Sa pangyayaring ito, mamamasdan natin ang katangian ni Placido na
palaban. Dahil sa pagmamaliit ng guro sa kanya makikita natin na hindi natatakot si Placido na lumaban sa mga opressor at mga nang-aapi. Maiintindihan din natin kung saan nanggaling ang galit ni Plasido kaya't hindi natin masasabing wala siyang respeto patungo sa kanyang guro dahil ang guro niya mismo ang nang-aapi sa kanya. Sa kabuuan, matapang si Placido dahil alam niya na siya lamang ang estudyanteng ipinagtanggol ang sarili mula sa pang-aapi ng guro.
2. Makikita natin mula sa pangyayaring ito na si Padre Millon ay hindi patas
para sa kanyang mga estudyante. Mataas din ang kanyang pamantayan kaya't nagmumukhang imposible para sa mga estudyante niya na magkaroon ng mataas na marka. Inaasahan niyang matalino ang lahat ng kanyang mag-aaral kaya't pinaparusahan niya kung sino man ang may mababa na marka o kaya'y hindi nakakasunod sa kanyang klase. Ito ay halimbawa ng isang taong maniniil.
3. Batay sa pangyayari na ibinanggit, masasabi natin na si Juanito ay isang
mapagpanggap at pasikat na tao. Naipapakita sa paksa na siya ay nangongopya lamang at nanghihingi ng tulong mula kay Placido dahil tamad siyang mag-aral, dahil dito pineke niya ang kanyang tunay na katalinuhan at kinukahanan niya ng pansin ang ibang tao. Si Juanito rin ay kulang sa pansin kaya't nagpapangap na lamang siyang importante at mahalaga.
4. Sa pangyayaring ito, masasabi natin na si Isagani ay isang hindi
marahas na tao. Hindi gusto ni Isagani ang gulo kaya't naghahanap siya ng ibang paraan na hindi nagwawakas ng karahasan. Mapapansin din natin na si Isagani ay masigasig sa pakikipag-usap sa mga tao katulad ng pakikipag-usap niya kay Ginoong Pasta. Dahil dito, maaari nating ipalagay na si Isagani ay isang mabuti at hindi marahas na binata na gusto lamang makatulong sa kanyang bayan. 1. Kitang-kita sa pangyayaring ito ang katangian ni Placido na pagiging palaban. Dahil sa sobra-sobrang pagmamaliit ng guro sa kanya, hindi na nakapagtimpi si Placido kung kaya't napikon ito na siyang nag udlot kay Placido na lumaban at sumagot nang pabalang sa propesor, at lumabas. Hindi rin natin masisisi si Placido dahil lahat tayo nauubusan ng pasensya lalo na't kung pagkatao mo yung sinisiraan. Dapat lang na maging palaban tayo kung sumosobra na ang pag-aapi sa atin, masasabi kong isang palaban si Placido Penitente.
2. Mula sa pangyayaring ito, mapapansin natin na si Padre Millon ay hindi
patas, at hindi makatarungan ang kanyang pangangasiwa sa mga estudyante. Mataas ang kanyang ekspektasyon at pamantayan kung kaya't mahirap magkaroon ng mataas na marka sa kanya. Gusto at inaasahan niya na matatalino ang kanyang mga estudyante. Ang lahat ng nakapagpahayag nang walang mali sa kaniyang pinasasaulo ay nakakatanggap ng mataas na marka ngunit ang mga nagkamali nang higit sa tatlo ay nabibigyan ng masamang marka. Alam naman nating lahat na tayo ay may iba't-ibang kakayahan o talino sa iba't ibang aspeto kaya hindi natin masisisi ang mga estudyante, masyadong mataas ang kanyang pamantayan ngunit walang tao sa mundo na perpekto kaya masasabi ko na si Padre Millon ay isang suwapang na tao.
3. Masasabi natin na si Juanito Pelaez ay lubhang kinagigiliwan ng mga
propesor sa kadahilanang nabibilang siya sa angkan ng may dugong kastila. Ngunit sa kabila ng pagiging mayaman, si Juanito ay tamad mag aral. Sa katunayan, umaasa at nangongopya lang siya sa kamag-aral na si Placido dahil sa katamaran nito. Masasabi natin na si Juanito ay isang mapagpanggap at mapaglinlang na tao sapagkat nagpapanggap lang siya na matalino ngunit umaasa lang pala ito sa pangongopya.
4. Batay sa pangyayaring ito, masasabi natin na si Isagani ay isang
Pilipinong may tamang paninindigan sa buhay at may mabuting puso sa mga kapwa. Siya rin ay masigasig sa pakikipag-usap sa mga taong maaaring makatulong. Ayaw ni Isagani na idaan sa gulo kung kaya't ibang paraan ang gusto niya na hindi gumagamit ng dahas at karahasan.