Professional Documents
Culture Documents
Grafiko Baten Iruzkina Ebatzita (Depresio Handia)
Grafiko Baten Iruzkina Ebatzita (Depresio Handia)
Iturria: Hernandez, M; Barquín, R.; Bernardos J. U. eta Santamaría, M. (2014), Prácticas de Historia Económica.
Orientaciones para el comentario y modelos de respuesta. PHE-AEHE nº 21, 140-145 orr.
OHARRA: Iruzkin hau irakasleek egindakoa da (eta ez ikasleek), azterketakoak ez diren baldintza tenporal eta
materialetan. Beraz, azterketan ez da hemen agertzen den zehaztasun maila bera eskatuko (erantzun hau
orientagarritzat hartu behar da soilik). Gainera, praktiketako ariketek edukiei buruzko lanketa pertsonal nabarmena
eskatzen dute eta, beraz, erantzuna emateko hainbat modu daude, batzuetan nahiko desberdinak izan daitezkeenak.
Hori horrela izanik ere, oro har, hemen azpimarratzen diren puntu nagusiak jaso beharko lirateke.
1.- Deskribapena
Grafiko kuantitatibo hau oso ezaguna da, Historia Ekonomikoko liburuetan maiz erreproduzitu baita. Izatez, ezohiko
grafikoa bat da, lehen irakurketa agian konplikatua izan dezakeena, batez ere espiral bat edo armiarma-sare bat
iradokitzen baitigu (1930ko hamarkadan munduko merkataritza harrapatu zuena bezalakoa). Hala ere, ez dauka
aparteko konplexutasunik eta interpretazio nahiko erraza eskaintzen du.
Izenburuak funtsezko datuak ematen dizkigu:
Gaia: munduko merkataritza
Kronologia: 1929ko urtarrila-1933ko martxoa.
Lurraldea: mundua, lagin zabal baten datuek adierazia (75 herrialde, zehaztu gabe).
Iturriari dagokionez, Nazioen Elkartea da egilea, Versaillesko ituna sinatu zuten estatuez osaturiko erakundea.
Nazioen arteko lankidetza indartuz segurtasuna eta bakea bermatzeko asmotan eraiki zen. Iturri ofizial bat den
heinean, informazioa fidagarritzat har daiteke.
Garrantzitsua da akatsik ez egitea irakurtzerako orduan. Grafikoak nazioarteko merkataritzaren bilakaera erakusten
du, milioika dolarretan neurtuta. Zentrotik abiatzen diren hamabi lineak urte bakoitzeko hamabi hilabeteak dira.
Urtarriletik urtarrilera bitarteko itzuli oso batek, erlojuaren orratzen noranzkoari jarraituz, urte bat osatuko luke.
Nahi izanez gero, gutxi gorabeherako neurketa batek hileroko balioak ezartzea ahalbidetuko luke. Adibidez,
lehenengo datuan (1929ko urtarrilean) ardatzaren luzera hartzen badugu (3.000 milioi inguru), eta hirutan zatitzen
badugu, 1.000 milioiko hiru tarte marraztu ditzakegu eta erreferentzia horietan oinarrituta, hilabete bakoitzeko
merkataritza-fluxuaren nolabaiteko hurbilketa bat egin dezakegu. Nolanahi ere, neurri-unitate zehatza baino gehiago
interesatzen zaigu urte horietan munduko merkataritzak izan duen beherakadaren magnitudea (termino
erlatiboetan) ezartzea. Hori egiteko, abiapuntuko urtearen gaineko aldearen balioa kalkulatuko dugu, ehunekotan.
Honen antzeko taula bat geratuko litzateke:
Merkataritzaren balioa (milioi dolarretan)
Urtea Balioa (milioi dolarretan) Diferentzia (milioi dolarretan) Diferentzia (%)
(urtarrila)
1929 2.998
1930 2.739 259 -8,7
1931 1.839 900 -32,6
1932 1.206 633 -34,4
1933 992 214 -17,7
Taula honek aukera ematen digu munduko merkataritzaren eboluzioaren nondik-norakoak hobeto atzemateko:
a) beherakadaren dimentsioa: lau urtetan %67 murrizten da.
b) bere erritmoa: askoz ere larriagoak dira 1931ko eta 1932ko jaitsierak.
Beherakada hori grafiko batean irudikatuko bagenu, holako itxura izango luke:
3500
3000
2500
2000
1500
1000
500
0
1929 1930 1931 1932 1933
Lehen esan dugun bezala, hilabeteroko datuak izango bagenitu (ez urtarrilekoak bakarrik), grafiko horren
errepresentazioa askoz ere zehatzagoa izango litzateke
4.- Analisia
Ideia nagusian eta testuinguruan azpimarratutako elementuei esker, iruzkinaren oinarri diren puntuak antzeman
daitezke:
a) Munduko merkataritzaren gainbeheraren intentsitatea. 1933ko urtarrilean, munduko merkataritza 1929ko
merkataritzaren heren baten baliokidea zen balioari dagokionez. Urte horietan deflazio handia izan zen
(adibidez, Estatu Batuetako prezioen maila 1929koaren %75ekoa zen 1933an), eta grafikoa milioika dolarretan
adierazita dagoenez, merkataritzaren beherakada ez zen grafikoa bezain nabarmena izango. Dena den, kolpeak
izugarria izaten jarraitzen du.
b) Jaitsiera horren erritmoa. Lehen urtean, 1929ko urtarriletik 1930eko urtarrilera, munduko merkataritzaren
murrizketak nahiko arina dirudi: 259 milioi dolar besterik ez (%10eko beherakada baino gutxiago). Baina kontuan
izan behar da krisia urte horretako urriaren 24ko (edo 29ko) New Yorkeko burtsaren krakarekin hasi zela, eta
urte horretako abuztura arte Estatu Batuetako industria-ekoizpenak hazten jarraitu zuela. Beste era batera
esanda, munduko merkataritzak 1929ko azken bi hilabete horietan izan zuen beherakada hurrengo bi
urteetakoaren antzekoa izan zen. Horietan, 1930ean eta 1931n, erorketak 900 eta 633 milioi dolarrekoak izan
ziren. 1932an beherakada apaldu egin zen, 214 milioi dolarrekoa baino ez baitzen izan: alde batetik, aurreko
erorikoa zela eta, ez zegoen askoz gehiago murrizterik. Gainera, 1933ko lehen hilabete horiek seriearen minimoa
markatzen dute (nahiz eta hori ezin den jaso ematen den informazioarekin).
5.- Ondorioa
Iruzkinean nabarmendutako alderdien arabera desberdinak izango dira, baina honako hauek azpimarra daitezke:
• Lehen Mundu Gerraren epe luzeko ondorioak.
• Librekanbio garaiaren behin betiko amaiera eta bere sinboloa den urrezko patroiaren porrota.
• Krisiaren ondorio politikoak: nazionalismoaren gorakada eta politika populistak (nazismoa).