ANG WIKANG PAMBANSA AT MGA KAUGNAY NA MGA BATAS NITO

KAHULUGAN NG WIKANG PAMBANSA

◦Ang Wikang Pambansa ay isang mahalagang aspeto ng kultura at pagkakakilanlan ng isang bansa.

◦Ang Wikang Pambansa, o Filipino, ay ang opisyal na wika ng Pilipinas.

◦Ang pagkakaroon ng Wikang Pambansa ay mahalaga upang maipakita ang pagkakaisa at identidad ng mga Pilipino.

◦Sa pamamagitan ng pagkakaroon ng isang pambansang wika, mas madaling maaaring maunawaan at maipahayag ng
mga mamamayan ang kanilang saloobin, kultura, at kaugalian

KAHALAGAHAN NG WIKANG PAMBANSA

◦Ang Wikang Pambansa ay mahalaga upang mapanatili ang ating kultura at pagkakakilanlan bilang mga Pilipino.

◦Ito ang wika na nagpapahayag ng ating mga kaugalian, tradisyon, at mga saloobin bilang isang bansa.

◦Sa pamamagitan ng Wikang Pambansa, mas nagiging malalim ang ating pagkakakilanlan bilang mga Pilipino at mas
nauunawaan natin ang isa’t isa.

◦Bukod dito, ang Wikang Pambansa ay nagbibigay-daan sa pagkakaroon ng malawakang komunikasyon sa pagitan ng
mga mamamayan

◦Ito ay nagdudulot ng mas mabisang pakikipag-ugnayan at pagkakaintindihan sa loob ng bansa.

◦Ang Wikang Pambansa ay hindi lamang para sa mga tagapagsalita ng Tagalog, kundi para sa lahat ng mga Pilipino.

◦Ito ay isang daan upang ang iba’t ibang rehiyon at mga katutubo ng Pilipinas ay makapagbahagi ng kanilang kultura at
saloobin.

◦Sa pamamagitan ng pagkakaroon ng isang pambansang wika, nagkakaroon ng pagkakaisa at pagpapahalaga sa ating
kahalagahan bilang isang bansa na binubuo ng iba’t ibang kultura at paniniwala

WIKANG PAMBANSA SA EDUKASYON

◦Ang Wikang Pambansa ay may malaking papel din sa edukasyon. ◦Ito ang wika na ginagamit sa mga paaralan upang
matuto ang

mga estudyante tungkol sa ating kasaysayan, panitikan, at kultura.

◦Sa pamamagitan ng paggamit ng Wikang Pambansa sa mga aklat, pagsusulit, at diskusyon sa klase, nabibigyang
halaga ang ating wika at nagiging mas malalim ang pag-unawa sa ating mga aralin.

◦Upang mapanatili ang kahalagahan ng Wikang Pambansa, mahalagang ito’y patuloy na itaguyod at gamitin sa iba’t ibang
larangan

◦Dapat nating itaguyod ang paggamit nito sa media, sa mga opisyal na komunikasyon ng gobyerno, at sa mga
transaksiyon sa iba’t ibang sektor.

◦Sa ganitong paraan, ang Wikang Pambansa ay mananatiling buhay at patuloy na magsisilbing pundasyon ng ating
pagkakakilanlan bilang mga Pilipino.

MGA BATAS AT KAUTUSAN NA MAY KINALAMAN SA WIKANG PAMBANSA

◦Artikulo XIV, Pangkat 3 ng Saligang Batas ng 1935

“... ang Kongreso ay gagawa ng mga hakbang tungo sa pagkakaroon ng isang wikang pambansa na ibabatay sa isa sa
mga umiiral na wikang katutubo.”

◦Batas ng Komonwelth Blg. 184 (136)

Opisyal na paglikha ng Surian ng Wikang Pambansa noong ika-13 ng

Nobyembre 1936.
◦Kautusang Tagapagpaganap Blg. 134 (1937)

Ipinahayag na ang Tagalog ay siyang magiging batayan ng wikang pambansa ng Pilipinas.

◦Kautusang Tagapagpaganap Blg. 263 (1940)

Nagbibigay pahintulot sa pagpapalimbag at paglalathala ng Talatinigang Tagalog-Ingles at Balarila sa Wikang Pambansa

at itinagubilin din ang pagpapaturo ng wikang pambansa sa mga paaralan, pambayan man o pribado.

◦Batas Komonwelth Blg. 570 (1946)

Pinagtibay na ang Pambansang Wika ay magiging isa na sa mga wikang

opisyal ng Pilipinas simula sa Hulyo 4, 1946.

◦Proklamasyon Blg. 12 (1954)

Nilagdaan ng Pang. Ramon Magsaysay na nagpapahayag ng pagdiriwang ng Linggo ng Wikang Pambansa ay

magaganap mula sa ika-29 ng Marso hanggang ika-4 ng Abril bilang pagbibigay-kahalagahan sa kaarawan ni Balagtas
(Abril 2).

◦Memorandum Sirkular 21 (1956)

Noong Pebrero, 1956, nilagdaan ni Gregorio Hernandez, Direktor ng Paaralang Bayan na nag-uutos na ituro at awitin ang
Pambansang Awit sa mga paaralan.

◦Kautusang Pangkagawaran Blg. 7, s. 1959

Nilagdaan ni i Kalihim Jose E. Romero ng Kagawaran ng Edukasyon ng noong Agosto 13, 1959 na nagsasaad na
kailanma’t tutukuyin ang Wikang Pambansa, ang salitang Pilipino ang gagamitin.

◦Kautusang Pangkagawaran Blg. 24, s. 1962

Nilagdaan ni Kalihim Alejandro Roces at nag-uutos na simula sa taong-aralan 1963-1964, ang mga sertipiko at diploma
ng pagtatapos ay ipalilimbag sa wikang Filipino.

◦Kautusang Tagapagpaganap Blg. 60, s. 1963

Nilagdaan ng Pangulong Diosdado Macapagal na nag-uutos

na awitin ang Pambansang Awit sa titik nitong Filipino.

◦Kautusang Tagapagpaganap Blg. 96, s. 1967

Nilagdaan ng Pangulong Ferdinand Marcos at nagtatadhana na nag lahat ng edipisyo, gusali at tanggapan ng
pamahalaan ay pangalanan sa Filipino.

◦Memorandum Sirkular Blg. 199 (1969)

Nilagdaan g Pangulong Marcos at nag-uutos sa lahat ng kagawaran, kawanihan, tanggapan at iba pang sangay ng
pamahalaan na gamitin ang wikang Filipino hangga’t maaari sa Linggo ng Wikang Pambansa.

◦Memorandum Sirkular Blg. 488 (1972)

Humihiling sa lahat ng tanggapan ng pamahalaan na magdaos ng

Linggo ng Wika

◦Kautusang Pangkagawaran Blg. 25 s. 1974

Nilagdaan ni Kalihim Juan Manuel na nagtatakda ng mga panuntunan sa pagpapatupad ng patakarang edukasyong
bilinggwal.
◦Kautusang Pangkagawaran Blg 22, s. 1987

Paggamit ng “Filipino” sa pagtukoy sa wikang pambansa ng

Pilipinas.

◦Artikulo XV, Seksyon 2 at 3, Saligang Batas ng 1973

“Ang Batasang Pambansa ay magsasagawa ng mga hakbang tungo sa pagpapaunlad at pormal na paggamit ng
pambansang wikang Pilipino at hangga’t hindi binabago ang batas, ang Ingles at Pilipino ang mananatiling mga wikang
opisyal ng Pilipinas”

◦Kautusang Pangministri Blg. 22 (1978)

Nilagdaan ng Ministro ng Edukasyon at Kultura, Juan Manuel ang na nag-uutos na isama ang Pilipino sa lahat ng
kurikulum na pandalubhasang antas.

◦Artikulo XIV, Saligang Batas ng 1987

◦Sek. 6. Ang wikang pambansa ng Pilipinas ay Filipino.

◦Sek.7. Ukol sa mga layunin ng komunikasyon at pagtuturo, ang mga wikang opisyal ng Pilipinas ay Filipino at hangga’t
walang ibang itinatadhana ang batas, Ingles.

◦Sek.8. Ang Konstitusyong ito ay dapat ipahayag sa Filipino at Ingles at dapat isalin sa mga pangunahing wikang
panrehiyon, Arabic at Espanyol.

◦Sek.9. Dapat magtatag ang Kongreso ng isang komisyon ng Wikang pambansa na binubuo ng mga kinatawan ng iba’t
ibang mga rehiyon at mga disiplina na magsasagawa, mag-uugnay at magtataguyod ng mga pananaliksik sa Filipino at
iba pang mga wika para sa kanilang pagpapaunlad, pagpapalaganap at pagpapanatili.

◦Kautusang Blg. 52 (1987)

Pinalabas ng Kalihim Lourdes Quisumbing na nag-uutos sa paggamit

ng Filipino bilang wikang panturo sa lahat ng antas sa mga paaralan.

◦Kautusang Pangkagawaran Blg. 21 (1990)

Nagtagubilin na gamitin ang Filipino sa pagbigkas ng panunumpa ng

katapatan sa Saligang Batas at sa bayan natin.

◦CHED Memorandum Blg. 59 (1996)

Nagtatadhana ng siyam na yunit na pangangailangan sa Filipino sa pangkalahatang edukasyon at nagbabago sa

deskripsiyon at nilalaman ng mga kurso sa Filipino 1 (Sining ng Pakikipagtalastasan), Filipino 2(Pagbasa at Pagsulat sa
Iba’t Ibang Disiplina) at Filipino 3 (Retorika).

◦Proklamasyon Blg. 1041 (1997)

Nilagdaan niPangulong Fidel Ramos na nagtatakda na ang buwan ng Agosto taun-taon ay magiging Buwan ng Wikang
Filipino at nagtagubilin sa iba’t ibang sangay/tanggapan ng pamahalaan at sa mga paaralan na magsagawa ng mga
gawain kaugnay sa taunang pagdiriwang.

◦2001

Tungo sa mabilis na estandardisasyon at intelektwalisasyon ng Wikang Filipino, ipinalabas ng Komisyon ng Wikang

Filipino ang 2001 Revisyon ng Ortograpiyang Filipino at Patnubay sa Ispeling ng Wikang Filipino.