Pagnilay-nilayan Natin.

Hindi biro ang magsaliksik. Ang sinumang tunay na nagsagawa nito ay magpapatunay na ang ganitong
gawain ay gugugol ng mahabang panahon, angking kakayahan, lakas, pasensya at sakripisyo upang
harapin ang hamon ng buhay. Sa pag-iikot sa iyong kapaligiran ang dami ninyong problema at sigalot na
nasaksihan na magbibigay sa inyo ng pagkakataon upang manindigan. Sa araling ito, tutuklasin natin ang
katangian, katuturan at layunin ng panukalang proyekto upang magbibigay sa atin ng gabay kung paano
tayo gagawa ng isang panukala.

Silipin Natin ito

Upang magkaroon tayo ng mas malawak na kaalaman hinggil sa kung paano tugunan ang problemang
makikita sa lipunan, mahalagang matunton natin ang mga paraan at nilalaman sa pagbuo ng isang
panukala upang mabigyan natin ng kalutasan ang nasabing suliranin.

Ang panukalang proyekto ay isang sulatin na naglalaman ng mga pangangailangan ng mamamayan.

Batay rito, maaari mo nang mailahad ang layunin ng iyong panukala mula sa pangangailangan ng
pamayanan. Nakasaad din dito kung bakit mo ipinapalagay na ito ay mahalagang pangangailangan. Ang
bahaging ito ay dapat na maikli lamang ngunit malinaw at direkta ang punto. Nakapaloob dito ang
paglalarawan ng iyong pamayanan at ang panukalang proyektong iyong ibinigay.

Layunin ng panukalang proyekto ang mabigyang-solusyon ang mga problemang kinakaharap ng

pamayanan at makuha ang suporta ng lokal na pamahalaan o alinmang ahensiya ng pamahalaan na
siyang makatutulong upang makamit ang iyong layunin.

Katangian ng Panukalang Proyekto

Ang magandang panukala ay nagsisimula sa magandang konsepto. Gayunman, ang panukala ay dapat
nakasulat nang may sapat na detalye upang maunawaan.

Ano ang inaasahang ng proyekto na makamit;

Kung ang mga tauhan ng proyekto ay may kinakailangang pagkadalubhasa upang makamit ang hangarin
at layunin;

Ang potensiyal ng proyekto na pangalagaan ang samu’t saring buhay;

Ang pambansang epekto at pagiging mabisa ng halaga ng proyekto;

Mga plano at pagtataya at pagpapalaganap.

Gabay sa pagbuo ng Panukalang Proyekto

Pagpaplano

Magplano, isaalang-alang ang panahon sa pagbuo ng panukalang proyekto talakayin, suriin ang progreso
sa proseso ng pagsulat

Balido

Katanggap-tanggap at ispesipik siguraduhing makabuluhan ang nilalaman at huwag jugnay sa mga

pandamdaming termino

Sama-samang Paggawa

Magtalaga ng tiyak na tungkulin at responsibilidad ng bawat miyembro batay sa ginagawang panukalang

proyekto.

Limitasyon

Teknikal at organisasyunal na jargon – gumamit ng mga lengguwahe/wika na madaling maunawaan

Ibatay sa Realidad

Ano ang nais ipanukala?

Ano ang dapat matapos?

Saklaw na panahon?

Mapagkukunan ng impormasyon

Balangkas ng Simpleng Panukalang Proyekto

Upang lubos na mabuo ang isang panukalang proyekto, narito ang balangkas nito.

1. Pamagat – kadalasang pinaikling bahagi ng ulat-panukala o pangangailangan Halimbawa: Panukala

para sa Pagpapatayo ng Bulwagang Pambarangay
2. Nagpapadala – pangalan at tirahan ng nagpapadala Halimbawa: Noemi S. Hapay Brgy. Magdum,
Tagum City

3. Petsa – araw kung kailan isusumite ang panukala at ang haba ng panahong gugugulin. Halimbawa: Ika-
24 ng Oktubre, 2016 Pagpapatayo: 3 buwan

4. Pagpapahayag ng Suliranin – dahilan kung bakit ito kailangang matugunan

5. Layunin ang nilalayong gawin ng panukala

6. Plano na dapat gawin – hakbang na pinaplanong gawin at ang panahong gugugulin. Halimbawa: Ang
panukalang ito ay maisasakatuparan………..

7. Budget – ang kalkulasyon ng halagang gugugulin sa proyekto Halimbawa: Ang halagang hinihiling sa
panukalang ito ay………..

8. Paano mapakinabangan ng Pamayanan – nakasaad dito ang mga taong makinabang at kung ano ang
kanilang mapapala. Halimbawa: Ang proyektong ito ay kapaki-pakinabang sa mga……………