5

Edukasyong Pantahanan
at Pangkabuhayan
5
Ikalawang
Markahan
Home Economics
EPP – Ikalimang Baitang
Ikalawang Markahan – Modyul 6: Wastong Paraan ng Paglalaba sa Pamamagitan
ng Paghihiwalay ng mga Puting Damit at May Kulay
Unang Edisyon, 2020

Isinasaad sa Batas Republika 8293, Seksiyon 176 na: Hindi maaaring magkaroon
ng karapatang-sipi ang sinuman sa anumang akda ng Pamahalaan ng Pilipinas.
Gayunpaman, kailangan na may pahintulot ng ahensiya o tanggapan ng pamahalaan na
naghanda ng akda kung ito ay pagkakakitaan. Kabilang sa mga maaaring gawin ng
nasabing ahensiya o tanggapan ay ang pagtakda ng kaukulang bayad.

Ang mga akda (kuwento, seleksiyon, tula, awit, larawan, ngalan ng produkto o
brand name, tatak o trademark, palabas sa telebisiyon, pelikula, atbp.) na ginamit sa
modyul na ito ay nagtataglay ng karapatang-ari ng mga iyon. Pinagsumikapang malikom
ang mga ito upang makuha ang pahintulot sa paggamit ng materyales. Hindi inaangkin
ng mga tagapaglathala at mga may-akda ang karapatang-aring iyon. Ang anumang gamit
maliban sa modyul na ito ay kinakailangan ng pahintulot mula sa mga orihinal na may-
akda.
Walang anumang bahagi ng nilalaman nito ang maaaring kopyahin o ilimbag sa
anumang paraan nang walang pahintulot sa kagawaran.

Inilathala ng Kagawaran ng Edukasyon Dibisyon ng Lungsod ng Pasig.

Komite sa Pagsulat ng Modyul

Manunulat: Sharon C. Cicat
Editor: Dolores O. Antolin, Bernadette B. Enriquez, Pepito B. Cagunot
Tagasuri: Dolores O. Antolin
Tagaguhit: Arnel R. Ganados, Edison P. Clet
Tagalapat:
Tagapamahala: Ma. Evalou Concepcion A. Agustin
OIC-Schools Division Superintendent
Dr. Carolina T. Rivera
OIC-Assistant Schools Division Superintendent
Victor M. Javeña EdD
Chief, School Governance and Operations Division and
OIC-Chief, Curriculum Implementation Division

Education Program Supervisors

Librada L. Agon EdD (EPP/TLE/TVL/TVE)

Liza A. Alvarez (Science/STEM/SSP)
Bernard R. Balitao (AP/HUMSS)
Joselito E. Calios (English/SPFL/GAS)
Norlyn D. Conde EdD (MAPEH/SPA/SPS/HOPE/A&D/Sports)
Wilma Q. Del Rosario (LRMS/ADM)
Ma. Teresita E. Herrera EdD (Filipino/GAS/Piling Larang)
Perlita M. Ignacio PhD (EsP)
Dulce O. Santos PhD (Kindergarten/MTB-MLE)
Teresita P. Tagulao EdD (Mathematics/ABM)

Inilimbag sa Pilipinas, Kagawaran ng Edukasyon – Pambansang Punong Rehiyon

Tanggapan ng mga Paaralan ng Sangay-Lungsod Pasig
 EPP 5
Ikalawang Markahan
Modyul 6 para sa Sariling Pagkatuto
Paglalaba sa Pamamagitan ng
Paghihiwalay ng mga Puting Damit at
May Kulay
Paunang Salita

Para sa tagapagdaloy:
Malugod na pagtanggap sa asignaturang Edukasyong Pantahanan at
Pangkabuhayan Home Economics 5 ng Modyul para sa araling Wastong Paraan
ng Paglalaba sa Pamamagitan ng Paghihiwalay ng mga Puting Damit at May
Kulay !

Ang modyul na ito ay pinagtulungang idinisenyo, nilinang at sinuri ng mga

edukador mula sa Tanggapan ng mga Paaralan ng Sangay-Lungsod Pasig na
pinamumunuan ng Nanunuparang Pinuno-Tanggapan ng Pansangay na
Tagapamanihala, Ma. Evalou Concepcion A. Agustin, sa pakikipag-ugnayan sa Lokal
na Pamahalaan ng lungsod sa pamumuno ng butihing Punong Lungsod, Kgg. Victor
Ma. Regis N. Sotto, upang matulungang makamit ng mag-aaral ang pamantayang
itinakda ng Kurikulum ng K to12 habang kanilang pinanagumpayan ang pansarili,
panlipunan at pang-ekonomikong hamon sa pag-aaral.

Inaasahan na sa pamamagitan ng modyul na ito, ang mga mag-aaral ay

makauugnay sa pamamatnubay at malayang pagkatuto ng mga gawain ayon sa
kanilang kakayahan, bilis at oras. Naglalayon din itong matulungan ang mag-aaral
na makamit ang mga kasanayang pang-ika-21 siglo lalong-lalo na ang 5 Cs
(Communication, Collaboration, Creativity, Critical Thinking and Character) habang
isinasaalang-alang ang kanilang mga pangangailangan at kalagayan.

Bilang karagdagan sa pangunahing teksto, makikita ang pinakakatawan ng

modyul sa loob kahong ito:

Mga Tala para sa Guro

Ito'y naglalaman ng mga paalala at
estratehiyang magagamit sa paggabay sa
mag-aaral.

Bilang tagapagdaloy, inaasahang bibigyan mo ng paunang kaalaman ang

mag-aaral kung paano gamitin ang modyul na ito. Kinakailangan ding subaybayan
at itala ang pag-unlad nila habang hinahayaan silang pamahalaan ang kanilang
sariling pagkatuto. Bukod dito, inaasahan mula sa iyo na higit pang hikayatin at
gabayan ang mag-aaral habang isinasagawa ang mga gawaing nakapaloob sa
modyul.
Para sa mag-aaral:

Malugod na pagtanggap sa Eukasyong Pantahanan at Pangkabuhayan

Home Economics 5 Modyul ukol sa Wastong Paraan ng Paglalaba sa
Pamamagitan ng Paghihiwalay ng mga Puting Damit at May Kulay!

Ang modyul na ito ay ginawa bilang tugon sa iyong pangangailangan. Layunin

nitong matulungan ka sa iyong pag-aaral habang wala ka sa loob ng silid-aralan.
Hangad din nitong madulutan ka ng mga makabuluhang oportunidad sa pagkatuto.

Ang modyul na ito ay may mga bahagi at icon na dapat mong maunawaan.

MGA INAASAHAN
Sa bahaging ito malalaman mo ang mga dapat mong
matutuhan pagkatapos mong makumpleto ang modyul.

PAUNANG PAGSUBOK
Dito masusukat ang dati mo nang kaalaman at mga dapat mo
pang malaman sa paksa.

BALIK-ARAL
Dito masusukat ang iyong matutuhan at naunawaan sa mga
naunang paksa.

ARALIN
Tatalakayin sa bahaging ito ang aralin batay sa kasanayang
pampagkatuto.

MGA PAGSASANAY
Sa bahaging ito, pagbibigay ng guro ng iba’t ibang pagsasanay
na dapat sagutin ng mga mag-aaral.

PAGLALAHAT
Sa bahaging ito ibunuod ang mahahalagang konsepto na dapat
bigyang-halaga.

PAGPAPAHALAGA
Sa bahaging ito ay titiyakin kung ang mga kasanayang
pampagkatuto ay naiuugnay at nailalapat sa inyong mga
pagpapahalaga.

PANAPOS NA PAGSUSULIT
Dito masusukat ang mga natutuhan ng mga mag-aaral
 MGA INAASAHAN

Sa pagtatapos ng modyul na ito ang mga mag-aaral ay

inaasahang naisasagawa ang wastong paraan ng paglalaba sa
pamamagitan ng paghihiwalay ng mga puting damit at may kulay.

PAUNANG PAGSUBOK

Panuto: Magtala ng limang kahalagahan ng paglalaba. Isulat ang sagot sa

patlang.

1.____________________________________

2. ______________________________

Kahalagahan
ng Paglalaba 3.____________________________

4._____________________________

5._________________________________________
 BALIK-ARAL

Panuto: Lagyan ng tsek ( √ ) ang kahon kung ang pangungusap ay

nagpapahayag nang wastong paraan ng paglalaba at ekis ( X ) kung
hindi.

1. Banlawan ng isang beses ang nilabhan upang maging mabango ito.

2. Sabunin at kusuting mabuti ang bahaging may makapit na dumi

tulad ng kwelyo, manggas, likod at laylayan.
3. Lagyan ng tubig ang washing machine ayon sa dami ng damit na
lalabhan.
4. Unahing sabunin ang mga maruruming damit.
5. Ibabad ang mga damit upang lumambot ang mga duming nakakapit
dito.

ARALIN

Wastong Paraan ng Paglalaba sa Pamamagitan ng

Paghihiwalay ng mga Puting Damit at May Kulay
Mahalagang ihiwalay ang mga puting damit sa may kulay bago
umpisahan ang paglalaba. Makatutulong ito upang maiwasan ang paghawa
ng kulay ng mga damit. Dapat ding isaalang alang ang mga panuntunang
pangkalusugan at pangkaligtasan sa paglalaba. Narito ang ilan sa mga ito:
1. Ihanda ang lahat ng mga kailangan upang hindi pabalik-
balik. Maiiwasan ang pagod at pag-aksaya ng panahon.
2. Iwasan ang matagal na pagtayo o pag-upo ng pabaluktot. Gumamit ng
 upuan kung kinakailangan.

3. Gumamit ng iskuba sa halip na kusutin ng kamay ang mga makakapal

na labahin.
4. Gumamit ng angkop na sabon na hindi nakasusugat sa mga
kamay.
5. Maging maingat sa paggamit ng kemikal na pampalinis o pampaputi
ng damit.
6. Maging maingat sa paggamit ng washing machine dahil ito ay
pinatatakbo ng kuryente. Sundin ang mga alituntunin sa paggamit
nito.

Paraan ng Paglalaba

1. Pagbubukod-bukod ng damit
- malaki sa maliit
- puti sa may kulay
- di gaanong marumi,maruming marumi
- mga panloob na damit
- mga nangungupas

2. Ibabad ang mga damit sa tubig na may

sabon.
Banlawan at ibabad ang mga damit upang
lumambot ang pagkakapit ng mga dumi sa mga
ito.

3. Sabuning mabuti ang damit

Unahin ang hindi gaanong marumi at mga
panloob na mga damit.Sabunin at kusuting
mabuti ang bahaging may makapit na dumi
tulad ng kwelyo,manggas,likod at laylayan.
 4. Ikula kung hindi pa gaanong malinis.
Ibilad sa araw ang mga puting kailangang
Ikula. Mainam kung ang kinula ay nakababad
sa kaunting tubig na may sabon upang hindi
matuyo at magmantsa.

5. Banlawan ang mga damit.

Maayos na banlawan ang mga damit nang
tatlong beses o higit pa hanggang sa maalis ang
sabon.

6. Isampay ang mga damit.

Isampay ang mga puti sa bahaging mainit.
Isampayang mga may kulay na damit sa lugar
na hindi gaanong nasisikatan ng araw.

Paraan sa Paglalaba Gamit ang Washing Machine

1. Paghihiwalay
- puti sa de-kolor
- marumi sa di-gaanong marumi
- nangungupas
- panloob
2. Pagsisiyasat
- mga bulsa na maaaring may laman: pera,
tisyu o papel
- aspile o imperdibleng nakatutusok
3. Isara ang zipper, fastener ng anumang damit at ayusin ang tali upang hindi
magkabuhol-buhol.
4. Lagyan ng tubig ang washing machine ayon sa dami ng damit na lalabhan.
5. Ibuhos ang sabon na pang-washing machine ayon sa dami ng lalabhan.
6. Ilagay ang damit na lalabhan. Iwasang ma-overload ang washing machine.
7. Ilagay ang tamang setting na angkop sa lalabhan.
8. Banlawang mabuti ang mga damit. Idagdag ang fabric conditioner sa huling
banlaw kung nais gamitin ito.
9. Patuyuin ang mga damit gamit ang spin dryer o patuyuin sa init ng araw o
mahanging lugar.
 MGA PAGSASANAY

Pagsasanay 1

Panuto: Ihanda ang mga kailangan sa paglalaba. Ipakita ang wastong paraan
sa paglalaba ng damit. Gamitin ang checklist upang masukat ang
kaalaman sa paglalaba.

Pamantayan Oo Hindi
1.Pagsunod sa mga panuntunang pangkalusugan
at pangkaligtasan sa paglalaba.
2.Pagsagawa ng paghihiwalay ng puting damit at may
kulay.
3.Pagkusot nang maayos sa maruming damit.
4.Pagkula ng mga puting damit.
5.Pagbanlaw ng tatlong beses o higit pa hanggang
mawala ang bula ng sabon.
6.Pagsampay nang maayos sa mga nilabhang damit.

Pagsasanay 2

Panuto: Tingnan ang larawan. Ito ay maruruming damit na naisuot

na. Isulat ang wastong hakbang sa paglalaba gamit ang washing
machine.

https://images.app.goo.gl/hdiNfZ1LvocYfxxm6
1. _______________________________________________________
2. _______________________________________________________
3. _______________________________________________________
4. _______________________________________________________
5. _______________________________________________________
6. _______________________________________________________
7. _______________________________________________________
8. _______________________________________________________
9. _______________________________________________________

PAGLALAHAT

Panuto: Basahin at unawain ang mga tanong. Isulat ang sagot sa patlang.

1. Ano ang natutuhan mo sa araling ito?

___________________________________________________________________________
___________________________________________________________________________
___________________________________________________________________________

2. Bakit mahalagang sundin ang wastong paraan sa paglalaba?

___________________________________________________________________________
___________________________________________________________________________
___________________________________________________________________________
 PAGPAPAHALAGA

Si Linda ay panganay sa limang magkakapatid. Mula sa pagkabata

tinuturuan na siya ng kanyang nanay sa mga gawaing bahay. Tumutulong
din siya sa pag-aalaga ng kanyang nakababatang kapatid. Kusa niyang
ginagawa ang kanyang tungkulin na hindi na kailangang utusan.
Anong magandang katangian ng isang anak ang taglay ni Linda?
Bakit mo nasabi ito?

__________________________________________________________________________________
__________________________________________________________________________________
__________________________________________________________________________________

PANAPOS NA PAGSUSULIT

Panuto: Lagyan ng bilang 1-6 ayon sa wastong paraan ng paglalaba.

Isulat ang sagot sa patlang .

_____ Sabuning mabuti ang mga damit.

_____ Pagbukod-bukurin ang mga puti at may kulay.
_____ Isampay nang maayos ang mga damit.
_____ Ibabad sa tubig na may sabon ang mga damit.
_____ Banlawan ang mga damit ng tatlong beses hanggang sa maalis ang
sabon.
_____ Ikula ang damit kung hindi pa gaanong malinis.
Paunang Pagsubok ( Mga Posibleng Sagot)
1.Natatanggal ang dumi ng damit.
2.Namamatay ang mikrobyo
3.Pumuputi ang damit
4.Natatanggal ang amoy
5.Nagiging malinis ang damit
Balik Aral
1. X
2. √
3. √
4. X
5. √
Mga Pagsasanay
Pagsasanay 2
1.Paghihiwalay
2.Pagsisiyasat
3.Isara ang zipper at fastener
4.Lagyan ng tubig ang washing machine
5.Ibuhos ang sabon
6.Ilagay ang damit na labahan
7.Ilagay ang tamang setting ng washing machine
8.Banlawang mabuti ang damit
9.Patuyuin ang damit gamit ang spin dryer
Panapos na Pagsusulit
___3
___1
___6
___2
___5
___4
SUSI SA PAGWAWASTO
 SANGGUNIAN

Aklat

Gloria A.Peralta,EdD,Ruth A.Arsenue,Catalina R. Ipolan,Yolanda L.

Quiambao,Jeffrey D. de Guzman.2016.Kaalaman at
Kasanayan Tungo sa Kaunlaran.VICARISH Publication and
Trading,Inc.Vibal Group,Inc.

Evelyn D.Deliade,Ana B.Ventura,Randy R.Emen.Makabuluhang

Gawaing Pantahanan at Pangkabuhayan 5.Adriana
Publishing Co.INC.Manila Phil.

Herminia E.Alviar,Ma.Cereza A.Maguyon,Timoteo C.

Alviar.2008.Angat Kabuhayan 5.Rex
Store,Inc.Sampaloc,Manila