Republic of the Philippines

Cagayan Valley Computer and Information Technology College

Epekto ng Stress sa Pag-Aaral

Isinulit ni:

Erika Joy Gamit

STEM 11-MALIKSI

October 18, 2023

 KABANATA I

INTRODUKSYON

Mula sa bahay, opisina, paaralan o kahit saan na pwedeng puntahan ay siguradong

walang ligtas sa stress. Ang stress ay isang namumuong tensyon sa isang bagay na nararanasan

ng bawat indibidwal. Alinsunod sa pag-aaral ni Jaff-Gill et al. (2007) ang stress ay magkakaiba

sa iba’t-ibang indibidwal at meron itong maraming sanhi. Merong stress na likas na nararanasan

dahil sa init ng araw at likas na kalamidad, meron namang stress na galing sa iban't ibang uri ng

problema. Ayon sa pananaliksik ni Rios et al. (2010) may mga indibidwal na kung saan ang

stress ay hindi komportable sa kanila ngunit meron namang iba na ito’y kinasasaya pa.

Karamihan ng tao ang tingin sa stress ay isang negatibong bagay ngunit sa iba naman ito ay

isang opotunidad upang mapatunayan ang kanilang sarili.

Ang mga studyante ay hindi nalalayo sa ganitong suliranin. Ang stress ay isang

karamdaman na nalilikha kapag kumikilos ang bawat indibidwal bilang reaksyon sa isang

pangyayari. Ayon kay Lyness (2007) ito ay isang paraan ng katawan para hamunin ang bawat

indibidwal sa sitwasyong kinakailangan na may halong pokus, lakas, at pagkaalisto. Karamihan

ng gawain sa paaralan ay may mga limitadong oras kaya naman ang mga studyante ay dito

tinutuon ang tensyon at nabubuo ang tinatawag na stress.

Nakakaapekto ang stress sa pisikal at mental na pagkilos ng mga studyante (Stupart,

2018). Sa katulad na pag-aaral ni Stupart (2018) ang mga studyante na nakakaranas ng mataas na

lebel ng stress ay maaring magulo ang pagsasaayos ng kanilang mga mithiin at prayoridad. Sa
pagtaas ng lebel ng stress ay ang pagbaba naman ng kalidad ng studyante sa pag-aaral gayun din

sa iba pang gawain.

Kaya naman isinagawa ang pananaliksik na ito upang makapagbigay ng impormasyon sa

epekto ng stress sa pag-aaral ayon sa persepsyon ng mga mag-aaral.

Ang stress ay nagiging sagabal sa pag-aaral dahil sa mga epektong dulot nito sa mga

mag-aaral. Ito ang nararamdaman ng mga mag-aaral dahil sa bigat ng mga gawain sa bawat

asignatura at proyekto. Ito rin ay tumutukoy sa kawalan ng balanse sa pagitan ng isang

pinaghihinalaang pangangailangan at ang abilidad ng nakakaranas nito na umaksyon dito. Ang

epektong sikolohikal ng stress sa mga mag-aaral ay epekto sa pag-iisip, ang kahirapan sa pag-

iisip ng mabuti, pagiging makakalimutin, kawalan ng pagiging malikhain, paggawa ng mga

desisyon, at ang pagkawala ng kakayahang makita ang bagay na kapakipakinabang sa mga

gawain (Bagalayos, 2014).

Ayon kay Pope D. (2016) pare-pareho lamang ang mga dahilan na dinaranas na pagka-

stress ng mga mag-aaral na maaaring hatiin sa tatlong aspeto: sa personal na buhay, sa pag-aaral,

at sa kalusugan. Ayon sa mga pag-aaral, ang agad-agad na epekto ng stress sa pag-aaral ay ang

pagbaba ng kalidad ng “short-term memory”, partikular nito ang “verbal memory”. Ang

dalawang suliranin na dulot ng stress sa mga mag-aaral na kasalukuyang nangyayari ngayon ay

ang mga sumusunod: una ay nauubos ang oras ng mga estudyante sa kanilang pamilya at

kaibigan dahil sa patong-patong na gawain sa paaralan at ang pangalawa ay nagdudulot ito ng

iba't-ibang uri ng sakit. Isang halimbawa ay ang depresyon na kasalukuyang kinakaharap ngayon

ng maraming kabataan.
Kahalagahan ng Pag-aaral

Sa pananaliksiik na ito ay layon na malaman ang mga epekto ng stress sa pag-aaral ng

mga mag-aaral. Ang mga magiging resulta at kalalabasan ng pag-aaral na ito ay magiging

kapaki-pakinabang para sa mga sumusunod:

Mga apektadong mag-aaral, dahil mismo ang pag-aaral na ito ay nakatuon sa mga mag-

aaral, maari nilang malaman kung ano ang mga sanhi, bunga at kung paano masosolusyunan ang

pagka-stress.

Mga magulang, maaring maging batayan ang mga nakalap na impormasyon sa

pananaliksik upang malaman ng mga magulang kung nakakaranas ba ang kanilang mga anak ng

pagka-stress.

Mga guro, bagamat nakakaranas din ang mga guro ng stress ay maari din nila itong

gawing batayan kung paano nila mapapababa ang lebel ng stress ng mga mag-aaral. Sa magiging

resulta ng pananaliksik ay maari nila itong ituro sa kanilang mag-aaral.

Mga Layunin

Ang pag-aaral na ito ay naglalayong suriin ang mga iba’t-ibang epekto ng stresss sa pag-

aaral ng mga mag aaral ng Manuel S. Enverga University Foundation. Upang maging tiyak, ang

pag-aaral na ito ay naglalayong:

1. Malaman ang karaniwang dahilan ng pagka-stress ng mag-aaral

2. Maunawaan ang iba’t-ibang epekto ng stress sa pag-aaral

3. Mailarawan ang mga epekto ng stress sa pag-aaral ng mga mag-aaral

4. Mailahad ang mga paraan ng mga mag-aaral kung paano nila nalampasan ang stress

Depinisyon ng mga Termino

Short-term Memory abilidad ng utak na memoryahin sa maliit na panahon

Verbal Memory abilidad na matandaan ang mga salita

Depresyon isang mental na sakit na maaring mauwi sa kamatayan

Vital Organs halimbawa nito ang puso at mga litid

Sexual Organs halimbawa nito ang pribadong parte ng katawan ng babae at lalake

Hear rate lebel kung gaano kataas ang presyon ng puso ng isang tao

Blood pressure lebel kung gaano kataas ng presyon sa dugo

Stroke volume sukat ng dugo na inaangkat sa kaliwang parte ng puso

Respiratory sistema na may kinalaman sa paghinga

Personal pampersonal na isyu

Environmental kapaligirang isyu

Academic pampaaralang isyu

Robot era panahon ng mga kompyuter

Internal pressure pampersonal na tensyon tulad ng problema sa pamilya

External pressure pangkapaligiran tulad ng komunidad

Lack of preparation kawalan ng paghahanda sa pagsusulit

General Point Average kabuuang grado ng isang mag-aaral

Sanhi ng Stress

Sanhi ng stress, sinasabi na ito ang mga dahilan kung bakit nararanasan ng bawat mag-

aaral ang stress na nagdudulot ng paghirap sa isang gawain o mithiin. Maraming sanhi ang

stress. Alinsunod sa pananaliksik nina Essel & Owusu (2017) may tatlong dibisyon ang sanhi ng

stress at ito ay ang personal, environmental, at academic na salik.

Ang pampersonal na salik ng stress ay mayroong maraming paraan upang maapektuhan

ang isang mag-aaral sa pang-akademikong pag-aaral (Essel & Owusu, 2017). Pumapasok sa

pampersonal ang pagbago-bagong pamumuhay sa nakasanyang lugar, pagbabago sa pagtulog,

pagkakaruon ng bagong responsibilidad, kawalan ng pera, pagsasabay ng trabaho at pag-aaral,

problema sa kalusugan, at hindi pagkain ng tama. Binigyang paliwanag nina Essel & Owusu na

ang pababago ng pamumuhay sa nakasanayan na ng mag-aaral ay maaring makaapekto sa pag-

iisip nito dahilan sa panibagong kapaligiran sa dati nitong nakagisnan at maaring mag dulot ng

stress, nakakaapekto sa isang mag-aaral ang pagbabago sa pagtulog nito dahil maaring hindi ito

komportable sa kaniya at magdulot ng pagkaantok sa klase na maaring mag dulot ng mababang

grado, ang pagkakaruon ng bagong responsibilidad ay matabunan nito ang mga gawain para sa

paaralan na magdudulot para mas lalo pang damihan ng purwersa sa pag-aaral ng mag-aaral,

kawalan ng pera, karamihan sa mga mag-aaral ay nakadepende dito dahil pag walang pera ang

mag-aaral hindi sila makakapunta sa paaralan at hindi sila makakakain sa paaralan at ito ay

maaring mag dulot na tinatawag na stress. pagsasabay ng trabaho at pag-aaral, kapag walang

pera ang mag-aaral hahanap ito ng pagkakakitaan upang makapasok ngunit kasabay nito ang

pag-aaral, mas maraming gawain mas maraming puwersa na kinakailangan na mag dudulot ng
stress, ang hindi pagkain ng tama, ito ay maaring magdulot sa pagiging hindi malusog ng isang

mag-aaral at magdudulot ng masamang gawa sa paaralan na mag dudulot ng mababang grado at

stress. Ang mga salik na ito ay nakadepende sa perception, kilos, at pag-uugali ng bawat

indibidwal (Essel & Owusu, 2017).

Sinabi rin nina Essel & Owusu na ang mga sanhi na nagmumula sa akademikong pag-

aaral ay ang pagdami ng gawain, pagbaba ng grado, pagdami ng oras sa pag-aaral, kahirapan

umintindi ng lengwahe, at pagsusulit. Ang pagdami ng gawain ng isang mag-aaral ay maaring

maging resulta ng pagiisip ng sobra at humantong sa pagka-stress. Pagbaba ng grado, bawat

mag-aaral ay gusto magkaruon ng mataas na grado at ito ay inaasahan ngunit kapag hindi ito

nakuha ng mag-aaral at taliwas sa inaasahan nito maaring isipin ng mag-aaral kung paano

nangyari ang bagay na iyon at humantong sa sobrang pag-iisip at maging resulta ng pagka-stress.

Pagkakaruon ng sobrang oras sa pag-aaral higit pa sa inaasahan ay maaring mawalang interes

ang mag-aaral sa pag-aaral dahil mismo ang personal na oras nila ay ginagamit nila sa pag-aaral

na dapat ay para sa sarili nila. Hirapan sa pag-intindi ng lengwahe, ayon kina Binder & Smith

(2013) ang pagkakaruon ng kasanayan sa lengwahe ay makakatulong sa malalim na pagkatuto at

pagkahasa ng isang indibidwal, ito mismo ang susi para magkaruon ng paghahatid ng

impormasyon at regulasyon sa kognitibong proseso sa pag-iisip. May malaking salik ang

lengwahe sa isang mag-aaral dahil meron itong malawak na impluwensya sa buhay ng mag-

aaral. Ang lengwahe ang susi para makapag-komunikasyon ang mag-aaral ng libre, kapag hindi

masyadong nakakaintindi ang mag-aaral sa lengwaheng ginagamit sa pang-akademikong pag-

aaral ay maari itong maging malaking hamon para sa buhay niya at mabuo ang stress. Pagsusulit,

may tatlong uri ng salik ang naidudulot na stress ito ay ang external pressure, internal pressure,

at lack of preparation (Roussos, n.d.). External pressure o presyon na nagmumula sa paligid,

halimbawa nito ang mga ekspektasyon ng magulang at guro sa kanilang mga anak o mag-aaral

(Roussos, n.d.). Kaya nagiging pokus ng mga mag-aaral ang pag-aaral at nabubuo ang tensyon.

Isa pang halimbawa kapag skolar ang mga mag-aaral, kailangan nitong isaayos ang kanilang

pag-susulit upang hindi wala ang skolar nila. Magiging isang kompetisyon ang pag-aaral ng mga

mag-aaral na maaring magdulot sa kanila ng pagkabalisa hanggang sa humantong sa stress.

Internal pressure o presyon na nagmumula sa sarili ito ay nangyayari sa tuwing ang isang mag-

aaral ay nababahala sa kalalabasan ng pagsusulit (Roussos, n.d.). Kung gusto ng isang mag-aaral

ng mahusay na kalalabasan, ang pangit na kalalabasan ay maaring magdulot ng pagkabalisa sa

mag-aaral. Kapag nag-isip ng sobra ang mga mag-aaral tungkol sa kahirapan ng pagsusulit at

kung ano ang magiging resulta nito, maari itong maging sanhi upang magkaruon ng stress ang

mag-aaral. Lack of preparation o kakulangan sa paghahanda, ito ay ang pakiramdam na hindi

sapat ang mga bagay na dapat kinakailangan sa isang pag-susulit, pagkakaba, at pagkabalisa na

babalot sa isip ng mga mag-aaral hanggang sila ay makapagsulit. Halimbawa nito ang

kakulangan sa pagtulog bago ang pagsusulit, malaki ang epekto ng kakulangan sa pagtulog ang

maaring maapektuhan nito ang pagdedesisyon, koordinasyon at reaksyon sa oras.

Epekto ng Stress sa Pag-aaral

Ayon kay Lumontod (2017) dahil sa stress bumababa ang kalidad ng mag-aaral sa pag-

aaral, kaya naman sila ay nagiging bigo. Ang pagkabigong naramdaman ay maaring maging

resulta pa ng panibagong problema sa emosyon. Alinsunod kay Lumontod (2017) na sinabi ng

Mayo Clinic ang stress ay nagpapataas sa level ng pagka-irita,pagkagalit, at paglayo sa kapwa.

Ang galit na mag-aaral ay hindi lang sa guro maari magpakita ng galit kundi sa iba pa nitong

kapwa mag-aaral (Lumontod, 2017).

May negatibo at positibong epekto ang pagka-stress, sinabi ni Lumontod na ang stressed

na mag-aaral ay maaring hindi makapagpokus sa mga gawain, at merong itong mataas na

posibilidad na mag drop-out sa eskwela. Sa magkaibang pag-aaral naman, sinabi dito na para

malaman ang iba pang relasyon ng stress sa pag-aaral ay kailangan magsagawa ng panibagong

pananaliksik, at ang naging resulta ay positibo, na ang stress ay merong magandang dulot sa pag-

aaral ng mga mag-aaral (Elliot et al., 2005; Choi, Abbott, Arthur & Hill, 2007).

Ang lahat ng problema na may banta sa bawat indibidwal ay matatawag na problema.

Sinasabi ng karamihan ang stress kapag ang sitwasyon ay sumusobra na. Ayon kay Nordqvist

(2009) “sinisimulan nating mag-isip kung kakayanin ba nating gawin ang bagay na sobra at

lampas sa ating kapasidad.” Ang stress ay ang katotohanang kailangang harapin ng mga mag-

aaral sa araw-araw ng kanilang pamumuhay. May mga sitwasyon na kung saan mararamdaman

ng mag-aaral ang mga stressor o ang mga bagay na ang bubunga ng stress at makaramdam ng

walang pagtulong mula sa iba. Karamihan sa tao ang tingin sa stress ay ang pagkabigo sa isang

bagay tulad ng pagkawala ng trabaho o karamdaman (Centre, 2010). Ang iba naman ay ang

tingin sa stress ay ang isang pagbabago sa katawan ng bawat indibidwal sa pag-iisip, pag-uugali,

at pagbabago ng katawan o di kaya pag-iisip ng sobra.

Paraan para Malampasan ang Stress

Meditation o pagmumuni-muni, isa ito sa mabisang lunas upang mabawasan ang pagka-

stress ng isang tao. Ito ay paraan upang linangin sa kaisipan ang pagbabawas ng stress,
pagkabalisa, depresyon, at iba pang negatibong emosyon na nagtatago sa kaisipan ng bawat

indibidwal. Ang pagiging masuri sa pag-iisip ay ang kalidad kung gaano kakontrol ng isang

indibidwal ang kasalukuyan nito, na hindi nag-iisip ng sobra o ang pag-intindi sa mga karanasan

na naganap. Hindi ang pag-aalala sa magiging hinaharap o hindi pagmulat sa nakalipas, ang

masuring pag-iisip na pagmumuni-muni ay nililipat nito ang pokus ng isang indibidwal sa kung

ano ang nangyayari ngayon. Ang pagmumuni-muni habang masuring nag-iisip ay hindi katulad

ng nilalayo moa ng sarili mo sa iba.

Ginagamitan ito ng pagsisikap para mapanatili ang konsentrasyon at para mabalik ang

pag-iisip sa kasalukuyan kapag ang isip ay nagsimulang mag-isip ng ibang bagay. Ang masuring

pag-iisip kasabay ng pagmumuni-muni ay may malakas na potensyal na panglunas sa

karaniwang sanhi ng stress tulad ng presyon sa oras, distraksyon, alitan, at pampersonal na

bangayan. (Clinic Community Health Centre, January 2010)

Deep breathing o paghinga ng malalim, isang paraan na sobrang dali lang gawin at maari

nang makatanggal ng stress. Ang paghinga ng malalim ay naglalabas ng tensyon sa katawan at

nililinis ang pag-iisip, pinapalakas ang mental na pag-iisip at pisikal na katawan. Ang ehersisyo

na ito ay nakakapagtanggal ng stress. (Clinic Community Health Centre, January 2010)