Professional Documents
Culture Documents
არჩევნები კაზუსი 1
არჩევნები კაზუსი 1
არჩევნები კაზუსი 1
კაზუსი #3
2020 წლის 31 დეკემბერს საქართველოში ჩატარდა მორიგი საპარლამენტო არჩევნები.
შედეგების გამოქვეყნებამდე არჩევნებში მონაწილე ოპოზიციურმა პარტიებმა პროტესტი
გამოხატეს არჩევნების ჩატარების თაობაზე, კერძოდ, მათი მტკიცებით, არჩევნების პროცესი
არაკონსტიტუციურად წარიმართა და შედეგები ვერ იქნება ლეგიტიმური. ოპოზიციისვე
მტკიცებით, არჩევნებში მონაწილეობის მიღების საშაულება არ მიეცა არცერთ საარჩევნო
სუბიექტს - არც პოლიტიკური პარტიის წევრებს და არც მაჟორიტარობის კანდიდატებს იმ
საფუძვლით, რომ პასიური საარჩევნო უფლების გამოყენებასთან ერთად დაუშვებელია ასევე
გამოყენებული იქნას აქტიური საარჩევნო უფლებაც. ამასთან, ქ. თბილისში, მაჟორიტარული
წესით ჩატარებულ არჩევნებში ვერ გამოვლინდა გამარჯვებული, რადგან ვერცერთ
მაჟორიტარულ ოლქში ვერცერთმა კანდიდატმა ვერ გადალახა 50%-იანი ბარიერი.
შესაბამისად, ცესკოს გადაწყვეტილებით, თბილისის ყველა მაჟორიტარულ ოლქში დაინიშნა
შუალედური არჩევნები, სადაც მონაწილეობა უნდა მიეღოთ ყველაზე მაღალი შედეგის მქონე
ორ-ორ კანდიდატს. პარალელურად, ქვეყანაში მნიშვნელოვნად გაიზარდა კოვიდ 19-ით
ინფიცირებულთა რაოდენობა, უკიდურესად მაღალი მაჩვენებელი დაფიქსირდა ასაკოვანი
ადამიანების გარდაცვალებასთან დაკავშირებით. საქართველოს მთავრობამ იმსჯელა
არსებულ მძიმე რეალობაზე და მიიღო შემდეგი შეზღუდვა: არჩევნებში მონაწილეობას ვერ
მიიღებენ 70 წელს გადაცილებული საქართველოს მოქალაქეები, მათი სიცოცხლისა და
ჯანმრთელობის დაცვის მიზნით.
საბოლოოდ, სანამ არჩევნების შედეგები ოფიციალურად გამოქვეყნდებოდა,
მასობრივი სამოქალაქო პროტესტის ფონზე არჩევნების შედეგების აბსოლუტური
უმრავლესობა გააბათილა საკონსტიტუციო სასამართლომ. შედეგად, საქართველოს
ხელისუფლებამ დანიშნა რიგგარეშე არჩევნები. მიუხედავად ამისა, ოპოზიციური პარტიები
აგრძელებდნენ პროტესტს ქუჩაში მანიფესტაციის გამართვით, ამდენად, ქ. თბილისის
საქალაქო სასამართლოს მიმართეს ერთ-ერთი პარტიის - ქართული მარშის, რომლიც არ
წყვეტდა პროტესტს, აკრძალვის მოთხოვნით. სასამართლომ დააკმაყოფილა მოთხოვნა და
აკრძალა პარტია არაკონსტიტუციურად მოქმედების საფუძვლით.