Una sa lahat, nais ko kayong pasalamatan sa lahat ng mabuting bagay na
ginawa niyo para sa akin at sa amin ng kapatid ko. Sa pag-aaruga at pagpapalaki sa amin, hanggang sa patuloy na pag bigay ng mga hiling at pangangailangan namin. Salamat po dahil kayo’y aming naging sandalan kapag kami ay may problema. Salamat dahil tinuruan niyo akong maging matatag, masiyahin, tumayo sa sariling paa at ngitian lahat ng problema. Pasensiya na din po kung minsan ay nagigiing matigas ang aking ulo. Alam kong kulang ang mga salitang ito para humingi ng tawad sa lahat ng sakit sa ulo, hirap at pasakit na aking nagagawa. Pasensya po sa lahat ng kunsumisyon at problema na aking ibinibigay sa inyo. Hindi ko na po papahabain pa, mag-iingat po kayo palagi. Maraming salamat po sa lahat. Mahal na mahal ko po kayo!