1

ΟΙΚΟΙ ΕΙΚΟΣΙΤΕΣΣΑΡΕΣ
εἰς τόν Ἅγιον Ἀπόστολον καί, Εὐαγγελιστήν Ἰωάννην
τόν Θεολόγον
Ποίημα Γερασίμου Μονάχου Μικραγιαννανίτου
Κοντάκιον.
Ἦχος πλ.δ΄ Τῇ ὑπερμάχῳ
Ὡς ἐν τῷ στήθει τοῦ Χριστοῦ πιστῶς ἀνέπεσας
θεολογίας ἐμυήθης τά ἀπόρρητα
Ἰωάννη Θεολόγε Ἠγαπημένε.
Ἀλλ' ὡς πλήρης φωτισμοῦ τοῦ ὑπέρ ἔννοιαν
καταλάμπρυνον ἡμᾶς φωτί τῆς χάριτος
Τούς βοώντας σοι, χαίροις μάκαρ Ἀπόστολε.
Ἄγγελος ὥσπερ ἄλλος, καί Ἀπόστολος μέγας, κηρύττεις
ἡμῖν τά ὑπέρ λόγον· ἐν γάρ τῷ στήθει Χριστοῦ πεσών,
Ἰωάννη θεορρῆμον Ἀπόστολε, ἐδέξω φῶς τό ἄϋλον, δι’ οὗ
φωτίζεις τούς βοῶντας·
χαῖρε δι' οὗ ἡ Τριάς ἐκλάμπει
χαῖρε δι' οὗ ἡ Μονάς αὐγάζει
χαῖρε τοῦ Σωτῆρος ὁ ἔνθους Ἀπόστολος
χαῖρε τῆς σοφίας ὁ νοῦς ὁ θεόληπτος
χαῖρε ὕψος θείας γνώσεως καί ἀγάπης θησαυρός
χαῖρε βάθος καθαρότητας καί Ἀγγέλων κοινωνός
χαῖρε ὅτι ὑπάρχεις Θεολόγων ἀκρότης
χαῖρε ὅτι τυγχάνεις Ἀποστόλων λαμπρότης
χαῖρε φυτόν ἁγνείας πανεύοσμον
χαῖρε φωτός δοχεῖον ὑπέρτιμον
χαῖρε δι' οὗ φρυκτωρεῖται ἡ κτίσις
χαῖρε δι' οὗ γεωργεῖται ἡ πίστις.
Χαίροις μάκαρ Ἀπόστολε.
Βλέμμα τό τῆς ψυχῆς σου, ἔχων κεκαθαρμένον, κατεῖδες
ἐπί γῆς σαρκοφόρον, τόν ἄναρχον Λόγον τοῦ Θεοῦ, ᾧ καί
 2

κληθείς προθύμως ἠκολρύθησας, τά θεία παιδευόμενος, καί

ψάλλων Ἰωάννη ἔνθους.
Ἀ λ λ ηλούϊα.
Γνῶσιν τῶν οὐρανίων, διανοίᾳ τελείᾳ συνών καί
συνοικῶν τῷ Κυρίῳ, ἐδέξω Ἰωάννη σαφῶς, καί ὑποφήτης
τῶν ἄρρητων πέφηνας· διό σου τήν λαμπρότητα, ἀγάμενοι
πιστῶς βοῶμεν·
χαῖρε ὁ μύστης τῶν οὐρανίων
χαῖρε ἡ γλῶσσα τῶν ἀπορρήτων
χαῖρε θεωρέ τῆς τοῦ Λόγου σαρκώσεως
χαῖρε κοινωνέ τῆς αὐτοῦ ἀγαθότητος
χαῖρε στόμα θεοδίδακτον διδαχῶν ζωοποιῶν
χαῖρε ὄμμα διαυγέστατον ὑψηλῶν θεωριῶν
χαῖρε οἰκονομίας τῆς τοῦ Λόγου αὐτόπτης
χαῖρε θεολογίας ἀκριβούς μυστοδότης
χαῖρε Χριστοῦ ἐν πᾶσι συμμέτοχος
χαῖρε φθαρτῶν ἁπάντων ὑπέρτερος
χαῖρε ζωῆς κοινωνέ μακαρίας
χαῖρε λαμπτήρ τῆς ἡμῶν σωτηρίας.
Χαίροις μάκαρ Ἀπόστολε.
Δύναμιν οὐρανίαν καί ἀήττητον σθένος καί λόγον καί
πλουσίαν σοφίαν, λαβῶν Ἰωάννη θαυμαστέ, ἐπιφοιτήσει τοῦ
Ἁγίου Πνεύματος, λαμπρῶς ἐθεολόγησας, Χριστοῦ τήν
σάρκωσιν κραυγάζων·
Ἀλληλούϊα.
Ἔδραμες ὡς ἐκλήθης, ἴχνεσι τοῦ Δεσπότου, λιπῶν εὐθύς
ἰχθύων τήν ἄγραν, καί τῷ Σωτήρι ἀκολουθῶν, ἁλιεύς
ἀνθρώπων ὤφθης θεόσοφος, ζωγρῶν πρός τήν εὐσέβειαν,
Ἰωάννη τούς ἐκβοῶντας·
χαῖρε σοφός ἁλιεύς ἀνθρώπων
χαῖρε ἀκρότης τῶν Θεολόγων
χαῖρε παρθενίας λειμών εὐωδέστατος
 3

χαῖρε εὐσέβειας φωστήρ παμφαέστατος

χαῖρε στόμα τό θεόφθογγον τῶν ρημάτων τῆς ζωῆς
χαῖρε θέμεθλος στερέμνιος Ἐκκλησίας τῆς σεπτῆς
χαῖρε ὅτι τῷ Λόγῳ ὁλικῶς ἀνετέθης
χαῖρε ὅτι πλουσίως παρ' αὐτοῦ ἠγαπήθης
χαῖρε ἀστήρ ἀῢλων ἐλλάμψεων
χαῖρε φωνή τῶν ἔνδον καθάρσεων
χαῖρε Χριστοῦ ἱερός μυστολέκτης
χαῖρε πιστῶν ἀσφαλής ὁδηγέτης
Χαίροις μάκαρ Ἀπόστολε.
Ζήλω ἐπτερωμενος, τῆς ἀγάπης τοῦ Λόγου, πῦρ ἀπ’
οὐρανοῦ ἠβουλήθης, ἐλθεῖν σύν τῷ συγγόνῳ τῷ σῷ, κατά
τῶν μή δεξαμένων τόν Κύριον, ἀλλ' ὁ Σωτήρ κωλύει σε,
διδάσκων ἐν ἀγάπῃ κραύγαζειν·
Ἀλληλούϊα.
Ἤρθης εἰς θεωρίας τό ἀκρότατον ὕφος, καί ὄμματι
ψυχῆς ἐθεάσω, ἀποκαλύψεις τάς θαυμαστάς, καί εἴκοσι
προγράφεις τά μέλλοντα· πρός γνῶσιν τῶν κρειττόνων γάρ
μυσταγωγεῖς τούς ἐκβοῶντας·
χαῖρε θεάμων τῶν ἀθέατων
χαῖρε συνόμιλε Ἀσωμάτων
χαῖρε τῶν μελλόντων συμβαίνειν προτύπωσις
χαῖρε ἐσομένων πραγμάτων προκήρυξις
χαῖρε ὄργανον θεόπνευστον ἐπιπνοίας θεϊκῆς
χαῖρε ἔμψυχον ὑπόδειγμα τῆς ζωῆς τῆς μυστικῆς
χαῖρε ὅτι ἐπλήσθης δωρεῶν οὐρανίων
χαῖρε ὅτι ἀπέστης τῶν φθαρτῶν καί ἐνύλων
χαῖρε φωτός ἐκφάντωρ τῆς χάριτος
χαῖρε πολλῶν χαρίτων ἀνάπλεως
χαῖρε δι' οὗ τῶν κινδύνων λυτροῦμαι
χαῖρε δι' οὗ θείαν δόξαν μυοῦμαι
 4

Χαίροις μάκαρ Ἀπόστολε.

Θαβωρίω τῷ ὄρει, τήν ἀπόρρητον δόξαν, κατεῖδες τοῦ
Σωτῆρος θεόπτα, προκριθείς σύν τῷ αὐταδέλφῳ, καί
πατρικῆς φωνῆς ἄνωθεν ἤκουσας μαρτυρούσης τήν υἱότητα,
ᾦ ἔνθους ἀνεβόας·
Ἀλληλούϊα.
Ἴχνεσι τοῦ Σωτῆρος, ἀκριβῶς ἐπιβαίνων, εἴπεσο
αὐτῷ ὥσπερ ἀρνίον, καί ἐν τῷ κήπῳ Γεθσημανής, καί ἐν
αὐλῇ τοῦ Ἀρχιερέως Ἅγιε, συνῆλθες τῷ Κυρίῳ· διό σοί
ἅπαντες βοῶμεν·
χαῖρε ἀγάπης Χριστοῦ ὁ πλήρης
χαῖρε ἀπάτης ἐχθροῦ ὁ ρύστης
χαῖρε Ἀποστόλων λαμπρόν ἐγκαλλώπισμα
χαῖρε τῶν ἐν σκότει ψυχῶν φωταγώγημα
χαῖρε ὅτι ἐξαστράπτοντα ἐν Θαβώρ εἶδες Χριστόν
χαῖρε ὅτι ἠκολούθησας τούτῳ καί πρός τόν Σταυρόν
χαῖρε Ἠγαπημένε Μαθητά τοῦ Κυρίου
χαῖρε τροπαιοφόρε ὀλετήρ τοῦ δολίου
χαῖρε ἰδών τό φῶς τό ἀπρόσιτον
χαῖρε τυπῶν χαράν τήν ἀπόρρητον
χαῖρε παθῶν κοινωνέ τοῦ Σωτῆρος
χαῖρε πρηστήρ τοῦ δεινοῦ ὀλετῆρος
Χαίροις μάκαρ Ἀπόστολε.
Κοινωνῶν θεολόγε, ἐν πολλῇ παρρησία, τῷ μυστικῷ τοῦ
Σωτῆρος δείπνῳ, τῷ στήθει ἀνέπεσας αὐτοῦ, καί τόν
προδεδωκότα αὐτόν ἔγνωκας· διό τήν ἐν σοί ἄφθονον χάριν
θαυμάζοντες βοῶμεν·
Ἀλληλούϊα.
Λύτρωσιν αἰωνίαν, παρεχόμενος ἤρθη, Σταυρῷ ὁ
Ποιητής τῷ πεσόντι· ᾧ σύν τῇ Παρθένῳ παρεστώς, Ἴδε ἡ
Μήτηρ σου παρ' αὐτοῦ ἤκουσας, λαβών δέ τήν Πανάχραντον,
ἀκούεις παρά πάντων ταῦτα·
χαῖρε υἱός θετός της Παρθένου
 5

χαῖρε Χριστοῦ ἀδελφός τοῦ Κυρίου

χαῖρε ὁ φυλάξας τήν Ἁγνήν Ἀειπάρθενον
χαῖρε ὁ ἐκφήνας ἀγάπης τό ἄδολον
χαῖρε φίλος ἐπιστήθιος του Χριστοῦ καί ἐκλεκτός
χαῖρε φύλαξ καί υἱός ὁμοῦ τῆς Παρθένου ποθητός
χαῖρε υἱοθεσίας θαυμαστῆς σεπτόν τέκνον
χαῖρε δεδοξασμένος αὐτουργός ξένων ἔργων
χαῖρε Ἁγνῆς Παρθένου διάκονος
χαῖρε ἁγνός ἐν πᾶσι καί ἄμεμπτος
χαῖρε Χριστοῦ τῇ ταφῇ λειτουργήσας
χαῖρε Μητρί τῇ αὐτοῦ ὑπουργήσας
Χαίροις μάκαρ Ἀπόστολε.

Μένων ὧ θεολόγε, τῷ Σταυρῷ τοῦ Κυρίου, ὁμοῦ σύν τῇ

Ἁγνῇ Θεοτόκῳ, κατεῖδες ἐκ τῆς πλευρᾶς αὐτοῦ, τό αἷμα σύν
τῷ ὕδατι ἐκβλύσαντα, δι' ὧν καινοποιούμεθα, οἱ ψάλλοντες
αὐτῶ ἀπαύστως·
Ἀλληλούϊα.
Νέαν ζωήν παρέσχεν, ἀναστάς ἐκ τοῦ τάφου, ὁ παθών
καί τόν ὄφιν νεκρώσας· οὗ τῷ τάφῳ σύν τῷ Πέτρῳ δραμών,
ηὐγάσθης τῷ φωτί τῆς Ἀναστάσεως, Ἰωάννη μακάριε, δι' οὗ
φωτίζεις τούς βοῶντας·
χαῖρε τό κλέος τῶν Ἀποστόλων
χαῖρε τό γέρας τῶν Θεολόγων
χαῖρε ὑποφῆτα μυστηρίων τῆς χάριτος
χαῖρε θεοσόφων δογμάτων διδάσκαλος
χαῖρε πολιτείας κρείττονος ἐρμηνεύς καί ὁδηγός
χαῖρε διδαχῶν τοῦ Πνεύματος μυστογράφος
θαυμαστός
χαῖρε τοῦ Παρακλήτου παναρμόνιος λύρα
χαῖρε τῶν πλανωμένων ἡ σωτήριος θύρα
 6

χαῖρε πνοή Ἐδέμ ἡ τερψίθυμος

χαῖρε πιστῶν ὁ μέγας ἐπίκουρος
χαῖρε ψυχῶν ἡ οὐράνιος αὔρα
χαῖρε ἡμῶν θεοδώρητον χάρμα
Χαίροις μάκαρ Ἀπόστολε.
Ξύλον ἀθανασίας, καί οὐράνιον μάννα, καί μέλι τό ρυέν
ἐκ τῆς πέτρας, τό σόν Εὐαγγέλιον σοφέ, τῇ Ἐκκλησία τοῦ
Χριστοῦ ἀναδέδεικται· ζωήν γάρ νέμει ἅπασι, καί ἀφθαρσίαν
τοῖς βοῶσιν.
Ἀλληλούϊα.
Ὅλην του Παρακλήτου, ὑπεδέξω τήν αἴγλην, ἐν γλώσσῃ
πυριμόρφῳ θεόφρον, σύν τοῖς λοιποῖς Χριστοῦ Μαθηταῖς, ἐν
ὑπερώῳ Ἰωάννη ἔνδοξε· ἐντεῦθεν μέγας ἥλιος, ἐδείχθης πᾶσι
τοῖς βοῶσι·
χαῖρε ὁ ἄρχων τῆς Ἐκκλησίας
χαῖρε ἡ σάλπιγξ τῆς εὐσέβειας
χαῖρε Παρακλήτου τήν χάριν δεξάμενος
χαῖρε παθημάτων πολλούς λυτρωσάμενος
χαῖρε ἥλιος πολύφωτος Διαθήκης τῆς καινῆς
χαῖρε ρήτωρ θεοδίδακτος σωτηρίου διδαχῆς
χαῖρε ὅτι τῆς πλάνης καταργεῖς τήν ἀπάτην
χαῖρε ὅτι ἐκλάμπεις τόν θεσμόν τῆς ἀγάπης
χαῖρε ζωῆς ἀρίστης διάγραμμα
χαῖρε φωτός ἀῢλου θησαύρισμα
χαῖρε ψυχῶν ὁ καθαίρων τόν ρύπον
χαῖρε ἐχθρῶν τάς ἐφόδους ἀπείργων
Χαίροις μάκαρ Ἀπόστολε.
Πλέον πάντων ὤραθης, τῶν κλεινῶν Ἀποστόλων, ὡς
πάγκαλον ἁγνείας ταμεῖον, ἀγαπώμενος ὑπό Χριστοῦ,
Εὐαγγελιστά Ἰωάννη πάνσοφοε· διό ὡς ἐπιστήθιος, καί
παρθένος ἔνθους ψάλλεις
Ἀλληλούϊα
 7

Ρείθροις τῶν διδαχῶν σου, ἡ Ἀσία ἠρδεύθη Ἀπόστολε

σοφέ Ἰωάννη, καί πολύχουν καρπόν τῷ Χριστῷ, τῷ σῷ λόγῳ
ἡ Ἔφεσος προσήγαγε· διό σε ὡς διδάσκαλον, ὕμνοις γεραίρει
ἐκβοώσα·
χαῖρε ὁ κῆρυξ τοῦ Θεοῦ Λόγου
χαῖρε ὁ μύστης τοῦ καινοῦ κόσμου
χαῖρε γεωργέ διδαγμάτων τῆς πίστεως
χαῖρε φυτουργέ πολιτείας τῆς κρείττονος
χαῖρε ἅρμα θείου Πνεύματος Εὐαγγελιστά σοφέ
χαῖρε σκεῦος πάσης χάριτος οὐρανίων παροχεῦ
χαῖρε θεηγορίας οὐρανίου πλημμύρα
χαῖρε θεολογίας Ὀρθοδόξου κινύρα
χαῖρε Χριστόν κηρύξας τοῖς ἔθνεσι
χαῖρε πιστούς τειχίσας τοῖς δόγμασιν
χαῖρε ψυχῶν μυστικέ οἰκονόμε
χαῖρε Χριστοῦ Μαθητά θεηγόρε.
Χαίροις μάκαρ Ἀπόστολε.
Στόματι θεοπνεύστη, ὑπερόριος πέλων, ἐν Πάτμῳ
Θεολόγε θεόφρον, τό Εὐαγγέλιον τῆς ζωῆς διατυποῖς καί τήν
ἄναρχον γέννησιν, Χριστοῦ κηρύττεις Ἅγιε, τῇ ἀνάρχῳ Τριάδι
ψάλλων.
Ἀλληλούϊα.
Τόν Ὑπέρθεον Λόγον, σύνθρονον θεολόγε, κηρύττων
τῷ Πατρί ἀνακράζεις· Ἐν ἀρχῇ ἧν ὁ Λόγος, καί ὁ Λόγος ἧν
πρός τόν Θεόν, καί Θεός ἧν ὁ Λόγος· διό τοῖς λόγοις σου
ἑπόμενοι, σοί ἐκβοῶμεν·
χαῖρε τοῦ Λόγου εὔστοχον στόμα
χαῖρε τῆς χάριτος ἄγρυπνον ὄμμα
χαῖρε τήν τοῦ Λόγου κηρύττων Θεότητα
χαῖρε τῶν ἀφρόνων αἰσχυνών τό φρόνημα
χαῖρε Πατρός Υἱοῦ καί Πνεύματος κῆρυξ ὁ περιφανής
χαῖρε μυστογράφος ἔνθεος τῆς Τριάδος τῆς σεπτῆς
 8

χαῖρε θείων δογμάτων ἱερός καλλιγράφος

χαῖρε πᾶσι βραβεύων τό θεόσδοτον κράτος
χαῖρε χοροῦ Ἀποστόλων καύχημα
χαῖρε πιστῶν ἀκράδαντον ἔρεισμα
χαῖρε πηγή θεοβρύτων ναμάτων
χαῖρε ἡμᾶς θλιβερῶν ἁπαλλάτων
Χαίροις μάκαρ Ἀπόστολε.
Ὕμνοις ἀνευφημοῦντες, τήν δοθεῖσάν σοι χάριν,
Ἀπόστολε Χριστοῦ θεηγόρε, ἐλάμβανον ἐν πίστει θερμῇ, τό ἐκ
τοῦ τάφου σου ἀναβλύζον μάννα, εἰς ἰάσιν καί λύτρωσιν
πάσης θλίψεως οἱ βοῶντες·
Ἀλληλούϊα.
Φίλος ὤν καί οἰκεῖος, καί μάλα ἠγαπημένος, ὡς
ἐπιστήθιος τῷ Σωτήρι, δυσώπει Θεολόγε ἀεί, πάσης ἀνάγκης
καί θλίψεως ρύεσθαι τήνδε, τήν σεπτήν Καλύβην σου, ἐν
εὐλάβειᾳ σοι βοῶσαν·
χαῖρε Κυρίω ἠγαπημένος
χαῖρε πλουσίως δεδοξασμένος
χαῖρε Μαθητά τοῦ Χριστοῦ ἐπιστήθιε
χαῖρε θεολόγε τῶν ἄνω θεόσοφε
χαῖρε βίον τόν ἰσάγγελον ὁ βιώσας ἐπί γῆς
χαῖρε δόξαν ἀκατάληπτον ὁ εὐρών ἐν οὐρανοῖς
χαῖρε ὅτι πηγάζεις ἐκ τοῦ τάφου σου μάννα
χαῖρε ὅτι βλυστάνεις τό οὐράνιον νᾶμα
χαῖρε τῶν σῶν τεκνίων τό στήριγμα
χαῖρε τῶν σέ ποθούντων τό ὕμνημα
χαῖρε Καλύβης σου ὁ μέγας προστάτης
χαῖρε ἠμῶν συνοχεύς τῆς ἀγάπης
Χαίροις μάκαρ Ἀπόστολε.
Χάριν ἄνωθεν δίδου καί ἀντίληψιν θείαν, ἀεί καί
πατρικήν προστασίαν, τούς ἐν τή παρούσῃ σου Καλύβῃ
μονοτρόπως τόν βίον διανύοντας Ἰωάννη μακάριε· ἐν σοί γάρ
 9

χαίρουσι βοῶσοι·
Ἀ λ λ ηλούϊα.
Ψάλλοντές σου τούς ὕμνους, ἀνυμνοῦμεν σε πάντες, ὡς
μέγαν τοῦ Χριστοῦ μυστολέκτην, Ἰωάννη σοφέ Μαθητά, τήν
σήν βοηθείαν ἐπιβοώμενοι, ἥν δίδου ἡμῖν πάντοτε, τοῖς
ἀπαύστως σοι ἐκβοῶσι·
χαῖρε βροντῆς ὁ ἔνδοξος γόνος
χαῖρε πιστῶν ὁ ἄκλυτος ὅρμος
χαῖρε τῆς Ἐφέσου καί Πάτμου τό καύχημα
χαῖρε τῆς Μονῆς σου τό μέγα διάσωσμα
χαῖρε ἀντιλήπτωρ κράτιστος εὐλαβῶν μοναζουσῶν
χαῖρε καθαιρέτης τάχιστος ἐπιβούλων δυσμενῶν
χαῖρε τῆς Ἐκκλησίας ἀκατάσειστος στῦλος
χαῖρε τῶν σέ ὑμνούντων φαεινότατος λύχνος
χαῖρε δι' οὗ παθῶν λητρωθήσομαι
χαῖρε δι' οὗ φωτός πληρωθήσομαι
χαῖρε πιστῶν πρός τόν Κτίστην μεσίτης
χαῖρε καμοῦ ἀρωγός τε καί ρύστης.
Χαίροις μάκαρ Ἀπόστολε.
Ὤ σοφέ Θεολόγε, Ἰωάννη θεόφρον, Μαθητά Χριστῷ
Ἠγαπημένε, δέχου ἡμῶν ἀεί τάς φωνάς, καί τήν θερμήν σου
πάρεχε βοήθειαν, ἡμῖν τοῖς καταφεύγουσι, τῇ σκέπῃ σου καί
ἐκβοῶσιν·
Ἀλληλούϊα.
Καί αὖθις τό Κοντάκιον·
Τῇ Ὑπερμάχῳ
Ὡς ἐν τῷ στήθει τοῦ Χριστοῦ πιστῶς ἀνέπεσας
θεολογίας ἐμυήθης τά ἀπόρρητα
Ἰωάννη Θεολόγε Ἠγαπημένε.
Ἀλλ' ὡς πλήρης φωτισμοῦ τοῦ ὑπέρ ἔννοιαν
καταλάμπρυνον ἡμᾶς φωτί τῆς χάριτος
 10

Τούς βοώντας σοι, χαίροις μάκαρ Ἀπόστολε.