DAKWAH Alhamdulillah sukkuruki maraja lao ri see arajanna ruang allahu taala
nasaba engkasiki maddepu deppunge ri lalenna yewe onrong mabbarakka'e
Attugengkengnge Ri Lalelng
Napojie Puang Allahu Ta’ala Ri
Laleng Malempu’e/Istiqomah
DWI SYAHREZHA
KELAS 9.1
MTS SABBANGPARU
Sininna tomalebbiki engkae hadere.
neniya tenri yallufai kiringengi salwa nennia pappasalama lao rifangulutta
nabi muhammad SAW
INSYAALLAH,rilalenna yewe wettu ma barakka'e upuminasai malai
assiparengerange yanaritu attugengkenge rilaleng nafojie puang allahu taala
sarekoammengi narilolonge deceng paccappureng'e yanaritu(HUSNUL
KHATIMAH) nasaba idi tau mateppe'e iyyatu maladde riyamminasai
yanaritu(HUSNUL KHATIMAH) naccappuriki deceng.Nasaba makkedai
nabitta Muhammad SAW:
"MAJEPPU SITONGE TONGENNA AMALA RIYAKKALEBBARAKIE YANARITU
CAPPA'NA"
bettuanna cappana umuru'e,uppanna koi ri cappana umuru e engka muki ri
laleng malempu'e engkamui teppe ri bolai,majeppu yanatu riyaseng tau
naccapuri deceng naekiya uppanna ri cappana umuruta lesseki pole ri laleng
malempu ebettuanna degaga teppe'e nabolai naluru mateki iyyanaro
riyaseng tau na cappauri ja' yanaritu termasuki tolise ranaka.
Sininna umma selleng engkae hadere
Untu lolongengi riyaseng deceng paccappurengnge yanaritu riyolani
riyaseng e ALISTIKOMAH makkedai fuang allahu taala
"MAJEPPU SITONGE TONGENNA TAU PADA POADANG I MAKKEDA'E PUANG
ALLAHU TAALAMI RI POPUANG NAINAPPANI MATTUGENGKENG MATTETTE
RI ADANNA DENA NALENGKA LENGKA TAU MAKKOERO NAREKKO MAELOI
MATE YAREGA MADANNI,MAKKATURUNGE MALAEKA'E POADANGNGI
MAKKEDA'E AJJANA MUITAUI ANU MUOLOIYE. NENIYA AJJA TONA
MUASARAI ANU MUABBOKORI'E,ANU MUSALAI'E.CADDIO RIYONO NASABA
SURUGA IYYA PURA RIJANCIYANGEKKO MENNANG"
Jadi iyya'e bettuanna aya malebbina puang allahu taala napanessangeki
makkedae yero deceng paddimonrie ri lolongengi narekko engkamukki
ISTOQOMAH nasaba yero idi rupa tauwe dena irisseng makkedae uppanna
to ketemu ri accoe(yanaritu ajjaleng'e) nasaba de nairisseng
makkedauppannapi natolettu .narimuakkannaro parelluki simata mattette ri
laleng malempu'e jaji nafagguruni puang allah taala makkeda "puadai
makkedae puang allah taalami ripopuang nainappani rionroi adatta nasaba
engka saisanna yero selleng'e samanna yami napopuang'i puang allahu taala
narekko koi ri lalenna masiji e narekko messuni ri saliwenna samanna
taniana puang allahu taala napopung nasabah nallupaisi.Yarega engkato
saisanna yero tawwe samanna yami napopuang i puang allahu taala
narekko ramalang i narekko labesi ramalang samanna desi napopuang i
puang allahu taala nasabah desi nakkasiwiyang makkedai atinna ri laleng
uleng ramalang paimeng pasi na to massempajang , padahal denengka to
ma janci puang allahu taala makkedae iyyapa mupamateka ramalang i
nasaba yero ajjaleng e de nakkeda uleng ramalang yarega ri saliweng na
uleng ramalang uppanna narattaei ajjaletta pasti nalani taro tarona puang
allahu taala pasti mateni,narimuakkannaro na si mata parelluki simata
mattetteki ri laleng madeceng e insyaallah mattentuni rilolonge riaseng e
KHUSNUL KHOTIMAH deceng paccappureng e
Sininna ummaselleng engkae hadere
Nasabah taniyatu riyaseng mate mendada tau de'e namalasa na teppa mate
,pada padanna telle jokka jokkana namate,telle manontonna na mate,telle
olahragana namate padahal menurut agamata,agama selleng e naiyya
ripakkelorie mate mendada yanaritu tau de e gaga amala madecenna
sibawa napassadiya bokonna,naluru tanpa mate,namuni metta malasa
naekiya de nasadiya bokonna de najampangi amala
madecengna ,temmassempajangni,temmappuasani,temmappessu
sekkeni,de nasiwada balibolana ,siassakkarenni mabalibola,napojini
menung enunge mappewaju,napojini botoe ,mappanga die,tau bangsana
yede modelnya namo maitta malasa ritasengtoi tau mate mendada yarega
tau nacidda anteng,nasaba degaga sadia bokonna iyya maelo'e natiwi lao ri
wanua ahera.naiyya mua simata mallaku lakue papolei amala madeceng de
nakkeda uleng ramalang taniyana uleng ramalang,alalena iyarega dua tellui
ri onrong masino sinoe yarega ri onrong marua'e,riwettu masennanna
enreng'e riwettu masussana simata mattugengkengiha ataugi mattetteiha
papole amala iyya napojie puang allahu taala.tau bangsana iyyewe namo de
namalasa nateppa mate majeppu detto riaseng mate mendada nasaba de
memeng metro nafaja simata sadiya.nasabah tuli sadayana bokonna
engkana pangollina teppa jokkana to nasaba lengka memenni bokonna.
Narimuakkannaro sala seddinna paddoange nafaggurungeki nabitta
muhammad SAW sarekkoammengi na si mata ri addowange
barakkuammeng i nari lolonge deceng paccappureng e yanaritu bettuanna :
" E......PUANG PATAGGILINGEKKILINGENGI ATIE PATTETTE I KASI PUANG
ATIKKU MASSE RI AGAMAMU ENRENG E ATTURU LAO RI IKO PUANG"
SIKEROMI WULLE RAMPENGEKI MAMMUAREI PUANG ALLAHU TAALA
NAPABARAKKA LAO RI IDI MANENG IYYA ENGKAE UPALETTURENGKI
MAKKOTORO LAO RI IYA INSYAALLAH
WABILLAHI TAUFIK WASSA ADA WASSALAMU ALAIKUM
WARAHMATULLAHI WABARAKATU.