8

Araling Panlipunan
Ikaapat na Markahan - Modyul 6
Ang United Nations at Iba Pang
Pandaigdigang Organisasyon,
Pangkat, at Alyansa

AIRs - LM
8. Alin sa mga sumusunod ang HINDI kabilang sa mga pandaigdigang
organisasyong nabuo upang pangalagaan ang kapayaan at kaunlaran ng mga
bansa pagkatapos ng Ikalawang Digmaang Pandaigdig?
A. Association of Southeast Asian Nation B. European Union
C. League of Nations D. United Nation
9. Ito ay samahan ng mga Muslim na naglalayong siguruhin at protektahan ang
interes mula sa pamamagitan ng pagsulong ng kapayapaang pandaigdig at
pagkakaunawaan.
A. Association of Southeast Asian Nation
B. European Union
C. Organization of American States
D. Organization of Islamic Cooperation
10. Bakit mahalaga ang gampanin ng bawat pandaigdigang organisasyon na
naitatag ?
A. Tumaas ang kita ng bawat bansa kaya nagkaroon ng magandang buhay.
B. Dumarami na ang populasyon ng mundo at kailangan ng mga
organisasyong ito
C. Pinapangalagaan ang kapayapaan, kalayaan at katarungan ng daigdig.
D. Maraming bansa ang hindi pa umuunlad.

II. Tama o Mali. Isulat ang TAMA kung wasto ang pahayag at MALI kung di wasto.
1. Ang European Union ay ang pinakamalaking kompederasyon ng mga
malalayang estado na itinatag sa ilalim ng pangalang iyon noong 1992.
2. Ang APEC ay isang ekonomikong organisasyon sa Europe.
3. Nagbibigay tulong-pananalapi at teknikal sa mga bansang umuunlad ang
World Bank.
4. Ang World Trade Organization ay nabuo noong Enero 1, 1996 kahalili ng
GATT.
5. Ang Samahan ng mga Estadong Amerikano ay isang pandaigdigang
samahang nakabase sa Washington, D.C na 35 kasaping nagsasariling
estado ng Amerika.

Lakbayin

Ang United Nations at Iba Pang Pandaigdigang

Organisasyon, Pangkat at Alyansa

Matapos matiyak ang iyong inisyal na kaalaman tungkol sa aralin, ngayon naman
ay lilinangin at palalawakin ang mga kaalamang ito sa tulong ng mga teksto na
inihanda upang maging batayan mo ng impormasyon. Ang pinakatiyak na layunin
ng bahaging ito ay matutuhan mo ang mahalagang papel na ginampanan ng mga
organisasyong pandaigdig sa mga hakbang tungo sa kapayapaan at kaunlaran ng
mga bansang kasapi nito.

3
 Simulan mo na ang paglalakbay tungo sa iyong pagkatuto! Patunayan ang
iyong kahusayan sa pamamagitan ng pagsagot sa mga gawaing inilaan para sa iyo.

Ang mga Pandaigdigang Organisasyon

Bukod sa Samahan ng Nagkakaisang Bansa o United Nations, maraming

organisasyong pandaigdig na nabuo ang may layuning pagbigkisin ang mga bansa
upang matamo ang pandigdigang kapayapaan at kaunlaran Ang mga sumusunod
ay mga halimbawa ng organisasyong pandaigdig na naitatag.

1. European Union (EU)

Ang Unyong Europeo ay isang pang-ekonomiko at
pampulitikal na union ng 27 malalayang bansa. Itinatag ito
noong Nobyembre 1, 1993, sa Netherlands. Ito ang
pinakamalaking kompederasyon ng mga malalayang estado
na itinatag sa ilalim ng pangalang iyon noong 1992. Ang
mga aktibidad ng Unyong Europeo ay sumasakop sa Pinagkuhanan:https://en.
patakarang publiko, patakarang ekonomika sa ugnayang wikipedia.org/wiki/Flag_of_
panlabas, tanggulan,
Europe
pagsasaka at kalakalan.

2. Organization of American States (OAS)

Ang Samahan ng mga Estadong Amerikano ay isang
pandaigdigang samahang nakabase sa Washington,
D.C,Estados Unidos. Itinatag ito noong Abril 30, 1948.
mang kasaping nagsasariling
estado ng Amerika. Layunin nitong makamit ang

kapayapaan at hustisya,itaguyod ang pagkakaisa ng mga Pinagkuhanan:https://www.

estadong kasapi, patatagin ang kanilang pagtutulungan, britannica.com/topic/Organi
zation-of-American-States
pangalagaan ang kanilang awtonomiya, ang kanilang
teritoryo, at ang kanilang Kalayaan.

3. Organization of Islamic Cooperation (OIC)

Ang OIC ay isang internasyunal na organisasyon ng
57estado. itinatag ito noong Setyembre 25, 1969 Ito ay
samahan ng mga bansang Muslim na naglalayong
siguruhin at protektahan ang interes mula sa
pamamagitan ng pagsusulong ng kapayapaang pandaigdig
Pinagkuhanan:https://www.
at pagkakaunawaan. shutterstock.com/search/org
anisation+of+islamic+coopera
tion
4. Association of Southeast Asian Nation Nations (ASEAN)
Ang Kapisanan ng mga Bansa sa Timog Silangang Asya
o kilala bilang ASEAN ay isang organisasyong heopolitikal,
ekonomikal, at pangkultura ng mga bansa sa Timog-
Silangang Asya. Ang mga layunin ng samahang ito ay
maitaguyod ang paglago ng ekonomiya, kaunlarang
panlipunan, pagsulong ng mga kultura ng bawat kasapi, at
pagpapalaganap ng kapayapa-
ang panrehiyon. Pinagkuhanan:https://en.wikipedia.or
g/wiki/Flag_of_the_Association_of_S
outheast_Asian_
4
Narito ang iba pang mga pandaigdigang organisasyon na nabuo upang tumulong
sa kaunlaran ng mga bansang kasapi dito.

World Bank
Ang World Bank ay isang pandaigdigang
bangko na nagbibigay ng tulong-pananalapi
at teknikal sa mga bansang umuunlad para
sa programang pangkaunlaran tulad ng
mga tulay, kalsada, paaralaan at iba pa na
may layunin ng pagpapababa ng antas ng
kahirapan.
Pinagkuhanan:https://en.wikipedia.org/wik
i/World_Bank

International Monetary Fund

Ang International Monetray Fund ay isang
organisasyong internasyunal na
pinagkakatiwalaang mamahala sa
pandaigdigang sistema sa pananalapi sa
pamamagitan ng pagmasid sa mga halaga ng
palitan at balanse ng mga kabayaran, gayon
din ang pag-alok ng teknikal at pinansyal na
tulong kapag hiningi.
https://www.britannica.com/topic/Inter
national-Monetary-Fund

World Trade Organization

Ang World Trade Organization ay isang
organisasyong pandaigdig na itinatag upang
mapamahalaan at magbigay ng kalayaan sa
kalakalang pang-internasyunal. Ang WTO ay
nabuo noong Enero 1, 1995 kahalili ng
Pangkalahatang Kasunduan sa mga Taripa
at Kalakalan (GATT)

https://en.wikipedia.org/wiki/World_Tra
de_Organization

Naitatag din ang mga pang-ekonomikong organisasyon at trade bloc tulad

ng GATT, WTO,IMF/World Bank, APEC,Asean Economic Community, NAFTA,
AFTA, OPEC at iba pa. Ang trade bloc ay isang kasunduan ng mga bansang
kadalasang ay magkakaanib sa isang samahang rehiyunal na naglalayong
bawasan, paliitin, tanggalin ang mga taripa at mga hadlang sa taripa sa mga
miyembrong bansa. Nilikha ang mga ito upang magbigay tulong sa pananalapi ,
magbigay ng Kalayaan sa kalakalang internasyunal, mamahala sa
pandaigdigang sistema ng pananalapi , at iba pa. Layunin nitong patatagin ang
kooperasyon ng mga bansa at magtaguyod ng kaunlaran.
Sa pamamagitan ng mga samahang nabanggit, pinapangalagaan ang
kapayapaan, Kalayaan at katarungan sa daigdig.
5