upang maisulong ang mga
adhikain at pangangailangan ng mga Pilipino ay kailangang gawin ng
bawat mamamayan upang umunlad ang bansa. Maaaring
magmungkahi ang mga mamamayan upang makatulong sa
kaunlaran.
B. Pagtangkilik sa Produktong Pilipino

Ang yaman ng bansa ay nawawala tuwing tinatangkilik natin ang ISULAT ANG KASAGUTAN SA ISANG BUONG PAPEL
mga dayuhang produkto. Nangangailangan tayo lagi ng dolyar upang
 Bilang isang mag-aaral paano mo maipapakita ang pagkilos
ipambili ng mga produktong dayuhan. Matuto tayong gumawa ng
para sa pambansang kaunlaran?
sariling atin at dapat nating tangkilikin ang mga produktong Pilipino.
Bilhin lamang ang mga produktong lubhang kailangan mula sa ibang
 Gumawa ng isang campaign slogan na naglalahad ng iyong
bansa.
saloobin bilang isang mamamayang Pilipino na nagnanais ng
MAALAM. kaunlaran.
A. Tamang Pagboto

Ugaliing pag-aralan ang mga programang pangkaunlaran ng mga

kandidato bago pumili ng iboboto. Dapat din nating suriin ang mga
isyung pangkaunlaran ng ating bansa upang masuri kung sinong
kandidato ang may malalim na kabatiran nito

B. Pagpapatupad at Pakikilahok sa mga Proyektong Pangkaunlaran

sa Komunidad

Ang pag-unlad ay hindi magaganap kung ang pamahalaan lamang

ang kikilos. Maaaring manguna ang mga mamamayan sa pagbuo at
pagpapatupad ng mga programang pangkaunlaran. Dapat ay
magkaroon tayo ng malasakit sa ating komunidad upang makabuo at
makapagpatupad ng mga proyektong magpapaunlad sa ating
komunidad.