BRUQAMANTA WILLAKUY

Huk llaqtapis Qochaq nisqampi. tayta Mawruqa chawpi tutata

chackran parquq risqa sapallan, parquchkaptinsi , Mulli
sachamananta huk ullwa waqayta qayaykusqa, tayta Mauro
parquyta tukuruspas qipichakuyta qallaykusqa ,
chakranmanta lluksiykuptinsi huk warmi qaparkachakusqa
tayta Mawruqa mancharikusqa supaychata, kichka qipanpis
pakakusqa, chay warmiqa, llapamantas qaparisqa, tayta
Mawruqa linternawansi achkichikuspa risqa chay warmi
waqamusqanman, chaysi waqtanta achkiykutin huk uma
kachakasqa chukchankuna tuna kichkaman kipukurusqa,
tayta Mawruqa manchakuymantas mana rimaytapas
atisqachu wasi waqtampi llachapakuqsi kasqa chay
warmiqa, chaysi nisqa yanapaykuway manan imatapas
rurasaykichu, aswanmi qullqita achkata qusayki ichaqa
mana pimanpas willankichu ñuqa kasqayta, tayta Mawruqa
manchakuyawanñas chukchanmanta kichkamanta
paskasqa, qukchayamantas umaqa pawayta qallarisqa
chaysi kaynata nisqa paqarinmi achikllayta wasiyman
qamunki, paqarintinmanqa tayta Mauruqa rirusqa wasinta,
chaysi warmiqa iskay costal nisqampi achka qullqita
quykusqa, kusisqayañas wasinman kutirisqa qullqintaqa
pakayta tukurun, iskay punchawmantaqa qullqintas
watukuykusa chaysi wakapa akan kakusqa, tayta Mawruqa
piñasqas chay warmipa wasinta risqa, manas pipas
lluksimusqachu, llaykurusqas wasin ukuman chaypis achka
wakapa akanta tariska.