TEORYA NG WIKA

Mga Teoryang Pinagmulan ng Wika

Teoryang Biblikal (Tore ng Babel)

- Ang teoryang ito ay hango sa Bibliya na makikita sa aklat ng Genesis 11:1-8.
- Ayon dito, sinasabing may iisang wika lamang ang ginagamit ng mundo, dahilan upang
ang lahat ng tao ay magkaintindihan sa isa’t isa.
- Naging mapangahas at ambisyoso ang tao. Binuo nila ang Tore(tower) ng Babel sa
paghahangad na maabot ang langit at mahigitan ang kapangyarihan ng Diyos.
- Sinira at pinaguho ng Diyos ang tore. Upang magkawatak-watak at hindi na
magkaintidihan ang mga tao, ginawa Niyang magkaiiba-iba ang wikang ginagamit ng
bawat isa.
- Ito ang nagpapaliwanag kung bakit nagkaroon ng iba’t ibang wika ang mundo.

Teoryang Bow-Wow (Nature Made)

- Nagsimula ang wika dahil sa panggagaya ng tao sa mga tunog mula sa kalikasan.
Ang mga bagay sa kanilang paligid ay pinangalanan nila gamit ang mga tunog na
nililikha nito.
- Hal: TUKO, TIKTILAOK, TWIT-TWIT-TWIT, AW-AW, MIYAWMIYAW, PATAK NG ULAN,
IHIP NG HANGIN

Teoryang Ding-dong (Man Made)

- Ang wika ay mula sa tunog ng mga bagaybagay sa paligid na likha ng tao. Ang
tunog na ding-dong ay kumakatawan sa isang bagay na “door bell”
- Hal: BEEP…BEEP… BEEEPP… TSUG… TSUG… TSUG… DING! DONG! DING!
DONG! CHOO!! CHOO!! TIK-TAK!

Teoryang Pooh-Pooh (Emosyon from human)

- Ang wika ay mula sa bulalas o ekspresyon ng mga tao. Ito ang tunog na biglang
nabigkas ng tao dahil sa kanyang emosyon o damdamin. (saya, takot, sakit, galit,
gulat, lungkot)
- NAKU! YEHEEYY! ARAAYY! HUHU! HAAYY! HALA! HAHAHA!

Teoryang Yo-He-Ho (Exert force sounds)

- Ang wika ay mula sa tunog na nalikha ng tao dahil sa paggamit niya ng kanyang
lakas, gawain, pagkilos, at pwersang pisikal.

Tunog na nabubuo sa:

- pagbubuhat ng mabibigat na bagay
- pagtutulak sa nasirang sasakyan
- pagsasagawa ng karate
- at iba pa…
Teoryang Ta-Ta (Tongue)
- Nakabubuo ng tunog ang tao dahil sa panggagaya ng ating dila sa mga pagkumpas o
paggalaw ng mga kamay. Ang mga tunog na ito ay kalaunang naging mga salita.
Tinatawag din itong ‘ta-tana’ sa wikang Pranses.

Hal:
- rito’y ang pagkumpay ng mga kamay nang paibaba at paitaas kapag nagpapaalam.
- Kapag ang ating dila ay ginalaw nang paitaas at paibaba, tayo ay makabubuo ng tunog
na ‘ta-ta’.

Teoryang Ta-Ra-Ra-Boom-De-Ay (Ritual)

- Ang wika ng tao ay nag-ugat sa mga tunog na kanilang nilikha sa mga ritwal. Ang
mga tunog na ito ay nagpabago-bago at nalapatan ng iba’t ibang kahulugan.
- Likas sa mga sinaunang tao ang mga ritwal. Sila ay may mga ritwal sa halos lahat ng
gawain tulad ng sa pakikidigma, pagtatanim, pag-aani, pangingisda, pagkakasal,
pagpaparusa sa nagkasala, panggagamot, maging sa paliligo at pagluluto.
- Kaakibat ng mga ritwal na iyon ay ang pagsasayaw, pagsigaw at incantation o mga
bulong.
- Ayon sa teoryang ito, ang wika raw ng tao ay nag-ugat sa mga tunog na kanilang
nililikha sa mga ritwal na ito na kalauna’y nagpapabago-bago at nilapatan ng iba’t ibang
kahulugan.

Teoryang Sing-Song (Short and Musical)

- Iminungkahi ni Jesperson, isang linggwista, ang wika ay nagmula sa paglalaro,
pagtawa, panliligaw, pagkausap sa sarili, at iba pang bulalas-emosyunal. Sinasabi rin
niya na ang mga bulalas na ito ay higit na mahaba at musikal.

Teoryang Hey You!

- Hawig ito sa teoryang pooh-pooh. Ayon kay Revesz, ang wika ay bunga ng
pakikipagkontak o pakikipag-ugnayan ng tao sa kaniyang kapwa. Nagmula ito sa mga
tunog na nagbabadya ng pagkakilanlan (Ako!) at pagkabilang (Tayo!).
Napabubulalas din ang tao bilang pagbabadya ng takot, galit, o sakit. Tinatawag ding
teoryang kontak.

Teoryang Yum-Yum (response by mouth in accord position of tongue)

- Katulad ng teoryang ta-ta. Isinasaad ng teoryang ito na ang tao ay tumutugon sa
pamamagitan ng pagkumpas ng alinmang bagay na nangangailangan ng aksyon. Ang
pagtugong ito ay isinasagawa ng bibig ayon sa posisyon ng dila.

Teoryang Mama (Simplest syllables)

- Nagmula ang wika sa mga pinakamadadaling pantig ng pinakamahahalagang bagay.
Halimbawa ng mga sanggol na hindi masasabi ang salitang mother, mommy, inay ngunit
dahil ang unang pantig ng salita ang pinakamahalaga, una niyang nabibigkas ang
mama.
Teoryang Coo-Coo (Sounds babies make)
- Ang wika ay nagmula sa mga tunog na nalilikha ng mga sanggol. Ang mga tunog daw
na ito ang ginaya ng mga matatanda bilang pagpapangalan sa mga bagay-bagay sa
paligid.

Teoryang Babble Lucky (meaningless human utterances)

- Ang wika raw ay nagmula sa mga walang kahulugang bulalas ng tao. Sa
pagbubulalas ng tao, sinuwerte lamang daw siya nang ang mga hindi sinasadya at
walang kabuluhang tunog na kanyang nalikha ay naiugnay sa mga bagay-bagay sa
paligid na kalaunan ay naging pangalan ng mga iyon.

Teoryang Hocus Pocus

- Ayon kay Boeree (2003), maaaring ang pinanggalingan ng wika ay tulad ng
pinanggalingan ng mga mahikal o relihiyosong aspeto ng pamumuhay ng ating mga
ninuno. Maaari raw kasing noo’y tinatawag ng mga unang tao ang mga hayop sa
pamamagitan ng mga mahikal na tunog na kalaunan ay naging pangalan ng bawat
hayop.

Teoryang Eureka
- Sadyang inimbento ang wika ayon sa teoryang ito. Maaari raw na ang ating mga ninuno
ay may ideya ng pagtatakda ng mga arbitraryong tunog upang ipakahulugan sa mga
tiyak na bagay. Nang ang mga ideyang iyon ay nalikha, mabilis na iyong kumalat sa iba
pang tao at nagging kalakaran sa pagpapangalan ng mga bagay-bagay (Boeree, 2003)

Teoryang La-La
- Mga pwersang may kinalaman sa romansa. Ang salik na nagtutulak sa tao upang
magsalita.

Teoryang Wikang Aramean

- May paniniwalang ang kauna-unahang wikang ginagamit sa daigdig ay ang lenggwahe
ng mga Aramean. Sila ang mga sinaunang taong nanirahan sa Syria (Aram) at
Mesopotamia. Tinatawag na Aramaic ang kanilang wika.

Teoryang Ayon kay CHARLES DARWIN

- Nakikipagsalaparan ang tao kung kaya nabuo ang wika. Survival of the fittest,
elimination of the weakest. Ito ang simpleng batas ni Darwin. Upang mabuhay ang tao,
kailangan niya ng wika. Ito ay nakasaad sa aklat na Lioberman (1975) na may pamagat
na “On the Origin of Language”, sinasaad dito na ang pakikipagsapalaran ng tao para
mabuhay ang nagtuturo sa kanya upang makalikha ng iba’t ibang wika.

Teoryang Ayon kay RENE DECARTES

- hindi pangkaraniwang hayop ang tao kung kaya likas sa kanya ang gumamit ng
wika na aangkop sa kaniyang kalikasan bilang tao. May aparato ang tao lalo na sa
 kaniyang utak gayundin sa pagsasalita upang magamit sa mataas at komplikadong
antas ang wikang kailangan niya hindi lamang para mabuhay bagkus magampanan ang
iba’t ibang tungkulin nito sa kaniyang buhay.

Teoryang Ayon kay PLATO

- Nalikha ang wika bunga ng pangangailangan. Necessity is the mother of all invention.
Sa paniniwalang ito, gaya ng damit, tirahan at pagkain, pangunahing pangangailangan
din ng tao ang wika kung kaya’t naimbento ito ng tao.

Teoryang Ayon kay JOSE RIZAL

- Kung lahat ng likas na bagay ay galing sa Poong Maykapal, bakit hindi ang wika?
Naniniwala ang pambansang bayani na kaloob at regalo ng Diyos ang wika sa tao.

Teoryang Ayon kay HARING PSAMMATICHOS

- Sinasabi sa paniniwalang ito na bilang hari ng Ehipto, gumawa ng isang eksperimento
si Psammatichos kung paano nga ba nakapagsasalita ang tao. May dalawang
sanggol siyang pinalaki sa loob ng kuweba at mahigpit na ipinag-utos na hindi ito dapat
makarinig ng anumang salita. Sa tagal ng panahon nakapagsalita raw ng “Bekos” ang
dalawang bata na ang ibig sabihin ay tinapay. Sa maikling sabi, likas na natututuhan ng
tao ang wika kahit hindi ituro.