biktima ng lindol ang natulungan ng Philippine Emergency Medical Assistance Team (PEMAT) sa Turkey. Sa Laging Handa public briefing, sinabi ni Office of Civil Defense Assistant Secretary Raffy Alejandro na tumatayo ring spokesperson ng National Disaster Risk Reduction and Management Council (NDRRMC), mahigit sa dalawang linggo na ang medical team sa Turkey at tuluy-tuloy ang kanilang pagbibigay ng tulong. “Iyong ating urban search and rescue (USAR) team naman ay nakatambay na siya at waiting for instruction doon sa local authorities kung mayroon pa silang kailangang ma-search na area,” ani Alejandro. Nasa 38 buildings na ang na-search ng Phl USAR team kung saan apat na katawan ang kanilang nakita. Naghahanda na rin aniya ang grupo sa kanilang pagbabalik sa bansa dahil hanggang Pebrero 24 na lamang ang kanilang misyon at inaasahang babalik na sa Pilipinas sa Marso 1. Hindi naman aniya nag-request ang Turkey na i- extend ang pananatili ng team ng Pilipinas.