Amalungiselelo Esifundo Soku-1

Amagama kaThisha ephelele Handsome Nkule Nzimande

Igama Lesikole Lenarea Secondary School
Ibanga 10
Usuku Masingana 2023
Isifundo IsiZulu FAL
Isihloko Ukufunda nokubukela
Isikhathi 1hr

IZINHLOSO NGQANGI:

 Ukuba abafundi babenolwazi olujulile ngezimpawu zimibhalo ehlukahlukene.

 Ukuthuthukisa ikhono lokufunda nokubukela imibhalo ehlukahlukene.
ULWAZI AMAKHONO AMAGUGU/ISIMO
. Abafundi kumele baqonde . Abafundi kumele bakwazi . Abafundi kumele
ngokugcwele izimpawu ukutshengisa ikhono bakhombise ukuziqhenya
zombhalo oyiphephandaba lokulalela nokubukela ngezindlela zokulalela
noyiphephabhuku. ngokuyimpumelelo lapho nokubukela abazifunde
bephendula imibuzo ekilasini.
. Abafundi kumele babe
emayalana nezimpawu
nolwazi oluncomekayo
zombhalo oyiphephandaba.
ekuhlukaniseni izinhlobo
zemibhalo ngokubheka
izimpawu ezilindelekile.

Izindlela/Amasu okufundisa
Uthisha uzosebenzisa amasu azokwenza kube lula ukufunda kubo bonke abafundi, okubalelwa
kuyo ingxoxo yekilasi.

AMABANGA/ AMAZINGA ESIFUNDO:

ISINGENISO:
 Inhloso yesingeniso kuwukuheha abafundi, ukwenza abafundi bakulangazelele
ukuqhubeka babe yingxenye yesifundo.
 UThisha uzochazela abafundi imithetho yekilasi njengoba kuyisifundo sokuqala, aphinde
agcizelele nokubaluleka kokuyigcina le mithetho ukuze ukufunda kube yimpumelelo.
UKUTHUTHUKA KWESIFUNDO
Isinyathelo sokuqala:
Uthisha uzonikeza abafundi ithuba lokuzethula. Lokhu kuzokwenziwa ngenhloso yokuthi
abafundi bazane kangcono.
UThisha uzothinta imisebenzi eyenziwe ebangeni eledlule ngenhloso yokubakhumbuza njengoba
bephuma kumaholidi. Lokhu kuzobalungiselela ukufunda nokufundiswa okuzobe sekuzolandela.
Isinyathelo sesibili:
UMfundisi uzodalula imisebenzi ezokwenziwa kule themu yoku-1, aphinde aveze nemisebenzi
yokuhlola abafundi yangeThemu yoku-1.
Imisebenzi yama maki kanye nezinsuku eziwumnqamulajuqu:
1. Ukulalela ngokuqondisisa: Amamaki ayi-10 (06/02/2023) noma (12/02/2023).
Uthisha uzochaza kabanzi ngale Thskhi,aphinde agcizelele nokulindeleke kubafundi.
2. Umbhalo omude wokwedlulisa umyalezo: Amamaki anagama-30 (22/02/2023) noma
(26/02/2023).
UThisha uzochaza ngolindeleke kubafundi uma benza le thaskhi.
3. Isivivinyo soku-1: (40)
Isakhiwo:
Isifundo sokuqondisisa (20)
Ukufingqa (10)
Ukusetshenziswa kilimi (10)
Isamba (40)

Isinyathelo sesithathu:
UThisha uzoqala isifundo sosuku.
UThisha uzobe esenikeza abafundi incazelo yephephandaba nephephabhuku.
Nansi incazelo:
I-athikhili yephaphabhuku iyindlela yokuletha ulwazi, inguquko, imininingwane ethile mayelana
nalokho ofisa ukukwedlulisa noma ofuna ukukukhangisa. Uma ubhala i-athikhili sebenzisa ifonti
ehlukahlukene, imibala ehlukahlukene egqamile. Le midwebo igqugquzela ukuthengisa
umqondo othize. Ungabhalwa ngamagama athize okunezelela okushiwo yizithombe. Amanye
amaphephandaba aphuma nsuku zonke, kanti iphephabhuku lona liphuma kanye ngenyanga
noma kanye ezinyangeni ezintathu. Indlela ebhaleka ngayo imibiko yephephandaba
neyephephabhuku iyefana, kuhluka nje ukuthi umbiko wephephandaba uzohlala isikhathi
esifishane ngoba nephepha lihlala isikhathi esifishane kanti umbiko wephephabhuku wona uhlala
isikhathi eside. Kusetshenziswa isakhiwo nesitayela esifanele.
Okumele kuqashelwe ngenkathi kubhalwa:
Indatshana yephephandaba/yephephabhuku kumele ishaye emhloleni; idlulise lokho
okusemqoka. Ifingqe ngokunembayo, ingachezuki eqinisweni. Iba nesihloko esihle esihehayo.
Kwesinye isikhathi ihambisana nesithombe esicacile.

Isinyathelo sesine:
Uthisha uzobe esebheka izimpawu zombhalo oyiphephandaba noyiphephabhku.
Isihloko- Sibhalwa ngamagama agqamile amakhulu kunamanye amagama.
Isihlokwana- Sibhalwa sigqame ngamagama angaphansana ngobukhulu kunalawa esihloko.
Isihloko esichaza indaba ngamafushane- kuba isihlokwana esiwumongo wesiqeshana.
Isithombe- sigqamisa okwenzakayo kulowo mdlalo siveze okuthile okuhambelana /
okuhambisana nokwthulwayo.
Omalukeke- Bagcizelela okuthile okungaba isihloko sendaba noma amagama olunye ulimi avela
embhalweni wesiZulu.
Okubalwayo- Izinombolo zisetshenziswa uma kunamaphuzu abalwayo.

 ISIPHETHO:
UThisha uzokhumbuza abafundi ezimpawu zombhalo wephaphandaba nephephabhuku.
IZINSIZA:
Incwadi yomfundi, Isiyaluthanda ulimi lwesiZulu. IsiZulu sethu ibanga-10.
Ibhodi kanye neshokhi.

UKUHLOLA:
Umsebenzi wasekhaya
Isihloko sephephandaba elizofundwa ekhaya: Baqola ngoJehova
Bheka le ndaba elandelayo ecashunwe ephephandabeni utomule izimpawu zemibhalo etholakala
khona.