Gamit ang mapa ng Timog-Silangang Asya at ang compass,

sabihin sa kung anong direksyon mula sa Pilipinas matatagpuan

ang mga isla, dagat o karagatan na nasa ibaba:
1.Philippine Sea
2.Luzon Strait
3.Celebes Sea
4.Moluccas Island

Ang lokasyon at heograpiya ay may kinalaman sa paghubog ng

kasaysayan o kabihasnan sa aspeto ng kultura, relihiyon, pamahalaan,
ekonomiya at sining.

Napakahalagang pag-aralan ang lokasyon ng isang lugar upang

maunawaan kung paano nahubog ang nakaraan o kasaysayan at higit
pang mapapahalaganahn ang kasalukuyan.
Ang Pilipinas ay matatagpuan sa Timog-Silangang Asya. Ito ay nasa
pagitan ng mga latitud 4°23’ at 21°25’ sa Hilaga at sa pagitan ng mga
longhitud 116°00’ at 127°00’ sa Silangan. Tinatawag itong arkipelago
dahil ito’y binubuo ng mga malalaki at maliliit na pulo at
napapalibutan ng tubig o karagatan. Makikita sa silangang bahagi ang
Philippine Sea at Karagatang Pasipiko, Dagat Celebes sa timog,
Timog Dagat Tsina o tinatawag ding Kanlurang Dagat ng Pilipinas sa
kanluran at ang Bashi Channel sa Kipot ng Luzon sa Hilaga.
Tinatayang may mahigit sa 7,641 mga pulo ang Pilipinas at nahahati
ito sa tatlong pangunahing mga pulo ng Luzon, Visayas, at Mindanao.

Real-talk: Gumawa ng sanaysay sa paksang nasa ibaba. Iugnay ito

sa napag-aralan tungkol sa lokasyon o heograpiya ng bansa.
Sa totoong buhay, sinu-sino ang nagbibigay direksyon para makamtan
mo ang iyong pangarap? Talakayin ang mga papel na ginampanan nila
sa iyo patungo sa rurok ng iyong tagumpay.

Sagutin ang mga sumusunod na tanong. Isulat sa inyong

kwaderno ang inyong mga sagot.
1.Ibigay and absolute na lokasyon ng Pilipinas.
2.Ilan ang kasalukuyang pulo ng Pilipinas?
3.Ano ang mga tatlong pangunahing pulo ng Pilipinas?
4.Anu-ano ang mga karatig bansa ng Pilipinas sa Timog-
Silangang Asya? Gamitin ang inyong mapa.