გისურვებთ, განსაკუთრებული ემოციებითა და თავგადასავლებით
სავსე ზაფხულს, ვიმედოვნებ ამ მშვენიერ სეზონს შემეცნებითად
საინტერესოსაც გახდით და მოცემული სიიდან ერთ ნაწარმოებს მაინც (სავალდებულოა!) წაიკითხავთ.
1. ჭაბუა ამირეჯიბი - „დათა თუთაშხია“
საკმაოდ ვრცელი რომანია, მაგრამ არ შეგაშინოთ, ერთი მონაკვეთი უკვე შევისწავლეთ, ამიტომ ვფიქრობ, არ გაგიჭირდებათ. 2. ჯორჯ ორუელი ცხოველების ფერმა 1984 რთული და მძიმე ნაწარმოებებია, თუმცა ეხმიანება ტოტალიტარულ რეჟიმს და შეგიძლიათ დააკავშიროთ და პარალელები ეძებოთ კლასში დამუშავებულ ნაწყვეტთან „მოსე ზამთარაძის ნაამბობი“
3. კონსტანტინე გამსახურდია - „დიდოსტატის მარჯვენა“
რადგან საპროგრამო ნაწარმოებებს თქვენი სურვილით კითხულობთ, ვფიქრობ , ამ დაუვიწყარი რომანის გააზრებაც არ გაგიჭირდებათ. 4. ნაირა გელაშვილი - „ლურჯი სახლი ქალაქ ანთინარში“ ამ საბავშვო წიგნს ქვესათაურად აქვს: „ბავშვებისათვის, მოზარდებისა და გაზრდილებისათვის“. დაუვიწყარი საოცნებო ანთინარი. ვისურვებდი მშობლებიც დააინტერესოთ ამ შესანიშნავი წიგნით. 5. ჯერომ სელინჯერი - „თამაში ჭვავის ყანაში“ (ზოგიერთ გამოცემაში „კლდის პირას, ჭვავის ყანაში“) ღრმა და დაუვიწყარია!
6. თავისუფალი თემა - წაიკითხეთ რაც თავად გაინტერესებთ,
ნებისმიერი ქვეყნისა თუ ჟანრის ლიტერატურიდან, ცხადია ქართულად!