PANGAMUYO SANG MGA TUMULUO

P: Si Kristo amo ang Ginoo sang kabuhi kag paagi sa Iya kita man ginhatagan sang kusog kag
kadalag-an. Mangamuyo kita sa aton langitnon nga Amay kag ang aton isabat:

S: Dungga ang amon pangamuyo, Ginoo.

1. Ginoo, kabay nga ang imo Santa Iglesia magbantala sang kadalag-an sa kalibutan nga
nalikupan sang sala, kasakit kag kahadlok. Mangamuyo kita:
2. Kabay nga ang mga pangulo sang simbahan nga ginapamunu-an sang aton Santo Papa,
mga pispo, kapari-an kag mga diyakono, kabay nga hatagan pa gid sila sang kusog, kaisog
kag katutum sa pagpadayon sang ila misyon sa pagbantala sang Maayong Balita.
Mangamuyo kita:
3. Para sa mga lideres sang aton gobyerno, kabay magsikway sila sang ila kaugalingon nga
mga interes agud maalagaran nila sang maayo ang imu katawhan. Mangamuyo kita:
4. Langitnon nga Amay, kabay nga sa pagsaulog namon sang Moving Up kag Graduation
Ceremony magapabilin sa amun huna-huna kag tagipusu-on ang kaalam kag ang mayo
nga binatasan nga ginpaambit sang amun manunudlo. Mangamuyo kita:
5. Ginoo nga nag-antos, kabay nga ang nagakalisod, nagaantos kag nadulaan sang paglaum
makaagom sang imu kalipay kag kabaskog. Mangamuyo kita:
6. Ginoo sang Himaya, kabay nga ang amun pinalangga nga mga nagkalamatay makaagom
na sang kasanag sa imu himaya sa imu ginhari-an. Mangamuyo kita:
7. Para sa sining katilingban, ilabi na gid sa amun bulutho-an Trinidad V. Canja-Sta. Teresa
National High School, kabay nga paagi sa pagtuo, ang amun tagipusuon magalaum sang
mga butang nga langitnon kag mahimpit unta kami sa mga ginsaad namun sang
pagbunyag sa amun, kag madangat yanang langitnon nga puluy-an nga gintigana ni
Kristo para sa amun. Mangamuyo kita:

P: Langitnon nga Amay, gindaog sang pagsakripisyo sang Imo Anak ang sala kag kamatayon.
Kabay nga kami magtinguha man sa paghimpit sa amun kaugalingon, maglikaw sa sala kag
magtuon sa pagsakripisyo para sa amun isigkatawo. Ginapangayo namun ini sa imu, Ikaw
nga nagakabuhi kag nagahari sa tanan nga mga tuig sang mga katuigan, AMEN.