Lahat ng magulang ay gustong magkaroon ng magandang buhay ang
kanilang anak. Gusto nilang mapakain ang kanilang anak, makapag-aral, hindi magkasakit at lalo na walang mangyaring masama sa kanilang anak.
Ang ating mga magulang ay minsan nagsisinungaling sa atin. Nag-
sisinungaling sila upang maipakita nila sa kanilang mga anak na kailanman ay hindi nakakaramdam ng pagod at sakit ang isang magulang, kahit na ang totoo ay gusto na nilang huminto upang magpahinga pero pinapakita pa din nila na sila ay ayos lang, na sila ay hindi gutom, na sila ay hindi pagod. Ang mga magulang natin ay nagsisinungaling para sa atin. Sila ay nagsisinungaling dahil gusto nilang lumaki tayo ng maayos at hindi makadagdag ng isipin kahit ang dulot nito ay paghihirap sa kanila. Gusto nilang ibigay ang lahat sa atin kahit ito pa ay ikasama nila, ang mahalaga para sa kanila ay mabigay ang lahat ng naisin ng kanilang mga anak, ganito ka dakila ang puso at damdamin ng isang magulang para sa ikakabuti at ikakasiya ng kanilang mga anak. Gusto nilang maging maayos ang ating buhay. Nagsisinungaling sila dahil ayaw nila tayong mag-isip na nahihirapan na sila, na hindi na nila kaya, na baka hindi na nila magawa ang gusto nilang gawin para sa kanilang mga anak. Nagsisinungaling sila para hindi tayo masaktan. Nagsisinungaling sila dahil alam nila ang mangyayari kung hindi sila magsinungaling. Ganyan kamahal ng magulang ang kaniyang anak, na isusubo na lang nila, ibibigay pa sa kanilang mga anak, kun kayat walang sinuman ang maaring manumbat sa kabutihang ipinakikita ng isang magulang, maging ito ay tama o mali, dahil walang magulang na magnanais ng masama sa kanyang mga anak. Sila ang nagsisilbing sandigan ng mga anak sa panahon ng pighati at paghihirap na daratal sa buhay ng isang pamilya, sila ang inspirasyon ng bawat isa, ang pinagkukuhanan ng lakas ng loob upang magtagumpay sa agos ng buhay.
Bilang pagtatapos, nagsisinungaling sila para sa atin, dahil mahal na
mahal nila tayo. Kaya kapag nagsisinungaling ang ating mga magulang dapat ay hindi tayo magalit sa kanila dahil ginagawa nila kung ano sa tingin nila ang tama at makakabuti sa atin upang tayo ay magkaroon ng maayos na buhay. Ang pagmamahal ng magulang ang pinakamasarap na pangyayari sa buhay ng isang anak, na walang makakatalo dito dahil ito ay dalisay at walang makakapantay. Mahalin at igalang natin ang ating magulang dahil sila ang ating kalasag.