CHUKARU QUCHA

(Willakuq)
Huk kutish, huk hallqa

markachaw, ishkay ullqu

wamrakuna uusha mitsik

aywayaanaq. Uushakunata

mitsiyanqanchawnash, huk tsuya

quchaman chayaanaq. Tsaychawnash pukllar, chakinkunata awikur kayaanaq.

Tsaynaw kaykaayaptinnash, yaku rurinpita huk turmanyay yarqaramunaq. Tsaynash

wamrakunaqa mantsakashqa, llankillankunatapis haqirir aywakuyaanaq.

Tsaypita unay shuyarirnash, upaallayllapa llankinkuna aylluq kutiyaanaq, hina

llankinkunatapis tariyaanaqtsu. Tsaynash, mantsakashqa, kala chakillana

uushankunata qatikurkur wayinkunata kutikuyaanaq.

Tsaytanash, wayinkunaman chaarirna mamankunata willayaanaq. Paynash

mantsaqashqa ninaq: ¡Hisus Marya! Tsayqa chukaru quchachi kashqa, ima

manaraq ñuqtakurkuyaashurqunkipis. ¡Amana kananpitaqa tsaypa aywayaytsu!

Tsaypita patsash, runakuna tsaypa pasayaptinqa, turmanyay qucha hananpa

sharkun. Tsayshi, pipis maypis tsay chukaru qucha hiruruqninpa pasayta

mantsayan.