Dubinan East, Santiago City-3311, Philippines T.P. 2022-2023
Lakbay Sanaysay (Khenjie V. Reformina at Bernard Shem Alipio)
“Sana Nandito Ka”
Ang Baguio City ay kilala bilang "Summer Capital of the Philippines", dahil sa malamig nitong klima. Kaya naman madalas ay dinadayo ito ng mga turista. Ang mga tourist spots na ito ay ang madalas pinupuntahan. Ilan lamang yan sa mga dinadayo dito. Bilang isang pilipino ay gustong-gusto ko at ng partner ko na makapunta rito upang makita kung bakit nga ba talaga ito dinarayo ng mga turista mula sa iba’t ibang bahagi ng Pilipinas at pati na rin mga turista mula sa banyagang bansa. Mula sa mga bidyo na aking napapanood sa internet ay mas nananabik ako na makapunta sa lungsod na ito. Ngunit alam kong malabo itong mangyari lalo na at ayaw itong puntahan ng aking pamilya sa kadahilanang malamig dito at prone sa mga natural disasters. Natatakot sila na pumunta rito dahil sa panganib na maaaring mangyari. Ngunit ako ay nabigyan ng pagkakataon upang makapunta rito, noong Marso 10, 2023, pumunta ako at ang mga kaklase ko sa Baguio City upang mag-entrance exam sa Saint Louis University o SLU. Kami ay lumiban sa klase noong Biyernes na iyon upang maghanda sa Entrance Examination namin. Lubos akong nagalak sa pagkakataon na ito sapagkat maliban sa nakapunta ako sa Baguio City ay nakapunta rin ako rito kasama ang aking mga kaibigan at hindi mga matatanda na maraming pagbabawal. Sa kabilang banda, ang aking partner naman ay nakapunta siya sa Baguio City noong Mayo 2018 kasama ang kanyang pamilya upang magbakasyon at magrelax sa mga magagandang tourist spot sa Baguio City. Noong Marso 10, 2023. Ang una naming pinuntahan sa lungsod na ito ay ang Burnham Park. Matatagpuan ito sa sentro ng Baguio. Madalas na pasyalan ito dahil sa iba't ibang aktibidad tulad nalang ng boating, biking, skating, tennis at iba pa. Mayroon din ditong palaruan para sa mga bata, ang Children's Park. Dito rin matatagpuan ang Rose Garden kung saan makikita ang Dancing Fountain. Dito ang una naming pinuntahan dahil hindi pa kami maaaring pumunta sa aming pagtutuluyan. Dahil alas dos pa ng hapon kami maaaring pumunta doon, ngunit nakarating na kami sa Baguio madaling araw pa lamang. Pagkatapos naming kumain ay pumunta na kami sa Burnham Park at iniwan ang aming mga gamit sa isang gilid. Kami naman ay naglibot-libot muna, una naming pinuntahan ay ang lugar kung saan maaaring magrenta ng Go Kart. Sa loob ng labing tatlong minuto ay nag-go kart lamang kaming tatlo at ang iba naman ay kumakain ng strawberry taho habang naghihintay. Masaya ako sa pag-go kart sapagkat parang nakalimutan ko ang aking mga problema sa paaralaan, at ang tanging iniisip ko lang ay ang pagmaneho ng Go Kart na iyon. Maliban sa katotohanang ako ay nakapag- ehersisyo ay naging maayos at payapa rin ang aking iniisip. Pagkatapos namin sa Burnham Park ay pumunta na kami sa The Half House by Elmar Cabin kung saan kami pansamantalang tutuloy. Sa tuwing napapatingin ako sa aking paligid naiisip ko ang saya at tawanan nating dalawa kung tayo ay magkasama. Paano nalang kaya kung nandito ka sa tabi ko ngayon at magkasama nating libutin ang burnham park? Alam kong mas masaya ang aking karanasan kung kasama kita sa mga bawat sandaling iyon. At noong taong Mayo 2018, ihayag naman natin ang karanasan ng aking partner. Sa unang araw, inihanda na namin ang aming mga sarili upang puntahan ang aming agenda sa Baguio City. Una naming pinuntahan ang Burnham Park kung saan kami ay nagboating kasama ang pamilya at namasyal sa mga iba’t ibang kuwarda. Dito ako namangha dahil andaming mga bilihan ng mga pagkain, damit, alahas, anting-anting, at iba pa. Ako ay masaya sa puntong iyon dahil nakapunta ako sa isa sa mga sikat na lugar sa Baguio City. Pangalawang lugar na pinuntahan namin ay sa Mines View Park kung saan ay may napakagandang tanawin na naghihintay sayo, pangalan palang ng park ay malalaman mo na mayroon itong magandang tanawin na sikat sa mga turista. Dito ko rin unang natikman ang tinatawag nilang signature strawberry taho, at masarap naman talaga ang kanilang strawberry taho. Marami ring mga kuwarda ang makikita rito lalo na ang mga bilihan ng pagkain, pasalubong, damit, at iba pa. Pagkatapos ng aming pamamasyal kami ay bumalik na sa Teacher’s Camp para magpahinga at kumain. Sa mga oras na ito napapaisip nalang ako kung may pagkakataon kaya akong makapunta ulit kasama ang mahal ng aking buhay, magkakaroon kaya ako ng pagkakataong magawa ang mga masasaya at matatamis na bagay kasama ka sa Baguio City? Sa ikalawang araw namin sa Baguio City, Marso 11, 2023, ay pumunta kami sa Saint Louis University upang mag-entrance examination. Pagkatapos naming mag-entrance examination ay pumunta naman kami sa SM Baguio. SM City Baguio ay isang bakod na shopping mall sa Baguio City sa Pilipinas. Sa isang lugar ng sahig ng 180,331 (m²) (madaling), ito ay ang pinakamalaking shopping mall sa rehiyon. Dahil walang SM sa Santiago ay nanabik kaming maglibot sa SM Baguio kung saan kami ay pumunta sa Miniso, Starbucks, McDonalds at iba pa. Sa ilang bahagi ng mall na ito o ang tinatawag nilang Sky Terrace ay makikita ang bahagi ng Baguio City. Kahit na nakakalula ay nag-eenjoy ako dahil nakikita ang kapaligiran at kalikasan at malamig pa ang hangin. Sa mga ganitong pagkakataon ay nakakalimutan ko ang aking mga problema at mas dinarama ang nakikita at naririnig ko sa mga oras na iyon. At ang tanging hindi ko makakalimutan ay ang aking pamilya at minamahal sa buhay. Sa mga oras na iyon ay iniisip ko na sana ay kapiling ko siya sa lugar na iyon, sa sobrang galak ko ay iniisip ko rin na mas liligaya ako kung siya mismo ay nasa tabi ko rin. Hindi man nabigyan ng pagkakataon sa oras na iyon na makapunta kami sa lugar na iyon na magkasama, ay iniisip ko pa rin na sana sa susunod ay mabigyan na ako ng pagkakataon. Sa kabilang karanasan naman, pagkatapos ng aming pamamasyal kami ay bumalik na sa Teacher’s Camp para magpahinga at kumain. Ngunit, tinawag kami ng pinsan ko na sumama papuntang SM Baguio at kami ay pumayag naman dahil ngayon lang namin ito mapupuntahan. Sa aming pagtapak sa loob ng SM Baguio ay napanganga ako at namangha sa sobrang laki ng mall na ito, sa totoo lang hindi pa namin nalibot ang buong mall pero nawalan na kami ng ganang maglakad dahil sa sobrang lawak nito bago namin naisipan bumili ng mga kailangan pumunta muna kami sa tinatawag na Sky Terrace, dito natin makikita ang magandang tanawin ng Baguio City. Napapaisip nalang talaga ako kung ano ang kasiyahan o kagalakan ang aking mararamdaman kung ang mahal ng aking buhay ay kasama ko sa oras na iyon. Hinihiling ko na balang araw ay makasama ka sa lugar na ito habang magkahawak ang ating kamay at nilalasap ang sarap ng bawat sandali na kasama ka. Sa huling araw ng aking karanasan, ay pumunta muna kami sa Session Road bago umalis. Pangunahing lansangan sa Lungsod ng Baguio kung saan matatagpuan ang halos lahat ng mga negosyo sa Baguio. Sa Session Road makikita ang iba’t ibang taong nagbubusking kung saan pinapakita nila ang kanilang mga talento at nasa mamamayan na kung magbibigay sila sa kanila ng tip o hindi. Mula sa nakikita ko sa Facebook at Tiktok ay nasa Session Road ang mga taong nag- cocosplay, at bilang isang fan ay gustong-gusto ko talaga pumunta rito at makita ang mga tinatawag na cosplayer. At tama nga dahil, higit sa sampo ang aming nakitang cosplayer. Upang hindi namin makalimutan ang panahong iyon ay nagpa-picture pa kami sa kanila. Ngunit, parang may kulang sa mga litratong na iyon. Hindi ko mapigilang isipin na mas masaya ako ko kung tayo ang magkasamang nakipagpicture sa kanila. Balang araw makakasama na rin kita rito sa lugar na ito, alam kong magkakaroon tayo ng pagkakataon na magkasamang masaya at magkakaroon ng mga alaalang hinding hindi natin makakalimutan sa Baguio City. Sa paglibot namin sa Baguio City ay nakita namin ay Cathedral na tinatawag nila. Ito ay ang pinakamalaking simbahan ng mga katoliko sa Lungsod Baguio, na sinasabing matatagpuan sa ibabaw ng isang burol. Pumunta rin kami sa Good Taste Restaurant - Otek Branch, Sky Ranch Baguio, Kennon Road View Point, at siyempre sa Saint Louis University kung saan kami nag-entrance examination. Minsan sa ating buhay kailangan din nating mag-relax at mag-unwind, tulad na lang ng paglalakbay sa mga lugar kung saan hindi pa tayo pamilyar o kaya naman mga lugar kung saan sikat sa ating bansa. Maaari nating makalimutan ang mga problemang ating kinakaharap dahil tayo ay nakapokus sa ating kasiyahan o kagalakan. Marami itong naidudulot sa ating pisikal at emosyonal na aspeto. Makakatulong rin ito sa mga mambabasa na mabigyan ng mga imahinasyon sa mga lugar na nailahad sa lakbay sanaysay at mahihikayat ang mga ito na pumunta sa Baguio City dahil sa mga magagandang tanawin, tradisyon, kultura, at iba pa na ipinakita sa akda. Hindi man kita nakasama sa mga oras na iyon hinihiling pa rin na balang araw makasama kita habang naglalakbay sa iba’t ibang lugar. Gumawa ng alaala na kung saan maaari nating balikan ang masasaya nating pagsasama, mga magagandang tanawin na ating nakita, at ang tamis ng bawat sandaling.