Ikatlong Markahan - Modyul 4 Mahalagang isaalang-alang ang ilang pamantayan sa pagtatakda ng mithiin.
Kinakailangan na
mayroon kang tinatawag na S.M.A.R.T.A.
Kahalagahan ng Pag-aaral
Natanong mo na ba ang iyong sarili? Ano nga ba ang nais ko? Saan ba ako mahusay? Alin nga ba ang
kinahihiligan kong gawain?
➢ Ang pag-aaral ng mabuti ay isang paraan upang maging matagumpay ang isang tao.
➢ Edukasyon ang maaaring ipamana ng mga magulang sa kanyang mga anak na hindi
mananakaw ng sinoman.
Mga Pansariling Salik sa Pagpili ng Kurso
Mga Pansariling Salik
1. Talento- ang teorya na binuo ni Dr. Howard Gardner na Multiple Intelligences na makatutulong sa
pagbibigay kasagutan kung “Ano ang iyong talino?” kaysa “Gaano ka katalino?.”
2. Hilig - Ito ay ang mga gawain na nagbibigay kasiyahan o kagalakan sa iyo. Higit ang pagbibigay mo
ng atensiyon sa mga gawaing iyong kinahihiligan.
3. Kasanayan (Skills)- Ang ating kasanayan ay higit na mahalaga sa pagpapaunlad ng ating sarili
upang mabuo ang ating mga pangarap.
4. Pagpapahalaga- hindi lamang ito pagpapahalaga sa tao o bagay, bagkus tumutukoy din ito sa
mabuting pag-uugali ng tao na dapat taglayin at pahalagahan.
Mga uri ng pagpapahalaga ayon kay Santa Maria.
• Una, Mga Pagpapahalagang Kaugnay ng Paggawa (Work Values) tulad ng kahusayan
sa paggawa, pagtanggap ng pagbabago at iba pa.
• Ikalawa, Mga Pagpapahalagang Kaugnay ng Pagpapaunlad ng Karera (Career
Values) tulad ng pansariling pag-unlad, pag-angat at iba pa.
• At Mga Pagpapahalagang Kaugnay ng Pakikibahagi sa Lipunan- nararapat lamang na
gumawa ng kabutihan higit lalo sa iyong kapuwa.
5. Mithiin- Ang pagkakaroon ng mithiin ay dapat maging bahagi ng ating paglalakbay sa
buhay dahil ang iyong pangarap ang magdadala sa iyo sa rurok ng tagumpay at kaligayahan.
• Kinakailangan na malinaw sa iyo ang nais mong mangyari sapagkat ito ang magbibigay
sa iyo ng direksiyon sa buhay.
• Mahalaga na may pananagutan sa pagpili ng mithiin.
• Nararapat na isaalang-alang ang pansarili at kapakananan ng kapuwa.
• Tiyak (Specific)- Tiyak ang iyong mithiin kung ikaw ay nakasisiguro na ito ang iyong nais na
mangyari sa iyong buhay.
• Nasusukat (Measurable) – Una, nasusukat ang kakayahang makamit ang mithiin. Pangalawa,
nasusukat mo ang iyong tagumpay sa pagsulong ng panahon patungo sa iyong mithiin.
• Naaabot (Attainable)- Ang mithiin ay makatotohanan, maaabot, mapanghamon at hindi
mahirap gawin.
• Angkop (Relevant)- Marahil na kailangan timbangin ang bawat panig upang makita mo ang
higit na mabuti para sa iyo. Kung ito ba ay naaangkop o hindi.
• May takdang panahon (Time-Bound)- Isipin mo kung gaano katagal mo kayang matupad
ang iyong mithiin.
• Kayang Isakatuparan (Action-Oriented)-Ang pagpapahayag ng tunguhin ay kailanganng
nasa pangkasalukuyang kilos (present tense). Nararapat ding ito ay mga bagay na kaya mong
gawin.
Halaga ng Pag-aaral para sa Pagnenegosyo o Paghahanapbuhay
➢ Ika nga ni San Juan Bosco, “Kung ang mga kabataan ay nabibigyan nang maayos na
edukasyon, magkakaroon ng moral na kaayusan ang lipunan; kung hindi, bisyo at kaguluhan
ang maghahari rito.”
➢ Ang pag-aaral ay isang kilos o karanasan na humuhubog ng isip, asal o pisikal na kasanayan
ng tao.
➢ Ito ay maaaring gamitin sa pagharap ng hamon sa buhay.
➢ Ang edukasyon ang nagsu-supply ng mga kasanayan sa merkado ng industriya.
➢ Ibig sabihin, ang mga nagtapos na may taglay na mga kasanayan ang tutugon sa
pangangailangan ng mga kumpanya sa mga kasanayang ito.
➢ Ang pag-aaral ng mabuti ang mabisang paraan ng paghahanda sa pagkuha ng angkop na
track sa Senior High School na tutugon sa pangangailangang ito ng industriya.
➢ Napakahalaga ng pag-aaral sapagkat nabibigyan ka ng sapat na panahon upang matuklasan
at mapaunlad ang iyong talento, hilig, kakayahan, kasanayan at kung paano mo
malalampasan ang iyong mga kahinaan.
➢ Higit na nakikilala ang iyong sarili tulad ng iyong mga kalakasan at kahinaan.
➢ Malaki ang kaugnayan ng paghahasa ng mga kasanayan at natapos na pormal na edukasyon
sa pagtatagumpay sa merkado sa paggawa.
➢ Ang merkado sa paggawa (labor market) ay ang supply ng mga manggagawa na may
kaugnayan sa mga trabahong mayroon sa industriya.
➢ Sa merkado sa paggawa, mayroong palitan ng impormasyon ukol sa kwalipikasyon,
kasanayan, at heograpikal na lokasyon ng mga manggagawa.
➢ May pagpapalitan din ng impormasyon sa pagitan ng employer at mga naghahanap ng
trabaho tungkol sa mga antas ng pasahod, mga kondisyon ng pagtatrabaho, mga antas ng
kumpetisyon, at lokasyon ng trabaho.
Bagamat natural ang maghangad ng mataas na suweldo, mabuting tandaan ang sumusunod na
elemento sa pagpa-pasiya ng track o kursong kukunin:
1. Nararapat na ang kaalaman at kasanayan ay naaayon sa ninanais na hanapbuhay.
• Mahalagang may alam at magaling ka sa papasukin mong hanapbuhay dahil magpapanatag
ito ng iyong kalooban.
• Alam mong hindi ka magsasayang ng pagod at panahon dahil tatapusin mo ang track o kurso
na angkop sa iyong mga talento at kasanayan.
• Magaganyak kang ibigay ang iyong buong sarili sa iyong ginagawa kung alam mo ang mga ito.
• Magbibigay ito sa iyo ng kasiyahan at magsisikap ka na matapos ang iyong gawain nang
maayos.
• Mahalagang suriin ang sarili kung ano ang trabahong nais mo.
2. Kailangang isaalang-alang kung ang trabahong mapapa-sukan pagkatapos mag-aral sa track
na napili ay may kabu-luhan sa iyo, sa iyong kapuwa at bansa.
❖ Nasasagot nito ang mga tanong na: Kailangan ba ito ng bansa? May kabutihan ba akong
maiaambag kung pipiliin ko? Makatutulong ba ito sa pipiliin mong paraan ng pakikibahagi sa
kapuwa at pamayanan?
✓ Pinakamabuting paraan ang pag-aaral sa pagpili ng track, kurso o karera.
✓ Nalilinang nito ang iyong mga kasanayan na nakatutulong upang mapunta ka sa angkop na
track o kurso.
Samakatuwid, habang maaga ay mahalagang maunawaan mo nang lubos ang kahalagahan
ng pag-aaral upang malinang ang iyong mga talento, hilig at kasanayan.
Mga Istilo ng Pagkatuto
Ayon kay David Kolb, ang bawat tao ay may sariling istilong pagkatuto o learning style.
1. Visual Learning- ito ang paraan ng pagkatuto kung mas naiintindihan at mas naaalala ang aralin
kung binabasa o nakikita ito.
2. Auditory Learning- Mas madaling maunawaan o matutuhan ang aralin kung naririnig ito.
3. Tactile Learning- ito ang paraan ng pagkatuto kung mahilig sumulat at kumilos. Mas maraming
isinusulat, mas maraming natatandaan at nauunawaan.
4. Multimodal Learning- dalawa o higit pa na mga istilo ng pagkatuto ang ginagamit.
Pagbuo ng Career Plan
➢ Ayon sa PBAS PROGRAMA, mahalaga ang pagkakaroon ng plano sa pang-araw-araw na
pamumuhay ng isang tao.
➢ Ang plano ang tumatayong sandigan ng mga desisyon bunga ng mga hindi inaasahang
pagbabago sa buhay.
➢ Kapag ikaw ay mayroong plano sa buhay ay magkakaroon ka ng layunin.
➢ Ito ay mabisang inspirasyon upang maabot o matupad ang layuning nakasaad sa ginawang
plano.
➢ Makatutulong ito upang maging tiyak ang iyong mga aksiyon patungo sa mga layunin na nais
mong makamit.
➢ Mahalagang magkaroon ng isang malinaw na plano ukol sa karera ang mga nagdadalaga at
nagbibinatang katulad mo.
➢ Makatutulong ito upang maging tiyak ang iyong mga aksiyon patungo sa mga layunin na nais
mong makamit.
➢ Ang pagpaplano ukol sa karera (career planning) ay kinapapalooban ng istratehikong
pagpaplano at pamamahala ng isang tao sa kanyang hinaharap na propesyon.
➢ Kasama dito ang pagtatasa sa sarili o pagsaliksik ukol sa sarili upang maunawaan ang sariling
mga kakayahan, lakas at kahinaan at nang sa gayon ay maitugma ang mga ito sa mga
oportunidad sa karera.
➢ Kabilang rin dito ang patuloy na pagpapahusay ng kaalaman at pagpapabuti para sa paglago
sa napiling karera.
➢ Kung ikaw ay hindi pa nakapagplano ukol rito, hindi pa huli na gumawa ng isang plano para sa
iyong sarili.
➢ Ang hinaharap ay puno ng kawalang katiyakan.
Ang pagkakaroon ng isang matatag na plano ukol sa karera ay tulad ng pagkakaroon ng
isang mapa na maaaring maghatid sa iyo saan mo man naising magtungo.