ARJAY L. PEÑA 12-STEM B MR.

ASSET BALIN

ENGLISH FOR ACADEMIC AND PROFESSIONAL PURPOSES

WRITING ACTIVITY NO. 4

An Daran Gayon asin Peligro kan Mayon

Maharlika asin magayon an simetriko, an Mount Mayon Volcano, naging

paborito kan mga hiker asin mountain climber sa Pilipinas sa laog kan dakol na
panahon. Ini pigtuturing saro sa mga pinakamagayon na bulkan sa bilog na mundo
huli ta an bulod igwang perpektong hugis-kono huli sa kasaysayan kan mga pagtuga
kaini. Saro man ini sa mga pinakapapular na bulkan. An Bulkan Mayon parehong
kahanga-hanga asin paragadan. Bangan saro ini sa pinakamagayon bulkan sa
Pilipinas asin sa bilog na mundo, an Mount Mayon saro man sa mga pinaka
mapanraot huli ta kadakol na tawo an may kusog na boot na magrani digdi. An
perpektong hugis kan kono kaini an nakakakua ning pansin sa bilog na mundo para
an higit pa sa kagayunan kaini an peligrosong karakterya kaini: sarong dakulang
laogan ki nagkakalakaga na mga gapo asin naka-uudong na gas na pwedeng
magputok maski anong oras. Nagtuga na ini ki mahigt 51 beses sa nakaaging siglo,
nangyari kan 1814 an pinakamakagirabo sa mga ini.

Maski papano, nakagibo ini ki sarong kultura ning resilyensya sa mga naka-istar
sa palibot kaini. Matutuparan an bulkan sa probinsya ning Albay sa Pilipinas, an Mount
Mayon sarong napaka-aktibong bulkan na igwang naitala na 50 na pagtuga
magpoon kaitong 1616. Naganap pinakahudyang pagtuga kaitong 2018. An Bulkan
Mayon an palatandaan ning probinsya ning Albay. An Bulkan Mayon an
pinakaaktibong bulkan kan Pilipinas asin itinuturing na pinakaperpektong bulkan sa
mundo dahil sa simetriko kaining kono. Saro ining basaltic-andesitic na bulkan.
Nagsairarom an Mayon sa singkwentang pagtuga sa naitalang kasaysayan.

Kaitong 1616 naitala an kainot-inotang pagtuga kan Mayon. Kan Enero 13,
2018, nagkaigwa ning panibagong pagtuga na nagkawsa nin mga pagdalugdog,
aso, asin pagbuhos ning lava. Pagka-agi ning sarong alday, an alert level pigtaas sa
3 asin mahigit tulong ribo mga tagabanwa an pinirit na bayaan an mga kataraning
na lugar. An level 3 na pagbabago ibig sabihon, mas dakula na potensyal para sa
sarong mapananib na pagputok. Maka-agi an duwang aldaw kan Enero 16, 2018,
pigdeklara kan mga otoridad an state of calamity sa Albay huli ta nag-abot sa mga
gilid kaini an lava flow. Kan Enero 16, 2018, nagtaas liwat an alert level puon sa 3
sundo 4. Nasuspinde an mga paaralan asin an kadaklan sa mga aktibidad sa Albay.

Pwedeng obserbaran sa puro kan bulod, an pagbulos ning lava, asin mga
pagputok ning magma na inibanan ning pagluwas ki abo. Sa mas magaan na
banda, an iba naggibo ning magayon na paagi sa sitwasyon asin piggagamit an
kagayunan kan nagtutugang bukid nganing makakua ning makangalas asin
magayon na littrato ning kasal. An Bulkan Mayon saro pirmi sa mga hotspot sa mga
nagtutukad sa bulod asin mga hiker asin midbid bilang sarong dipisil na lakawon huli
ta masinarik an mga dalisdis. Pigpagirumduman man an mga adventurist na
magdara kan saindang sadiring face mask huli ta maski dae nagpuputok an bulkan,
may mga usok man giraray na pigbubuga an bulkan hale sa summit. Kapag an
bulkan dae nagpuputok asin ligtas an sitwasyon, Marso asin Mayo an
pinakamagayon na panahong magbisita huli ta ini an panahon ning tag-init. An
paglalakaw dapat iwasan sa panahon ning tag-uran ning Hunyo sagkod Nobyembre
huli ta mapanganib an daloy kan tubig sa mga hikers. Sagkod ngunyan, delikadong
bisitahon an Mount Mayon, pwede mo pa man ining hangaan hale sa arayo.

Ini an ligtas na paagi nganing obserbaran an kagayunan kang Mayon.

Madalas pigtataram sa mga nagbibisita sa Bicol na mapili si Mayon asin bako
nagpapailing kan saiyang kagayunan. Depende sa saiyang kamuyahan, an
dakulang bulkan minsan nagpapailing kan saiyang perpektong lawas, minsan
nagtatago in isa likod kan mga ulap. Aktibo man pirmi an magayong bulkan, sa ibong
n abanda, pirmi kaining pipailing an kapayapaan sa aloy na panahon. Kun
susumahin, an mga bulkan pwedeng may mapaminsalang kamugtakan pero an
mabuting dulot kaini an higit na nakakatabang sa mga tawo asin sa lipunan.
Delikado man an mga bulkan lalo na kapag ini aktibo, igwa man sindang
pinakamarhay na aspeto na talagang makakasinulong sa satuyang lipunan. An
Mount Mayon, tunay na saro sa mga pinakadakilang regalo kang kalikasan.