Isa si Magát Salámat sa mga namunò sa unang balak upang
mapatalsik ang mga Español sa Filipinas noong 1571.
Mula sa angkan ng mga namumunò sa distrito ng Tondo,
pinaniniwalaang pinakabatàng anak na lalaki si Magat Salamat ni Raha Matanda. Kasáma niyang nagplano ng himagsik ang kaniyang mga kamag- anak na sina Agustin de Legaspi at Martin Panga, gobernadorsilyo ng isang distrito ng Maynila. Kasáma rin sa plano ang isang Hapones na mangangalakal na si Juan Gayo, at sina Agustin Manuguit, Felipe Salallila at Geronimo Bassi. Alinsunod sa plano, pupunta si Magat Salamat sa mga isla ng Cuyo at Calamianes upang hingan ng tulong ang mga lider doon. Matapos pumunta sa mga isla, pupunta si Magat Salamat sa Borneo upang hingin ang tulong ng Sultanato para sa armas na gagamitin sa malawakang digmaan. Hihimukin din niyang magpadala ng isang barko na maglalayag hanggang Cavite bago samahan ang barko ng Sultanato ng Sulu na maglayag papuntang Maynila para ilunsad ang digmaan. Tamblót (c. 1622)
Si Tamblót ay isang babaylan na naging lider ng pag-aalsa sa Bohol
laban sa mga Español noong 1621.
Walang gaanong ulat tungkol sa búhay ni Tamblot bukod sa pagiging
babaylan ng Barrio Tupas, Antequera, Bohol. Inibig ni Tamblot na bumalik sa dáting pananampalataya ang mga kababayan. Napaniwala naman niyá ang maraming Boholano, lalo sa bayan ng Malabago, na sa tulong ng mga sinaunang anito at diwata ay magtatagumpay ang kanilang pag-aalsa. Sinasabing umabot sa 2,000 ang sumáma sa kaniya. Nilusob nilá at sinunog ang mga simbahan bukod sa pinatay ang nahuling mga misyonerong Español. Nagpadala si Don Juan Alcarazo, alkalde-mayor ng Cebu, ng mga sundalo sa Bohol. Noong 1 Enero 1622, nilusob ng mga sundalo ang kampo ni Tamblot sa bundok. Kasáma si Tamblot sa mga napatay at nahinto ang pagaalsa. Sinunog at binura ng mga Español ang bayan ng Malabago mula sa mapa. Lapu-Lapu (1491 – 1542)
Si Lapu-Lapu ay itinuturing na isa sa pinakadakilang pigura ng
sinaunang kasaysayan ng Pilipinas. Si Lapu-Lapu (1491-1542) ay kilala rin sa pangalan na Kolipulako. Ang bayani ng Mactan at manlulupig ni Magellan, ay inilarawan bilang strikto, matalino, at hindi nagpapatinag. Siya ay tuluy- tuloy na nakipagdigma laban sa makapangyarihang pinuno ng Cebu, na noon ay mas higit na malaking kaharian kaysa sa kanyang maliit na isla ng Maktan.
Ayon sa kasaysayan, ang Isla ng Maktan bagaman maliit ay isang
maunlad na komunidad nang ang dakilang si Magellan ay dumating sa Cebu. Bilang isang matapang na manlalayag at sundalo ng Espanya, sinunog ni Magellan ang isang nayon nang malaman na ang ilang mga naninirahan sa maliliit na isla ng Cebu ay tumangging kilalanin ang Hari ng Espanya. Si Lapu-Lapu ay isa sa mga katutubong lider na tumangging kilalanin ang kapangyarihan ng Espanya sa mga isla. Maria Josefa Gabriela Silang (1731-1763)
"Joan of Arc of Ilocandia"
Ipinanganak si Gabriela Silang noong ika-19 ng Marso, 1731, sa
Caniogan, Santa, Ilocos Sur. Siya ay ang asawa ng isang bayani ng Pilipinas, si Diego Silang. Liniberate ni Diego Silang ang Ilocos sa katimpian ng Castilla. Pero, napatay si Diego Silang noong 1763. Pagkatapos ng kamatayan niya, naging pinuno ng mga Pilipino si Gabriela Silang. Siya ay ang ikaisang Filipina na naging pinuno ng mga kawal. Tinuloy niya ang laban sa Ilocos. Matapang siya at malakas siya sa laban ng Pilipinas at Castilla. Kasakay siya ng kabayo. Noong 1763, nahuli siya at ang mga kasama niya. Pinatay ng mga taga-Castilla sila. Pero, naging halimbawa si Gabriela ng katapangan ng mga loob ng mga babae sa Pilipinas. Diego Silang y Andaya (1730 – 1763)
Siya ang pinuno ng matagumpay na pag-aalsa ng mga Ilokano laban sa
mga Espanyol. Si Diego Silang y Andaya (Disyembre 16, 1730 – Mayo 28, 1763) ay isang Pilipinong rebulosyunaryong pinuno na nakippagsabuwatan sa mga puwersang Britanyo upang patalsikin ang pamamahalang Kastila sa hilagaing Pilipinas. Ang kanyang ama ay si Miguel Silang at kanyang ina ay si Nicolasa Delos Santos. Noong siya ay bata pa, nagtrabaho si Diego bilang katulong ni ---, kura paroko ng Vigan. Duon siya naging mahusay magsalita ng wikang Kastila. Siya ay pinadala ni Padre Crisolo bilang mensahero. Dinadala niya ang mga sulat mula sa Vigan papuntang Maynila sa pamamagitan ng bangka. Sa isa sa kanyang paglalakbay, ang kanyang bangka ay inatake ng mga katutubong Zambal sa baybayin ng Zambales. Ang ilang sakay ay nalunod at pinatay ng mga katutubo. Si Diego naman ay nakaligtas ngunit naging bihag. Siya ay pinalaya sa pamamagitan ng ransom na pinadala ng mga misonaryong Rekoleksyonista. Don Francisco Maniago (1660)
Si Don Francisco Maniago ang nanguna sa pag-aalsa sa Pampanga
laban sa mga Espanyol. Kasama ang mga katutubo, tinutulan nila ang polo y servicio (sapilitang pagtatrabaho) at ang sistemang bandala kung saan sapilitang bibilhin o kukunin ng pamahalaan ang mga ani ng mga magsasaka. Sinunog nila ang mga bahay ng mga Espanyol. Sinara din nila ang mga ilog upang mahinto ang komersiyo. Nagpadala rin sila ng liham sa mga katutubo sa Pangasinan at Ilocos upang hikayating umanib sa pag- aalsa. Pinilit ni Maniago ang pamahalaang Espanyol na ipawalang-sala ang mga rebelde at magbayad ng 14,000 libong piso bilang inisyal na kabayaran sa utang ng pamahalaan. Ang pag-aalsang ito ay nagtagumpay. Sumúroy (c. 1650)
Si Juan Ponce (o Juan Agustin) Sumúroy ay pinunò ng pag-aalsa sa
Samar laban sa mga Español noong kalagitnaan ng ika-17 siglo. Walang gaanong ulat tungkol sa buhay ni Sumuroy liban sa anak siyá ng isang babaylan sa Ibabaw (ngayo’y Palapag) sa hilagang-silangan ng Samar. Ipinalalagay na lumaki siyá sa tabing-dagat kayâ mahusay sa paglalayag. Bilang bangkero ay maganda ang kaniyang kabuhayan bukod sa hindi siyá pinagbabayad ng buwis ng mga Español. Gayunman, kapalaran na nagpulong sa kanilang bahay ang mga manggagawa upang idulog ang kanilang suliranin sa kaniyang ama. Diumano’y sapilitang pinapupunta ng mga Español ang mga manggagawa sa Cavite upang gumawa ng mga galeon at barkong pandigma. Binalak ng mga manggagawa na umakyat na lámang sa bundok, kasáma ang kanilang pamilya, at doon na manirahan. Iminungkahi naman ni Sumuroy na dapat mag-alsa ang mga manggagawa at nagprisinta pa siyáng maging pinunò. Francisco Dagohoy (sk 1744–1829)
Si Francisco Dagohoy (Fran·sís·ko Da·gó·hoy) ang bayani ng Bohol
na namunò ng pag-aalsa laban sa mga Español mula 1744 hanggang 1829, ang pinakamatagal na himagsik sa kasaysayan ng Filipinas. Isinilang si Dagohoy sa Inabangan, Bohol. Walang malinaw na ulat tungkol sa kaniyang búhay noong batà pa. Naging cabeza de barangay siyá ng kaniyang bayan paglaki. Isinilang siyáng Francisco Sendrijas ngunit nakuha ang pangalang “Dagohoy” mula sa pinaikling “Dagon sa huyuhoy” sa wikang Boholano. Ang isa sa dalawang kapatid ni Dagohoy, si Sagarino, ay naging sundalo sa hukbong Español, at namatay ito sa pakikipaglaban sa mga rebeldeng ipinahuhúli ng kura ng Inabangan. Apolinario de la Cruz (22 Hulyo 1814–4 Nobyembre 1841)
Kilalá si Apolinario de la Cruz (A·po·li·nár·yo de la Krus) sa bansag
na “Hermano Pule” bilang pinunò at tagapagtatag ng Cofradia de San José. Pinamununan niya ang isang pag-aaklas laban sa mga Español na nakabatay sa kalayaang panrelihiyon at pagkakapantay-pantay ng mga Español at Indio sa kaparian. Isinilang siya noong 22 Hulyo 1814 sa Barrio Pandac sa bayan ng Lucban, Tayabas (ngayon ay lala- wigan ng Quezon) kina Pablo de la Cruz at Juana Andres, pawang mula sa pamilyang maykaya at debotong Katoliko. Pinangarap niyang magpari, at sa edad na 15 ay sumubok sumali sa orden ng mga Dominiko sa Maynila. Ngunit hindi pa noon tumatanggap ng mga Indio ang mga ordeng Romano Katoliko, kung kayâ naging donado na lamang muna siya sa Ospital ng San Juan de Dios at nagtrabaho sa Cofradia de San Juan de Dios. Sa panahong ito pinag-aralan ni de la Cruz ang Bibliya at iba pang banal na kasulatan. Andrés Málong (sk 1660)
Si Andrés Málong ang namunò ng pag-aalsa sa Pangasinan laban sa
mga Español noong 1660-1661. Lumaki si Malong sa Binalatongan, Pangasinan at naging isang maestre de campo. Noong 15 Disyembre 1660 nanguna siyá sa isang pangkat na pumatay sa alguacil mayor ng Lingayen. Mabilis na dumami ang kaniyang pangkat at nang salakayin nilá ang nayon ng Bagnotan ay sinasabing mahigit apat na libo silá. Kumalat ang pag-aalsa sa buong lalawigan. May dalawang buwan lámang tumagal ang pag-aalsa ngunit itinuturing na mahalaga ito dahil sa dami ng mga sumámang Filipino. Ipinahayag ni Malong ang sarili na Hari ng Pangasinan at ginawang konde ang kaniyang ayudanteng si Pedro Gumapos. Pagkatapos, nagpadalá siyá ng mga ulat sa Ilocos at Cagayan na naguutos sa lahat na kumilala sa kaniyang kapangyarihan at mag-alsa laban sa mga Español. Pati si Francisco Maniago ng Pampanga ay pinadalhan niya ng ganitong sulat at sinabihang sasalakayin kapag hindi umanib sa kaniya.